ರಷ್ಯಾ: ಉಕ್ರೇನ್‌ನ ಒಂಬತ್ತು ಸಂಸ್ಥೆಗಳ ಮೇಲೆ ಆರ್ಥಿಕ ನಿರ್ಬಂಧ
ಅಕ್ಷರ ಗಾತ್ರ :ಆ |ಆ |ಆ
ಮಾಸ್ಕೊ: ರಷ್ಯಾವು ಉಕ್ರೇನ್‌ನ ಒಂಬತ್ತು ಸಂಸ್ಥೆಗಳ ಮೇಲೆ ಆರ್ಥಿಕ ನಿರ್ಬಂಧ ಹೇರಿದೆ.
2014ರಲ್ಲಿ ರಷ್ಯಾವು ಉಕ್ರೇನ್‌ನ ಕ್ರಿಮಿಯಾನ್ ದ್ವೀಪವನ್ನು ಸ್ವಾಧೀನ ಪಡಿಸಿಕೊಂಡಿತ್ತು. ಈ ಬಳಿಕ ರಷ್ಯಾ ಮತ್ತು ಉಕ್ರೇನ್‌ ನಡುವಿನ ಸಂಬಂಧ ತೀರಾ ಹದಗೆಟ್ಟಿದೆ.
ಅಲ್ಲದೆ ‘ಪೂರ್ವ ಉಕ್ರೇನ್‌ನಲ್ಲಿ ರಷ್ಯಾ ಪರ ಪ್ರತ್ಯೇಕವಾದಿಗಳಿಗೆ ರಷ್ಯಾ ಬೆಂಬಲ ನೀಡಿದೆ’ ಎಂದು ಉಕ್ರೇನ್‌ ಆರೋಪಿಸಿದೆ. ಆದರೆ ರಷ್ಯಾ ಈ ಆರೋಪವನ್ನು ತಳ್ಳಿ ಹಾಕಿದ್ದು, ‘ತಾನು ಉಕ್ರೇನ್‌ನ ಸಂಘರ್ಷದಲ್ಲಿ ಭಾಗಿಯಾಗಿಲ್ಲ’ ಎಂದು ಹೇಳಿದೆ.
ಇದರಿಂದಾಗಿ ಹಲವು ಪಾಶ್ಚಿಮಾತ್ಯ ದೇಶಗಳು ರಷ್ಯಾದ ಮೇಲೆ ನಿರ್ಬಂಧ ವಿಧಿಸಿದ್ದವು.
ಇದೀಗ ರಷ್ಯಾವು ಉಕ್ರೇನ್‌ನ ಹಡಗು ತಯಾರಕ ಸಂಸ್ಥೆ ಕ್ರೇನ್‌ಶಿಪ್, ಡೊನ್ಮಾರ್, ಟ್ರಾನ್ಸ್‌ಶಿಪ್, ಮ್ಯಾಕ್ಸಿಮಾ ಮೆಟಲ್ ಸೇರಿದಂತೆ ಒಟ್ಟು 9 ಸಂಸ್ಥೆಗಳ ಮೇಲೆ ಆರ್ಥಿಕ ನಿರ್ಬಂಧ ಹೇರಿದೆ. ಆದರೆ ಈ ನಿರ್ಬಂಧದ ಕಾರಣವನ್ನು ಮಾತ್ರ ರಷ್ಯಾ ಬಹಿರಂಗಪಡಿಸಿಲ್ಲ. ರಷ್ಯಾ ಈವರೆಗೆ ಉಕ್ರೇನ್‌ನ 84 ಕಂಪೆನಿಗಳ ಮೇಲೆ ನಿರ್ಬಂಧ ಹೇರಿದೆ.
ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
