‘ಹಸಿವು, ತೃಷೆ, ನಿದ್ರೆ, ವಿಷಯ, ಮೈಥುನ ಬಯಕೆ ಪಶು, ಪಕ್ಷಿ, ನರರಿಗೆ ಸಮ’ ಎಂದಿದ್ದಾನೆ ಸರ್ವಜ್ಞ. ಇತರ ಜೀವಿಗಳಿಗೆ ಲೈಂಗಿಕ ಆಕರ್ಷಣೆ, ಸಂಭೋಗ ಒಂದು ಜೈವಿಕ ಕ್ರಿಯೆ. ಮನುಷ್ಯನಿಗದು ಅತ್ಯಂತ ಸುಖಾನುಭವದ ಕ್ರೀಡೆ ಎನ್ನುತ್ತಾರೆ ಬಿ.ಆರ್. ಲಕ್ಷ್ಮಣರಾವ್. ಅದು ಇತರ ಕ್ರಿಯೆಗಳಂತೆ ಸಹಜವಷ್ಟೆ. ಆದರೆ ನಮ್ಮಲ್ಲಿ ಮುಕ್ತ ಲೈಂಗಿಕ ಮಾತುಕತೆ, ಚರ್ಚೆ, ಸಮಾಲೋಚನೆ ತೀರಾ ಕಡಿಮೆ. ಅದಕ್ಕೆ ಮಡಿ, ಮೈಲಿಗೆಗಳ ಪರಿಕಲ್ಪನೆ ತೊಡಿಸಿ, ಸಂಪ್ರದಾಯದ ಸೆರಗು ಹೊದಿಸಲಾಗಿದೆ. ಇಂತಹ ಪೂರ್ವಗ್ರಹಗಳ ಮುಸುಕೆಳೆಯುವ ವೈಚಾರಿಕ ಬರಹಗಳ ಸಂಗ್ರಹ ‘ಲಿಬಿಡೊ ಬಿಡುವುದಿಲ್ಲ’.
