ಶನಿವಾರ, 22 ಜೂನ್ 2024
×
ADVERTISEMENT
ಈ ಕ್ಷಣ :
ADVERTISEMENT

ಬ್ರಿಟನ್‌ನಲ್ಲಿ ಜಪ್ತಿ ಮಾಡಿರುವ ಯುರೇನಿಯಂ ತನ್ನದಲ್ಲ ಎಂದ ಪಾಕಿಸ್ತಾನ

Last Updated 12 ಜನವರಿ 2023, 13:11 IST
ಅಕ್ಷರ ಗಾತ್ರ

ಇಸ್ಲಾಮಾಬಾದ್‌: ಲಂಡನ್‌ನ ಹೀಥ್ರೂ ವಿಮಾನನಿಲ್ದಾಣದಲ್ಲಿ ಅಧಿಕಾರಿಗಳು ಇತ್ತೀಚಿಗೆ ಜಪ್ತಿ ಮಾಡಿರುವ ಯುರೇನಿಯಂ ಒಳಗೊಂಡಿದ್ದ ಪ್ಯಾಕೇಜ್‌ ಕರಾಚಿಯಿಂದ ಬಂದದ್ದು ಎಂಬುದನ್ನು ಅಲ್ಲಗಳೆದಿರುವ ಪಾಕಿಸ್ತಾನ, ಇದು ವಾಸ್ತವವಲ್ಲ ಎಂದು ಪ್ರತಿಪಾದಿಸಿದೆ.

‘ಕಳೆದ ತಿಂಗಳು ಹೀಥ್ರೂ ವಿಮಾನ ನಿಲ್ದಾಣದಲ್ಲಿ ಯುರೇನಿಯಂ ಅನ್ನು ಜಪ್ತಿ ಮಾಡಲಾಗಿದ್ದು, ಬ್ರಿಟನ್‌ನ ಭಯೋತ್ಪಾದನ ನಿಗ್ರಹ ದಳದ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ’ ಎಂದು ಬಿಬಿಸಿ ಬುಧವಾರ ವರದಿ ಮಾಡಿದೆ.

ಈ ಸಂಬಂಧ ಮೊದಲು ವರದಿ ಮಾಡಿದ್ದ ‘ಸನ್‌’ ದೈನಿಕವು, ‘ಯುರೇನಿಯಂ ಪಾಕಿಸ್ತಾನದಿಂದ ಬಂದಿದೆ’ ಎಂದು ಬರೆದಿತ್ತು.

ಈ ವರದಿಗೆ ಪ್ರತಿಕ್ರಿಯಿಸಿರುವ ಪಾಕಿಸ್ತಾನದ ವಿದೇಶಾಂಗ ಸಚಿವಾಲಯ ಕಚೇರಿಯ ವಕ್ತಾರರಾದ ಮುಮ್ತಾಜ್‌ ಜಹ್ರಾ, ‘ಇದು ವಾಸ್ತವವಲ್ಲ. ಅದಾಗ್ಯೂ ಈ ಕುರಿತು ಬ್ರಿಟನ್‌ ಇಲ್ಲಿಯವರೆಗೆ ಪಾಕ್‌ ಜತೆಗೆ ಯಾವುದೇ ಮಾಹಿತಿಯನ್ನು ಹಂಚಿಕೊಂಡಿಲ್ಲ’ ಎಂದು ತಿಳಿಸಿದ್ದಾರೆ. ಮುಮ್ತಾಜ್‌ ಅವರ ಹೇಳಿಕೆಯನ್ನು ಆಧರಿಸಿ ಪಾಕ್‌ನ ‘ಡಾನ್‌’ ದೈನಿಕ ಗುರುವಾರ ವರದಿ ಪ್ರಕಟಿಸಿದೆ.

ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT