ಕೊಲೊಂಬೊ: ಕೋವಿಡ್-19 ಸೋಂಕು ಪ್ರಕರಣಗಳ ಏರಿಕೆಗೆ ಕಡಿವಾಣ ಹಾಕಲು ಮುಂದಾಗಿರುವ ಶ್ರೀಲಂಕಾ ಸರ್ಕಾರ, ಮೇ ಅಂತ್ಯದ ವರೆಗೆಅಂತರರಾಷ್ಟ್ರೀಯವಿಮಾನ ಸಂಚಾರಕ್ಕೆ ನಿರ್ಬಂಧಹೇರುವುದಾಗಿ ಅಲ್ಲಿನ ನಾಗರಿಕ ವಿಮಾನಯಾನ ಸಚಿವಾಲಯ ತಿಳಿಸಿದೆ.
ಈ ಸಂಬಂಧ ಪ್ರಕಟಣೆ ಹೊರಡಿಸಿದ್ದು, ʼಶ್ರೀಲಂಕಾದಲ್ಲಿನ ಎಲ್ಲ ವಿಮಾನ ನಿಲ್ದಾಣಗಳಿಗೆ ವಿದೇಶಿ ಪ್ರಯಾಣಿಕರು ಪ್ರವೇಶಿಸುವುದನ್ನು ಮೇ21ರ ಮಧ್ಯರಾತ್ರಿಯಿಂದ31ರ ಮಧ್ಯರಾತ್ರಿಯ ವರೆಗೆನಿರ್ಬಂಧಿಸಲಾಗುವುದು. ದೇಶದಲ್ಲಿ ಕೋವಿಡ್ ನಿಯಂತ್ರಿಸುವ ಸಲುವಾಗಿ ಈ ನಿರ್ಧಾರವು ತಕ್ಷಣದಿಂದಲೇ ಜಾರಿಗೆ ಬರಲಿದೆʼ ಎಂದು ತಿಳಿಸಿದೆ.
ಈ ಅವಧಿಯಲ್ಲಿ ದೇಶದಿಂದ ಹೊರ ಹೋಗಲು ಬಯಸುವವರು ಹೋಗಲು ಅವಕಾಶವಿದೆ.ಅಂತರರಾಷ್ಟ್ರೀಯ ವಿಮಾನಗಳ ಮೂಲಕ ವಾಪಸ್‌ ಆಗುವವರಿದ್ದರೆ(ವಿಮಾನ ಆಗಮಿಸಿದ 12 ಗಂಟೆಯೊಳಗೆ ವಾಪಸ್‌ ತೆರಳಲು) ಅವಕಾಶವಿದೆ ಎಂದೂ ತಿಳಿಸಿದೆ.
ಶ್ರೀಲಂಕಾದಲ್ಲಿ ಕೋವಿಡ್ ಮೂರನೇ ಅಲೆ ಕಾಣಿಸಿಕೊಂಡಿದ್ದು, ದೇಶದಾದ್ಯಂತ ಸುಮಾರು1,51,000ಕ್ಕೂ ಹೆಚ್ಚು ಪ್ರಕರಣಗಳು ವರದಿಯಾಗಿವೆ.1,051 ಸೋಂಕಿತರು ಮೃತಪಟ್ಟಿದ್ದು, ಬುಧವಾರ ಒಂದೇದಿನ3,623 ಹೊಸ ಪ್ರಕರಣಗಳು ವರದಿಯಾಗಿವೆ.
