<p><strong>ಆಸ್ಟ್ರೇಲಿಯಾದ ಆಟಗಾರ್ತಿ ಸಮಂತಾ ಸ್ಟಾಸರ್ ಅಮೆರಿಕ ಓಪನ್ ಟೆನಿಸ್ ಟೂರ್ನಿಯಲ್ಲಿ ಚೊಚ್ಚಲ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಹಾಗೂ ತಮ್ಮ ದೇಶಕ್ಕೆ 31 ವರ್ಷಗಳ ಬಳಿಕ ಪ್ರಶಸ್ತಿ ಗೆದ್ದು ಕೊಟ್ಟರು. ಇದಕ್ಕೆ ನೊವಾಕ್ ಜೊಕೊವಿಚ್ ಹೆಚ್ಚಿನ ಮೆರಗು ನೀಡಿದರು</strong>.<br /> <br /> ಅಬ್ಬಾ...! ಇದು ಕನಸೋ ನನಸೋ ನನಗೆ ನಂಬಲು ಸಾಧ್ಯವಾಗುತ್ತಿಲ್ಲ ಎಂದು ಅಚ್ಚರಿಯಿಂದ ನ್ಯೂಯಾರ್ಕ್ನ ಅರ್ಥರ್ ಆಯಷ್ ಕ್ರೀಡಾಂಗಣದಲ್ಲಿ ನೆರದಿದ್ದ 23 ಸಾವಿರ ಅಭಿಮಾನಿಗಳ ನಡುವೆ ಸಮಂತಾ ಸ್ಟಾಸರ್ ಭಾವುಕರಾಗಿ ಕುಣಿಯುತ್ತಿದ್ದರೆ, ದೂರದ ಆಸ್ಟ್ರೇಲಿಯಾದಲ್ಲಿ ಇಡೀ ದೇಶಕ್ಕೆ ದೇಶವೇ ಸಂಭ್ರಮದಲ್ಲಿ ಮುಳುಗಿತ್ತು. ಈ ಸಂಭ್ರಮಕ್ಕೆ ಮೂರು ದಶಕಗಳ ಇತಿಹಾಸವಿದೆ.<br /> <br /> ಅದು 1980ರ ವಿಂಬಲ್ಡನ್ ಟೂರ್ನಿ. ಈ ಟೂರ್ನಿಯ ಸಿಂಗಲ್ಸ್ನ ಫೈನಲ್ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ಆಟಗಾರ್ತಿ ಇವೊನೆ ಗೂಲಾಗೊಂಗ್ ಅಮೆರಿಕದ ಕ್ರಿಸ್ ಇವೆರ್ಟ್ ವಿರುದ್ಧ ಗೆಲುವು ಪಡೆದು ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಗೆದ್ದಿದ್ದರು. <br /> <br /> ಇವರ ನಂತರ ಆಸ್ಟ್ರೇಲಿಯಾ ಸಿಂಗಲ್ಸ್ನಲ್ಲಿ ಈ ಪ್ರಶಸ್ತಿ ಪಡೆಯಲು 31 ವರ್ಷ ಕಾಯಬೇಕಾಯಿತು. ಅದಕ್ಕೆ ಕಾರಣವಾಗಿದ್ದು ಸಮಂತಾ ಸ್ಟಾಸರ್. ಸಮಂತಾ ಜಯಿಸಿದ ಚೊಚ್ಚಲ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಇದು. <br /> <br /> 1973ರಲ್ಲಿ ನ್ಯೂಯಾರ್ಕ್ನ ಮಾರ್ಗರೇಟ್ ಕೋರ್ಟ್ನಲ್ಲಿ ಆಸ್ಟ್ರೇಲಿಯಾದ ಆಟಗಾರ್ತಿಯೊಬ್ಬರು ಅಮೆರಿಕ ಓಪನ್ ಪ್ರಶಸ್ತಿ ಜಯಿಸಿದ್ದರು. ನಂತರ ಮತ್ತೆ ಸ್ಟಾಸರ್ ನ್ಯೂಯಾರ್ಕ್ನಲ್ಲಿಯೇ ಪ್ರಶಸ್ತಿ ಗೆದ್ದಿದ್ದಾರೆ. <br /> <br /> 130 ವರ್ಷಗಳ ಭವ್ಯ ಇತಿಹಾಸವಿರುವ ಅಮೆರಿಕ ಓಪನ್ ಟೂರ್ನಿಯಲ್ಲಿ ಸ್ಟಾಸರ್ ಸಾಧನೆ ಮೆಚ್ಚುವಂತದ್ದು. ಕಳೆದ ಸಲ ಈ ಸಾಧನೆ ಮಾಡುವ ಅವಕಾಶ ಆಕೆಗಿತ್ತು. ಫ್ರೆಂಚ್ ಓಪನ್ ಟೂರ್ನಿಯಲ್ಲಿ ಫೈನಲ್ ಪ್ರವೇಶಿಸಿದ್ದರು. ಆದರೆ ಪ್ರಶಸ್ತಿ ಗೆಲ್ಲಲು ಇಟಲಿಯ ಫ್ರಾನ್ಸೆಸ್ಕಾ ಶಿಯವೋನ್ ಅಡ್ಡಿಯಾದರು. <br /> <br /> ಅಮೆರಿಕದ ಸೆರೆನಾ ವಿಲಿಯಮ್ಸ ಈ ಸಲದ ಟೂರ್ನಿಯಲ್ಲಿ ಆಡಿದ (ಫೈನಲ್ ಪಂದ್ಯ ಹೊರತು ಪಡಿಸಿ) ಯಾವ ಸೆಟ್ನಲ್ಲಿಯೂ ಸೋಲು ಕಂಡಿರಲಿಲ್ಲ. ಚುರುಕಿನ ಆಟವಾಡಿದ 27 ವರ್ಷದ ಆಟಗಾರ್ತಿ ಎದುರು ಜಯ ಪಡೆದು ಸ್ಟಾಸರ್ ಆಸ್ಟ್ರೇಲಿಯಾ ಜನರ ದೊಡ್ಡ ಸಂಭ್ರಮಕ್ಕೆ ಕಾರಣರಾದರು. <br /> <br /> ಈ ವರ್ಷದಲ್ಲಿ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಜಯಿಸುತ್ತಿರುವ ಮೂರನೇ ಮೊದಲ ಆಟಗಾರ್ತಿ ಎನ್ನುವ ಕೀರ್ತಿಯನ್ನು ಸ್ಟಾಸರ್ ಪಡೆದರು. ಸಮಂತಾ ಆಗಿನ್ನು ಆರು ವರ್ಷದ ಹುಡುಗಿ, ಹುಟ್ಟಿದ್ದು ಬ್ರಿಸ್ಬೇನ್ನಲ್ಲಿ. <br /> <br /> ಅಲ್ಲಿ ಭೀಕರವಾಗಿ ಬಂದ ನೆರೆ ಹಾವಳಿಯಿಂದ ಅಲ್ಲಿನ ಕೆಲ ಕುಟುಂಬಗಳು ತತ್ತರಿಸಿದವು. ಅವುಗಳಲ್ಲಿ ಈಕೆಯ ಮನೆಯೂ ಒಂದು. ಇದರಿಂದ ಅಡಿಲೇಡ್ಗೆ ವಲಸೆ ಹೋದರು. ಸಾಕಷ್ಟು ಸಂಕಷ್ಟಗಳ ನಡುವೆಯೂ ಸಹೋದರನೊಂದಿಗೆ 8 ವರ್ಷವಿದ್ದಾಗಿನಿಂದ ಟೆನಿಸ್ ಆಡಲು ಶುರು ಮಾಡಿದರು. <br /> <br /> ಹವ್ಯಾಸಕ್ಕಾಗಿ ಆಡುತ್ತಿದ್ದ ಆಟವನ್ನು ಹಾಗೆಯೇ ಮುಂದುವರಿಸಿಕೊಂಡು ಬಂದಿದ್ದರಿಂದಲೇ ಇಂದು ಗ್ರ್ಯಾನ್ ಸ್ಲಾಮ್ ಒಡತಿಯಾಗಲು ಸಾಧ್ಯವಾಗಿದೆ. 15 ವರ್ಷವಾಗಿದ್ದಾಗ ಮೊದಲ ಐಟಿಎಫ್ ಟೂರ್ನಿ ಆಡಿದರು. ಆದರೆ ಆರ್ಹತಾ ಸುತ್ತು ದಾಟಲು ಆಕೆಗೆ ಸಾಧ್ಯವಾಗಲಿಲ್ಲ. <br /> <br /> ಆದರೂ ನಿರಾಸೆಗೊಳ್ಳಲಿಲ್ಲ. ಟೀಕೆಗೆ ಮುನಿಸಿಕೊಳ್ಳಲಿಲ್ಲ. ಮುಂದಿನ ವರ್ಷವೇ ಸಿಂಗಲ್ಸ್ನಲ್ಲಿ ಚಾಂಪಿಯನ್ ಆಗಿ ಟೀಕಾಕಾರರಿಗೆ ಉತ್ತರ ನೀಡಿದರು. ಹೀಗೆ ಹಂತ ಹಂತವಾಗಿ ಬೆಳೆದು ಬಂದ ಸ್ಟಾಸರ್ ಡಬಲ್ಸ್ನಲ್ಲಿ ಇದುವರೆಗೂ ಒಟ್ಟು ನಾಲ್ಕು ಸಲ ಚಾಂಪಿಯನ್ ಆಗಿದ್ದಾರೆ. <br /> <br /> ಆದರೆ ಅವರಿಗೆ ಸಿಂಗಲ್ಸ್ನಲ್ಲಿ ಪ್ರಶಸ್ತಿ ಗೆಲ್ಲಲು ಸಾಧ್ಯವಾಗಿರಲಿಲ್ಲ. ಟೆನಿಸ್ ವೃತ್ತಿ ಜೀವನಕ್ಕೆ ಕಾಲಿಟ್ಟು 19 ವರ್ಷಗಳ ನಂತರ ಈ ಸಾಧನೆ ಮಾಡಲು ಸಾಧ್ಯವಾಗಿದೆ. <br /> <br /> <strong>ಮತ್ತೊಂದು ಸಂಭ್ರಮಕ್ಕೆ ಕಾರಣರಾದ ಜೊಕೊವಿಚ್:</strong> ಇದೇ ಟೂರ್ನಿಯಲ್ಲಿ ಇನ್ನೊಂದು ಸಂಭ್ರಮಕ್ಕೆ ಕಾರಣವಾಗಿದ್ದು ಅಗ್ರ ಶ್ರೇಯಾಂಕದ ಆಟಗಾರ ಸರ್ಬಿಯಾದ ನೊವಾಕ್ ಜೊಕೊವಿಚ್. <br /> <br /> ಈ ಆಟಗಾರ ಮೂರು ವರ್ಷದಲ್ಲಿ ಪುರುಷರ ವಿಭಾಗದ ಸಿಂಗಲ್ಸ್ನಲ್ಲಿ ಒಟ್ಟು ನಾಲ್ಕು ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಜಯಿಸಿದ್ದಾರೆ. ಅದರಲ್ಲೂ ಮೂರು ಬಾರಿ ಚಾಂಪಿಯನ್ ಆಗಿದ್ದು ಇದೇ ವರ್ಷ. <br /> <br /> ಆದರೆ ಅಮೆರಿಕ ಓಪನ್ ಟೂರ್ನಿಯಲ್ಲಿ ಪ್ರಶಸ್ತಿ ಗೆಲ್ಲಬೇಕೆಂಬ ಕನಸು ಮಾತ್ರ ನನಸಾಗಿರಲಿಲ್ಲ. ಈಗ ಆ ಕನಸು ನನಸಾಗಿದೆ. ಈ ಸಲ ಮೂರು ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಗೆದ್ದು ಜೊಕೊವಿಚ್ ಎಟಿಪಿ ಬಹುಮಾನದ ಮೊತ್ತ ಪಡೆಯುವಲ್ಲಿಯೂ ದಾಖಲೆ ಮಾಡಿದ್ದಾರೆ. <br /> <br /> 2011ರಲ್ಲಿ ಆಡಿದ ಒಟ್ಟು 66 ಪಂದ್ಯಗಳಲ್ಲಿ ಕೇವಲ 2 ಪಂದ್ಯದಲ್ಲಿ ಮಾತ್ರ ಸೋಲು ಕಂಡು, 64 ಪಂದ್ಯಗಳನ್ನು ಜಯಿಸಿ 10.6 ಮಿಲಿಯನ್ ಅಮೆರಿಕನ್ ಡಾಲರ್ ಬಹುಮಾನ ತಮ್ಮದಾಗಿಸಿಕೊಂಡಿದ್ದಾರೆ. <br /> <br /> ಈ ಮೊದಲು 2010ರಲ್ಲಿ ಹೆಚ್ಚು ಟೂರ್ನಿ ಜಯಿಸಿದ್ದಕ್ಕಾಗಿ ರಫೆಲ್ ನಡಾಲ್ ಹಾಗೂ 2007ರಲ್ಲಿ ರೋಜರ್ ಫೆಡರರ್ ತಲಾ 10.2 ಮಿಲಿಯನ್ ಡಾಲರ್ ಬಹುಮಾನ ಜಯಿಸಿದ್ದು ಇದುವರೆಗಿನ ದಾಖಲೆಯಾಗಿತ್ತು.<br /> <br /> ಸಾಕಷ್ಟು ವಿಶೇಷತೆಗಳ ಹೂರಣ ಹೊಂದಿದ್ದ ಈ ಸಲದ ಅಮೆರಿಕ ಓಪನ್ ಟೂರ್ನಿಯಲ್ಲಿ ಭಾರತದ ಸ್ಪರ್ಧಿಗಳ ಪ್ರದರ್ಶನ ಕಳಪೆಯಾಗಿತ್ತು. ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಭಾರತದ ಲಿಯಾಂಡರ್ ಪೇಸ್ ಹಾಗೂ ಎಲೆನಾ ವೆಸ್ನಿನಾ ಜೋಡಿ ಸೆಮಿಫೈನಲ್ ಪ್ರವೇಶಿಸಿತ್ತು ಎನ್ನುವುದಷ್ಟೇ ಸಮಾಧಾನ. <br /> <br /> ಈ ವಿಭಾಗದಲ್ಲಿ ಭಾರತಕ್ಕೆ ಪ್ರಶಸ್ತಿ ಜಯಿಸುವ ಅವಕಾಶವಿತ್ತು. ಆದರೆ ಗಾಯದ ಸಮಸ್ಯೆಯಿಂದ ಬಳಲಿದ ಪೇಸ್ ಸೆಮಿಫೈನಲ್ ಪಂದ್ಯದಲ್ಲಿ ವಾಕ್ ಓವರ್ ನೀಡಿದರು. ಕಳಪೆ ಪ್ರದರ್ಶನ ನೀಡುತ್ತಿರುವ ಭಾರತದ ಸಿಂಗಲ್ಸ್ `ಸ್ಟಾರ್~ ಗಳೆನಿಸಿರುವ ಸಾನಿಯಾ, ಸೋಮದೇವ್ ಈ ಟೂರ್ನಿಯಲ್ಲಿಯೂ ಠುಸ್...!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಆಸ್ಟ್ರೇಲಿಯಾದ ಆಟಗಾರ್ತಿ ಸಮಂತಾ ಸ್ಟಾಸರ್ ಅಮೆರಿಕ ಓಪನ್ ಟೆನಿಸ್ ಟೂರ್ನಿಯಲ್ಲಿ ಚೊಚ್ಚಲ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಹಾಗೂ ತಮ್ಮ ದೇಶಕ್ಕೆ 31 ವರ್ಷಗಳ ಬಳಿಕ ಪ್ರಶಸ್ತಿ ಗೆದ್ದು ಕೊಟ್ಟರು. ಇದಕ್ಕೆ ನೊವಾಕ್ ಜೊಕೊವಿಚ್ ಹೆಚ್ಚಿನ ಮೆರಗು ನೀಡಿದರು</strong>.<br /> <br /> ಅಬ್ಬಾ...! ಇದು ಕನಸೋ ನನಸೋ ನನಗೆ ನಂಬಲು ಸಾಧ್ಯವಾಗುತ್ತಿಲ್ಲ ಎಂದು ಅಚ್ಚರಿಯಿಂದ ನ್ಯೂಯಾರ್ಕ್ನ ಅರ್ಥರ್ ಆಯಷ್ ಕ್ರೀಡಾಂಗಣದಲ್ಲಿ ನೆರದಿದ್ದ 23 ಸಾವಿರ ಅಭಿಮಾನಿಗಳ ನಡುವೆ ಸಮಂತಾ ಸ್ಟಾಸರ್ ಭಾವುಕರಾಗಿ ಕುಣಿಯುತ್ತಿದ್ದರೆ, ದೂರದ ಆಸ್ಟ್ರೇಲಿಯಾದಲ್ಲಿ ಇಡೀ ದೇಶಕ್ಕೆ ದೇಶವೇ ಸಂಭ್ರಮದಲ್ಲಿ ಮುಳುಗಿತ್ತು. ಈ ಸಂಭ್ರಮಕ್ಕೆ ಮೂರು ದಶಕಗಳ ಇತಿಹಾಸವಿದೆ.<br /> <br /> ಅದು 1980ರ ವಿಂಬಲ್ಡನ್ ಟೂರ್ನಿ. ಈ ಟೂರ್ನಿಯ ಸಿಂಗಲ್ಸ್ನ ಫೈನಲ್ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ಆಟಗಾರ್ತಿ ಇವೊನೆ ಗೂಲಾಗೊಂಗ್ ಅಮೆರಿಕದ ಕ್ರಿಸ್ ಇವೆರ್ಟ್ ವಿರುದ್ಧ ಗೆಲುವು ಪಡೆದು ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಗೆದ್ದಿದ್ದರು. <br /> <br /> ಇವರ ನಂತರ ಆಸ್ಟ್ರೇಲಿಯಾ ಸಿಂಗಲ್ಸ್ನಲ್ಲಿ ಈ ಪ್ರಶಸ್ತಿ ಪಡೆಯಲು 31 ವರ್ಷ ಕಾಯಬೇಕಾಯಿತು. ಅದಕ್ಕೆ ಕಾರಣವಾಗಿದ್ದು ಸಮಂತಾ ಸ್ಟಾಸರ್. ಸಮಂತಾ ಜಯಿಸಿದ ಚೊಚ್ಚಲ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಇದು. <br /> <br /> 1973ರಲ್ಲಿ ನ್ಯೂಯಾರ್ಕ್ನ ಮಾರ್ಗರೇಟ್ ಕೋರ್ಟ್ನಲ್ಲಿ ಆಸ್ಟ್ರೇಲಿಯಾದ ಆಟಗಾರ್ತಿಯೊಬ್ಬರು ಅಮೆರಿಕ ಓಪನ್ ಪ್ರಶಸ್ತಿ ಜಯಿಸಿದ್ದರು. ನಂತರ ಮತ್ತೆ ಸ್ಟಾಸರ್ ನ್ಯೂಯಾರ್ಕ್ನಲ್ಲಿಯೇ ಪ್ರಶಸ್ತಿ ಗೆದ್ದಿದ್ದಾರೆ. <br /> <br /> 130 ವರ್ಷಗಳ ಭವ್ಯ ಇತಿಹಾಸವಿರುವ ಅಮೆರಿಕ ಓಪನ್ ಟೂರ್ನಿಯಲ್ಲಿ ಸ್ಟಾಸರ್ ಸಾಧನೆ ಮೆಚ್ಚುವಂತದ್ದು. ಕಳೆದ ಸಲ ಈ ಸಾಧನೆ ಮಾಡುವ ಅವಕಾಶ ಆಕೆಗಿತ್ತು. ಫ್ರೆಂಚ್ ಓಪನ್ ಟೂರ್ನಿಯಲ್ಲಿ ಫೈನಲ್ ಪ್ರವೇಶಿಸಿದ್ದರು. ಆದರೆ ಪ್ರಶಸ್ತಿ ಗೆಲ್ಲಲು ಇಟಲಿಯ ಫ್ರಾನ್ಸೆಸ್ಕಾ ಶಿಯವೋನ್ ಅಡ್ಡಿಯಾದರು. <br /> <br /> ಅಮೆರಿಕದ ಸೆರೆನಾ ವಿಲಿಯಮ್ಸ ಈ ಸಲದ ಟೂರ್ನಿಯಲ್ಲಿ ಆಡಿದ (ಫೈನಲ್ ಪಂದ್ಯ ಹೊರತು ಪಡಿಸಿ) ಯಾವ ಸೆಟ್ನಲ್ಲಿಯೂ ಸೋಲು ಕಂಡಿರಲಿಲ್ಲ. ಚುರುಕಿನ ಆಟವಾಡಿದ 27 ವರ್ಷದ ಆಟಗಾರ್ತಿ ಎದುರು ಜಯ ಪಡೆದು ಸ್ಟಾಸರ್ ಆಸ್ಟ್ರೇಲಿಯಾ ಜನರ ದೊಡ್ಡ ಸಂಭ್ರಮಕ್ಕೆ ಕಾರಣರಾದರು. <br /> <br /> ಈ ವರ್ಷದಲ್ಲಿ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಜಯಿಸುತ್ತಿರುವ ಮೂರನೇ ಮೊದಲ ಆಟಗಾರ್ತಿ ಎನ್ನುವ ಕೀರ್ತಿಯನ್ನು ಸ್ಟಾಸರ್ ಪಡೆದರು. ಸಮಂತಾ ಆಗಿನ್ನು ಆರು ವರ್ಷದ ಹುಡುಗಿ, ಹುಟ್ಟಿದ್ದು ಬ್ರಿಸ್ಬೇನ್ನಲ್ಲಿ. <br /> <br /> ಅಲ್ಲಿ ಭೀಕರವಾಗಿ ಬಂದ ನೆರೆ ಹಾವಳಿಯಿಂದ ಅಲ್ಲಿನ ಕೆಲ ಕುಟುಂಬಗಳು ತತ್ತರಿಸಿದವು. ಅವುಗಳಲ್ಲಿ ಈಕೆಯ ಮನೆಯೂ ಒಂದು. ಇದರಿಂದ ಅಡಿಲೇಡ್ಗೆ ವಲಸೆ ಹೋದರು. ಸಾಕಷ್ಟು ಸಂಕಷ್ಟಗಳ ನಡುವೆಯೂ ಸಹೋದರನೊಂದಿಗೆ 8 ವರ್ಷವಿದ್ದಾಗಿನಿಂದ ಟೆನಿಸ್ ಆಡಲು ಶುರು ಮಾಡಿದರು. <br /> <br /> ಹವ್ಯಾಸಕ್ಕಾಗಿ ಆಡುತ್ತಿದ್ದ ಆಟವನ್ನು ಹಾಗೆಯೇ ಮುಂದುವರಿಸಿಕೊಂಡು ಬಂದಿದ್ದರಿಂದಲೇ ಇಂದು ಗ್ರ್ಯಾನ್ ಸ್ಲಾಮ್ ಒಡತಿಯಾಗಲು ಸಾಧ್ಯವಾಗಿದೆ. 15 ವರ್ಷವಾಗಿದ್ದಾಗ ಮೊದಲ ಐಟಿಎಫ್ ಟೂರ್ನಿ ಆಡಿದರು. ಆದರೆ ಆರ್ಹತಾ ಸುತ್ತು ದಾಟಲು ಆಕೆಗೆ ಸಾಧ್ಯವಾಗಲಿಲ್ಲ. <br /> <br /> ಆದರೂ ನಿರಾಸೆಗೊಳ್ಳಲಿಲ್ಲ. ಟೀಕೆಗೆ ಮುನಿಸಿಕೊಳ್ಳಲಿಲ್ಲ. ಮುಂದಿನ ವರ್ಷವೇ ಸಿಂಗಲ್ಸ್ನಲ್ಲಿ ಚಾಂಪಿಯನ್ ಆಗಿ ಟೀಕಾಕಾರರಿಗೆ ಉತ್ತರ ನೀಡಿದರು. ಹೀಗೆ ಹಂತ ಹಂತವಾಗಿ ಬೆಳೆದು ಬಂದ ಸ್ಟಾಸರ್ ಡಬಲ್ಸ್ನಲ್ಲಿ ಇದುವರೆಗೂ ಒಟ್ಟು ನಾಲ್ಕು ಸಲ ಚಾಂಪಿಯನ್ ಆಗಿದ್ದಾರೆ. <br /> <br /> ಆದರೆ ಅವರಿಗೆ ಸಿಂಗಲ್ಸ್ನಲ್ಲಿ ಪ್ರಶಸ್ತಿ ಗೆಲ್ಲಲು ಸಾಧ್ಯವಾಗಿರಲಿಲ್ಲ. ಟೆನಿಸ್ ವೃತ್ತಿ ಜೀವನಕ್ಕೆ ಕಾಲಿಟ್ಟು 19 ವರ್ಷಗಳ ನಂತರ ಈ ಸಾಧನೆ ಮಾಡಲು ಸಾಧ್ಯವಾಗಿದೆ. <br /> <br /> <strong>ಮತ್ತೊಂದು ಸಂಭ್ರಮಕ್ಕೆ ಕಾರಣರಾದ ಜೊಕೊವಿಚ್:</strong> ಇದೇ ಟೂರ್ನಿಯಲ್ಲಿ ಇನ್ನೊಂದು ಸಂಭ್ರಮಕ್ಕೆ ಕಾರಣವಾಗಿದ್ದು ಅಗ್ರ ಶ್ರೇಯಾಂಕದ ಆಟಗಾರ ಸರ್ಬಿಯಾದ ನೊವಾಕ್ ಜೊಕೊವಿಚ್. <br /> <br /> ಈ ಆಟಗಾರ ಮೂರು ವರ್ಷದಲ್ಲಿ ಪುರುಷರ ವಿಭಾಗದ ಸಿಂಗಲ್ಸ್ನಲ್ಲಿ ಒಟ್ಟು ನಾಲ್ಕು ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಜಯಿಸಿದ್ದಾರೆ. ಅದರಲ್ಲೂ ಮೂರು ಬಾರಿ ಚಾಂಪಿಯನ್ ಆಗಿದ್ದು ಇದೇ ವರ್ಷ. <br /> <br /> ಆದರೆ ಅಮೆರಿಕ ಓಪನ್ ಟೂರ್ನಿಯಲ್ಲಿ ಪ್ರಶಸ್ತಿ ಗೆಲ್ಲಬೇಕೆಂಬ ಕನಸು ಮಾತ್ರ ನನಸಾಗಿರಲಿಲ್ಲ. ಈಗ ಆ ಕನಸು ನನಸಾಗಿದೆ. ಈ ಸಲ ಮೂರು ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಗೆದ್ದು ಜೊಕೊವಿಚ್ ಎಟಿಪಿ ಬಹುಮಾನದ ಮೊತ್ತ ಪಡೆಯುವಲ್ಲಿಯೂ ದಾಖಲೆ ಮಾಡಿದ್ದಾರೆ. <br /> <br /> 2011ರಲ್ಲಿ ಆಡಿದ ಒಟ್ಟು 66 ಪಂದ್ಯಗಳಲ್ಲಿ ಕೇವಲ 2 ಪಂದ್ಯದಲ್ಲಿ ಮಾತ್ರ ಸೋಲು ಕಂಡು, 64 ಪಂದ್ಯಗಳನ್ನು ಜಯಿಸಿ 10.6 ಮಿಲಿಯನ್ ಅಮೆರಿಕನ್ ಡಾಲರ್ ಬಹುಮಾನ ತಮ್ಮದಾಗಿಸಿಕೊಂಡಿದ್ದಾರೆ. <br /> <br /> ಈ ಮೊದಲು 2010ರಲ್ಲಿ ಹೆಚ್ಚು ಟೂರ್ನಿ ಜಯಿಸಿದ್ದಕ್ಕಾಗಿ ರಫೆಲ್ ನಡಾಲ್ ಹಾಗೂ 2007ರಲ್ಲಿ ರೋಜರ್ ಫೆಡರರ್ ತಲಾ 10.2 ಮಿಲಿಯನ್ ಡಾಲರ್ ಬಹುಮಾನ ಜಯಿಸಿದ್ದು ಇದುವರೆಗಿನ ದಾಖಲೆಯಾಗಿತ್ತು.<br /> <br /> ಸಾಕಷ್ಟು ವಿಶೇಷತೆಗಳ ಹೂರಣ ಹೊಂದಿದ್ದ ಈ ಸಲದ ಅಮೆರಿಕ ಓಪನ್ ಟೂರ್ನಿಯಲ್ಲಿ ಭಾರತದ ಸ್ಪರ್ಧಿಗಳ ಪ್ರದರ್ಶನ ಕಳಪೆಯಾಗಿತ್ತು. ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಭಾರತದ ಲಿಯಾಂಡರ್ ಪೇಸ್ ಹಾಗೂ ಎಲೆನಾ ವೆಸ್ನಿನಾ ಜೋಡಿ ಸೆಮಿಫೈನಲ್ ಪ್ರವೇಶಿಸಿತ್ತು ಎನ್ನುವುದಷ್ಟೇ ಸಮಾಧಾನ. <br /> <br /> ಈ ವಿಭಾಗದಲ್ಲಿ ಭಾರತಕ್ಕೆ ಪ್ರಶಸ್ತಿ ಜಯಿಸುವ ಅವಕಾಶವಿತ್ತು. ಆದರೆ ಗಾಯದ ಸಮಸ್ಯೆಯಿಂದ ಬಳಲಿದ ಪೇಸ್ ಸೆಮಿಫೈನಲ್ ಪಂದ್ಯದಲ್ಲಿ ವಾಕ್ ಓವರ್ ನೀಡಿದರು. ಕಳಪೆ ಪ್ರದರ್ಶನ ನೀಡುತ್ತಿರುವ ಭಾರತದ ಸಿಂಗಲ್ಸ್ `ಸ್ಟಾರ್~ ಗಳೆನಿಸಿರುವ ಸಾನಿಯಾ, ಸೋಮದೇವ್ ಈ ಟೂರ್ನಿಯಲ್ಲಿಯೂ ಠುಸ್...!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
