ಮರಿಯುಪೋಲ್ ಉಕ್ಕಿನ ಘಟಕದ ಸುತ್ತ ಕದನ ವಿರಾಮ ಘೋಷಿಸಿದ ರಷ್ಯಾ

ರಷ್ಯಾ ಪಡೆಗಳು ‘ಏಪ್ರಿಲ್ 25, 2022 ರಂದು ಮಧ್ಯಾಹ್ನ 14:00 (ಮಾಸ್ಕೋ ಸ್ಥಳೀಯ ಕಾಲಮಾನ)ಕ್ಕೆ ಆಕ್ರಮಣವನ್ನು ನಿಲ್ಲಿಸುತ್ತದೆ. ಸೇನಾ ಪಡೆಗಳನ್ನು ದೂರಕ್ಕೆ ಕರೆದೊಯ್ಯುವ ಮೂಲಕ ನಾಗರಿಕರ ಸ್ಥಳಾಂತರವನ್ನು ಖಚಿತಪಡಿಸುತ್ತೇವೆ’ ಎಂದು ರಕ್ಷಣಾ ಸಚಿವಾಲಯ ಹೇಳಿಕೆಯಲ್ಲಿ ತಿಳಿಸಿದೆ.

ನಾಗರಿಕರು ಸೂಚಿಸಿದ ಕಡೆಗೆ ಅವರನ್ನು ಕರೆದೊಯ್ಯಬಹುದು. ಬಿಳಿ ಬಾವುಟ ತೋರಿಸುವ ಮೂಲಕ ಉಕ್ರೇನ್ ಅಧಿಕಾರಿಗಳು ಅಜೋವ್‌ಸ್ಟಾಲ್‌ನ ಜನರ ಸ್ಥಳಾಂತರಕ್ಕೆ ಸಿದ್ಧವಿರುವುದನ್ನು ಖಚಿತಪಡಿಸಬೇಕು ಎಂದು ರಷ್ಯಾ ಹೇಳಿದೆ.

ಈ ಮಾಹಿತಿಯನ್ನು ಅಜೋವ್‌ಸ್ಟಾಲ್‌ನಲ್ಲಿರುವವರಿಗೆ ರೇಡಿಯೋ ಚಾನೆಲ್‌ಗಳ ಮೂಲಕ ಪ್ರತಿ 30 ನಿಮಿಷಗಳಿಗೊಮ್ಮೆ ತಿಳಿಸಲಾಗುತ್ತದೆ ಎಂದು ರಷ್ಯಾದ ರಕ್ಷಣಾ ಸಚಿವಾಲಯ ಹೇಳಿದೆ.

ತನ್ನ ಬೃಹತ್ ಅಜೋವ್‌ಸ್ಟಾಲ್ ಕೈಗಾರಿಕಾ ಪ್ರದೇಶವನ್ನು ಹೊರತುಪಡಿಸಿ ಆಯಕಟ್ಟಿನ ಪೂರ್ವ ಉಕ್ರೇನ್ ನಗರದ ಸಂಪೂರ್ಣ ನಿಯಂತ್ರಣವನ್ನು ಪಡೆದುಕೊಂಡಿರುವುದಾಗಿ ರಷ್ಯಾ ಕಳೆದ ವಾರ ಹೇಳಿತ್ತು.

ಇದನ್ನೂ ಓದಿ.. ಉಕ್ರೇನ್‌ಗೆ ಶಸ್ತ್ರಾಸ್ತ್ರ ಸರಬರಾಜು: ಅಮೆರಿಕಕ್ಕೆ ಎಚ್ಚರಿಕೆ ನೀಡಿದ ರಷ್ಯಾ