ಫೈಜರ್ ಕೋವಿಡ್‌–19 ಲಸಿಕೆ ತಂತ್ರಜ್ಞಾನ ಕಳವಿಗೆ ಉತ್ತರ ಕೊರಿಯಾ ಯತ್ನ

ಹ್ಯಾಕ್ ಮಾಡುವ ಯತ್ನ ಯಾವಾಗ ನಡೆದಿದೆ, ಅದು ಯಶಸ್ವಿಯಾಗಿದೆಯೇ ಎಂಬುದನ್ನು ವರದಿ ಸ್ಪಷ್ಟಪಡಿಸಿಲ್ಲ. ಈ ವಿಚಾರವಾಗಿ ಏಷ್ಯಾ ಹಾಗೂ ದಕ್ಷಿಣ ಕೊರಿಯಾದಲ್ಲಿರುವ ಫೈಜರ್ ಕಚೇರಿಗಳು ತಕ್ಷಣ ಪ್ರತಿಕ್ರಿಯೆ ನೀಡಿಲ್ಲ.

ಓದಿ:ರಷ್ಯಾ ಕೋವಿಡ್ ಲಸಿಕೆ ಸ್ಪುಟ್ನಿಕ್ ವಿಗೆ ಕೆಲವೇ ವಾರಗಳಲ್ಲಿ ಭಾರತದಲ್ಲಿ ಅನುಮೋದನೆ

ಕಳೆದ ವರ್ಷ ಉತ್ತರ ಕೊರಿಯಾದ ಶಂಕಿತ ಹ್ಯಾಕರ್‌ಗಳು ಜಾನ್ಸನ್ ಆ್ಯಂಡ್ ಜಾನ್ಸನ್, ನೊವಾವ್ಯಾಕ್ಸ್ ಇಂಕ್, ಆಸ್ಟ್ರಾಜೆನೆಕಾ ಸೇರಿದಂತೆ 9 ಆರೋಗ್ಯ ಸಂಸ್ಥೆಗಳ ಮಾಹಿತಿ ಕಳವಿಗೆ ಯತ್ನಿಸಿದ್ದರು.

ಕೊರೊನಾ ವೈರಸ್ ವಿರುದ್ಧ ಲಸಿಕೆ ಅಭಿವೃದ್ಧಿಪಡಿಸುತ್ತಿರುವ ದಕ್ಷಿಣ ಕೊರಿಯಾದ ಕಂಪನಿಗಳ ವೆಬ್‌ಸೈಟ್‌ಗಳನ್ನು ಹ್ಯಾಕ್ ಮಾಡಲು ಉತ್ತರ ಕೊರಿಯಾ ಯತ್ನಿಸಿದೆ. ಅವುಗಳನ್ನು ವಿಫಲಗೊಳಿಸಿದ್ದೇವೆ ಎಂದೂ ದಕ್ಷಿಣ ಕೊರಿಯಾ ಗುಪ್ತಚರ ದಳ ಹೇಳಿದೆ.

ದೇಶೀಯವಾಗಿ ಲಸಿಕೆ ಅಭಿವೃದ್ಧಿಪಡಿಸಲು ಬಳಸಿಕೊಳ್ಳುವ ಬದಲು ಕಳವು ಮಾಡಿದ ದತ್ತಾಂಶಗಳನ್ನು ಮಾರಾಟ ಮಾಡುವುದರಲ್ಲೇ ಹ್ಯಾಕರ್‌ಗಳಿಗೆ ಆಸಕ್ತಿ ಇದ್ದಂತಿದೆ ಎಂದು ಆರೋಗ್ಯ ತಜ್ಞರು ಹೇಳಿದ್ದಾರೆ.

ಓದಿ:ಲಸಿಕೆ ಅಭಿಯಾನದಲ್ಲಿ ಭಾರತವೇ ಮುಂದು

‘ಕೊವಾಕ್ಸ್‌’ ಲಸಿಕೆ ಹಂಚಿಕೆ ಯೋಜನೆ ಅಡಿಯಲ್ಲಿ ಉತ್ತರ ಕೊರಿಯಾವು ಈ ವರ್ಷದ ಮೊದಲಾರ್ಧದಲ್ಲಿ 20 ಲಕ್ಷ ಡೋಸ್ ಆಸ್ಟ್ರಾಜೆನೆಕಾ ಲಸಿಕೆ ಪಡೆಯುವ ನಿರೀಕ್ಷೆ ಇದೆ.