ಅಫ್ಘಾನಿಸ್ತಾನ: ಪೋಲಿಯೊ ತಂಡದ ಮೇಲೆ ದಾಳಿ, ನಾಲ್ವರು ಸಾವು

ಪೋಲಿಯೊ ಲಸಿಕಾ ತಂಡಗಳಲ್ಲಿದ್ದ ಇತರ ಮೂವರು ಸದಸ್ಯರು ಗಾಯಗೊಂಡಿದ್ದಾರೆ ಎಂದು ಪೋಲಿಯೊ ಅಭಿಯಾನದ ಸಂಘಟಕ ಡಾ.ಜಾನ್ ಮೊಹಮ್ಮದ್ ಹೇಳಿದ್ದಾರೆ.

ಇದುವರೆಗೆ ಯಾವ ಉಗ್ರ ಸಂಘಟನೆಯೂ ದಾಳಿಯ ಹೊಣೆ ಹೊತ್ತುಕೊಂಡಿಲ್ಲ.

ಅಫ್ಘಾನಿಸ್ತಾನದಲ್ಲಿ ಪೋಲಿಯೊ ಲಸಿಕಾ ಕೇಂದ್ರಗಳು ಮತ್ತು ಆರೋಗ್ಯ ಕಾರ್ಯಕರ್ತರನ್ನು ಗುರಿಯಾಗಿಸಿಕೊಂಡು ಈಚೆಗೆ ನಿರಂತರ ದಾಳಿಗಳು ನಡೆಯುತ್ತಿವೆ. ಪೋಲಿಯೊ ಲಸಿಕೆಯ ಮೂಲಕ ಮಕ್ಕಳ ದೇಹದೊಳಗೆ ಕ್ರಿಮಿನಾಶಕ ಸೇರಿಸಲಾಗುತ್ತದೆ ಎಂದೂ, ಪೋಲಿಯೊ ಮೂಲಕ ಪಾಶ್ಚಿಮಾತ್ಯ ರಾಷ್ಟ್ರಗಳು ಗುಪ್ತಚರ ಮಾಹಿತಿ ಸಂಗ್ರಹಿಸುವ ಪಿತೂರಿ ಕೈಗೊಂಡಿವೆ ಎಂದೂ ಉಗ್ರ ಸಂಘಟನೆಗಳು ಭಾವಿಸಿವೆ.

ಮಾರ್ಚ್ ತಿಂಗಳಲ್ಲಿ ಪೋಲಿಯೊ ಲಸಿಕಾ ತಂಡದ ಮೇಲೆ ಇಸ್ಲಾಮಿಕ್ ಸ್ಟೇಟ್ಸ್ ಉಗ್ರರ ತಂಡ ನಡೆಸಿದ ದಾಳಿಯಲ್ಲಿ ಮೂವರು ಮಹಿಳಾ ಸಿಬ್ಬಂದಿ ಮೃತಪಟ್ಟಿದ್ದರು.