ಶೇಕಡ 6.8ರಷ್ಟು ರಕ್ಷಣಾ ಬಜೆಟ್ ಹೆಚ್ಚಿಸಿದ ಚೀನಾ
ಅಕ್ಷರ ಗಾತ್ರ :ಆ |ಆ |ಆ
ಬೀಜಿಂಗ್‌: ಈ ಬಾರಿಯ ಬಜೆಟ್‌ನಲ್ಲಿ ರಕ್ಷಣಾ ಇಲಾಖೆಗೆ ಆದ್ಯತೆ ನೀಡಿರುವ ಚೀನಾ, ಶೇಕಡ 6.8ರಷ್ಟು ಮೊತ್ತವನ್ನು ಹೆಚ್ಚಿಸಿದೆ.
2021ರ ಬಜೆಟ್‌ನಲ್ಲಿ 20900 ಕೋಟಿ ಡಾಲರ್‌ನಷ್ಟು (₹1523504.45 ಕೋಟಿ ರೂಪಾಯಿ) ಅನುದಾನ ನಿಗದಿಪಡಿಸಿದೆ. ದೇಶದ ಸಂಸತ್‌ನಲ್ಲಿ ಚೀನಾ ಪ್ರಧಾನಿ ಲಿ ಕೆಖಿಯಾಂಗ್‌ ಮಂಡಿಸಿದ ಬಜೆಟ್‌ನಲ್ಲಿ ಈ ವಿಷಯ ಪ್ರಕಟಿಸಿದರು.
ಕಳೆದ ವರ್ಷ ಚೀನಾ 196.44 ಬಿಲಿಯನ್‌ ಡಾಲರ್‌ ಮೊತ್ತವನ್ನು ಬಜೆಟ್‌ನಲ್ಲಿ ನಿಗದಿಪಡಿಸಲಾಗಿತ್ತು.
ರಕ್ಷಣಾ ಇಲಾಖೆಯ ಬಜೆಟ್ ಹೆಚ್ಚಿಸಿರುವುದನ್ನು ಸಮರ್ಥಿಸಿಕೊಂಡಿರುವ ನ್ಯಾಷನಲ್‌ ಪೀಪಲ್ಸ್‌ ಕಾಂಗ್ರೆಸ್‌ (ಎನ್‌ಪಿಸಿ) ವಕ್ತಾರ ಝಾಂಗ್‌ ಯೆಸುಯಿ, ‘ರಾಷ್ಟ್ರದ ರಕ್ಷಣೆಗೆ ಸಂಬಂಧಿಸಿದ ವಿಷಯ ಇದಾಗಿದೆ. ಆದರೆ, ಯಾವುದೇ ದೇಶವನ್ನು ಗುರಿಯಾಗಿರಿಸಿಕೊಂಡು ಅಥವಾ ಬೆದರಿಕೆ ಹಾಕಲು ಅನುದಾನವನ್ನು ಹೆಚ್ಚಿಸಿಲ್ಲ’ ಎಂದು ಪ್ರತಿಪಾದಿಸಿದ್ದಾರೆ.
‘ಯಾವುದೇ ದೇಶಕ್ಕೆ ರಕ್ಷಣಾ ನೀತಿ ಮುಖ್ಯವಾಗುತ್ತದೆ. ಇನ್ನೊಂದು ದೇಶಕ್ಕೆ ಬೆದರಿಕೆವೊಡ್ಡುವುದಕ್ಕೆ ಈ ನೀತಿಯೇ ಆಧಾರವಾಗಿರುತ್ತದೆ. ಚೀನಾ ಶಾಂತಿ ಕಾಪಾಡಲು ಬದ್ಧವಾಗಿದೆ. ರಕ್ಷಿಸಿಕೊಳ್ಳುವ ಕ್ರಮಗಳನ್ನು ಹೊಂದಿರುವ ರಕ್ಷಣಾ ನೀತಿಗೆ ಚೀನಾ ಬದ್ಧವಾಗಿದೆ’ ಎಂದು ಅವರು ಹೇಳಿದರು.
ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
