ಕ್ವಾರ್ಟರ್ ಫೈನಲ್‌ಗೆ ಸೈನಾ ನೆಹ್ವಾಲ್
ನವದೆಹಲಿ (ಪಿಟಿಐ): ಸೈನಾ ನೆಹ್ವಾಲ್ ಟೋಕಿಯೊದಲ್ಲಿ ನಡೆಯುತ್ತಿರುವ ಜಪಾನ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯ ಮಹಿಳೆಯರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು.
ಗುರುವಾರ ನಡೆದ ಪಂದ್ಯದಲ್ಲಿ ಭಾರತದ ಆಟಗಾರ್ತಿ 21-17, 21-16 ರಲ್ಲಿ ಸಿಂಗಪುರದ ಮಿಂಗ್‌ತಿಯಾನ್ ಫು ವಿರುದ್ಧ ಜಯ ಸಾಧಿಸಿದರು. ಇಲ್ಲಿ ನಾಲ್ಕನೇ ಶ್ರೇಯಾಂಕ ಹೊಂದಿರುವ ಸೈನಾ ಕೇವಲ 33 ನಿಮಿಷಗಳಲ್ಲಿ ಗೆಲುವು ತಮ್ಮದಾಗಿಸಿಕೊಂಡರು. ಶುಕ್ರವಾರ ನಡೆಯುವ ಎಂಟರಘಟ್ಟದ ಪಂದ್ಯದಲ್ಲಿ ಅವರು ಸಿಂಗಪುರದ ಜುವಾನ್ ಗು ವಿರುದ್ಧ ಪೈಪೋಟಿ ನಡೆಸುವರು.
ಆದರೆ ಭಾರತದ ಇತರ ಸ್ಪರ್ಧಿಗಳು ಗುರುವಾರ ನಿರಾಸೆ ಅನುಭವಿಸಿದರು. ಪುರುಷರ ಸಿಂಗಲ್ಸ್ ವಿಭಾಗದ ಪಂದ್ಯದಲ್ಲಿ ಪಿ. ಕಶ್ಯಪ್ 15-21, 21-6, 18-21 ರಲ್ಲಿ ಆರನೇ ಶ್ರೇಯಾಂಕದ ಜಿನ್ ಚೆನ್ ಕೈಯಲ್ಲಿ ಪರಾಭವಗೊಂಡರು. ಒಂದು ಗಂಟೆ ಆರು ನಿಮಿಷಗಳ ಕಾಲ ನಡೆದ ಸೆಣಸಾಟದ ಬಳಿಕ ಕಶ್ಯಪ್ ಎದುರಾಳಿಗೆ ಶರಣಾದರು.
ಅಜಯ್ ಜಯರಾಮ್ 20-22, 16-21 ರಲ್ಲಿ ಇಂಡೊನೇಷ್ಯದ ಸಿಮೊನ್ ಸಂಟೊಸೊ ಕೈಯಲ್ಲಿ ಸೋಲು ಅನುಭವಿಸಿದರು. ಜಯರಾಮ್ ಬುಧವಾರ ವಿಶ್ವದ ಏಳನೇ ರ‌್ಯಾಂಕ್‌ನ ಆಟಗಾರ ತಿಯಾನ್ ಮಿನ್ ನುಯೆನ್ ವಿರುದ್ಧ ಅಚ್ಚರಿಯ ಗೆಲುವು ಪಡೆದಿದ್ದರು.
ಮಹಿಳೆಯರ ಡಬಲ್ಸ್ ವಿಭಾಗದಲ್ಲಿ ಜ್ವಾಲಾ ಗುಟ್ಟಾ ಮತ್ತು ಅಶ್ವಿನಿ ಪೊನ್ನಪ್ಪ ಜೋಡಿ 9-21, 21-18, 22-24 ರಲ್ಲಿ ಜುಂಗ್ ಯುನ್ ಹಾ ಮತ್ತು ಮಿನ್ ಜುಂಗ್ ಕಿಮ್ ಎದುರು ಸೋಲು ಅನುಭವಿಸಿದರು. ನಿರ್ಣಾಯಕ ಸೆಟ್‌ನಲ್ಲಿ ಜಿದ್ದಾಜಿದ್ದಿನ ಹೋರಾಟ ನಡೆಸಿದರೂ ಭಾರತದ ಜೋಡಿಗೆ ಗೆಲುವು ಲಭಿಸಲಿಲ್ಲ.
ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಜ್ವಾಲಾ ಮತ್ತು ವಿ. ದಿಜು ಜೋಡಿ 15-21, 10-21 ರಲ್ಲಿ ಹ್ಯುಂಗ್ ಲಿಂಗ್ ಚೆನ್ ಹಾಗೂ ವೆನ್ ಸಿಂಗ್ ಚೆಂಗ್ ಎದುರು ನಿರಾಸೆ ಅನುಭವಿಸಿತು.
ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?
ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.
ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.
ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.
ಬರಹ ಇಷ್ಟವಾಯಿತೆ?
0
0
0
0
0
