<p><strong>ವಾಷಿಂಗ್ಟನ್: </strong>ಕೋವಿಡ್–19 ತಂದ ಸಂಕಷ್ಟದಿಂದಾಗಿ 15 ಕೋಟಿ ಮಂದಿ ಅತ್ಯಂತ ಕಡುಬಡತನಕ್ಕೆ ಸಿಲುಕಲಿದ್ದಾರೆ ಎಂದು ವಿಶ್ವ ಬ್ಯಾಂಕ್ ಬುಧವಾರ ಎಚ್ಚರಿಕೆ ನೀಡಿದೆ.</p>.<p>ಹೀಗಾಗಿ, ‘ವಿಭಿನ್ನ ಆರ್ಥಿಕತೆ’ಗೆ ಎಲ್ಲ ರಾಷ್ಟ್ರಗಳು ತೆರೆದುಕೊಳ್ಳಬೇಕು. ಬಂಡವಾಳ, ಕೌಶಲ ಮತ್ತು ಆವಿಷ್ಕಾರಗಳಿಗೆ ಉದ್ಯಮ ವಲಯವು ಅವಕಾಶಗಳನ್ನು ಕಲ್ಪಿಸಬೇಕು ಎಂದು ತಿಳಿಸಿದೆ.</p>.<p>ಕೋವಿಡ್–19 ಸಾಂಕ್ರಾಮಿಕ ಕಾಯಿಲೆಯಿಂದಾಗಿ ಈ ವರ್ಷವೇ 8.8 ಕೋಟಿಯಿಂದ 11.5 ಕೋಟಿ ಮಂದಿ ಬಡತನಕ್ಕೆ ಸಿಲುಕಲಿದ್ದಾರೆ ಎಂದು ವಿಶ್ವಬ್ಯಾಂಕ್ನ ಬಡತನ ಮತ್ತು ಪ್ರಗತಿ ಕುರಿತ ವರದಿ ವಿವರಿಸಿದೆ.</p>.<p>ಕೋವಿಡ್ ಸಾಂಕ್ರಾಮಿಕ ಕಾಯಿಲೆ ಮತ್ತು ಜಾಗತಿಕ ಆರ್ಥಿಕ ಹಿಂಜರಿತದಿಂದಾಗಿ ಜಗತ್ತಿನ ಒಟ್ಟು ಜನಸಂಖ್ಯೆಯ ಶೇಕಡ 1.4 ಮಂದಿ ಅತ್ಯಂತ ಕಡುಬಡತನಕ್ಕೆ ಸಿಲುಕಲಿದ್ದಾರೆ ಎಂದು ಉಲ್ಲೇಖಿಸಲಾಗಿದೆ.</p>.<p>ಅತಿ ಹೆಚ್ಚು ಬಡವರು ಇರುವ ದೇಶಗಳಲ್ಲೇ ಮತ್ತಷ್ಟು ಬಡವರ ಸಂಖ್ಯೆ ಹೆಚ್ಚಳವಾಗುವ ಸಾಧ್ಯತೆ ಇದೆ. ಕಡುಬಡತನಕ್ಕೆ ಸಿಲುಕವವರಲ್ಲಿ ಶೇಕಡ 82ರಷ್ಟು ಮಂದಿ ಮಧ್ಯಮ ವರ್ಗದವರು ಎಂದು ವಿಶ್ವ ಬ್ಯಾಂಕ್ ವರದಿ ಅಂದಾಜಿಸಿದೆ.</p>.<p>2030ಕ್ಕೆ ಬಡತನ ನಿರ್ಮೂಲನೆ ಮಾಡುವ ಉದ್ದೇಶಕ್ಕೆ ಕೋವಿಡ್–19, ಹವಾಮಾನ ಬದಲಾವಣೆ ತಡೆಯೊಡ್ಡಿವೆ. 2030ಕ್ಕೆ ಜಾಗತಿಕ ಬಡತನ ಪ್ರಮಾಣ ದರ ಶೇಕಡ 7ರಷ್ಟು ಇರಲಿದೆ ಎಂದು ಉಲ್ಲೇಖಿಸಲಾಗಿದೆ.</p>.<p>ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ಭಾರತದ ಕುರಿತು ಇತ್ತೀಚಿನ ಮಾಹಿತಿ ದೊರೆತಿಲ್ಲ. ಹೀಗಾಗಿ, ಜಾಗತಿಕ ಬಡತನದ ಬಗ್ಗೆ ಸಮಗ್ರವಾಗಿ ವರದಿ ಸಿದ್ಧಪಡಿಸಲು ಸಾಧ್ಯವಾಗಿಲ್ಲ ಎಂದು ವರದಿಯಲ್ಲಿ ಪ್ರಸ್ತಾಪಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್: </strong>ಕೋವಿಡ್–19 ತಂದ ಸಂಕಷ್ಟದಿಂದಾಗಿ 15 ಕೋಟಿ ಮಂದಿ ಅತ್ಯಂತ ಕಡುಬಡತನಕ್ಕೆ ಸಿಲುಕಲಿದ್ದಾರೆ ಎಂದು ವಿಶ್ವ ಬ್ಯಾಂಕ್ ಬುಧವಾರ ಎಚ್ಚರಿಕೆ ನೀಡಿದೆ.</p>.<p>ಹೀಗಾಗಿ, ‘ವಿಭಿನ್ನ ಆರ್ಥಿಕತೆ’ಗೆ ಎಲ್ಲ ರಾಷ್ಟ್ರಗಳು ತೆರೆದುಕೊಳ್ಳಬೇಕು. ಬಂಡವಾಳ, ಕೌಶಲ ಮತ್ತು ಆವಿಷ್ಕಾರಗಳಿಗೆ ಉದ್ಯಮ ವಲಯವು ಅವಕಾಶಗಳನ್ನು ಕಲ್ಪಿಸಬೇಕು ಎಂದು ತಿಳಿಸಿದೆ.</p>.<p>ಕೋವಿಡ್–19 ಸಾಂಕ್ರಾಮಿಕ ಕಾಯಿಲೆಯಿಂದಾಗಿ ಈ ವರ್ಷವೇ 8.8 ಕೋಟಿಯಿಂದ 11.5 ಕೋಟಿ ಮಂದಿ ಬಡತನಕ್ಕೆ ಸಿಲುಕಲಿದ್ದಾರೆ ಎಂದು ವಿಶ್ವಬ್ಯಾಂಕ್ನ ಬಡತನ ಮತ್ತು ಪ್ರಗತಿ ಕುರಿತ ವರದಿ ವಿವರಿಸಿದೆ.</p>.<p>ಕೋವಿಡ್ ಸಾಂಕ್ರಾಮಿಕ ಕಾಯಿಲೆ ಮತ್ತು ಜಾಗತಿಕ ಆರ್ಥಿಕ ಹಿಂಜರಿತದಿಂದಾಗಿ ಜಗತ್ತಿನ ಒಟ್ಟು ಜನಸಂಖ್ಯೆಯ ಶೇಕಡ 1.4 ಮಂದಿ ಅತ್ಯಂತ ಕಡುಬಡತನಕ್ಕೆ ಸಿಲುಕಲಿದ್ದಾರೆ ಎಂದು ಉಲ್ಲೇಖಿಸಲಾಗಿದೆ.</p>.<p>ಅತಿ ಹೆಚ್ಚು ಬಡವರು ಇರುವ ದೇಶಗಳಲ್ಲೇ ಮತ್ತಷ್ಟು ಬಡವರ ಸಂಖ್ಯೆ ಹೆಚ್ಚಳವಾಗುವ ಸಾಧ್ಯತೆ ಇದೆ. ಕಡುಬಡತನಕ್ಕೆ ಸಿಲುಕವವರಲ್ಲಿ ಶೇಕಡ 82ರಷ್ಟು ಮಂದಿ ಮಧ್ಯಮ ವರ್ಗದವರು ಎಂದು ವಿಶ್ವ ಬ್ಯಾಂಕ್ ವರದಿ ಅಂದಾಜಿಸಿದೆ.</p>.<p>2030ಕ್ಕೆ ಬಡತನ ನಿರ್ಮೂಲನೆ ಮಾಡುವ ಉದ್ದೇಶಕ್ಕೆ ಕೋವಿಡ್–19, ಹವಾಮಾನ ಬದಲಾವಣೆ ತಡೆಯೊಡ್ಡಿವೆ. 2030ಕ್ಕೆ ಜಾಗತಿಕ ಬಡತನ ಪ್ರಮಾಣ ದರ ಶೇಕಡ 7ರಷ್ಟು ಇರಲಿದೆ ಎಂದು ಉಲ್ಲೇಖಿಸಲಾಗಿದೆ.</p>.<p>ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ಭಾರತದ ಕುರಿತು ಇತ್ತೀಚಿನ ಮಾಹಿತಿ ದೊರೆತಿಲ್ಲ. ಹೀಗಾಗಿ, ಜಾಗತಿಕ ಬಡತನದ ಬಗ್ಗೆ ಸಮಗ್ರವಾಗಿ ವರದಿ ಸಿದ್ಧಪಡಿಸಲು ಸಾಧ್ಯವಾಗಿಲ್ಲ ಎಂದು ವರದಿಯಲ್ಲಿ ಪ್ರಸ್ತಾಪಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>