ಆರ್ಕ್ಟಿಕ್‌ನ ಹಿಮಾದ್ರಿಯಲ್ಲಿ ಕನ್ನಡಿಗನ ಪ್ರಯೋಗ

‘ನಾನು ಅಂಟಾರ್ಕ್ಟಿಕ್‌ಗೆ ಈವರೆಗೆ ಹೋಗಿಲ್ಲ. ಅಂಟಾರ್ಕ್ಟಿಕ್‌ನಲ್ಲಿ 1980ರ ದಶಕದಿಂದಲೇ ಸಂಶೋಧನಾ ಯಾತ್ರೆಗಳು ಪ್ರಾರಂಭವಾಗಿವೆ. ಈಗ ಹಲವು ಬೇಸ್‌ ಸ್ಟೇಷನ್‌ಗಳು ಅಂಟಾರ್ಕ್ಟಿಕ್‌ನಲ್ಲಿವೆ. ಆರ್ಕ್ಟಿಕ್‌ಗೆ ಹೋಲಿಸಿದರೆ, ಅಂಟಾರ್ಕ್ಟಿಕ್‌ನಲ್ಲಿ ಹೆಚ್ಚು ಸೌಲಭ್ಯ–ವ್ಯವಸ್ಥೆ ಇದೆ. ಭಾರತೀಯ ವೈದ್ಯರು, ಶುಶ್ರೂಷಕರು ಎಲ್ಲ ಇದ್ದಾರೆ’ ಎಂದು ಗಿರೀಶ್ ಹೇಳಿದರು. ‘ಆರ್ಕ್ಟಿಕ್‌ನಲ್ಲಿ ಮತ್ತೊಂದು ದೊಡ್ಡ ಸವಾಲು ಅಂದರೆ ಹಿಮ ಕರಡಿಗಳ ಕಾಟ. ಹಿಮ, ಭಾರಿ ಗಾಳಿಯ ಜೊತೆಗೆ ಹಿಮ ಕರಡಿಗಳನ್ನೂ ಎದುರಿಸಬೇಕಾಗುತ್ತದೆ. ಅವು ಪ್ರಯೋಗಾಲಯದೊಳಗೇ ನುಗ್ಗುವ ಅಪಾಯವಿರುತ್ತದೆ. ಅದಕ್ಕಾಗಿ, ರೈಫಲ್‌, ಫ್ಲೇರ್‌ ಗನ್‌ನಂತಹ ಶಸ್ತ್ರಾಸ್ತ್ರಗಳನ್ನು ಹೊಂದುವುದು ಅವಶ್ಯಕ’ ಎಂದರು.