ಉಕ್ರೇನ್ ಬಿಟ್ಟು ಪಲಾಯನ ಮಾಡುತ್ತಿರುವವರಿಗೆ ಸಹಾಯಹಸ್ತ ಚಾಚಿದ ಟೆಸ್ಲಾ

ಉಕ್ರೇನ್ ಸುತ್ತಮುತ್ತಲಿರುವ ರಾಷ್ಟ್ರಗಳಲ್ಲಿನ ಗಡಿಗಳಲ್ಲಿ ಟೆಸ್ಲಾ, ಎಲೆಕ್ಟ್ರಿಕ್ ವೆಹಿಕಲ್ ಚಾರ್ಜಿಂಗ್ ಕೇಂದ್ರಗಳನ್ನು ಸ್ಥಾಪಿಸುತ್ತಿದೆ. ಟೆಸ್ಲಾ ಇ–ವೆಹಿಕಲ್ ಇರುವವರು ಹಾಗೂ ಟೆಸ್ಲಾ ಅಲ್ಲದೇ ಬೇರೆ ಕಂಪನಿಯ ಇ–ವೆಹಿಕಲ್‌ಗಳನ್ನು ಹೊಂದಿರುವವರು ಇಲ್ಲಿ ಚಾರ್ಜ್ ಮಾಡಿಕೊಳ್ಳಬಹುದು ಎಂದು ಕಂಪನಿ ತಿಳಿಸಿದೆ ಎಂದು 'Electrek' ವೆಬ್‌ಸೈಟ್ ವರದಿ ಮಾಡಿದೆ.

ಪೋಲ್ಯಾಂಡ್, ಸ್ಲೊವೇಕಿಯಾ ಹಾಗೂ ಹಂಗೇರಿಯ ಎರಡು ಕಡೆಗಳಲ್ಲಿ ಇ–ಚಾರ್ಜಿಂಗ್ ಕೇಂದ್ರಗಳನ್ನು ತೆರೆಯಲಾಗಿದೆ ಎಂದು ಟೆಸ್ಲಾ ತಿಳಿಸಿದೆ.

‘ನಮ್ಮ ಸಹಾಯ ನಿಮ್ಮನ್ನು ಸುರಕ್ಷಿತ ಸ್ಥಳಕ್ಕೆ ಗುರಿ ಮುಟ್ಟಿಸಲಿದೆ’ ಎಂದು ಉಕ್ರೇನ್‌ ಬಿಟ್ಟು ತೆರಳುತ್ತಿರುವವರನ್ನು ಉದ್ದೇಶಿಸಿಸಿ ಟೆಸ್ಲಾ ಹೇಳಿದೆ.

ಅಮೆರಿಕದಲ್ಲಿ ಉಂಟಾದ ಹರಿಕೇನ್ ಚಂಡಮಾರುತ ಸೇರಿದಂತೆ ಅನೇಕ ಪ್ರಾಕೃತಿಕ ವಿಕೋಪಗಳಲ್ಲಿ ಕೂಡ ಟೆಸ್ಲಾ ಇದೇ ರೀತಿ ಸೂಪರ್‌ಚಾರ್ಜಿಂಗ್‌ ಸ್ಟೇಷನ್‌ಗಳನ್ನು ಸ್ಥಾಪಿಸಿತ್ತು.

ರಷ್ಯಾ ಕಳೆದ ಶುಕ್ರವಾರ ನೆರೆಯ ಉಕ್ರೇನ್ ಮೇಲೆ ಆಕ್ರಮಣ ಮಾಡಿ ಆ ದೇಶವನ್ನು ತನ್ನ ವಶಕ್ಕೆ ತೆಗೆದುಕೊಳ್ಳುವಲ್ಲಿ ನಿರಂತರ ಪ್ರಯತ್ನ ನಡೆಸುತ್ತಿದೆ. ಆದರೆ, ಇದಕ್ಕೆ ಉಕ್ರೇನ್ ತೀವ್ರ ಪ್ರತಿರೋಧ ಒಡ್ಡಿದೆ.

ಉಕ್ರೇನ್‌ನಿಂದ ಸ್ಥಳಾಂತರ ಕಾರ್ಯಾಚರಣೆಗೆ ಕೈಜೋಡಿಸಲು ವಾಯುಪಡೆಗೆ ಮೋದಿ ಕರೆ