<div class="field-items"><div class="field-item even"><p><strong>ಬೀಜಿಂಗ್:</strong> ಟೆಬೆಟ್ ಪ್ರಾಂತ್ಯದ ರಾಜಧಾನಿ ಲ್ಹಾಸಾದಿಂದ ಅರುಣಾಚಲ ಪ್ರದೇಶದ ಗಡಿಗೆ ಹೊಂದಿಕೊಂಡಿರುವ ನೈಂಗಿಚಿಯೊ ನಗರವನ್ನು ಸಂಪರ್ಕಿಸುವ ಸಂಪೂರ್ಣ ವಿದ್ಯುದೀಕೃತ ಬುಲೆಟ್ ರೈಲು ಶುಕ್ರವಾರದಿಂದ ಕಾರ್ಯಾರಂಭ ಮಾಡಿದೆ.</p><p>ಗಡಿ ಭಾಗದ ಸ್ಥಿರತೆಯನ್ನು ಕಾಪಾಡುವಲ್ಲಿ ಬುಲೆಟ್ ರೈಲು ಮಹತ್ವದ ಪಾತ್ರ ನಿರ್ವಹಿಸಲಿದೆ ಎಂದು ಭಾವಿಸಿರುವ ಚೀನಾ, ಆದ್ಯತೆಯ ಮೇರೆಗೆ ಈ ಯೋಜನೆಯನ್ನು ಪೂರ್ಣಗೊಳಿಸುವ ಕ್ರಮ ಕೈಗೊಂಡಿದೆ.</p><p>ಜುಲೈ 1 ರಂದು ಚೀನಾದ ಕಮ್ಯೂನಿಸ್ಟ್ ಪಾರ್ಟಿ(ಸಿಪಿಸಿ) ಶತಮಾನೋತ್ಸವ ಆಚರಣೆಗೆ ಮುನ್ನವೇ ಈ ಮಹತ್ವದ ಯೋಜನೆಯನ್ನು ಚೀನಾ ಪೂರ್ಣಗೊಳಿಸಿ ಕಾರ್ಯಾರಂಭಗೊಳ್ಳುವಂತೆ ಮಾಡಿದೆ.</p><p>ಟಿಬೆಟ್ ಪ್ರಾಂತ್ಯದಲ್ಲಿ ಮೊದಲು ಕ್ವಿಂಗ್ಹೈ-ಟಿಬೆಟ್ ರೈಲ್ವೆ ವಿಭಾಗ ಆಂಭವಾಯಿತು. ಸಿಚುವಾನ್-ಟಿಬೆಟ್ ರೈಲ್ವೆ ಎರಡನೇ ವಿಭಾಗವಾಗಿದೆ.ಸಿಚುವಾನ್ ಪ್ರಾಂತ್ಯದ ರಾಜಧಾನಿ ಚೆಂಗ್ಡುವಿನಿಂದ ಸಿಚುವಾನ್ – ಟಿಬೆಟ್ ರೈಲ್ವೆ ವಿಭಾಗ ಆರಂಭವಾಗುತ್ತದೆ. ಈ ಮಾರ್ಗ ಯಾನ್ ಮೂಲಕ ಹಾದು ಹೋಗುತ್ತದೆ. ಕ್ವಾಮ್ಡೊ ಮೂಲಕ ಟಿಬೆಟ್ ತಲುಪುತ್ತದೆ. ಇದು ಚೆಂಗ್ಡು–ಲ್ಹಾಸಾ ನಡುವಿನ ಪ್ರಯಾಣದ ಅವಧಿಯನ್ನು 48 ಗಂಟಗಳಿಂದ 13 ಗಂಟೆಗಳಿಗೆ ಕಡಿತಗೊಳಿಸುವ ಮಾರ್ಗವಾಗಿದೆ.</p><p>ಚೀನಾ, ಅರುಣಾಚಲ ಪ್ರದೇಶವನ್ನು ದಕ್ಷಿಣ ಟಿಬೆಟ್ನ ಭಾಗವೆಂದು ಹೇಳಿಕೊಂಡಿದೆ. ಇದನ್ನು ಭಾರತ ಬಲವಾಗಿ ತಿರಸ್ಕರಿಸಿದ್ದನ್ನು ಇಲ್ಲಿ ಸ್ಮರಿಸಬಹುದು. ಚೀನಾವು ಭಾರತದೊಂದಿಗೆ 3,488 ಕಿ.ಮೀ.ಗಡಿಯನ್ನು ಹಂಚಿಕೊಂಡಿದೆ.</p></div></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<div class="field-items"><div class="field-item even"><p><strong>ಬೀಜಿಂಗ್:</strong> ಟೆಬೆಟ್ ಪ್ರಾಂತ್ಯದ ರಾಜಧಾನಿ ಲ್ಹಾಸಾದಿಂದ ಅರುಣಾಚಲ ಪ್ರದೇಶದ ಗಡಿಗೆ ಹೊಂದಿಕೊಂಡಿರುವ ನೈಂಗಿಚಿಯೊ ನಗರವನ್ನು ಸಂಪರ್ಕಿಸುವ ಸಂಪೂರ್ಣ ವಿದ್ಯುದೀಕೃತ ಬುಲೆಟ್ ರೈಲು ಶುಕ್ರವಾರದಿಂದ ಕಾರ್ಯಾರಂಭ ಮಾಡಿದೆ.</p><p>ಗಡಿ ಭಾಗದ ಸ್ಥಿರತೆಯನ್ನು ಕಾಪಾಡುವಲ್ಲಿ ಬುಲೆಟ್ ರೈಲು ಮಹತ್ವದ ಪಾತ್ರ ನಿರ್ವಹಿಸಲಿದೆ ಎಂದು ಭಾವಿಸಿರುವ ಚೀನಾ, ಆದ್ಯತೆಯ ಮೇರೆಗೆ ಈ ಯೋಜನೆಯನ್ನು ಪೂರ್ಣಗೊಳಿಸುವ ಕ್ರಮ ಕೈಗೊಂಡಿದೆ.</p><p>ಜುಲೈ 1 ರಂದು ಚೀನಾದ ಕಮ್ಯೂನಿಸ್ಟ್ ಪಾರ್ಟಿ(ಸಿಪಿಸಿ) ಶತಮಾನೋತ್ಸವ ಆಚರಣೆಗೆ ಮುನ್ನವೇ ಈ ಮಹತ್ವದ ಯೋಜನೆಯನ್ನು ಚೀನಾ ಪೂರ್ಣಗೊಳಿಸಿ ಕಾರ್ಯಾರಂಭಗೊಳ್ಳುವಂತೆ ಮಾಡಿದೆ.</p><p>ಟಿಬೆಟ್ ಪ್ರಾಂತ್ಯದಲ್ಲಿ ಮೊದಲು ಕ್ವಿಂಗ್ಹೈ-ಟಿಬೆಟ್ ರೈಲ್ವೆ ವಿಭಾಗ ಆಂಭವಾಯಿತು. ಸಿಚುವಾನ್-ಟಿಬೆಟ್ ರೈಲ್ವೆ ಎರಡನೇ ವಿಭಾಗವಾಗಿದೆ.ಸಿಚುವಾನ್ ಪ್ರಾಂತ್ಯದ ರಾಜಧಾನಿ ಚೆಂಗ್ಡುವಿನಿಂದ ಸಿಚುವಾನ್ – ಟಿಬೆಟ್ ರೈಲ್ವೆ ವಿಭಾಗ ಆರಂಭವಾಗುತ್ತದೆ. ಈ ಮಾರ್ಗ ಯಾನ್ ಮೂಲಕ ಹಾದು ಹೋಗುತ್ತದೆ. ಕ್ವಾಮ್ಡೊ ಮೂಲಕ ಟಿಬೆಟ್ ತಲುಪುತ್ತದೆ. ಇದು ಚೆಂಗ್ಡು–ಲ್ಹಾಸಾ ನಡುವಿನ ಪ್ರಯಾಣದ ಅವಧಿಯನ್ನು 48 ಗಂಟಗಳಿಂದ 13 ಗಂಟೆಗಳಿಗೆ ಕಡಿತಗೊಳಿಸುವ ಮಾರ್ಗವಾಗಿದೆ.</p><p>ಚೀನಾ, ಅರುಣಾಚಲ ಪ್ರದೇಶವನ್ನು ದಕ್ಷಿಣ ಟಿಬೆಟ್ನ ಭಾಗವೆಂದು ಹೇಳಿಕೊಂಡಿದೆ. ಇದನ್ನು ಭಾರತ ಬಲವಾಗಿ ತಿರಸ್ಕರಿಸಿದ್ದನ್ನು ಇಲ್ಲಿ ಸ್ಮರಿಸಬಹುದು. ಚೀನಾವು ಭಾರತದೊಂದಿಗೆ 3,488 ಕಿ.ಮೀ.ಗಡಿಯನ್ನು ಹಂಚಿಕೊಂಡಿದೆ.</p></div></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>