<p><strong>ಯಲಹಂಕ:</strong> ಹೆಸರಘಟ್ಟದ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆಯಲ್ಲಿ ಆಯೋಜಿಸಿರುವ ರಾಷ್ಟ್ರೀಯ ತೋಟಗಾರಿಕಾ ಮೇಳದಲ್ಲಿ ಡ್ರಾಗನ್ ಹಣ್ಣಿನ ಬಿಳಿ ಮತ್ತು ಕೆಂಪು ತಿರುಳಿನ ಪ್ರಾತ್ಯಕ್ಷಿಕೆಯ ತಾಕುಗಳು ಜನರ ಗಮನ ಸೆಳೆಯುತ್ತಿವೆ.</p>.<p>ಮಳಿಗೆಗಳಿಗೆ ಭೇಟಿ ನೀಡುವ ಸ್ಥಳದ ಸಮೀಪದಲ್ಲಿ ಈ ತಾಕು ಇದೆ. ಜನರು ಕುತೂಹಲದಿಂದ ಈ ಬೆಳೆ ವೀಕ್ಷಿಸುತ್ತಿದ್ದಾರೆ.<br />‘ಗಿಡದಿಂದ ಗಿಡಕ್ಕೆ 8 ರಿಂದ 10 ಅಡಿ ಅಂತರದಲ್ಲಿ ಕಂಬಗಳನ್ನು ನಿರ್ಮಿಸಲಾಗಿದೆ. ಅದರ ಮೇಲೆ ಸಿಮೆಂಟ್ ರಿಂಗುಗಳನ್ನು ಅಳವಡಿಸಿ, ಗಿಡವು ನಾಲ್ಕೂ ಕಡೆಗಳಿಂದ ಹಬ್ಬುವ ರೀತಿಯಲ್ಲಿ ಕಲ್ಲುಚಪ್ಪಡಿಗಳನ್ನು ಆಧಾರವಾಗಿಟ್ಟು ಕಡಿಮೆ ನೀರು ಮತ್ತು ಕಡಿಮೆ ಗೊಬ್ಬರವನ್ನು ಬಳಸಿ ಈ ಬೆಳೆಯನ್ನು ಬೆಳೆಯಲಾಗಿದೆ’ ಎಂದು ಐಐಎಚ್ಆರ್ ಸಂಸ್ಥೆಯ ಪ್ರಧಾನ ವಿಜ್ಞಾನಿ ಡಾ.ಬಿ.ನಾರಾಯಣಸ್ವಾಮಿ ತಿಳಿಸಿದರು.</p>.<p>‘ಗಿಡನೆಟ್ಟ 6 ತಿಂಗಳಿಗೆ ಹೂವು ಬಿಡಲು ಆರಂಭವಾಗುತ್ತದೆ. ಒಂದು ಗಿಡದಿಂದ 16 ರಿಂದ 18 ಡ್ರಾಗನ್ ಹಣ್ಣುಗಳನ್ನು ಬೆಳಯಬಹುದಾಗಿದೆ. ಇಂದು ಮಾರುಕಟ್ಟೆಯಲ್ಲಿ ಕೆ.ಜಿಗೆ ₹120ರಿಂದ ₹250 ಬೆಲೆ ಇದೆ. ಒಂದು ಹಣ್ಣಿನ ತೂಕ 400 ಗ್ರಾಂನ ವರೆಗೆ ಇರುತ್ತದೆ’ ಎಂದರು.</p>.<p>‘ಆರೋಗ್ಯದ ದೃಷ್ಟಿಯಿಂದ ಈ ಹಣ್ಣು ಉಪಯುಕ್ತವಾಗಿದ್ದು, ಬಿಳಿ ರಕ್ತಕಣಗಳ ಸಂಖ್ಯೆಯನ್ನು ಹೆಚ್ಚಿಸುವಲ್ಲಿ ಸಹಕಾರಿ ಎಂಬುದು ವೈದ್ಯಕೀಯವಾಗಿ ಸಾಬೀತಾಗಿದೆ’ ಎಂದು ತಿಳಿಸಿದರು.</p>.<p>‘ರಾಜ್ಯದಲ್ಲಿ 18ರಿಂದ 20 ರೈತರು ಈ ಹಣ್ಣು ಬೆಳೆಯುತ್ತಿದ್ದಾರೆ. ಒಂದು ಎಕರೆಯಲ್ಲಿ 8ರಿಂದ 8 ಅಡಿಗೆ 400ರಿಂದ 800 ಗಿಡಗಳನ್ನು ಬೆಳಸಲು ಸಾಧ್ಯವಿದೆ. ಹಣ್ಣು ಬೆಳೆದ ನಂತರ ಗಿಡಗಳನ್ನು ಮಾರಾಟ ಮಾಡಿ ಲಾಭ ಗಳಿಸಬಹುದಾಗಿದೆ. ಸದ್ಯದ ಪರಿ ಸ್ಥಿತಿಯಲ್ಲಿ ಈ ಬೆಳೆಗೆ ಹೆಚ್ಚಿನ ಬೇಡಿಕೆಯಿದೆ’ ಎಂದು ಅವರು ಮಾಹಿತಿ ನೀಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಯಲಹಂಕ:</strong> ಹೆಸರಘಟ್ಟದ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆಯಲ್ಲಿ ಆಯೋಜಿಸಿರುವ ರಾಷ್ಟ್ರೀಯ ತೋಟಗಾರಿಕಾ ಮೇಳದಲ್ಲಿ ಡ್ರಾಗನ್ ಹಣ್ಣಿನ ಬಿಳಿ ಮತ್ತು ಕೆಂಪು ತಿರುಳಿನ ಪ್ರಾತ್ಯಕ್ಷಿಕೆಯ ತಾಕುಗಳು ಜನರ ಗಮನ ಸೆಳೆಯುತ್ತಿವೆ.</p>.<p>ಮಳಿಗೆಗಳಿಗೆ ಭೇಟಿ ನೀಡುವ ಸ್ಥಳದ ಸಮೀಪದಲ್ಲಿ ಈ ತಾಕು ಇದೆ. ಜನರು ಕುತೂಹಲದಿಂದ ಈ ಬೆಳೆ ವೀಕ್ಷಿಸುತ್ತಿದ್ದಾರೆ.<br />‘ಗಿಡದಿಂದ ಗಿಡಕ್ಕೆ 8 ರಿಂದ 10 ಅಡಿ ಅಂತರದಲ್ಲಿ ಕಂಬಗಳನ್ನು ನಿರ್ಮಿಸಲಾಗಿದೆ. ಅದರ ಮೇಲೆ ಸಿಮೆಂಟ್ ರಿಂಗುಗಳನ್ನು ಅಳವಡಿಸಿ, ಗಿಡವು ನಾಲ್ಕೂ ಕಡೆಗಳಿಂದ ಹಬ್ಬುವ ರೀತಿಯಲ್ಲಿ ಕಲ್ಲುಚಪ್ಪಡಿಗಳನ್ನು ಆಧಾರವಾಗಿಟ್ಟು ಕಡಿಮೆ ನೀರು ಮತ್ತು ಕಡಿಮೆ ಗೊಬ್ಬರವನ್ನು ಬಳಸಿ ಈ ಬೆಳೆಯನ್ನು ಬೆಳೆಯಲಾಗಿದೆ’ ಎಂದು ಐಐಎಚ್ಆರ್ ಸಂಸ್ಥೆಯ ಪ್ರಧಾನ ವಿಜ್ಞಾನಿ ಡಾ.ಬಿ.ನಾರಾಯಣಸ್ವಾಮಿ ತಿಳಿಸಿದರು.</p>.<p>‘ಗಿಡನೆಟ್ಟ 6 ತಿಂಗಳಿಗೆ ಹೂವು ಬಿಡಲು ಆರಂಭವಾಗುತ್ತದೆ. ಒಂದು ಗಿಡದಿಂದ 16 ರಿಂದ 18 ಡ್ರಾಗನ್ ಹಣ್ಣುಗಳನ್ನು ಬೆಳಯಬಹುದಾಗಿದೆ. ಇಂದು ಮಾರುಕಟ್ಟೆಯಲ್ಲಿ ಕೆ.ಜಿಗೆ ₹120ರಿಂದ ₹250 ಬೆಲೆ ಇದೆ. ಒಂದು ಹಣ್ಣಿನ ತೂಕ 400 ಗ್ರಾಂನ ವರೆಗೆ ಇರುತ್ತದೆ’ ಎಂದರು.</p>.<p>‘ಆರೋಗ್ಯದ ದೃಷ್ಟಿಯಿಂದ ಈ ಹಣ್ಣು ಉಪಯುಕ್ತವಾಗಿದ್ದು, ಬಿಳಿ ರಕ್ತಕಣಗಳ ಸಂಖ್ಯೆಯನ್ನು ಹೆಚ್ಚಿಸುವಲ್ಲಿ ಸಹಕಾರಿ ಎಂಬುದು ವೈದ್ಯಕೀಯವಾಗಿ ಸಾಬೀತಾಗಿದೆ’ ಎಂದು ತಿಳಿಸಿದರು.</p>.<p>‘ರಾಜ್ಯದಲ್ಲಿ 18ರಿಂದ 20 ರೈತರು ಈ ಹಣ್ಣು ಬೆಳೆಯುತ್ತಿದ್ದಾರೆ. ಒಂದು ಎಕರೆಯಲ್ಲಿ 8ರಿಂದ 8 ಅಡಿಗೆ 400ರಿಂದ 800 ಗಿಡಗಳನ್ನು ಬೆಳಸಲು ಸಾಧ್ಯವಿದೆ. ಹಣ್ಣು ಬೆಳೆದ ನಂತರ ಗಿಡಗಳನ್ನು ಮಾರಾಟ ಮಾಡಿ ಲಾಭ ಗಳಿಸಬಹುದಾಗಿದೆ. ಸದ್ಯದ ಪರಿ ಸ್ಥಿತಿಯಲ್ಲಿ ಈ ಬೆಳೆಗೆ ಹೆಚ್ಚಿನ ಬೇಡಿಕೆಯಿದೆ’ ಎಂದು ಅವರು ಮಾಹಿತಿ ನೀಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
