ಮಂಗಳವಾರ, ನವೆಂಬರ್ 24, 2020
22 °C

ರಿಷಿ ಸುನಕ್‌ ಮೇಲೆ ಆಜೀವ ನಿಷೇಧ ಹೇರಿದ ಬ್ರಿಟನ್‌ನ ಪಬ್‌

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಲಂಡನ್‌: ಬ್ರಿಟನ್‌ನ ಹಣಕಾಸು ಸಚಿವ ರಿಷಿ ಸುನಕ್ ಹಾಗೂ ಆಡಳಿತಾರೂಢ ಕನ್ಸರ್ವೇಟಿವ್‌ ಪಕ್ಷದ ಮೂವರು ಸಂಸದರ ಮೇಲೆ ಇಲ್ಲಿನ ಪಬ್‌ವೊಂದು ಆಜೀವ ನಿಷೇಧ ಹೇರಿದೆ.

ಈ ವರ್ಷದ ಆರಂಭದಲ್ಲಿ ಬ್ರಿಟನ್‌ ಸರ್ಕಾರವು ಬೇಸಿಗೆ ರಜೆಯಲ್ಲಿ ಶಾಲಾ ಮಕ್ಕಳಿಗೆ ಉಚಿತ ಊಟ ನೀಡುವ ತಾತ್ಕಾಲಿಕ ಯೋಜನೆಯನ್ನು ಜಾರಿಗೆ ತಂದಿತ್ತು. ಈ ಯೋಜನೆಯನ್ನು ಮುಂದುವರಿಸಬೇಕೊ ಬೇಡವೊ ಎಂಬುದರ ಕುರಿತು ಇತ್ತೀಚೆಗೆ ಸಂಸತ್ತಿನಲ್ಲಿ ಸುದೀರ್ಘ ಚರ್ಚೆ ನಡೆದಿತ್ತು. ಇನ್ಫೊಸಿಸ್‌ ಸಹ ಸಂಸ್ಥಾಪಕ ಎನ್‌.ಆರ್‌. ನಾರಾಯಣಮೂರ್ತಿಯವರ ಅಳಿಯ ರಿಷಿ ಹಾಗೂ ಸಂಸದರಾದ ಮ್ಯಾಟ್‌ ವಿಕರ್ಸ್‌, ಸಿಮನ್‌ ಕ್ಲಾರ್ಕ್‌ ಮತ್ತು ಜೇಕಬ್‌ ಯಂಗ್‌ ಅವರು ಈ ಯೋಜನೆಯನ್ನು ಮುಂದುವರಿಸುವುದರ ವಿರುದ್ಧ ಮತ ಚಲಾಯಿಸಿದ್ದರು. ಹೀಗಾಗಿ ಉತ್ತರ ಯಾರ್ಕ್‌ಶೈರ್‌ನ ಸ್ಟೋಕ್ಸ್‌ಲಿಯಲ್ಲಿರುವ ದಿ ಮಿಲ್‌ ಪಬ್‌ನ ಮಾಲೀಕ ಅಲೆಕ್ಸ್‌ ಕುಕ್‌, ಈ ನಾಲ್ವರ ಮೇಲೆ ನಿಷೇಧ ಹೇರಿದ್ದಾರೆ.

ಕುಕ್‌ ಒಡೆತನದ ಮಿಲ್‌ ಪಬ್‌ ಮತ್ತು ಮುಲಿನೊ ರೆಸ್ಟೋರೆಂಟ್‌, ಸುನಕ್‌ ಅವರು ಪ್ರತಿನಿಧಿಸುವ ಕ್ಷೇತ್ರದಲ್ಲೇ ಇದೆ.

‘ಬ್ರಿಟನ್‌ ಸರ್ಕಾರವು ಶಾಲಾ ಮಕ್ಕಳಿಗೆ ಉಚಿತ ಊಟ ನೀಡುವ ಯೋಜನೆಯನ್ನು ಮುಂದುವರಿಸುವುದರ ವಿರುದ್ಧ ಮತ ಚಲಾಯಿಸಿದ್ದು ವಿಪರ್ಯಾಸ’ ಎಂದು ಕುಕ್‌ ಅವರು ಗುರುವಾರ ಫೇಸ್‌ಬುಕ್‌ನಲ್ಲಿ ಬರೆದುಕೊಂಡಿದ್ದರು.

‘ರಿಷಿ, ವಿಕರ್ಸ್‌, ಕ್ಲಾರ್ಕ್‌ ಮತ್ತು ಜೇಕಬ್‌ ಅವರೂ ಯೋಜನೆಯ ವಿರುದ್ಧ ಮತ ಚಲಾಯಿಸಿದ್ದು ಬೇಸರ ತರಿಸಿದೆ. ಇವರು ನಮ್ಮ ಪಬ್‌ ಹಾಗೂ ರೆಸ್ಟೋರೆಂಟ್‌ಗೆ ಕಾಲಿಡುವುದು ಬೇಡ. ಇವರ ಮೇಲೆ ನಾವು ಆಜೀವ ನಿಷೇಧ ಹೇರಿದ್ದೇವೆ’ ಎಂದೂ ಅವರು ತಿಳಿಸಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು