<p><strong>ಕೈರೊ: </strong>ತಾಲಿಬಾನ್ ಪಡೆಗಳು ಕಾನೂನು ಬಾಹಿರವಾಗಿ 13 ಮಂದಿ ಹಜಾರಸ್ ಜನಾಂಗದವರನ್ನು ಕೊಂದಿದ್ದು, ಅದರಲ್ಲಿ ಹೆಚ್ಚಿನವರು ತಾಲಿಬಾನ್ ಬಂಡುಕೋರರಿಗೆ ಶರಣಾಗಿದ್ದ ಅಫ್ಗನ್ ಸೈನಿಕರಾಗಿದ್ದಾರೆ ಎಂದುಜಾಗತಿಕ ಮಾನವ ಹಕ್ಕುಗಳ ಸಂಘಟನೆ ಆಮ್ನೆಸ್ಟಿ ಇಂಟರ್ನ್ಯಾಷನಲ್ ತಿಳಿಸಿದೆ.</p>.<p>ಆಗಸ್ಟ್ 30ರಂದು ಮಧ್ಯ ಅಫ್ಗಾನಿಸ್ತಾನದ ಡೇಕುಂಡಿ ಪ್ರಾಂತ್ಯದ ಕಹೋರ್ ಗ್ರಾಮದಲ್ಲಿ ಈ ಹತ್ಯೆಗಳು ನಡೆದಿವೆ. ಕೊಲೆಯಾದವರಲ್ಲಿ 11 ಮಂದಿ ಅಫ್ಗನ್ ರಾಷ್ಟ್ರೀಯ ಭದ್ರತಾ ಪಡೆಗಳ ಸದಸ್ಯರು ಮತ್ತು ಇಬ್ಬರು ನಾಗರಿಕರು. ಇವರಲ್ಲಿ 17 ವರ್ಷದ ಯುವತಿಯೂ ಸೇರಿದ್ದಾಳೆ ಎಂದು ಸಂಘಟನೆ ನಡೆಸಿದ ತನಿಖೆಯಿಂದ ಬಹಿರಂಗವಾಗಿದೆ.</p>.<p>ತಾಲಿಬಾನಿಗಳು, ಅಫ್ಗಾನಿಸ್ತಾನವನ್ನು ತಮ್ಮ ನಿಯಂತ್ರಣಕ್ಕೆ ತೆಗೆದುಕೊಂಡ ಎರಡು ವಾರಗಳ ನಂತರ ಈ ಹತ್ಯೆಗಳು ನಡೆದಿರುವುದಾಗಿ ವರದಿಯಾಗಿವೆ. ತಾಲಿಬಾನ್ ನಾಯಕರು, ‘1990ರಲ್ಲಿ ಕಠಿಣ ಆಡಳಿತ ನಡೆಸಿದಂತೆ ಈ ಬಾರಿ ನಡೆಸುವುದಿಲ್ಲ. ನಾವು ಬದಲಾಗಿದ್ದೇವೆ‘ ಎಂದು ಅಫ್ಗನ್ ಜನರಿಗೆ ಭರವಸೆ ನೀಡುತ್ತಿದ್ದ ವೇಳೆಯಲ್ಲಿ ಇಂಥ ಕ್ರೂರ ಘಟನೆ ನಡೆದಿದೆ.</p>.<p>ಅಫ್ಗಾನಿಸ್ತಾನದಲ್ಲಿರುವ 3.5 ಕೋಟಿ ಜನಸಂಖ್ಯೆಯಲ್ಲಿ ಹಜಾರಸ್ ಜನಾಂಗದವರು ಶೇ 9 ರಷ್ಟಿದ್ದಾರೆ. ಬಹುಸಂಖ್ಯಾತ ಸುನ್ನಿ ಜನಾಂಗದವರಿರುವ ಅಫ್ಗನ್ನಲ್ಲಿ ಹಜಾರಸ್ನವರು ಅಲ್ಪಸಂಖ್ಯಾತ ಶಿಯಾ ಸಮುದಾಯಕ್ಕೆ ಸೇರಿದವರು. ಇದೇಕ ಕಾರಣಕ್ಕೆ ಈ ಸಮುದಾಯದವರು ಪದೇ ಪದೇ ಇಂಥ ದುಷ್ಕೃತ್ಯಗಳಿಗೆ ಗುರಿಯಾಗುತ್ತಿದ್ದಾರೆ.</p>.<p>‘ಹಜಾರಸ್ಗಳ ಮೇಲೆ ನಡೆದಿರುವ ಇಂಥ ಕ್ರೌರ್ಯಗಳು, ಹಿಂದೆ ಅಫ್ಗಾನಿಸ್ತಾನದಲ್ಲಿ ತಾಲಿಬಾನ್ಗಳು ಇದೇ ಜನಾಂಗದ ಮೇಲೆ ಯಾವ ರೀತಿ ದೌರ್ಜನ್ಯ ನಡೆಸುತ್ತಿದ್ದರು ಎಂಬುದಕ್ಕೆ ಸಾಕ್ಷ್ಯಗಳನ್ನು ನೀಡುತ್ತವೆ‘ ಎಂದು ಆಮ್ನೆಸ್ಟಿ ಸಂಘಟನೆಯ ಪ್ರಧಾನ ಕಾರ್ಯದರ್ಶಿ ಆಗ್ನೆಸ್ ಕ್ಯಾಲಮಾರ್ಡ್ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೈರೊ: </strong>ತಾಲಿಬಾನ್ ಪಡೆಗಳು ಕಾನೂನು ಬಾಹಿರವಾಗಿ 13 ಮಂದಿ ಹಜಾರಸ್ ಜನಾಂಗದವರನ್ನು ಕೊಂದಿದ್ದು, ಅದರಲ್ಲಿ ಹೆಚ್ಚಿನವರು ತಾಲಿಬಾನ್ ಬಂಡುಕೋರರಿಗೆ ಶರಣಾಗಿದ್ದ ಅಫ್ಗನ್ ಸೈನಿಕರಾಗಿದ್ದಾರೆ ಎಂದುಜಾಗತಿಕ ಮಾನವ ಹಕ್ಕುಗಳ ಸಂಘಟನೆ ಆಮ್ನೆಸ್ಟಿ ಇಂಟರ್ನ್ಯಾಷನಲ್ ತಿಳಿಸಿದೆ.</p>.<p>ಆಗಸ್ಟ್ 30ರಂದು ಮಧ್ಯ ಅಫ್ಗಾನಿಸ್ತಾನದ ಡೇಕುಂಡಿ ಪ್ರಾಂತ್ಯದ ಕಹೋರ್ ಗ್ರಾಮದಲ್ಲಿ ಈ ಹತ್ಯೆಗಳು ನಡೆದಿವೆ. ಕೊಲೆಯಾದವರಲ್ಲಿ 11 ಮಂದಿ ಅಫ್ಗನ್ ರಾಷ್ಟ್ರೀಯ ಭದ್ರತಾ ಪಡೆಗಳ ಸದಸ್ಯರು ಮತ್ತು ಇಬ್ಬರು ನಾಗರಿಕರು. ಇವರಲ್ಲಿ 17 ವರ್ಷದ ಯುವತಿಯೂ ಸೇರಿದ್ದಾಳೆ ಎಂದು ಸಂಘಟನೆ ನಡೆಸಿದ ತನಿಖೆಯಿಂದ ಬಹಿರಂಗವಾಗಿದೆ.</p>.<p>ತಾಲಿಬಾನಿಗಳು, ಅಫ್ಗಾನಿಸ್ತಾನವನ್ನು ತಮ್ಮ ನಿಯಂತ್ರಣಕ್ಕೆ ತೆಗೆದುಕೊಂಡ ಎರಡು ವಾರಗಳ ನಂತರ ಈ ಹತ್ಯೆಗಳು ನಡೆದಿರುವುದಾಗಿ ವರದಿಯಾಗಿವೆ. ತಾಲಿಬಾನ್ ನಾಯಕರು, ‘1990ರಲ್ಲಿ ಕಠಿಣ ಆಡಳಿತ ನಡೆಸಿದಂತೆ ಈ ಬಾರಿ ನಡೆಸುವುದಿಲ್ಲ. ನಾವು ಬದಲಾಗಿದ್ದೇವೆ‘ ಎಂದು ಅಫ್ಗನ್ ಜನರಿಗೆ ಭರವಸೆ ನೀಡುತ್ತಿದ್ದ ವೇಳೆಯಲ್ಲಿ ಇಂಥ ಕ್ರೂರ ಘಟನೆ ನಡೆದಿದೆ.</p>.<p>ಅಫ್ಗಾನಿಸ್ತಾನದಲ್ಲಿರುವ 3.5 ಕೋಟಿ ಜನಸಂಖ್ಯೆಯಲ್ಲಿ ಹಜಾರಸ್ ಜನಾಂಗದವರು ಶೇ 9 ರಷ್ಟಿದ್ದಾರೆ. ಬಹುಸಂಖ್ಯಾತ ಸುನ್ನಿ ಜನಾಂಗದವರಿರುವ ಅಫ್ಗನ್ನಲ್ಲಿ ಹಜಾರಸ್ನವರು ಅಲ್ಪಸಂಖ್ಯಾತ ಶಿಯಾ ಸಮುದಾಯಕ್ಕೆ ಸೇರಿದವರು. ಇದೇಕ ಕಾರಣಕ್ಕೆ ಈ ಸಮುದಾಯದವರು ಪದೇ ಪದೇ ಇಂಥ ದುಷ್ಕೃತ್ಯಗಳಿಗೆ ಗುರಿಯಾಗುತ್ತಿದ್ದಾರೆ.</p>.<p>‘ಹಜಾರಸ್ಗಳ ಮೇಲೆ ನಡೆದಿರುವ ಇಂಥ ಕ್ರೌರ್ಯಗಳು, ಹಿಂದೆ ಅಫ್ಗಾನಿಸ್ತಾನದಲ್ಲಿ ತಾಲಿಬಾನ್ಗಳು ಇದೇ ಜನಾಂಗದ ಮೇಲೆ ಯಾವ ರೀತಿ ದೌರ್ಜನ್ಯ ನಡೆಸುತ್ತಿದ್ದರು ಎಂಬುದಕ್ಕೆ ಸಾಕ್ಷ್ಯಗಳನ್ನು ನೀಡುತ್ತವೆ‘ ಎಂದು ಆಮ್ನೆಸ್ಟಿ ಸಂಘಟನೆಯ ಪ್ರಧಾನ ಕಾರ್ಯದರ್ಶಿ ಆಗ್ನೆಸ್ ಕ್ಯಾಲಮಾರ್ಡ್ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
