<p>ಫ್ರೆಜರ್ ಟೌನ್ನ ಜಸ್ಟ್ ಡ್ಯಾನ್ಸ್ ಸಂಸ್ಥೆಯ 8ನೇ ವರ್ಷದ ಚಳಿಗಾಲದ `ಡ್ಯಾನ್ಸ್ ಫೆಸ್ಟಿವಲ್~ ನವೆಂಬರ್ 7ರಿಂದ ಡಿಸೆಂಬರ್ 4ರ ವರೆಗೆ ನಡೆಯಲಿದೆ. <br /> <br /> ಇದರಲ್ಲಿ ನೃತ್ಯ ಕಾರ್ಯಾಗಾರ, ವಿವಿಧ ನೃತ್ಯ ಪ್ರಕಾರಗಳ ಪರಿಚಯದ ಜತೆಗೆ ಸಾಕಷ್ಟು ಮನರಂಜನೆ ಸಹ ದೊರೆಯಲಿದೆ. ದೇಶಿ ಹಾಗೂ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಖ್ಯಾತಿ ಗಳಿಸಿದ ನೃತ್ಯ ಪಟುಗಳು ಇದರಲ್ಲಿ ಪಾಲ್ಗೊಳ್ಳಲಿದ್ದಾರೆ. ಜತೆಗೆ ಪ್ರತಿ ವಾರ ನೃತ್ಯ ಪ್ರದರ್ಶನ ಸಹ ಇರುತ್ತದೆ. <br /> <br /> ಮೊದಲ ವಾರದಲ್ಲಿ ನಡೆಯಲಿರುವ ಜೀವ್ ಅಂಡ್ ಚಾ ಚಾ ಕಾರ್ಯಾಗಾರ ಎಪ್ಪತ್ತು-ಎಂಭತ್ತರ ದಶಕದಲ್ಲಿ ಸಂಚಲನ ಉಂಟುಮಾಡಿದ್ದ ಜ್ಯಾಸ್ ನರ್ತನದ ಮರು ಸೃಷ್ಟಿ ಮಾಡಲಿದೆ. ಜ್ಯಾಸ್ನ ಲವಲವಿಕೆ, ಬಿರುಸು, ಚುರುಕುತನ ಇವೆಲ್ಲವೂ ನೃತ್ಯ ಪ್ರಿಯರನ್ನು ಹುಚ್ಚೆಬ್ಬಿಸುತ್ತವೆ. ಜ್ಯಾಸ್ ನೃತ್ಯದ ಪಟ್ಟುಗಳನ್ನು ಇಲ್ಲಿ ತಿಳಿಸಿಕೊಡಲಾಗುವುದು. <br /> <br /> ಎರಡನೇ ವಾರದಲ್ಲಿ ನಡೆಯಲಿರುವ ಸಾಲ್ಸಾ ಮತ್ತು ಬಚಾತಾ ನೃತ್ಯ ಕಾರ್ಯಾಗಾರದಲ್ಲಿ ಇವುಗಳ ನೃತ್ಯ ತಂತ್ರಗಳನ್ನು ಹೇಳಿಕೊಡಲಾಗುವುದು. <br /> <br /> ಮೂರನೇ ವಾರದಲ್ಲಿ ಲಂಡನ್ನ ಖ್ಯಾತ ಸಮಕಾಲೀನ ನೃತ್ಯ ಪಟು ಲಿಜ್ ಲಿಯಾ ಅವರು ಸಮಕಾಲೀನ ನೃತ್ಯದ ಬಗ್ಗೆ ತಿಳಿಸಿಕೊಡಲಿದ್ದಾರೆ. ಭಾರತದ ಸಾಂಪ್ರದಾಯಿಕ ನೃತ್ಯವನ್ನು ವಿದೇಶಿ ಸಮಕಾಲೀನ ನೃತ್ಯಕ್ಕೆ ಒಗ್ಗಿಸಿಕೊಂಡು ನೃತ್ಯ ಮಾಡುವುದು ಇವರ ವಿಶೇಷ.<br /> <br /> ನಾಲ್ಕನೇ ವಾರ ಲಿಂಡೇ ಹಾಪ್ ಕುರಿತ ಕಾರ್ಯಾಗಾರ ಏರ್ಪಡಿಸಲಾಗಿದೆ. <br /> ಈ ಉತ್ಸವದಲ್ಲಿ ಖ್ಯಾತ ನೃತ್ಯಪಟುಗಳಾದ ಪೃಥ್ವಿ ಅಂಡ್ ರೀ, ಜೀವಿತಾ ಮತ್ತು ಮನೋಜ್ ಪಾಲ್ಗೊಳ್ಳಲಿದ್ದಾರೆ. ಮಾಹಿತಿಗೆ: 99006 47067, 98451 22220. <a href="mailto:info@justdance.in">info@justdance.in</a><br /> <br /> <strong>ಮಾಂಟೆಸ್ಸರಿ ತರಬೇತಿ</strong><br /> ವಿದ್ಯಾಂಜಲಿ ಮಾಂಟೆಸ್ಸಾರಿ ತರಬೇತಿ ಸಂಸ್ಥೆ (ವಿಎಂಟಿಐ) ಆಸಕ್ತರಿಗಾಗಿ ನ. 2ರಿಂದ ಮಾಂಟೆಸ್ಸರಿ ತರಬೇತಿ ಕೋರ್ಸ್ ಪ್ರಾರಂಭಿಸಲಿದೆ. <br /> <br /> ಐದೂವರೆಯಿಂದ ಆರೂವರೆ ವರ್ಷದ ಒಳಗಿನ ಮಕ್ಕಳನ್ನು ಯಾವ ರೀತಿ ನೋಡಿಕೊಳ್ಳಬೇಕು ಎಂಬುದನ್ನು ಇಲ್ಲಿ ಶಿಕ್ಷಕರಿಗೆ ಕಲಿಸಲಾಗುವುದು. ಇದರ ಜತೆಗೆ ಇಂಗ್ಲಿಷ್ ವ್ಯಾಕರಣ, ಕನ್ನಡ ಭಾಷೆ, ಭೂಗೋಳಶಾಸ್ತ್ರ, ಇತಿಹಾಸ, ಸಸ್ಯಶಾಸ್ತ್ರ, ಪ್ರಾಣಿಶಾಸ್ತ್ರದ ಬಗ್ಗೆ ತಿಳಿಸಿಕೊಡಲಾಗುವುದು. <br /> <br /> ನಾಳಿನ ಭವಿಷ್ಯವನ್ನು ಬರೆಯುವ ಇಂದಿನ ಮಕ್ಕಳಿಗೆ ಉತ್ತಮ ಶಿಕ್ಷಣ ನೀಡುವುದು ಅತ್ಯವಶ್ಯಕ. ಹೀಗಾಗಿ ಶಿಕ್ಷಕರಿಗೆ ಉತ್ತಮ ತರಬೇತಿ ನೀಡಿ ಅವರನ್ನು ಸಂಪನ್ಮೂಲ ವ್ಯಕ್ತಿಗಳನ್ನಾಗಿಸುವ ಉದ್ದೇಶದಿಂದ ಮಾಂಟೆಸ್ಸಾರಿ ತರಬೇತಿಯಲ್ಲಿ ಅನೇಕ ಕಾರ್ಯಕ್ರಮಗಳನ್ನು ಅಡಕಗೊಳಿಸಲಾಗಿದೆ. ಶಿಕ್ಷಕರ ಬೋಧನಾ ಮಟ್ಟವನ್ನು ಹೆಚ್ಚಿಸುವಲ್ಲಿ ಗುಣಮಟ್ಟದ ತರಬೇತಿ ನೀಡುತ್ತಿರುವುದು ಈ ಸಂಸ್ಥೆಯ ಮತ್ತೊಂದು ವೈಶಿಷ್ಟ್ಯ. <br /> ವಿಎಂಟಿಐ ಇಂಡಿಯನ್ ಇನ್ಸ್ಟಿಟ್ಯೂಟ್ ಫಾರ್ ಮಾಂಟೆಸ್ಸರಿ ಸ್ಟಡೀಸ್ ಸಂಸ್ಥೆಯಿಂದ ಅಂಗೀಕೃತಗೊಂಡಿದೆ.<br /> ಸ್ಥಳ: ವಿದ್ಯಾಂಜಲಿ ಮಾಂಟೆಸ್ಸರಿ ಟ್ರೇನಿಂಗ್ ಇನ್ಸ್ಟಿಟ್ಯೂಟ್, ಚೋಳನಾಯಕನಹಳ್ಳಿ, ಆರ್.ಟಿ.ನಗರ. ಮಾಹಿತಿಗೆ: 94484 74891, 2354 4891. <br /> <strong><br /> ಉಚಿತ ದಂತ ಶಿಬಿರ</strong><br /> ಪಿ ಡಿ ಹಿಂದೂಜಾ ಆಸ್ಪತ್ರೆ ಸುವರ್ಣ ಮಹೋತ್ಸವದ ಅಂಗವಾಗಿ ಸಿಂಧಿ ಯುವ ಒಕ್ಕೂಟದ ಸಹಯೋಗದಲ್ಲಿ ಗುರುವಾರ ಬೆಳಿಗ್ಗೆ 9 ರಿಂದ ಮಧ್ಯಾಹ್ನ 1ರ ವರೆಗೆ ಉಚಿತ ದಂತ ತಪಾಸಣೆ ಶಿಬಿರ ಆಯೋಜಿಸಲಾಗಿದೆ.<br /> ಸ್ಥಳ: ಹಿಂದೂಜಾ ಸಿಂಧಿ ಆಸ್ಪತ್ರೆ, ಸಂಪಂಗಿ ರಾಮನಗರ. ಮಾಹಿತಿ ಹಾಗೂ ನೋಂದಣಿಗೆ: 4903 0303, 2223 7117.<br /> <br /> <strong>ಶ್ರವಣ ಸಾಧನ ಉಡುಗೊರೆ ಅವಕಾಶ</strong><br /> ದೀಪಾವಳಿಗೆ ಉಡುಗೊರೆ ನೀಡುವುದು ಹಿಂದಿನಿಂದಲೂ ಬಂದ ಸಂಪ್ರದಾಯ. ಶ್ರವಣ ದೋಷ ಹೊಂದಿರುವವರಿಗೆ, ಕಿವಿ ಕೇಳಿಸದವರಿಗೆ ಅತ್ಯುತ್ತಮ ಶ್ರವಣ ಸಾಧನಗಳ ಉಡುಗೊರೆ ನೀಡಿದರೆ ಹೇಗೆ? <br /> <br /> ನಿಜ, ಅವರ ಜೀವನದಲ್ಲಿ ನೆನಪಿನಲ್ಲಿ ಉಳಿಯುವ ಉಡುಗೊರೆ ಇದಾಗುತ್ತದೆ. ಇಂಥ ಅವಕಾಶವನ್ನು ರಾಜನ್ ವಾಕ್ ಶ್ರವಣ ಕೇಂದ್ರ ನೀಡುತ್ತಿದೆ. ಈ ನಿಟ್ಟಿನಲ್ಲಿ ಅ. 31ರ ವರೆಗೂ `ಶಬ್ದದ ಉಡುಗೊರೆ~ ಎಂಬ ವಿಶಿಷ್ಟ ಆಂದೋಲನ ನಡೆಸುತ್ತಿದೆ.<br /> <br /> `ಆರ್ಥಿಕವಾಗಿ ದುರ್ಬಲರಿಗೆ ಅತ್ಯುತ್ತಮ ಗುಣಮಟ್ಟದ ಶ್ರವಣ ಸಾಧನಗಳ ಅಗತ್ಯ ತುಂಬಾ ಇದೆ. ಉತ್ತಮ ಗುಣಮಟ್ಟದ ಸಾಧನ ಧರಿಸುವುದು ಸಾಕಷ್ಟು ಅನುಕೂಲ ಉಂಟುಮಾಡುತ್ತದೆ. ಉಳ್ಳವರು 16 ಸಾವಿರದಿಂದ 31 ಸಾವಿರ ರೂ ವರೆಗೆ ನೀಡಿ ಶ್ರವಣ ಸಾಧನ ಪ್ರಾಯೋಜಕತ್ವದ ವಹಿಸಬಹುದು. <br /> <br /> ಅಲ್ಲದೆ ಯಾರಾದರೂ ತಮ್ಮ ಹಳೆಯ ಶ್ರವಣ ಸಾಧನಗಳನ್ನು ಕೊಡಲು ಇಚ್ಛಿಸಿದರೆ, ಅದನ್ನೇ ನೇರವಾಗಿ ಬಡವರಿಗೆ ವರ್ಗಾಯಿಸಲಾಗುತ್ತದೆ. ಇದು ಸಮಾಜದ ಬಡ ವರ್ಗಕ್ಕೆ ಸಹಾಯಮಾಡುವ ಉದ್ದೇಶ ಹೊಂದಿದೆ~ ಎನ್ನುತ್ತಾರೆ ಕೇಂದ್ರದ ನಿರ್ದೇಶಕ ಜಿ.ಕೃಷ್ಣಕುಮಾರ್.<br /> ಮಾಹಿತಿಗೆ : 4151 0404 <br /> <br /> <strong>ಜಾಜ್ ರೋಮಾಂಚನ</strong><br /> ಅಮೆರಿಕದಲ್ಲಿ ಹುಟ್ಟಿ ವಿಶ್ವದೆಲ್ಲೆಡೆ ಜನಪ್ರಿಯತೆ ಗಳಿಸಿದ ಜಾಜ್ ಸಂಗೀತಪ್ರಿಯರ ಮೈನವಿರೇಳಿಸುವ ಶಕ್ತಿ ಹೊಂದಿದೆ. ಕುಣಿತಕ್ಕೆ ಹೇಳಿಮಾಡಿಸಿದಂತಿದ್ದು ಎಲ್ಲರನ್ನೂ ಸೂಜಿಗಲ್ಲಿನಂತೆ ಸೆಳೆಯುತ್ತದೆ. <br /> <br /> ಅಮೆರಿಕಾದ ಖ್ಯಾತ ಜಾಜ್ ಸಂಗೀತಗಾರರಾದ ಪಾಲ್ ಬ್ಯೂಡ್ರೈ ಮತ್ತು ಪಾಥ್ವೇಸ್ ಅವರು ಇದೇ ಶನಿವಾರ ಸಂಜೆ 7ರಿಂದ ಈ ಸಂಗೀತದ ರೋಚಕತೆಯನ್ನು ಬೆಂಗಳೂರಿಗರಿಗೂ ಹಂಚಲಿದ್ದಾರೆ. ಚೆನ್ನೈಯ ಅಮೆರಿಕ ಕಾನ್ಸುಲರ್ ಜನರಲ್ ಕಚೇರಿ ಈ ಕಾರ್ಯಕ್ರಮ ಆಯೋಜಿಸಿದೆ. <br /> <br /> ಉಚಿತ ಪಾಸ್ಗಳು ಬೆಂಗಳೂರು ಸ್ಕೂಲ್ ಆಫ್ ಮ್ಯೂಸಿಕ್, ಬಿಫ್ಲಾಟ್ ಹಾಗೂ ಭಾರತೀಯ ವಿದ್ಯಾ ಭವನದಲ್ಲಿ ಇರುವ ಕೌಂಟರ್ ಕಲ್ಚರ್ ಅಂಡ್ ಅಮೆರಿಕನ್ ಕಾರ್ನರ್ನಲ್ಲಿ ಲಭ. ಜತೆಗೆ <a href="mailto:chennaipasprograms@state.gov">chennaipasprograms@state.gov</a> ನಲ್ಲಿ ಪಾಸ್ ಕಾಯ್ದಿರಿಸಿ ಕಾರ್ಯಕ್ರಮ ನಡೆಯುವ ಸ್ಥಳದಲ್ಲಿ ಪಡೆದುಕೊಳ್ಳಬಹುದು. ಸ್ಥಳ: ಗುಡ್ಶೆಫರ್ಡ್ ಆಡಿಟೋರಿಯಂ, ರೆಸಿಡೆನ್ಸಿ ರಸ್ತೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಫ್ರೆಜರ್ ಟೌನ್ನ ಜಸ್ಟ್ ಡ್ಯಾನ್ಸ್ ಸಂಸ್ಥೆಯ 8ನೇ ವರ್ಷದ ಚಳಿಗಾಲದ `ಡ್ಯಾನ್ಸ್ ಫೆಸ್ಟಿವಲ್~ ನವೆಂಬರ್ 7ರಿಂದ ಡಿಸೆಂಬರ್ 4ರ ವರೆಗೆ ನಡೆಯಲಿದೆ. <br /> <br /> ಇದರಲ್ಲಿ ನೃತ್ಯ ಕಾರ್ಯಾಗಾರ, ವಿವಿಧ ನೃತ್ಯ ಪ್ರಕಾರಗಳ ಪರಿಚಯದ ಜತೆಗೆ ಸಾಕಷ್ಟು ಮನರಂಜನೆ ಸಹ ದೊರೆಯಲಿದೆ. ದೇಶಿ ಹಾಗೂ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಖ್ಯಾತಿ ಗಳಿಸಿದ ನೃತ್ಯ ಪಟುಗಳು ಇದರಲ್ಲಿ ಪಾಲ್ಗೊಳ್ಳಲಿದ್ದಾರೆ. ಜತೆಗೆ ಪ್ರತಿ ವಾರ ನೃತ್ಯ ಪ್ರದರ್ಶನ ಸಹ ಇರುತ್ತದೆ. <br /> <br /> ಮೊದಲ ವಾರದಲ್ಲಿ ನಡೆಯಲಿರುವ ಜೀವ್ ಅಂಡ್ ಚಾ ಚಾ ಕಾರ್ಯಾಗಾರ ಎಪ್ಪತ್ತು-ಎಂಭತ್ತರ ದಶಕದಲ್ಲಿ ಸಂಚಲನ ಉಂಟುಮಾಡಿದ್ದ ಜ್ಯಾಸ್ ನರ್ತನದ ಮರು ಸೃಷ್ಟಿ ಮಾಡಲಿದೆ. ಜ್ಯಾಸ್ನ ಲವಲವಿಕೆ, ಬಿರುಸು, ಚುರುಕುತನ ಇವೆಲ್ಲವೂ ನೃತ್ಯ ಪ್ರಿಯರನ್ನು ಹುಚ್ಚೆಬ್ಬಿಸುತ್ತವೆ. ಜ್ಯಾಸ್ ನೃತ್ಯದ ಪಟ್ಟುಗಳನ್ನು ಇಲ್ಲಿ ತಿಳಿಸಿಕೊಡಲಾಗುವುದು. <br /> <br /> ಎರಡನೇ ವಾರದಲ್ಲಿ ನಡೆಯಲಿರುವ ಸಾಲ್ಸಾ ಮತ್ತು ಬಚಾತಾ ನೃತ್ಯ ಕಾರ್ಯಾಗಾರದಲ್ಲಿ ಇವುಗಳ ನೃತ್ಯ ತಂತ್ರಗಳನ್ನು ಹೇಳಿಕೊಡಲಾಗುವುದು. <br /> <br /> ಮೂರನೇ ವಾರದಲ್ಲಿ ಲಂಡನ್ನ ಖ್ಯಾತ ಸಮಕಾಲೀನ ನೃತ್ಯ ಪಟು ಲಿಜ್ ಲಿಯಾ ಅವರು ಸಮಕಾಲೀನ ನೃತ್ಯದ ಬಗ್ಗೆ ತಿಳಿಸಿಕೊಡಲಿದ್ದಾರೆ. ಭಾರತದ ಸಾಂಪ್ರದಾಯಿಕ ನೃತ್ಯವನ್ನು ವಿದೇಶಿ ಸಮಕಾಲೀನ ನೃತ್ಯಕ್ಕೆ ಒಗ್ಗಿಸಿಕೊಂಡು ನೃತ್ಯ ಮಾಡುವುದು ಇವರ ವಿಶೇಷ.<br /> <br /> ನಾಲ್ಕನೇ ವಾರ ಲಿಂಡೇ ಹಾಪ್ ಕುರಿತ ಕಾರ್ಯಾಗಾರ ಏರ್ಪಡಿಸಲಾಗಿದೆ. <br /> ಈ ಉತ್ಸವದಲ್ಲಿ ಖ್ಯಾತ ನೃತ್ಯಪಟುಗಳಾದ ಪೃಥ್ವಿ ಅಂಡ್ ರೀ, ಜೀವಿತಾ ಮತ್ತು ಮನೋಜ್ ಪಾಲ್ಗೊಳ್ಳಲಿದ್ದಾರೆ. ಮಾಹಿತಿಗೆ: 99006 47067, 98451 22220. <a href="mailto:info@justdance.in">info@justdance.in</a><br /> <br /> <strong>ಮಾಂಟೆಸ್ಸರಿ ತರಬೇತಿ</strong><br /> ವಿದ್ಯಾಂಜಲಿ ಮಾಂಟೆಸ್ಸಾರಿ ತರಬೇತಿ ಸಂಸ್ಥೆ (ವಿಎಂಟಿಐ) ಆಸಕ್ತರಿಗಾಗಿ ನ. 2ರಿಂದ ಮಾಂಟೆಸ್ಸರಿ ತರಬೇತಿ ಕೋರ್ಸ್ ಪ್ರಾರಂಭಿಸಲಿದೆ. <br /> <br /> ಐದೂವರೆಯಿಂದ ಆರೂವರೆ ವರ್ಷದ ಒಳಗಿನ ಮಕ್ಕಳನ್ನು ಯಾವ ರೀತಿ ನೋಡಿಕೊಳ್ಳಬೇಕು ಎಂಬುದನ್ನು ಇಲ್ಲಿ ಶಿಕ್ಷಕರಿಗೆ ಕಲಿಸಲಾಗುವುದು. ಇದರ ಜತೆಗೆ ಇಂಗ್ಲಿಷ್ ವ್ಯಾಕರಣ, ಕನ್ನಡ ಭಾಷೆ, ಭೂಗೋಳಶಾಸ್ತ್ರ, ಇತಿಹಾಸ, ಸಸ್ಯಶಾಸ್ತ್ರ, ಪ್ರಾಣಿಶಾಸ್ತ್ರದ ಬಗ್ಗೆ ತಿಳಿಸಿಕೊಡಲಾಗುವುದು. <br /> <br /> ನಾಳಿನ ಭವಿಷ್ಯವನ್ನು ಬರೆಯುವ ಇಂದಿನ ಮಕ್ಕಳಿಗೆ ಉತ್ತಮ ಶಿಕ್ಷಣ ನೀಡುವುದು ಅತ್ಯವಶ್ಯಕ. ಹೀಗಾಗಿ ಶಿಕ್ಷಕರಿಗೆ ಉತ್ತಮ ತರಬೇತಿ ನೀಡಿ ಅವರನ್ನು ಸಂಪನ್ಮೂಲ ವ್ಯಕ್ತಿಗಳನ್ನಾಗಿಸುವ ಉದ್ದೇಶದಿಂದ ಮಾಂಟೆಸ್ಸಾರಿ ತರಬೇತಿಯಲ್ಲಿ ಅನೇಕ ಕಾರ್ಯಕ್ರಮಗಳನ್ನು ಅಡಕಗೊಳಿಸಲಾಗಿದೆ. ಶಿಕ್ಷಕರ ಬೋಧನಾ ಮಟ್ಟವನ್ನು ಹೆಚ್ಚಿಸುವಲ್ಲಿ ಗುಣಮಟ್ಟದ ತರಬೇತಿ ನೀಡುತ್ತಿರುವುದು ಈ ಸಂಸ್ಥೆಯ ಮತ್ತೊಂದು ವೈಶಿಷ್ಟ್ಯ. <br /> ವಿಎಂಟಿಐ ಇಂಡಿಯನ್ ಇನ್ಸ್ಟಿಟ್ಯೂಟ್ ಫಾರ್ ಮಾಂಟೆಸ್ಸರಿ ಸ್ಟಡೀಸ್ ಸಂಸ್ಥೆಯಿಂದ ಅಂಗೀಕೃತಗೊಂಡಿದೆ.<br /> ಸ್ಥಳ: ವಿದ್ಯಾಂಜಲಿ ಮಾಂಟೆಸ್ಸರಿ ಟ್ರೇನಿಂಗ್ ಇನ್ಸ್ಟಿಟ್ಯೂಟ್, ಚೋಳನಾಯಕನಹಳ್ಳಿ, ಆರ್.ಟಿ.ನಗರ. ಮಾಹಿತಿಗೆ: 94484 74891, 2354 4891. <br /> <strong><br /> ಉಚಿತ ದಂತ ಶಿಬಿರ</strong><br /> ಪಿ ಡಿ ಹಿಂದೂಜಾ ಆಸ್ಪತ್ರೆ ಸುವರ್ಣ ಮಹೋತ್ಸವದ ಅಂಗವಾಗಿ ಸಿಂಧಿ ಯುವ ಒಕ್ಕೂಟದ ಸಹಯೋಗದಲ್ಲಿ ಗುರುವಾರ ಬೆಳಿಗ್ಗೆ 9 ರಿಂದ ಮಧ್ಯಾಹ್ನ 1ರ ವರೆಗೆ ಉಚಿತ ದಂತ ತಪಾಸಣೆ ಶಿಬಿರ ಆಯೋಜಿಸಲಾಗಿದೆ.<br /> ಸ್ಥಳ: ಹಿಂದೂಜಾ ಸಿಂಧಿ ಆಸ್ಪತ್ರೆ, ಸಂಪಂಗಿ ರಾಮನಗರ. ಮಾಹಿತಿ ಹಾಗೂ ನೋಂದಣಿಗೆ: 4903 0303, 2223 7117.<br /> <br /> <strong>ಶ್ರವಣ ಸಾಧನ ಉಡುಗೊರೆ ಅವಕಾಶ</strong><br /> ದೀಪಾವಳಿಗೆ ಉಡುಗೊರೆ ನೀಡುವುದು ಹಿಂದಿನಿಂದಲೂ ಬಂದ ಸಂಪ್ರದಾಯ. ಶ್ರವಣ ದೋಷ ಹೊಂದಿರುವವರಿಗೆ, ಕಿವಿ ಕೇಳಿಸದವರಿಗೆ ಅತ್ಯುತ್ತಮ ಶ್ರವಣ ಸಾಧನಗಳ ಉಡುಗೊರೆ ನೀಡಿದರೆ ಹೇಗೆ? <br /> <br /> ನಿಜ, ಅವರ ಜೀವನದಲ್ಲಿ ನೆನಪಿನಲ್ಲಿ ಉಳಿಯುವ ಉಡುಗೊರೆ ಇದಾಗುತ್ತದೆ. ಇಂಥ ಅವಕಾಶವನ್ನು ರಾಜನ್ ವಾಕ್ ಶ್ರವಣ ಕೇಂದ್ರ ನೀಡುತ್ತಿದೆ. ಈ ನಿಟ್ಟಿನಲ್ಲಿ ಅ. 31ರ ವರೆಗೂ `ಶಬ್ದದ ಉಡುಗೊರೆ~ ಎಂಬ ವಿಶಿಷ್ಟ ಆಂದೋಲನ ನಡೆಸುತ್ತಿದೆ.<br /> <br /> `ಆರ್ಥಿಕವಾಗಿ ದುರ್ಬಲರಿಗೆ ಅತ್ಯುತ್ತಮ ಗುಣಮಟ್ಟದ ಶ್ರವಣ ಸಾಧನಗಳ ಅಗತ್ಯ ತುಂಬಾ ಇದೆ. ಉತ್ತಮ ಗುಣಮಟ್ಟದ ಸಾಧನ ಧರಿಸುವುದು ಸಾಕಷ್ಟು ಅನುಕೂಲ ಉಂಟುಮಾಡುತ್ತದೆ. ಉಳ್ಳವರು 16 ಸಾವಿರದಿಂದ 31 ಸಾವಿರ ರೂ ವರೆಗೆ ನೀಡಿ ಶ್ರವಣ ಸಾಧನ ಪ್ರಾಯೋಜಕತ್ವದ ವಹಿಸಬಹುದು. <br /> <br /> ಅಲ್ಲದೆ ಯಾರಾದರೂ ತಮ್ಮ ಹಳೆಯ ಶ್ರವಣ ಸಾಧನಗಳನ್ನು ಕೊಡಲು ಇಚ್ಛಿಸಿದರೆ, ಅದನ್ನೇ ನೇರವಾಗಿ ಬಡವರಿಗೆ ವರ್ಗಾಯಿಸಲಾಗುತ್ತದೆ. ಇದು ಸಮಾಜದ ಬಡ ವರ್ಗಕ್ಕೆ ಸಹಾಯಮಾಡುವ ಉದ್ದೇಶ ಹೊಂದಿದೆ~ ಎನ್ನುತ್ತಾರೆ ಕೇಂದ್ರದ ನಿರ್ದೇಶಕ ಜಿ.ಕೃಷ್ಣಕುಮಾರ್.<br /> ಮಾಹಿತಿಗೆ : 4151 0404 <br /> <br /> <strong>ಜಾಜ್ ರೋಮಾಂಚನ</strong><br /> ಅಮೆರಿಕದಲ್ಲಿ ಹುಟ್ಟಿ ವಿಶ್ವದೆಲ್ಲೆಡೆ ಜನಪ್ರಿಯತೆ ಗಳಿಸಿದ ಜಾಜ್ ಸಂಗೀತಪ್ರಿಯರ ಮೈನವಿರೇಳಿಸುವ ಶಕ್ತಿ ಹೊಂದಿದೆ. ಕುಣಿತಕ್ಕೆ ಹೇಳಿಮಾಡಿಸಿದಂತಿದ್ದು ಎಲ್ಲರನ್ನೂ ಸೂಜಿಗಲ್ಲಿನಂತೆ ಸೆಳೆಯುತ್ತದೆ. <br /> <br /> ಅಮೆರಿಕಾದ ಖ್ಯಾತ ಜಾಜ್ ಸಂಗೀತಗಾರರಾದ ಪಾಲ್ ಬ್ಯೂಡ್ರೈ ಮತ್ತು ಪಾಥ್ವೇಸ್ ಅವರು ಇದೇ ಶನಿವಾರ ಸಂಜೆ 7ರಿಂದ ಈ ಸಂಗೀತದ ರೋಚಕತೆಯನ್ನು ಬೆಂಗಳೂರಿಗರಿಗೂ ಹಂಚಲಿದ್ದಾರೆ. ಚೆನ್ನೈಯ ಅಮೆರಿಕ ಕಾನ್ಸುಲರ್ ಜನರಲ್ ಕಚೇರಿ ಈ ಕಾರ್ಯಕ್ರಮ ಆಯೋಜಿಸಿದೆ. <br /> <br /> ಉಚಿತ ಪಾಸ್ಗಳು ಬೆಂಗಳೂರು ಸ್ಕೂಲ್ ಆಫ್ ಮ್ಯೂಸಿಕ್, ಬಿಫ್ಲಾಟ್ ಹಾಗೂ ಭಾರತೀಯ ವಿದ್ಯಾ ಭವನದಲ್ಲಿ ಇರುವ ಕೌಂಟರ್ ಕಲ್ಚರ್ ಅಂಡ್ ಅಮೆರಿಕನ್ ಕಾರ್ನರ್ನಲ್ಲಿ ಲಭ. ಜತೆಗೆ <a href="mailto:chennaipasprograms@state.gov">chennaipasprograms@state.gov</a> ನಲ್ಲಿ ಪಾಸ್ ಕಾಯ್ದಿರಿಸಿ ಕಾರ್ಯಕ್ರಮ ನಡೆಯುವ ಸ್ಥಳದಲ್ಲಿ ಪಡೆದುಕೊಳ್ಳಬಹುದು. ಸ್ಥಳ: ಗುಡ್ಶೆಫರ್ಡ್ ಆಡಿಟೋರಿಯಂ, ರೆಸಿಡೆನ್ಸಿ ರಸ್ತೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
