ತೆರಿಗೆ ವಂಚನೆಯಲ್ಲಿ ಡೊನಾಲ್ಡ್ ಟ್ರಂಪ್ ಕುಟುಂಬದ ಸಂಸ್ಥೆಗೆ ದಂಡ

ಟ್ರಂಪ್‌ ಆರ್ಗನೈಸೆಷನ್‌ ಮತ್ತು ಟ್ರಂಪ್‌ ಪೇರೋಲ್‌ ಕಾರ್ಪ್‌ಗಳು ತೆರಿಗೆ ವಂಚಿಸಿರುವುದು ಎಲ್ಲ ರೀತಿಯಿಂದಲೂ ಸಾಬೀತಾಗಿದೆ. ಮೊದಲ ಸಲ ಈ ಕಂಪನಿಗಳು ಅಪರಾಧಗಳಿಗಾಗಿ ಶಿಕ್ಷೆ ಅನುಭವಿಸಿವೆ.

"ಇದು ದುರಾಸೆ ಮತ್ತು ವಂಚನೆಗೆ ಸಂಬಂಧಿಸಿದ ಪ್ರಕರಣವಾಗಿದೆ" ಎಂದು ಪ್ರಕರಣವನ್ನು ವಿಚಾರಣೆ ನಡೆಸಿದ ಮ್ಯಾನ್ಹ್ಯಾಟನ್ ಜಿಲ್ಲಾ ಅಟಾರ್ನಿ ಆಲ್ವಿನ್ ಬ್ರಾಗ್ ಹೇಳಿದರು.

ಟ್ರಂಪ್ ಅವರ ಮೇಲೆ ವೈಯಕ್ತಿಕವಾಗಿ ಆರೋಪ ಹೊರಿಸಲಾಗಿಲ್ಲ . ಆದರೆ ಅವರ ಹೆಸರನ್ನು ಹೊಂದಿರುವ ರಿಯಲ್ ಎಸ್ಟೇಟ್, ಹೋಟೆಲ್ ಮತ್ತು ಗಾಲ್ಫ್ ವ್ಯವಹಾರ ನಡೆಸುತ್ತಿರುವ ಸಂಸ್ಥೆಗಳು ಶಿಕ್ಷೆಗೊಳಗಾಗಿವೆ. 2024 ರಲ್ಲಿ ಅಧ್ಯಕ್ಷ ಸ್ಥಾನಕ್ಕೆ ರಿಪಬ್ಲಿಕ್‌ ಪಕ್ಷದಿಂದ ನಾಮನಿರ್ದೇಶನವನ್ನು ಬಯಸುತ್ತಿರುವ ಟ್ರಂಪ್‌ ಖ್ಯಾತಿಗೆ ಈ ಪ್ರಕರಣ ಕುತ್ತು ತರುವ ಸಾಧ್ಯತೆಯಿದೆ ಎಂದು ರಾಜಕೀಯ ವಿಶ್ಲೇಷಕರು ಹೇಳಿದ್ದಾರೆ.