ಪತ್ರಕರ್ತ ವಿ.ಹನುಮಂತಪ್ಪನವರ ಬಿಡಿ ಬರಹಗಳ ಸಂಗ್ರಹ ಕೃತಿ ‘ಆಕಾಶಕ್ಕೆ ಏಣಿ’. ಆಯಾ ಕಾಲದಲ್ಲಿ ವಿವಿಧ ವಿಷಯಗಳ ಕುರಿತು ಬರೆದ 37 ಬರಹಗಳು ಈ ಕೃತಿಯಲ್ಲಿದೆ. ಮಾಹಿತಿಯುತ, ಕುತೂಹಲಭರಿತ ಲೇಖನಗಳ ಗುಚ್ಛವಿದು. ಕೃತಿಯ ಮೊದಲ ಲೇಖನ ‘ಎವರೆಸ್ಟ್‌ಗಿಂತ ಎತ್ತರವಾದ ಶಿಖರ ಆಮ್ನೆಮಾಚಿನ್‌’. ಚೀನಾ ಮತ್ತು ಟಿಬೆಟ್‌ ಗಡಿಯರಲ್ಲಿರುವ ಪವರ್ತದ ಕುರಿತಾಗಿನ ಮಾಹಿತಿಯುತ ಬರಹವಿದು.
‘ಅದ್ಬುತಗಳ ಲೋಕ ಸಾಲಾರ್‌ಜಂಗ್‌ ಮ್ಯೂಸಿಯಂ’ ಲೇಖನದಲ್ಲಿ ಕಲಾಕೃತಿಗಳ ವಿಶಿಷ್ಟ ಸಂಗ್ರಹ ಹೊಂದಿರುವ ಈ ಮ್ಯೂಸಿಯಂನ ಪರಿಚಯ ಮಾಡಿಕೊಡುತ್ತಾರೆ. ಸಂತೆಬೆನ್ನೂರಿನ ಪುಷ್ಕರಣಿ ಪರಿಚಯಿಸುವ ಲೇಖನವಿದೆ. ‘ಗೀತ ಗೋವಿಂದ’ ಕಾವ್ಯದ ಕತೃ ಜಯದೇವನ ಕುರಿತಾದ ಲೇಖನ ಈ ಕವಿಯ ಕುರಿತು ಸಾಕಷ್ಟು ಗೊತ್ತಿಲ್ಲದ ಸಂಗತಿಗಳನ್ನು ಹೇಳುತ್ತದೆ.
ಐತಿಹಾಸಿಕ ಸ್ಥಳಗಳು, ವ್ಯಕ್ತಿಗಳ ಕುರಿತಾಗಿನ ಲೇಖನಗಳೇ ಈ ಕೃತಿಯಲ್ಲಿ ಹೆಚ್ಚಿವೆ. ನಾಡಿನ ವಿವಿಧ ಪತ್ರಿಕೆಗಳಲ್ಲಿ ಈಗಾಗಲೇ ಪ್ರಕಟಗೊಂಡಿರುವ ಈ ಬರಹಗಳು ಸುಲಭವಾಗಿ ಓದಿಸಿಕೊಂಡು ಹೋಗುವ ಶೈಲಿಯಲ್ಲಿವೆ.
