ವ್ಯಂಗ್ಯಕ್ಕೆ ಪತ್ನಿಯೇ ಏಕೆ ಗುರಿ?

ಈ ಉದಾಹರಣೆಗಳನ್ನು ಗಮನಿಸಿ ಮನೆಯ ಚಿತ್ರ: ಹೊರಗಿನ ಕುರ್ಚಿಯಲ್ಲಿ ಪತ್ನಿ ಪತ್ರಿಕೆ ಓದ್ತಿದ್ದಾಳೆ. ಒಳಗೆ ರುಬ್ಬುವ ಕಲ್ಲಿನೆದುರು ಕುಳಿತ ಗಂಡ ರುಬ್ಬುತ್ತಿದ್ದಾನೆ. ಇದು ಮಾತೇ ಅಗತ್ಯವಿಲ್ಲದ ವ್ಯಂಗ್ಯಚಿತ್ರ. ಮತ್ತು ಇಂಥಹುದೇ ಅರ್ಥದ ಹಲವಾರು ವ್ಯಂಗ್ಯಗಳು ಧಾರಾಳವಾಗಿರ್ತವೆ. ಪತ್ನಿ ಪತ್ರಿಕೆ, ಟಿ.ವಿ. ಎದುರಿಗೆ ಕುಳಿತರೆ ಅದರಲ್ಲಿ ವ್ಯಂಗ್ಯ ಏನಿದೆ? ಹೋಗಲಿ.

ಪತಿಯಾದವನು ರುಬ್ಬುವುದು ಅಸಹಜವೇ ಏಕೆ? ಬದಲಾಗಿ ಪತಿ ಕಾಲುಚಾಚಿ ಆರಾಮವಾಗಿರುವುದು, ಪತ್ನಿ ಅಡಿಗೆ ಮಾಡುವುದು ಸಹಜ ಚಿತ್ರಣವೆಂದೇಕೆ ಭಾವಿಸಬೇಕು. ಸಂಸಾರದಲ್ಲಿ ಸಹಕಾರ ಮುಖ್ಯ. ಯಾರು ಏನು ಮಾಡಿದರು ಎಂಬುದಲ್ಲ.

ಮತ್ತೊಂದು ಸವಕಲಾದ ಚಿತ್ರಣ: ಸಿಟ್ಟಿನಿಂದ ಹಲ್ಲುಮುಡಿ ಕಚ್ಚಿ ಹುಬ್ಬುಗಂಟಿಕ್ಕಿ ಕೈಲಿ ಲಟ್ಟಣಿಗೆ ಹಿಡಿದು ನಿಂತ ಪತ್ನಿ. ಮೂಲೆಯಲ್ಲಿ ಪೆಚ್ಚುಮೋರೆ ಹಾಕಿ ನಿಂತ ಪತಿಯ ನೆತ್ತಿಯಲ್ಲಿ ಬುಗುಟೆ ಬಂದು ಉಬ್ಬಿದ ಗುರುತು ನೋಡಿ ನೋಡಿ ಹಳಸಲಾದರೂ ಈ ಚಿತ್ರಗಳು ಜನಪ್ರಿಯ ವ್ಯಂಗ್ಯಚಿತ್ರಗಳು. ಪತ್ನಿ ಲಟ್ಟಣಿಗೆಯಿಂದ ಹೊಡೆದರೆ ಗಂಡನ ತಲೆ ಉಳಿದೀತೇ? ಇದು ವ್ಯಂಗ್ಯಚಿತ್ರ. ಹಾಗಿದ್ದರೆ ಅನೇಕ ಸಂದರ್ಭ, ಸನ್ನಿವೇಶಗಳಲ್ಲಿ ಪತಿ ಪತ್ನಿಗೆ ಶಾರೀರಿಕ ದೌರ್ಜನ್ಯವೆಸಗುವುದು ಉಂಟು. ಕುಡಿದು ಬಂದ ಪತಿ ಹೆಂಡತಿಯ ಬೆನ್ನು ಮೂಳೆ ಮುರಿಯುವುದು ಇದೆಲ್ಲ ಸಹಜವೇ?

ವಧು ಪರೀಕ್ಷೆಯ ಸಂದರ್ಭ: ಹೆಣ್ಣಿನ ಅಪ್ಪ ಅಳಿಯನಾಗುವವನಲ್ಲಿ `ಅಡುಗೆ ಬರುತ್ತದಾ?~ ಎಂದು ವಿಚಾರಿಸುವುದು. ಇಲ್ಲಿ ತಾನೇ ಅಡಿಗೆ ಮಾಡ್ತೇನೆಎಂಬ ವಿವರ ಬೇರೆ.

ಬಟ್ಟೆ ಒಗೆದು ಸೀರೆ ಒಣಹಾಕುವ ಪತಿ; ಸ್ನೇಹಿತೆಯೊಂದಿಗೆ ಹರಟೆ ಹೊಡೆಯುವ ಪತ್ನಿ. ಲಘು ಹಾಸ್ಯ ಎನ್ನಬಹುದೆ? ಇದೆಲ್ಲ ಲಘು ಹಾಸ್ಯ ಎನ್ನಬಹುದು ಇದನ್ನು ಎಂಜಾಯ್ ಮಾಡುವವರು. ಆದರೆ ಪತ್ನಿಯೇ ಒಗೆತ, ಅಡುಗೆ, ಕೆಲಸ (ಮನೆ) ಮಾಡಬೇಕಾದ್ದು; ಪತಿಯಾದವನು ಹಾಯಾಗಿ ಕುಳಿತುಕೊಂಡಿರಬೇಕಾದವನು ಎಂಬ ಚಿತ್ರಣ, ಸಂದೇಶವನ್ನು ಇಂಥ ವ್ಯಂಗ್ಯ ಚಿತ್ರಗಳು ಕೊಡುವುದಿಲ್ಲವೇ?

ಇನ್ನು ನಗೆಹನಿಗಳಾದರೂ ಅಷ್ಟೇ. ಸಲೀಸಾಗಿ ಇವರಿಗೆ ಸಿಗುವುದು ಹೆಂಗಸರೇ.

* ಆಭರಣ, ಸೀರೆ ಅಂಗಡಿ ಎದುರಾಗುವಾಗ ಅದನ್ನು ಕಾಣದಂತೆ ಅಡ್ಡಲಾಗಿ ನಿಂತುಕೊಳ್ಳುವ ಪತಿ,

* ಪತ್ನಿ ಕಳೆದು ಹೋಗಿದ್ದಾಗಿನ ಸಂದರ್ಭ, ಜಾಹೀರಾತು ಕೊಡುವ ಪತಿ ಪತ್ನಿಯ ವಿವರಕ್ಕೆ ಬದಲು ಸುಂದರ ಕನ್ಯೆಯ ಚಿತ್ರಣ (ವಿವರ) ನೀಡುವುದು.

* ಪತ್ನಿಯ ತಾಯಿ ಅತಿಥಿಯಾಗಿ ಮನೆಗೆ ಬರುತ್ತಾರೆಂಬ ವಿಷಯ ಕೇಳಿ ಮೂರ್ಛೆ ಹೋಗುವ ಪತಿ.

* ಪತಿಯ ಸಾವಿಗೆ ಪತ್ರಿಕೆಯಲ್ಲಿ ಶ್ರದ್ಧಾಂಜಲಿ ಹಾಕಿಸಿದ ಪತ್ನಿ ಕೊನೆಗೆ ತನ್ನ ಹೆಸರು, ಸಂಬಂಧದೊಂದಿಗೆ ವಯಸ್ಸು, ಎತ್ತರ, 36/24/36, ಕೆಂಪು ಬಣ್ಣ. ಮಕ್ಕಳಿಲ್ಲ ಅಂತ ಹಾಕಿಸ್ಕೊಳ್ಳುವುದು.

* ಅಪ್ಪ ನೀನಿಲ್ಲದಾಗ ಕೆಲಸದವಳಿಗೆ ಮುತ್ತು ಕೊಡುತ್ತಾನೆಂದು ಮಗ ಅಮ್ಮನಿಗೆ ಹೇಳುವುದು.

ಹಾಸ್ಯ ಬೇಕು. ಅದು ಲಘುಹಾಸ್ಯವಾಗಿರಬೇಕು. ಆದರೆ ನಾ ಕಂಡಂತೆ ಹೆಚ್ಚಿನ ವ್ಯಂಗ್ಯಚಿತ್ರಗಳು, ಹಾಸ್ಯಚಟಾಕಿಗಳಿಗೆ ಆಹಾರವಾಗುವುದು ಪತ್ನಿ. ಆಕೆಯ ಬಗ್ಗೆ ತಾತ್ಸರದ ವರ್ತನೆ. ಇದು ಹಾಸ್ಯ! ಅದೇ ಪತ್ನಿ ಗಂಡನ ಬಗ್ಗೆ ತಾತ್ಸರ ಮಾಡಿದರೆ, ಕೆಲಸದವರಿಗೆ ಮುತ್ತಿಡುವಂತೆ ಹಾಸ್ಯ ಇದ್ರೆ ಅಲ್ಲಿ ಹಾಸ್ಯ ವಿಕೋಪಕ್ಕೇ ಹೋಗಬಹುದು. ಇಷ್ಟಕ್ಕೂ ಹಾಸ್ಯ, ವ್ಯಂಗ್ಯಚಿತ್ರವಲ್ಲವೇ ಅದು. ಅದಕ್ಕೇಕೆ ಇಷ್ಟೆಲ್ಲ ಅಸಮಾಧಾನ ಎನ್ನುತ್ತೀರಾ? ಒಪ್ಪಿಕೊಳ್ಳಬಹುದು. ಆದರೆ ಪತ್ನಿಯಂತೇ ಅದಕ್ಕೆಲ್ಲ ಪತಿಯೂ ಆಹಾರವಾಗುವಂತಿದ್ದರೇ ಸರಿ. ತಕ್ಕಡಿ ಒಂದೇ ಬದಿಗೆ ಹೆಚ್ಚು ಭಾರ ಬೀಳಬಾರದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವ್ಯಂಗ್ಯಕ್ಕೆ ಪತ್ನಿಯೇ ಏಕೆ ಗುರಿ?

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಒಂದೇ ಓವರ್‌ನಲ್ಲಿ 2 ವಿಕೆಟ್; ಪ್ಯಾಟ್ ಕಮಿನ್ಸ್‌ ಸಲಹೆ ಸ್ಮರಿಸಿದ ನಿತೀಶ್

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು