ಬುಧವಾರ, ಏಪ್ರಿಲ್ 14, 2021
28 °C

ಇರಾಕ್‌ನ ತೈಲ ಘಟಕಗಳಲ್ಲಿ ಮಹಿಳಾ ಎಂಜಿನಿಯರ್‌ಗಳು..

ಎಪಿ Updated:

ಅಕ್ಷರ ಗಾತ್ರ : | |

Prajavani

ಬಸ್ರಾ: ದಕ್ಷಿಣ ಇರಾಕ್‌ನ ಕಚ್ಚಾ ತೈಲ ಉತ್ಪಾದಿಸುವ ಬಾವಿಯಲ್ಲಿ ಯುವತಿ ಜೈನಾಬ್‌ ಅಮ್ಜದ್‌, ಕಚ್ಚಾ ತೈಲದ ಬಾವಿಯೊಳಗೆ ಸೋನಾರ್ ಅಲೆಗಳನ್ನು ಪತ್ತೆ ಮಾಡುವ ಸಂವೇದಕವನ್ನು ಇಳಿಸುತ್ತಾಳೆ.

ತೈಲ ಸಮೃದ್ಧ ಪ್ರಾಂತ್ಯ ಬಸ್ರಾದಲ್ಲಿ ಆಯತ್ ರಾವ್ತಾನ್ ಎಂಬ ಯುವತಿ ದೊಡ್ಡ ದೊಡ್ಡ ಕೊಳವೆಗಳನ್ನು ತೈಲದ ಬಾವಿಯ ಯಂತ್ರಕ್ಕೆ ಜೋಡಿಸುತ್ತಾರೆ. ಈ ಯಂತ್ರ ಭೂಮಿಯೊಳಗೆ ಇಳಿದು, ಶಿಲಾ ರಚನೆಗಳ ಬಗ್ಗೆ ಸಂಕೇತದ ರೂಪದಲ್ಲಿ ದತ್ತಾಂಶವನ್ನು ಕಳುಹಿಸುತ್ತವೆ. ಆ ಸಂಕೇತವನ್ನು ಈಕೆ ಅರ್ಥ ಮಾಡಿಕೊಂಡು, ದಾಖಲಿಸುತ್ತಾಳೆ.

ತೈಲ ಪ್ರಧಾನ ರಾಷ್ಟ್ರ ಇರಾಕ್‌ನಲ್ಲಿ 24ರ ಹರೆಯದ ಕೆಲವು ಯುವತಿಯರು, ತಮಗೆ ವಿಧಿಸಿರುವ ಸಾಂಪ್ರದಾಯಿಕ ನೀತಿ ನಿಯಮಗಳನ್ನು ಮೀರಿ, ಪುರುಷರಿಗೆ ಸರಿ ಸಮನಾದ ಉದ್ಯೋಗಗಳಲ್ಲಿ ತೊಡಗಿಸಿಕೊಳ್ಳುತ್ತಿದ್ದಾರೆ. ಅದಕ್ಕೆ ಈ ಉದಾಹರಣೆಗಳೇ ಸಾಕ್ಷಿಯಾಗಿವೆ.

‌ಇರಾಕ್‌ನಲ್ಲಿ ಮೊದಲ ಬಾರಿಗೆ ಇಬ್ಬರು ಮಹಿಳಾ ಎಂಜಿನಿಯರ್‌ಗಳಿಗೆ ಅಲ್ಲಿನ ಪೆಟ್ರೋಲಿಯಂ ಕಂಪನಿಯ ಪ್ರಮುಖ ಹುದ್ದೆಗಳನ್ನು ನೀಡಲಾಗಿದೆ.ಪೆಟ್ರೋಲಿಯಂ ಬಾವಿ, ನಿಕ್ಷೇಪಗಳಲ್ಲಿರುವ ಕಠಿಣ ಪರಿಶ್ರಮದ ಕೆಲಸಗಳ ಜವಾಬ್ದಾರಿ ನಿರ್ವಹಿಸಲು 24ರ ಹರೆಯದ ಈ ಎಂಜಿನಿಯರ್‌ಗಳು ಮುಂದಾಗಿದ್ದಾರೆ.

ಕಂಪನಿಗಳ ಕಚೇರಿಯ ಕೆಲಸಗಳಿಗಷ್ಟೇ ಸೀಮಿತವಾಗಿದ್ದ ಮಹಿಳೆಯರು ಇದೀಗ ನೇರವಾಗಿ ನಿಕ್ಷೇಪಗಳ ಪ್ರದೇಶದಲ್ಲಿ ಕೆಲಸ ನಿರ್ವಹಿಸಲು ಮುಂದಾಗಿದ್ದಾರೆ. ಪ್ರಾಯೋಗಿಕವಾಗಿ ಅವರಿಗೆ ಈ ಜವಾಬ್ದಾರಿ ನೀಡಲಾಗಿದ್ದು, ಕಾರ್ಯನಿರ್ವಹಿಸುವ ವಿಶ್ವಾಸದಲ್ಲಿ ಈ ಮಹಿಳೆಯರು ಇದ್ದಾರೆ.

ಈ ಯುವತಿಯರು, ನೀತಿ ನಿಯಮಗಳನ್ನು ಮೀರಿದ ಬುದ್ಧಿವಂತ ಮಹಿಳೆಯರ ಹೊಸ ಪೀಳಿಗೆಯ ಭಾಗವಾಗಿದ್ದಾರೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು