ಈ ವರ್ಷದ ಆರಂಭದಲ್ಲಿ ಬ್ರಿಟನ್‌ ಸರ್ಕಾರವು ಬೇಸಿಗೆ ರಜೆಯಲ್ಲಿ ಶಾಲಾ ಮಕ್ಕಳಿಗೆ ಉಚಿತ ಊಟ ನೀಡುವ ತಾತ್ಕಾಲಿಕ ಯೋಜನೆಯನ್ನು ಜಾರಿಗೆ ತಂದಿತ್ತು. ಈ ಯೋಜನೆಯನ್ನು ಮುಂದುವರಿಸಬೇಕೊ ಬೇಡವೊ ಎಂಬುದರ ಕುರಿತು ಇತ್ತೀಚೆಗೆ ಸಂಸತ್ತಿನಲ್ಲಿ ಸುದೀರ್ಘ ಚರ್ಚೆ ನಡೆದಿತ್ತು. ಇನ್ಫೊಸಿಸ್‌ ಸಹ ಸಂಸ್ಥಾಪಕ ಎನ್‌.ಆರ್‌. ನಾರಾಯಣಮೂರ್ತಿಯವರ ಅಳಿಯ ರಿಷಿ ಹಾಗೂ ಸಂಸದರಾದ ಮ್ಯಾಟ್‌ ವಿಕರ್ಸ್‌, ಸಿಮನ್‌ ಕ್ಲಾರ್ಕ್‌ ಮತ್ತು ಜೇಕಬ್‌ ಯಂಗ್‌ ಅವರು ಈ ಯೋಜನೆಯನ್ನು ಮುಂದುವರಿಸುವುದರ ವಿರುದ್ಧ ಮತ ಚಲಾಯಿಸಿದ್ದರು. ಹೀಗಾಗಿ ಉತ್ತರ ಯಾರ್ಕ್‌ಶೈರ್‌ನ ಸ್ಟೋಕ್ಸ್‌ಲಿಯಲ್ಲಿರುವ ದಿ ಮಿಲ್‌ ಪಬ್‌ನ ಮಾಲೀಕ ಅಲೆಕ್ಸ್‌ ಕುಕ್‌, ಈ ನಾಲ್ವರ ಮೇಲೆ ನಿಷೇಧ ಹೇರಿದ್ದಾರೆ.
