ಮಂಗಳವಾರ, ಮಾರ್ಚ್ 2, 2021
31 °C

ಚಾಲಕನ ಕಾಲ ಮೇಲೆ ಹರಿದ ಬಿಎಂಟಿಸಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಚಾಲಕನ ಕಾಲ ಮೇಲೆ ಹರಿದ ಬಿಎಂಟಿಸಿ

ಬೆಂಗಳೂರು: ಶಾಂತಿನಗರ ಡಿಪೊದಲ್ಲಿ ಶುಕ್ರವಾರ ಬೆಳಿಗ್ಗೆ ಚಾಲಕ ಮತ್ತು ನಿರ್ವಾಹಕರಾದ ಸಲೀಂ (26) ಎಂಬ ಕಾಲ ಮೇಲೆ ಬಿಎಂಟಿಸಿ ಬಸ್‌ ಹರಿದಿದೆ. ತೀವ್ರ ಗಾಯಗೊಂಡಿರುವ ಅವರು ಹಾಸ್ಮ್ಯಾಟ್ ಆಸ್ಪತ್ರೆಯ ತುರ್ತು ನಿಗಾ ಘಟಕದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.



ಬೀದರ್‌ನಿಂದ ಬೆಳಿಗ್ಗೆ ನಗರಕ್ಕೆ ಬಂದ ಸಲೀಂ, ಡಿಪೊದ ನೀರಿನ ತೊಟ್ಟಿ ಬಳಿ ಮುಖ ತೊಳೆಯುತ್ತಿದ್ದರು. ಈ ವೇಳೆ ಎಲೆಕ್ಟ್ರಾನಿಕ್‌ ಸಿಟಿಗೆ ಹೊರಟಿದ್ದ ಬಸ್‌, ಚಾಲಕನ ನಿಯಂತ್ರಣ ಕಳೆದುಕೊಂಡು ಅವರಿಗೆ ಡಿಕ್ಕಿ ಹೊಡೆಯಿತು. ಘಟನೆಯಲ್ಲಿ ಕೆಳಗೆ ಬಿದ್ದ ಅವರ ಕಾಲ ಮೇಲೆ ಬಸ್‌ನ ಚಕ್ರ ಹರಿದಿದೆ.



ಕೂಡಲೇ ಡಿಪೊದ ಇತರೆ ಸಿಬ್ಬಂದಿ ಸಲೀಂ ಅವರನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ‘ಸಲೀಂ ಅವರ ಎಡಗಾಲಿನ ತೊಡೆ ಭಾಗದ ಮೂಳೆ ಪುಡಿ­ಪುಡಿಯಾಗಿದೆ. ಮಂಡಿಯ ಕೀಲು ಸಹ ತುಂಡಾಗಿದೆ. ಅವರನ್ನು ತುರ್ತು ನಿಗಾ ಘಟಕದಲ್ಲಿರಿಸಿ ಚಿಕಿತ್ಸೆ ನೀಡ­­ಲಾಗುತ್ತಿದೆ. ಶಸ್ತ್ರಚಿಕಿತ್ಸೆಯ ಅಗ­ತ್ಯತೆ ಬಗ್ಗೆ ಶನಿವಾರ ನಿರ್ಧರಿಸಲಾ­ಗು­ವುದು’ ಎಂದು ಹಾಸ್ಮ್ಯಾಟ್‌ ಆಸ್ಪತ್ರೆ ವೈದ್ಯ ಅಜಿತ್‌ ‘ಪ್ರಜಾವಾಣಿ’ಗೆ ತಿಳಿಸಿದರು.



‘ಪತ್ನಿ ಹಾಗೂ ಐದು ತಿಂಗಳ ಮಗುವನ್ನು ನೋಡಲು ಬೀದರ್‌ಗೆ ಹೋಗಿದ್ದೆ. ಬೆಳಿಗ್ಗೆ 7.30ಕ್ಕೆ  ವಾಪಸಾದ ನಾನು, ಕರ್ತವ್ಯಕ್ಕೆ ಹಾಜರಾಗಲು ಅಣಿಯಾಗುತ್ತಿದ್ದೆ. ಈ ವೇಳೆ ಬಸ್‌ ಏಕಾಏಕಿ ಮೈಮೇಲೆ ಎರಗಿತು.



ಚಾಲಕ ಡಿಪೊದಲ್ಲೇ ಇಷ್ಟು ಅಜಾಗರೂಕತೆ ತೋರಿದರೆ ರಸ್ತೆಗಳಲ್ಲಿ ಯಾವ ರೀತಿ ಕೆಲಸ ಮಾಡಬಹುದು’ ಎಂದು ಸಲೀಂ ಅವರು ಬೇಸರ ವ್ಯಕ್ತಪಡಿಸಿದ್ದಾರೆ.



ಅಮಾನತಿನಲ್ಲಿದ್ದ ಸಲೀಂ

ಸಲೀಂ ಅವರು ಇತ್ತೀಚೆಗೆ ಪ್ರಯಾ­­ಣಿ­ಕರಿಂದ ಪ್ರಯಾಣ ದರ ಪಡೆದು­­ಕೊಂಡು ಟಿಕೆಟ್ ನೀಡಿರ­ಲಿಲ್ಲ. ಈ ಬಗ್ಗೆ ಪರಿಶೀಲನೆ ನಡೆಸಿದ್ದ ಅಧಿಕಾರಿ­ಗಳು ಅವರನ್ನು ಅಮಾ­ನತಿ­ನಲ್ಲಿ ಇರಿಸಿದ್ದರು. ಇದೇ ವಿಷಯ­ವಾಗಿ ಹಿರಿಯ ಅಧಿಕಾರಿಗಳೊಂದಿಗೆ ಮಾತನಾ­ಡಲು ಸಲೀಂ ಡಿಪೊಗೆ ಬಂದಿದ್ದರು

ಷಡಾಕ್ಷರಯ್ಯ,

ಶಾಂತಿನಗರ ಡಿಪೊ ವ್ಯವಸ್ಥಾಪಕ

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.