ಒತ್ತೆಯಾಳಾಗಿದ್ದೇನೆ, ಜೀವಕ್ಕೆ ಅಪಾಯವಿದೆ ಎಂದ ದುಬೈ ಆಡಳಿತಗಾರನ ಮಗಳು ಶೇಖಾ ಲತೀಫಾ

ಲಂಡನ್: ಫಲಾಯನ ಮಾಡಲು ವಿಫಲ ಯತ್ನದ ನಂತರ ತನ್ನನ್ನು ಸೆರೆಯಲ್ಲಿಡಲಾಗಿದೆ ಮತ್ತು ತನ್ನ ಜೀವಕ್ಕೆ ಅಪಾಯವಿದೆ ಎಂದು ದುಬೈ ಆಡಳಿತಗಾರನ ಮಗಳು ತಿಳಿಸಿರುವುದಾಗಿ ಮಂಗಳವಾರ ಪ್ರಸಾರವಾದ ದೃಶ್ಯಗಳಿಂದ ತಿಳಿದುಬಂದಿದೆ.

. ಶೇಖಾ ಲತೀಫಾ ಅವರು 2018ರ ಮಾರ್ಚ್ನಲ್ಲಿ ಎಮಿರೇಟ್ನಿಂದ ಸಮುದ್ರದ ಮೂಲಕ ತಪ್ಪಿಸಿಕೊಳ್ಳಲು ಪ್ರಯತ್ನಿಸಿದಾಗಿನಿಂದ ಸಾರ್ವಜನಿಕವಾಗಿ ಕಾಣಿಸಿಕೊಂಡಿಲ್ಲ.

. ಅಲ್ಲಿಂದ ಆಕೆಯನ್ನು ಸೆರೆಹಿಡಿದು ದುಬೈಗೆ ಹಿಂತಿರುಗಿದ ಸುಮಾರು ಒಂದು ವರ್ಷದ ನಂತರ ಬಿಬಿಸಿಯಲ್ಲಿ ಪ್ರಸಾರವಾದ ದೃಶ್ಯಗಳಲ್ಲಿ ಆಕೇ ಸ್ನಾನಗೃಹ ಎಂದು ಹೇಳುವ ಒಂದು ಮೂಲೆಯಲ್ಲಿ ಇರುವುದನ್ನು ತೋರಿಸಲಾಗಿದೆ.

. ವಿಡಿಯೊದಲ್ಲಿ, 'ನಾನು ಒತ್ತೆಯಾಳಾಗಿದ್ದೇನೆ ಮತ್ತು ಈ ವಿಲ್ಲಾವನ್ನು ಜೈಲಾಗಿ ಪರಿವರ್ತಿಸಲಾಗಿದೆ. ಮನೆಯೊಳಗೆ ಐದು ಪೊಲೀಸರು ಮತ್ತು ಇಬ್ಬರು ಮಹಿಳಾ ಪೊಲೀಸರು ಇದ್ದಾರೆ. ಪ್ರತಿದಿನವೂ ನನ್ನ ಸುರಕ್ಷತೆ ಮತ್ತು ಜೀವನದ ಬಗ್ಗೆ ನಾನು ಚಿಂತೆ ಮಾಡುತ್ತೇನೆ' ಎಂದು ಅವರು ಹೇಳಿದ್ದಾರೆ.

. ಮತ್ತೊಂದು ವಿಡಿಯೊದಲ್ಲಿ, ಲತಿಫಾ ತನ್ನ ಪರಿಸ್ಥಿತಿ 'ಪ್ರತಿದಿನ ಹೆಚ್ಚು ಹದಗೆಡುತ್ತಿದೆ. ಈ ಜೈಲು ವಿಲ್ಲಾದಲ್ಲಿ ನಾನು ಒತ್ತೆಯಾಳಾಗಿರಲು ಬಯಸುವುದಿಲ್ಲ. ನಾನು ಮುಕ್ತನಾಗಿರಲು ಬಯಸುತ್ತೇನೆ' ಎಂದು ಅವರು ಹೇಳುತ್ತಾರೆ.

. ಬಿಬಿಸಿ ತನ್ನ ತನಿಖಾ ಸುದ್ದಿ ಕಾರ್ಯಕ್ರಮ 'ಪನೋರಮಾ' ಗಿಂತಲೂ ಮುಂಚಿತವಾಗಿ ವೀಡಿಯೊ ಆಯ್ದ ಭಾಗಗಳನ್ನು ಬಿಡುಗಡೆ ಮಾಡಿತು.

. ಅಲ್ಲದೆ, ತನಗೆ ವಿಡಿಯೊಗಳು ಲಭ್ಯವಾಗಿವೆ ಆದರೆ ಕಳೆದ ಒಂಬತ್ತು ತಿಂಗಳಿನಿಂದ ಲತೀಫಾ ಅವರನ್ನು ಸಂಪರ್ಕಿಸಲು ಸಾಧ್ಯವಾಗಲಿಲ್ಲ ಎಂದು ಸ್ಕೈ ನ್ಯೂಸ್ ವರದಿ ಮಾಡಿದೆ.

. ಈ ಕುರಿತಂತೆ ಪ್ರತಿಕ್ರಿಯೆ ನೀಡುವಂತೆ ಕೇಳಿದ್ದಕ್ಕೆ ದುಬೈ ಅಧಿಕಾರಿಗಳು ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಲತೀಫಾ ಅವರ ತಂದೆ ಶೇಖ್ ಮೊಹಮ್ಮದ್ ಬಿನ್ ರಶೀದ್ ಅಲ್-ಮಕ್ತೌಮ್ ಅವರು ಯುನೈಟೆಡ್ ಅರಬ್ ಎಮಿರೇಟ್ಸ್ನಲ್ಲಿ ಉಪಾಧ್ಯಕ್ಷ ಮತ್ತು ಪ್ರಧಾನ ಮಂತ್ರಿಯಾಗಿದ್ದು, ಅದರಲ್ಲಿ ದುಬೈ ಒಂದು ಘಟಕವಾಗಿದೆ.

. ದುಬೈನಲ್ಲಿ 'ಜೈಲುಪಾಲು'

. ಲತೀಫಾರಿಂದ ರಹಸ್ಯ ಸಂದೇಶಗಳು ಬರುವುದು ನಿಂತಿವೆ ಎಂದು ಅವರ ಸ್ನೇಹಿತರು ಕಳವಳ ವ್ಯಕ್ತಪಡಿಸಿದ್ದರಿಂದ ವಿಡಿಯೊವನ್ನು ಪ್ರಸಾರ ಮಾಡಲಾಗಿದೆ ಎಂದು ಬಿಬಿಸಿ ತಿಳಿಸಿದೆ. ಈ ವಿಡಿಯೊಗಳು ಲತೀಫಾ ಅವರ ಫಿನ್ನಿಷ್ ಸ್ನೇಹಿತೆ ಟೀನಾ ಜುಹೈನೆನ್ ಅವರಿಂದ ಬಂದಿದ್ದು, ಅವರು ಕೂಡ ಸೆರೆಯಿಂದ ತಪ್ಪಿಸಿಕೊಳ್ಳುವ ಪ್ರಯತ್ನದ ಸಮಯದಲ್ಲಿ ಜೊತೆಯಲ್ಲಿದ್ದವರಾಗಿದ್ದರು. ಲತೀಫಾ ಎಲ್ಲಿದ್ದಾರೆ ಎಂಬ ವಿವರಗಳನ್ನು ಸ್ವತಂತ್ರವಾಗಿ ಪರಿಶೀಲಿಸಿದೆ ಎಂದು ಬಿಬಿಸಿ ಹೇಳಿದೆ.

. 2018 ರಲ್ಲಿ, ಲತೀಫಾ ಅವರು ಯುಎಇಯಿಂದ ಪಲಾಯನ ಮಾಡಲು ದೋಣಿಯಲ್ಲಿ ಪ್ರಯತ್ನಿಸಿದರು. ಆಗ ಭಾರತದ ಕರಾವಳಿಯಲ್ಲಿ ಕಮಾಂಡೋಗಳು ಅವರನ್ನು ತಡೆದರು ಎಂದು ಆಕೆಯ ಸಹಚರರು ಮತ್ತು ದುಬೈನಲ್ಲಿ ಬಂಧಿಸಲಾದ ಯುಕೆ ಮೂಲದ ಗುಂಪು ತಿಳಿಸಿದೆ.

. 'ನಾನು ವಿಹಾರ ನೌಕೆಯನ್ನು ಹಿಡಿದಿಟ್ಟುಕೊಂಡಿದ್ದೆ... ಅವರು ನನ್ನನ್ನು ಈಚೆಗೆ ಎಳೆಯುತ್ತಿದ್ದರು, ನಾನು ಸಾಧ್ಯವಾದಷ್ಟು ಕಷ್ಟಪಟ್ಟು ಹೋರಾಡುತ್ತಿದ್ದೆ. ಅಲ್ಲಿ ಶಸ್ತ್ರಾಸ್ತ್ರಗಳನ್ನು ಹೊಂದಿರುವ ಬಹಳಷ್ಟು ಜನರ ವಿರುದ್ಧ ನಾನಿದ್ದೆ ಎಂದು ನೆನಪಿಸಿಕೊಳ್ಳುವ ಲತೀಫಾ, ಎಮಿರೇಟ್ಸ್ನ ವ್ಯಕ್ತಿಗಳು ಆಕೆಯ ಮೇಲೆ ಕುಳಿತು ಅವಳನ್ನು ಕಟ್ಟಿಹಾಕಲು ಪ್ರಯತ್ನಿಸಿದರು ಮತ್ತು ಅರಿವಳಿಕೆಯನ್ನು ನೀಡಿದರು ಎಂದು ಹೇಳುತ್ತಾರೆ.

. ದುಬೈ ಸರ್ಕಾರದ ಮೂಲವೊಂದು ಆಕೆಯನ್ನು 'ಮರಳಿ ಕರೆತರಲಾಯಿತು' ಮತ್ತು ಯುಎಇ ಲತೀಫಾ ಅವರ ಛಾಯಾಚಿತ್ರಗಳನ್ನು ಬಿಡುಗಡೆ ಮಾಡಿ, ಆಕೆಗೆ 'ಅಗತ್ಯವಿರುವ ಆರೈಕೆ ಮತ್ತು ಬೆಂಬಲವನ್ನು ನೀಡಲಾಗುತ್ತಿದೆ' ಎಂದು ಹೇಳಿದೆ.

. ಇನ್ನು ವಿಲ್ಲಾಕ್ಕೆ ಸ್ಥಳಾಂತರಿಸುವ ಮೊದಲು 2018ರ ಮೇವರೆಗೆ ದುಬೈನ ಅಲ್-ಅವೀರ್ ಕೇಂದ್ರ ಕಾರಾಗೃಹದಲ್ಲಿ ಸುಮಾರು ಮೂರು ತಿಂಗಳ ಕಾಲ ಅವರನ್ನು ಬಂಧಿಸಲಾಗಿತ್ತು ಎಂದು ಲತೀಫಾ ಹೇಳಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಒತ್ತೆಯಾಳಾಗಿದ್ದೇನೆ, ಜೀವಕ್ಕೆ ಅಪಾಯವಿದೆ ಎಂದ ದುಬೈ ಆಡಳಿತಗಾರನ ಮಗಳು ಶೇಖಾ ಲತೀಫಾ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ

ENG vs IND Test | ಆಂಗ್ಲರಿಗೆ ಆಕಾಶ್ ಆಘಾತ: ಭಾರತಕ್ಕೆ 336 ರನ್ ಜಯ

ಲಂಡನ್‌ನಲ್ಲಿ ಮಹಿಳಾ ಕ್ರಿಕೆಟ್ ತಂಡಕ್ಕೆ ಅದ್ದೂರಿ ಸ್ವಾಗತ

ENG vs IND | ಪಂದ್ಯವೊಂದರಲ್ಲಿ ಗರಿಷ್ಠ ಮೊತ್ತ: ಇಂಗ್ಲೆಂಡ್ ಪರ ಸ್ಮಿತ್ ದಾಖಲೆ

'ಇದಕ್ಕೆಲ್ಲ ಅರ್ಹ ನೀನು': ದಾಖಲೆ ಬರೆದ ಗಿಲ್‌ಗೆ ಬೆನ್ನುತಟ್ಟಿದ ಕೊಹ್ಲಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ