ಕೋವಿಡ್ ಮುನ್ನಾ ವರ್ಷವಾದ 2019ರಲ್ಲಿ ದೇಶದಲ್ಲಿ 1.35 ಕೋಟಿ ಉದ್ಯೋಗ ಸೃಷ್ಟಿಯಾಗಿತ್ತು. ನಂತರ 2020ರಲ್ಲಿ 1.18 ಕೋಟಿ ಮತ್ತು 2021ರಲ್ಲಿ 1.26 ಕೋಟಿಯಷ್ಟು ಉದ್ಯೋಗಗಳು ನಗರ ಪ್ರದೇಶಗಳಲ್ಲಿ ಸೃಷ್ಟಿಯಾಗಿವೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ. ಕೋವಿಡ್ನಿಂದ ಸೇವೆ ಮತ್ತು ಉತ್ಪಾದಕ ವಲಯಕ್ಕೆ ಪೆಟ್ಟು ಬಿದ್ದಿರುವ ಸಮಯದಲ್ಲಿ, ಸರ್ಕಾರದ ನೀತಿ ನಿರೂಪಕರುಗಳು ಉದ್ಯೋಗ ಮಾರುಕಟ್ಟೆಯ ಸ್ಥಿರತೆಗೆ ಆದ್ಯತೆ ನೀಡಿರುವುದು, ಆರ್ಥಿಕತೆಯ ಸಮರ್ಥ ನಿರ್ವಹಣೆಗೆ ನೆರವಾಗಿದೆ ಎಂದೂ ಹೇಳಲಾಗಿದೆ.