ಗುರುವಾರ , ಫೆಬ್ರವರಿ 25, 2021
19 °C

ಅರಣ್ಯ ಇಲಾಖೆಯಿಂದ ಸಾಲು ಮರಗಳ ಹರಾಜು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಅರಣ್ಯ ಇಲಾಖೆಯಿಂದ ಸಾಲು ಮರಗಳ ಹರಾಜು

ಕನಕಪುರ: ತಾಲ್ಲೂಕಿನ ಸಾತನೂರು ಮತ್ತು ಚನ್ನಪಟ್ಟಣ ರಸ್ತೆ ಬದಿಯ ಸಾಲು ಮರಗಳನ್ನು ಅರಣ್ಯ ಇಲಾಖೆ ಅಧಿಕಾರಿಗಳು ಕಟಾವು ಮಾಡಲು ಹರಾಜು ಮಾಡಿದ ಘಟನೆ ಮಂಗಳವಾರ ನಡೆಯಿತು.



ಸಾತನೂರು–ಚನ್ನಪಟ್ಟಣ ಮಾರ್ಗದ ರಸ್ತೆಯನ್ನು ರಾಜ್ಯ ಹೆದ್ದಾರಿ ರಸ್ತೆಯನ್ನಾಗಿಸಿ ಮೇಲ್ದರ್ಜೆಗೇರಿಸಿದ್ದರಿಂದ ರಸ್ತೆ ಅಗಲೀಕರಣ ಮತ್ತು ಅಭಿವೃದ್ದಿಯಿಂದ ರಸ್ತೆಯ ಎರಡೂ ಬದಿಯಲ್ಲಿರುವ ಸುಮಾರು 103 ಮರಗಳನ್ನು ತೆಗೆಯಬೇಕೆಂದು ಲೋಕೋಪಯೋಗಿ ಇಲಾಖೆಯವರು ರಸ್ತೆ ಬದಿಯ ಮರಗಳನ್ನು ತೆರವುಗೊಳಿಸುವಂತೆ ಅರಣ್ಯ ಇಲಾಖೆಯವರಲ್ಲಿ ಮನವಿ ಅವರು ಮಾಡಿದ್ದರು.



ಕನಕಪುರ ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ರಾಮಕೃಷ್ಣಪ್ಪ,  ಸಾತನೂರು ವಲಯ ಅರಣ್ಯಾಧಿಕಾರಿ ವಿಜಯ್ ಕುಮಾರ್, ಅರಣ್ಯ ಇಲಾಖೆಯ ಸಿಬ್ಬಂದಿಗಳಾದ ರಾಜಶೇಖರ್, ರಾಜು ಅವರುಗಳು ಮಂಗಳವಾರ ಮೊದಲೇ ಗುರುತು ಮಾಡಿರುವ ವಿವಿಧ ಜಾತಿಯ 103 ಮರಗಳನ್ನು ಇರುವ ಸ್ಥಿತಿಯಲ್ಲೇ ಬಹಿರಂಗ ಹರಾಜು ಮಾಡಿದರು. 



ಹರಾಜು ಪ್ರಕ್ರಿಯೆಯಲ್ಲಿ ಒಟ್ಟು 44 ಮಂದಿ  ಬಿಡ್ ದಾರರು ಭಾಗವಹಿಸಿದ್ದರು. ಮೊದಲನೆ ಹಂತದಲ್ಲಿ 49 ಮರಗಳನ್ನು ₹  2 ಲಕ್ಷದ 80 ಸಾವಿರಕ್ಕೆ, ಎರಡನೇ ಹಂತದಲ್ಲಿ  46 ಮರಗಳನ್ನು ₹ 2 ಲಕ್ಷದ 15 ಸಾವಿರುಗಳಿಗೆ ಹರಾಜು ಮಾಡಲಾಯಿತು. ಉಳಿದಂತ 8 ಮರಗಳನ್ನು ₹ 87 ಸಾವಿರಕ್ಕೆ ಹರಾಜು ಮಾಡಲಾಯಿತು, ಬಾಬು ಮತ್ತು ಅಸ್ಲಂ ಎಂಬುವವರು ಹರಾಜಿನಲ್ಲಿ ತಮಗೆ ಬೇಕಾದ ಮರಗಳನ್ನು ಖರೀದಿಸಿದರು.



ಅರಳಿ, ಆಲ, ಇಪ್ಪೆ, ಗುಲ್ಮೋರ್, ಹುಣಸೆ ಸೇರಿದಂತೆ ಇನ್ನಿತರೆ ಜಾತಿಯ ಮರಗಳನ್ನು ಹರಾಜು ಮಾಡಲಾಯಿತು. ರಸ್ತೆ ಅಗಲೀಕರಣ ಮಾಡಿ ಅಭಿವೃದ್ದಿ ಪಡಿಸಲು ಅಡ್ಡಿಯಾಗಿರುವ ರಸ್ತೆ ಬದಿ ಮರಗಳನ್ನು ತೆರವುಗೊಳಿಸುವಂತೆ ಲೋಕೋಪಯೋಗಿ ಇಲಾಖೆ ಮಾಡಿದ ಮನವಿ ಮೇರೆಗೆ ಎರಡು ಬದಿಯಲ್ಲಿ ಗುರುತು ಮಾಡಿದ ಮರಗಳನ್ನು ಇರುವ ಸ್ಥಿತಿಯಲ್ಲೇ ಹರಾಜು ಮಾಡಲಾಗುತ್ತಿದೆ ಎಂದು ರಾಮಕೃಷ್ಣಪ್ಪ ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಕನಕಪುರ ಅವರು ತಿಳಿಸುತ್ತಾರೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.