ಭಾರತದ ಜೊತೆಗಿನ ತಮ್ಮ ಸಂಬಂಧದ ವಿಷಯವಾಗಿ ಮೂಗು ತೂರಿಸಬೇಡಿ: ಅಮೆರಿಕಕ್ಕೆ ಚೀನಾ

ವಾಷಿಂಗ್ಟನ್ : ಭಾರತದ ಜೊತೆಗಿನ ತಮ್ಮ ಸಂಬಂಧದ ವಿಷಯವಾಗಿ ಮೂಗು ತೂರಿಸಬೇಡಿ ಎಂದು ಚೀನಾ, ಅಮೆರಿಕಕ್ಕೆ ಎಚ್ಚರಿಸಿದೆ ಎಂದು ಪೆಂಟಗನ್ ಅಮೆರಿಕ ಕಾಂಗ್ರೆಸ್ಗೆ ಸಲ್ಲಿಸಿರುವ ವರದಿಯಲ್ಲಿ ತಿಳಿಸಿದೆ.

. ‘ಅಮೆರಿಕ ಜೊತೆ ಭಾರತ ಹೆಚ್ಚು ಆಪ್ತತೆ ಬೆಳೆಸಿಕೊಳ್ಳುವುದನ್ನು ತಪ್ಪಿಸಲು ಗಡಿ ಸಮಸ್ಯೆ ಉದ್ಭವವಾಗದಂತೆ ನೋಡಿಕೊಳ್ಳುವತ್ತ ಚೀನಾ ಗಮನ ಹರಿಸುತ್ತಿದೆ. ಪಿಆರ್ಸಿ(ಪೀಪಲ್ಸ್ ರಿಪಬ್ಲಿಕ್ ಆಫ್ ಚೀನಾ) ಸಂಘರ್ಷದ ಗಂಭೀರತೆಯನ್ನು ತಗ್ಗಿಸಲು ಪ್ರಯತ್ನಿಸಿತು. ಪಿಆರ್ಸಿ ಅಧಿಕಾರಿಗಳು ತಮ್ಮ ಮತ್ತು ಭಾರತದ ಜೊತೆಗಿನ ಸಂಬಂಧದಲ್ಲಿ ಮೂಗು ತೂರಿಸದಂತೆ ಅಮೆರಿಕ ಅಧಿಕಾರಿಗಳಿಗೆ ಎಚ್ಚರಿಕೆ ನೀಡಿದ್ದಾರೆ’ ಎಂದು ಪೆಂಟಗನ್ ವರದಿಯಲ್ಲಿ ತಿಳಿಸಿದೆ.

. 2021ರಲ್ಲಿ ಚೀನಾ-ಭಾರತದ ಗಡಿಯ ಉದ್ದಕ್ಕೂ ಪಿಎಲ್ಎ ಪಡೆಗಳ ನಿಯೋಜನೆ ಇತ್ತು. ಎಲ್ಎಸಿ ಉದ್ದಕ್ಕೂ ಮೂಲಸೌಕರ್ಯಗಳನ್ನು ನಿರ್ಮಿಸುವ ಕಾರ್ಯ ಮುಂದುವರೆಸಿದೆ. ಗಡಿಯಲ್ಲಿ ತಮಗೆ ಆಗುವ ಅನುಕೂಲಗಳನ್ನು ಕಳೆದುಕೊಳ್ಳುವುದನ್ನು ಎರಡೂ ಕಡೆಯವರು ವಿರೋಧಿಸಿದ್ದರಿಂದ ಮಾತುಕತೆಯು ಕನಿಷ್ಠ ಪ್ರಗತಿಯನ್ನು ಸಾಧಿಸಿದೆ ಎಂದು ಅದು ಹೇಳಿದೆ.

. ಮೇ 2020ರಿಂದ ಆರಂಭಗೊಂಡು, ಎಲ್ಎಸಿ ಉದ್ದಕ್ಕೂ ಅನೇಕ ಸ್ಥಳಗಳಲ್ಲಿ ಕಲ್ಲುಗಳು, ಲಾಠಿಗಳನ್ನು ಹಿಡಿದು ಚೀನಾ ಮತ್ತು ಭಾರತೀಯ ಪಡೆಗಳು ಘರ್ಷಣೆಯಲ್ಲಿ ಭಾಗಿಯಾದವು. ಇದರ ಪರಿಣಾಮ, ಗಡಿಯ ಎರಡೂ ಬದಿಗಳಲ್ಲಿ ಸೇನೆಯ ನಿಯೋಜನೆಗೆ ಪ್ರಚೋದಿಸಿತು ಎಂದು ಪೆಂಟಗನ್ ವರದಿಯಲ್ಲಿ ತಿಳಿಸಲಾಗಿದೆ.

. ‘ಎರಡೂ ದೇಶಗಳು ಸೇನಾಪಡೆ ಹಿಂತೆಗೆದುಕೊಳ್ಳುವಂತೆ ಪರಸ್ಪರ ವಾದಕ್ಕೆ ಇಳಿದವು. ಬಳಿಕ ಮತ್ತದೇ ಪರಿಸ್ಥಿತಿ ಮುಂದುವರಿದಿತ್ತು. ಚೀನಾ ಅಥವಾ ಭಾರತ ಯಾವ ದೇಶವೂ ಷರತ್ತುಗಳಿಗೆ ಸೊಪ್ಪು ಹಾಕಲಿಲ್ಲ ಎಂದು ತಿಳಿಸಲಾಗಿದೆ.

. ‘ಭಾರತದ ಕಡೆಯಿಂದ ಮೂಲಸೌಕರ್ಯ ಅಭಿವೃದ್ಧಿಯನ್ನು ಟೀಕಿಸಿದ ಚೀನಾ, ಭಾರತವು ಪಿಆರ್ಸಿ ಪ್ರದೇಶವನ್ನು ಆಕ್ರಮಿಸಿದೆ ಎಂದು ಆರೋಪಿಸಿತ್ತು. ಇದೇವೇಳೆ, ಚೀನಾ ಆಕ್ರಮಣಕಾರಿಯಾಗಿ ತಮ್ಮ ಪ್ರದೇಶಕ್ಕೆ ಅತಿಕ್ರಮಿಸುತ್ತಿದೆ’ ಎಂದು ಭಾರತವು ಆರೋಪಿಸಿದೆ ಎಂದು ಅದು ಹೇಳಿದೆ.

. 2020ರ ಸಂಘರ್ಷದ ನಂತರ ಚೀನಾ, ನಿರಂತರವಾಗಿ ಸೇನೆ ನಿಯೋಜನೆ ಮತ್ತು ಮೂಲಸೌಕರ್ಯ ಅಭಿವೃದ್ಧಿಗೆ ಒತ್ತು ನೀಡುತ್ತಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಭಾರತದ ಜೊತೆಗಿನ ತಮ್ಮ ಸಂಬಂಧದ ವಿಷಯವಾಗಿ ಮೂಗು ತೂರಿಸಬೇಡಿ: ಅಮೆರಿಕಕ್ಕೆ ಚೀನಾ

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ಚಿನಕುರುಳಿ | ಸೋಮವಾರ, 14 ಜುಲೈ 2025

WI vs AUS: ಸ್ಟಾರ್ಕ್ ಬಿರುಗಾಳಿಗೆ ವಿಂಡೀಸ್ ಧೂಳಿಪಟ; 27 ರನ್ನಿಗೆ ಆಲೌಟ್

ಐಸಿಸಿ ರ್‍ಯಾಂಕಿಂಗ್‌: ಅಗ್ರ ಹತ್ತರಲ್ಲಿ ಶಫಾಲಿ ವರ್ಮಾ

ಈಕ್ವೆಸ್ಟ್ರಿಯನ್: ಶುಭ್ ಚೌಧರಿಗೆ ಮೂರು ಪದಕ

ಇಂಗ್ಲೆಂಡ್‌ ತಂಡಕ್ಕೆ ಮರಳಿದ ಎಡಗೈ ಸ್ಪಿನ್ನರ್‌ ಲಿಯಾಮ್‌ ಡಾಸನ್‌

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ಚಿನಕುರುಳಿ | ಸೋಮವಾರ, 14 ಜುಲೈ 2025