ವಾಷಿಂಗ್ಟನ್: ಅತಿಕ್ರಮಣಕ್ಕೆ ಹಿನ್ನಡೆ ಆಗಿರುವುದರಿಂದ ಹತಾಶೆಗೆ ಒಳಗಾಗಿರುವ ರಷ್ಯಾ ಇನ್ನು ಅಣುಶಕ್ತಿ ಶಸ್ತ್ರಾಸ್ತ್ರ ಬಳಸಬಹುದು ಎಂಬ ಆತಂಕವನ್ನು ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ವ್ಯಕ್ತಪಡಿಸಿದ್ದಾರೆ.
ರಷ್ಯಾ ಇನ್ನು ಮುಂದೆ ಅಣುಶಕ್ತಿ ಅಥವಾ ರಾಸಾಯನಿಕ ಶಸ್ತ್ರಾಸ್ತ್ರಗಳ ಬಳಕೆ ಕುರಿತು ಮಾತನಾಡಬಹುದು ಎಂಬುದರ ಬಗ್ಗೆ ‘ಇಡೀ ಜಗತ್ತು ಕಳವಳಗೊಳ್ಳಬೇಕಿದೆ. ಅವರು ಖಂಡಿತವಾಗಿ ಬಳಸಬಹುದು’ ಎಂದಿದ್ದಾರೆ.
ರಷ್ಯಾವನ್ನು ಭಯೋತ್ಪಾದನೆ ಪ್ರಾಯೋಜಿತ ದೇಶ ಎಂದು ಘೋಷಿಸುವಂತೆ ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಅವರಿಗೆ ಮನವಿ ಮಾಡಿದ್ದಾರೆ.