ಪ್ರಗತಿಪರ ರೈತರ ಯಶೋಗಾಥೆ: ಕೆಂಪು ಸೊಳೆ ಹಲಸು ಅರಸುತ್ತಾ..

ಅನಂತಮೂರ್ತಿ ಅವರ ಹಿತ್ತಿಲಿನಲ್ಲಿ ಬೆಳೆದ ಹಳದಿ ಬಣ್ಣದ ಸೊಳೆಯ ರುದ್ರಾಕ್ಷಿ ತಳಿ ಹಲಸು ಹಾಗೂ ರಿಪ್ಪನ್‌ಪೇಟೆ ಬಳಿಯ ವರ್ಕೋಡಿನ ಶ್ರೀಕಂಠಪ್ಪ ಗೌಡರ ಮನೆಯ ಹಿತ್ತಿಲಿನ ಕೆಂಪು ಬಣ್ಣದ ಸೊಳೆಯ ರುದ್ರಾಕ್ಷಿ ತಳಿ ಹಲಸು ಸೇರಿದಂತೆ ಮಲೆನಾಡಿನ (ಕೆಂಪು–ಆರ್‌ಟಿಬಿ ಹಾಗೂ ಕಿತ್ತಳೆ–ಆರ್‌ಪಿಎನ್) ನಾಲ್ಕು ತಳಿಯ ಹಲಸಿಗೆ ಕೇಂದ್ರ ಸರ್ಕಾರದ ತಳಿ ಸಂರಕ್ಷಣೆ ಮತ್ತು ರೈತರ ಹಕ್ಕುಗಳ ಪ್ರಾಧಿಕಾರ ಪೇಟೆಂಟ್ ನೀಡಿದೆ. ‘ಪಶ್ಚಿಮ ಘಟ್ಟದಲ್ಲಿ ಮಾತ್ರ ಈ ತಳಿಯ ಮರಗಳು ಸಿಗುತ್ತವೆ. ವರ್ಕೋಡು ಗ್ರಾಮದ ಶ್ರೀಕಂಠಪ್ಪಗೌಡರ ಮನೆಯ ಹಿತ್ತಿಲಲ್ಲಿರುವ ಕೆಂಪು ಸೊಳೆಯ ರುದ್ರಾಕ್ಷಿ ತಳಿಯ ಹಲಸಿನ ಮರ ಸುಮಾರು 500 ವರ್ಷದ ಹಳೆಯದ್ದು. ರಿಪ್ಪನ್‌ಪೇಟೆಯ ನಮ್ಮ ಹಳೆಯ ಮನೆಯ ಹಿತ್ತಿಲಲ್ಲಿ ಇರುವ ಹಳದಿ ಬಣ್ಣದ ತೊಳೆಯ ರುದ್ರಾಕ್ಷಿ ಹಲಸಿನಮರ ಅಮ್ಮ ಹಾಕಿದ್ದು’ ಎಂದು ಅನಂತಮೂರ್ತಿ ನೆನಪಿಸಿಕೊಳ್ಳುತ್ತಾರೆ. ರೈತರು ಹಲಸು ಬೆಳೆಯುವುದು ಮಾತ್ರವಲ್ಲ, ತಳಿ ಸಂರಕ್ಷಣೆಗೆ ಒತ್ತು ನೀಡಿದರೆ ಪೇಟೆಂಟ್‌ನ ಶಕ್ತಿ ದೊರೆತು ಆರ್ಥಿಕವಾಗಿಯೂ ಲಾಭವಾಗಲಿದೆ ಎಂದು ಅನಂತಮೂರ್ತಿ ಹೇಳುತ್ತಾರೆ. (9448554514)

‘ಪ್ರಜಾವಾಣಿ’ಯ ಕೃಷಿ ಪುರವಣಿಯಲ್ಲಿ 35 ವರ್ಷಗಳ ಹಿಂದೆ ವಿಜಯನಗರದ ಎಂ.ಸಿ ಲೇಔಟ್‌ನಲ್ಲಿ ಮನೆ ಪಕ್ಕದಲ್ಲಿ ಬೆಳೆದ ಹಲಸಿನ ಮರ ಟೆರೇಸ್‌ಗೂ ಚಾಚಿತ್ತು. ಮರದ ಟೊಂಗೆಗಳೇ ಕಾಣದಷ್ಟು ಹಣ್ಣು ಬಿಟ್ಟಿರುವ ಬಗ್ಗೆ ಚಿತ್ರ ಸಮೇತ ಲೇಖನ ಬಂದಿತ್ತು. ಅದು ವರ್ಷವಿಡೀ ಹಣ್ಣು ಬಿಡುವ ಹಲಸಿನ ಮರ ಎಂಬುದು ಉಲ್ಲೇಖಗೊಂಡಿತ್ತು. ಅದನ್ನು ಓದಿ ಬೆಂಗಳೂರಿಗೆ ತೆರಳಿ ಆ ಮನೆಯ ಮಾಲೀಕ ಶ್ರೀನಿವಾಸಮೂರ್ತಿ ಅವರನ್ನು ಕಂಡು, ಹಣ್ಣು ತಿಂದು ಮರದ ಬಗ್ಗೆ ಮಾಹಿತಿ ಪಡೆದಿದ್ದೆನು’ ಎಂದು ಅನಂತಮೂರ್ತಿ ನೆನಪಿಸಿಕೊಳ್ಳುತ್ತಾರೆ. ಎಂಸಿ ಲೇಔಟ್‌ನಲ್ಲಿ ಬೆಳೆದಿದ್ದ ಆ ಮರದ ಕುಡಿ ತಂದು ತೋಟದಲ್ಲಿ ನೆಟ್ಟಿದ್ದಾರೆ. ಅದು ಈಗ ದೊಡ್ಡ ಮರ ಆಗಿದೆ. ಆ ತಳಿಗೆ ‘ಶ್ರೀವಿಜಯ’ (ಶ್ರೀನಿವಾಸಮೂರ್ತಿ–ವಿಜಯನಗರ) ಎಂದು ಅನಂತಮೂರ್ತಿ ಹೆಸರಿಟಿದ್ದಾರೆ.