ಪಾಕ್: ಇಂಧನ ಬೆಲೆ ಏರಿಕೆ, ಕತ್ತೆಯ ಗಾಡಿಯಲ್ಲಿ ಕಚೇರಿಗೆ ಬರಲು ಅನುಮತಿ ಕೇಳಿದ ನೌಕರ

‘ಈ ಕುರಿತು ಉದ್ಯೋಗಿ ರಾಜಾ ಆಸೀಫ್‌ ಇಕ್ಬಾಲ್ ಎಂಬುವವರು, ಸಿಎಎ ಮಹಾನಿರ್ದೇಶಕರಿಗೆ ಪತ್ರ ಬರೆದಿದ್ದಾರೆ. ಹಣದುಬ್ಬರದಿಂದಾಗಿ ಬಡವರದು ಮಾತ್ರವಲ್ಲ, ಮಧ್ಯಮ ವರ್ಗದವರ ಬೆನ್ನೂ ಮುರಿದಿದೆ. ತೈಲ ಬೆಲೆ ಏರಿಕೆಯಿಂದಾಗಿ ಸಂಸ್ಥೆಯು ಸಾರಿಗೆ ಸೌಲಭ್ಯವನ್ನು ಸ್ಥಗಿತಗೊಳಿಸಿದೆ. ಹಾಗಾಗಿ, ಕತ್ತೆಯ ಗಾಡಿಯಲ್ಲಿ ಕಚೇರಿಗೆ ಬರಲು ಹಾಗೂ ಪಾರ್ಕಿಂಗ್ ಸ್ಥಳದಲ್ಲಿ ಈ ಗಾಡಿಯನ್ನು ನಿಲ್ಲಿಸಲು ಅನುಮತಿ ನೀಡಬೇಕೆಂದು ಅವರು ಕೋರಿದ್ದಾರೆ’ ಎಂದು ಪತ್ರಿಕೆ ವರದಿ ಮಾಡಿದೆ.

ಇದಕ್ಕೆ ಪ್ರತಿಕ್ರಿಯಿಸಿರುವ ಸಿಎಎ ವಕ್ತಾರ ಸೈಫುಲ್ಲಾ ಖಾನ್, ‘ಸಂಸ್ಥೆಯ ಪ್ರತಿಯೊಬ್ಬ ಸಿಬ್ಬಂದಿಗೂ ಇಂಧನ ಭತ್ಯೆ ನೀಡಲಾಗುತ್ತಿದೆ. ಪಿಕ್ ಅಪ್ ಮತ್ತು ಡ್ರಾಪ್ ಜೊತೆಗೆ, ಮೆಟ್ರೊ ಬಸ್ ಸೇವೆಯೂ ಲಭ್ಯವಿದೆ. ಹೀಗಾಗಿ, ಅರ್ಜಿ ಸಲ್ಲಿಸಿರುವುದು ಸಾರ್ವಜನಿಕರ ಗಮನ ಸೆಳೆಯುವ ತಂತ್ರವಷ್ಟೆ’ ಎಂದು ಹೇಳಿದ್ದಾರೆ.