ಮಂಗಳವಾರ, 19 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಬೆದರಿಕೆ ಆರೋಪ: ನ್ಯಾಟೊ ನಾಯಕರ ವಿರುದ್ಧ ಚೀನಾ ಕಿಡಿ

‘ಚೀನಾದ ಅಭಿವೃದ್ಧಿಗಳನ್ನು ತರ್ಕ ಬದ್ಧವಾಗಿ ನೋಡಬೇಕು’
Last Updated 15 ಜೂನ್ 2021, 8:43 IST
ಅಕ್ಷರ ಗಾತ್ರ

ಬೀಜಿಂಗ್‌: ‘ನ್ಯಾಟೊ ಮೈತ್ರಿಕೂಟವು ಚೀನಾದ ನೀತಿಗಳಿಂದ ಬೆದರಿಕೆ ಇದೆ ಎಂದು ವೈಭವೀಕರಿಸಿ ಹೇಳುತ್ತಿದೆ. ಈ ಮೂಲಕ ಸಂಘರ್ಷಕ್ಕಿಳಿಯುಲು ಪ್ರಯತ್ನಿಸುತ್ತಿದೆ’ ಎಂದು ಚೀನಾ ಮಂಗಳವಾರ ದೂರಿದೆ.

‘ಚೀನಾದ ನೀತಿಗಳಿಂದ ಸೃಷ್ಟಿಯಾಗಿರುವ ಬೆದರಿಕೆಗಳನ್ನು ಒಟ್ಟಾಗಿ ಎದುರಿಸುತ್ತೇವೆ. ಚೀನಾವುಪರಮಾಣು ಶಸ್ತ್ರಾಗಾರ ನಿರ್ಮಿಸುತ್ತಿದೆ. ಬಾಹ್ಯಾಕಾಶ ಮತ್ತು ಸೈಬರ್‌ ಯುದ್ಧ ಸಾಮರ್ಥ್ಯವನ್ನು ಹೆಚ್ಚಿಸುತ್ತಿದೆ. ಇದು ಅಂತರರಾಷ್ಟ್ರೀಯ ಸಮುದಾಯಕ್ಕೆ ಬೆದರಿಕೆ ಸೃಷ್ಟಿಸಿದೆ’ ಎಂದು ಸೋಮವಾರ ನ್ಯಾಟೊ ನಾಯಕರು ಹೇಳಿದ್ದರು.

ಇದಕ್ಕೆ ಆಕ್ಷೇ‍ಪ ವ್ತಕ್ತಪಡಿಸಿರುವ ಚೀನಾ, ‘ದೇಶದ ಅಭಿವೃದ್ಧಿಯನ್ನು ತರ್ಕ ಬದ್ಧವಾಗಿ ನೋಡಬೇಕು. ಅದನ್ನು ಚೀನಾದ ಬೆದರಿಕೆ ನೀತಿಗಳು ಎಂದು ಉತ್ಪ್ರೇಕ್ಷಿಸುವುದನ್ನು ನಿಲ್ಲಿಸಿ. ರಾಜಕೀಯ ಹಗೆ ಮತ್ತು ಸಂಘರ್ಷ ಸೃಷ್ಟಿಸಲು ಚೀನಾದ ನ್ಯಾಯಸಮ್ಮತ ಹಿತಾಸಕ್ತಿ ಮತ್ತು ಹಕ್ಕುಗಳನ್ನು ಬಳಸಬೇಡಿ’ ಎಂದಿದೆ.

‘ಚೀನಾದ ಶಾಂತಿಯುತ ಅಭಿವೃದ್ಧಿಯನ್ನು ಹಾಳುಗೆಡವಲು ಪ್ರಯತ್ನಿಸಬೇಡಿ. ಅಂತರರಾಷ್ಟ್ರೀಯ ಪರಿಸ್ಥಿತಿಯನ್ನು ತಪ್ಪಾಗಿ ಅರ್ಥೈಸಿಕೊಳ್ಳಬೇಡಿ. ಇದು ಶೀತಲ ಸಮರದ ಮುಂದುವರಿಕೆಯಂತೆ ಭಾಸವಾಗುತ್ತಿದೆ’ ಎಂದು ಚೀನಾ ಹೇಳಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT