ಸೋಮವಾರ, ಸೆಪ್ಟೆಂಬರ್ 27, 2021
28 °C

ಕವಿತೆ: ಸ್ವಾತಂತ್ರ್ಯ

ಎಂ.ವಿ.ಶಶಿಭೂಷಣ ರಾಜು Updated:

ಅಕ್ಷರ ಗಾತ್ರ : | |

Prajavani

ಸ್ವಾತಂತ್ರ್ಯ
ಎಲ್ಲಿತ್ತೋ ದೂರದಲ್ಲಿ, ತೋರಿತ್ತು ಸ್ವರ್ಗದಂತೆ
ಇಳಿದರೆ ಗಂಗೆಯಂತೆ ಹಸಿರಾಗುವ ಕನಸು
ಸುಳಿದಂತೆ ಸೊಗಸು

ವಿಶೇಷವಿದು
ಹಗಲೋ, ರಾತ್ರಿಯೋ, ದೊರಕಿದ್ದು ಸಂಭ್ರಮ
ಹುಚ್ಚೆದ್ದು ಕುಣಿದಾಯಿತು
ಹಚ್ಚಹಸಿರಾದಂತೆ ಬಯಲು
ಸುರಿದಂತೆ ಸುಮವು, ಹರಿದಂತೆ ಹೊನಲು

ಭ್ರಮೆ ಕರಗಿಹೋಯ್ತೆ ಈಗ,
ಅಥವಾ ಮರೆತುಹೋಯಿತೇ ಜವಾಬ್ದಾರಿ
ಸುಮಮಳೆ ಯಾವ ಗಾಳಿಗೆ ತೂರಿಹೋಯಿತು
ಪ್ರಹಸನವಾಯಿತೇ ಪ್ರಜಾಪ್ರಭುತ್ವ
ಕಲುಷಿತವಾಯಿತೇ ಸಂವಿಧಾನ ದೇಗುಲ
ಧರ್ಮ ಜಾತಿಯಲಿ ಸೀಳಿಹೋಯಿತೇ ಮನುಕುಲ
ಬುದ್ದಿವಂತರ ಮೌನದಲಿ

ಸ್ವಾತಂತ್ರ್ಯವಿದೆ ಅಂತರಾಳದಲಿ
ಪಿಸುಮಾತಾಡಿದಂತೆ
ಕೂಗುಲು ಬರದ ನೆರಳಿನಲಿ
ಸಾಗುತ್ತಿದೆ ಹೀಗೆಯೇ ನೆನ್ನೆಯಂತೆ
ನಾಳೆಗಳಿಗೆ ದುರ್ಬಿನು ಹಿಡಿದು

ಸಾಗುವ ದಾರಿ ಹಿರಿದಾದರೂ
ಗಮ್ಯ ಸೇರಿಸಲಿ
ಏಗುವ ಮನಬರಲಿ
ಸಕಲ ಜನಹಿತಕೆ
ಮಾಗಲಿ ಮನ ಎಲ್ಲರ ಒಳಗೊಳ್ಳುವಿಕೆಗೆ

ಇರಲಿ
ಸಮಯವಿದೆ ಸಕಲಕ್ಕೂ
ಅರಳುತ್ತದೆ ಪ್ರಭೆ
ಸ್ವರ್ಗವಲ್ಲದಿದ್ದರೂ, ಸುರಿಯುತ್ತದೆ ಸುಖ ಕೆಲವು
ಸರಿಯುತ್ತದೆ ನೋವು

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು