ಮಕ್ಕಳಿಗೂ ಕೋವಿಡ್‌ ಲಸಿಕೆ ನೀಡಲು ಅನುಮತಿ ಕೋರಿ ಫೈಜರ್–ಬಯೊಎನ್‌ಟೆಕ್ ಮನವಿ

ಕೋವಿಡ್ ಲಸಿಕೆ ನೀಡಿಕೆ ಅನುಮತಿಯನ್ನು ಕಡಿಮೆ ಅಪಾಯ ಹೊಂದಿರುವ ವಯಸ್ಸಿನವರಿಗೂ ವಿಸ್ತರಿಸಬೇಕು ಎಂದು ಕಂಪನಿ ಮನವಿ ಮಾಡಿದೆ.

ಓದಿ:ಕೋವಿಡ್ ಶತಮಾನದ ಬಿಕ್ಕಟ್ಟು, ಹೋರಾಟದಲ್ಲಿ ಎಲ್ಲರೂ ಕೈಜೋಡಿಸಬೇಕು: ಪ್ರಧಾನಿ ಮೋದಿ

2,000ಕ್ಕೂ ಹೆಚ್ಚು ಮಂದಿ ಹದಿಹರೆಯದವರ ಮೇಲೆ ನಡೆಸಿದ ಅಧ್ಯಯನದಲ್ಲಿ ಲಸಿಕೆಯು ಸುರಕ್ಷಿತ ಮತ್ತು ಪರಿಣಾಮಕಾರಿ ಎಂಬುದು ಕಂಡುಬಂದಿದೆ. ಲಸಿಕೆ ನೀಡಿಕೆಯಿಂದ ಮಕ್ಕಳಿಗೆ ಎರಡು ವರ್ಷಗಳವರೆಗೆ ಸುರಕ್ಷತೆ ದೊರೆಯಲಿದೆ ಎಂದು ಮನವಿ ಪತ್ರದಲ್ಲಿ ಉಲ್ಲೇಖಿಸಲಾಗಿದೆ.

ಲಸಿಕೆ ನೀಡಿಕೆ ಅನುಮತಿಯನ್ನು 12–15ರ ವಯೋಮಾನದವರಿಗೂ ವಿಸ್ತರಿಸಬೇಕು ಎಂದು ಫೈಜರ್–ಬಯೊಎನ್‌ಟೆಕ್ ಅಮೆರಿಕದ ಆಹಾರ ಮತ್ತು ಔಷಧ ಪ್ರಾಧಿಕಾರಕ್ಕೆ (ಎಫ್‌ಡಿಎ) ಈ ಹಿಂದೆಯೇ ಮನವಿ ಸಲ್ಲಿಸಿತ್ತು.

‌ಫೈಜರ್–ಬಯೊಎನ್‌ಟೆಕ್ ಕೋವಿಡ್‌ ಲಸಿಕೆಗೆ ಯುರೋಪ್ ಒಕ್ಕೂಟವು ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಅನುಮೋದನೆ ನೀಡಿತ್ತು. ಯುರೋಪ್ ಒಕ್ಕೂಟದ ದೇಶಗಳಲ್ಲಿ 16 ವರ್ಷ ಮೇಲ್ಪಟ್ಟವರಿಗೆ ಈ ಲಸಿಕೆ ನೀಡಲು ಆಗ ಅನುಮತಿ ನೀಡಲಾಗಿತ್ತು.

ಓದಿ:ಖಾಸಗಿ ಆಸ್ಪತ್ರೆಗಳಿಂದ ಲಸಿಕೆ ಹಿಂಪಡೆಯಲು ಮಹಾರಾಷ್ಟ್ರ ಸರ್ಕಾರ ನಿರ್ಧಾರ