<p><strong>ವಿಜಾಪುರ: </strong>ನಗರವೂ ಸೇರಿದಂತೆ ಜಿಲ್ಲೆಯ ವಿವಿಧೆಡೆ ಶುಕ್ರವಾರ ಹೋಳಿಯ ಸಂಭ್ರಮ; ರಂಗಿನಾಟದ ಮೋಡಿ. ಬೆಳಗಾಗುತ್ತಿದ್ದಂತೆ ಚಿಣ್ಣರು ಕೈಯಲ್ಲಿ ಬಣ್ಣದ ಬಾಟಲ್ಗಳನ್ನು ಹಿಡಿದು ಮನೆ ಎದುರಿನ ಹಜಾರದಲ್ಲಿ ನಿಂತು ಬೀದಿಯಲ್ಲಿ ಹೋಗಿ ಬರುವವರಿಗೆ ಬಣ್ಣ ಎರಚುವ ಮೂಲಕ ರಂಗಿನಾಟಕ್ಕೆ ಚಾಲನೆ ನೀಡಿದರು.<br /> <br /> ಯುವಕರು ಗುಂಪು ಗುಂಪಾಗಿ, ಹಲಗೆ ನುಡಿಸುತ್ತ, ಬಾಯಿ ಬಡಿದುಕೊಳ್ಳುತ್ತ ಎಲ್ಲೆಡೆ ಸಂಚರಿಸಿ ತಮ್ಮ ಮಿತ್ರರಿಗೆ, ನೆರೆ-ಹೊರೆಯವರಿಗೆ ಬಣ್ಣ ಹಚ್ಚಿ ಸಂಭ್ರಮಿಸಿದರು. ಬಣ್ಣ ಹಚ್ಚುವಲ್ಲಿ ಯಶಸ್ವಿಯಾದರೆ ಎಲ್ಲರೂ ಸೇರಿ ಜೋರಾಗಿ ಬಾಯಿ ಬಡಿದುಕೊಂಡು ಸಂಭ್ರಮಿಸುತ್ತಿದ್ದರು. ಮನೆ ಮನೆಗೆ ತೆರಳಿ ವಂತಿಗೆ ನೀಡುವಂತೆ ಪೀಡಿಸುತ್ತಿದ್ದರು. ಹಣ ಕೊಡದವರ ಮನೆಯ ಎದರು `ರೊಕ್ಕಾ ಕೊಡವಲ್ರ ಏ ಯವ್ವಾ...~ ಎನ್ನುತ್ತ ಬಾಯಿ ಬಡಿದುಕೊಳ್ಳುತ್ತಿದ್ದರು.<br /> <br /> ರಂಗಿನಾಟದ ಹಿನ್ನೆಲೆಯಲ್ಲಿ ಶುಕ್ರವಾರ ವಿಜಾಪುರದಲ್ಲಿ ಅಘೋಷಿತ ಬಂದ್ ವಾತಾವರಣ ಕಂಡು ಬಂತು. ಬಹುತೇಕ ಅಂಗಡಿ- ಮುಂಗಟ್ಟುಗಳು ಮುಚ್ಚಿದ್ದವು. ಜನಸಂಚಾರ ಕಡಿಮೆ ಇತ್ತು. ಕೆಲ ಶಾಲಾ-ಕಾಲೇಜು ಕಾರ್ಯನಿರ್ವಹಿಸಿದರೂ ಬೆರಳೆಣಿಕೆಯ ವಿದ್ಯಾರ್ಥಿಗಳು ಹಾಜರಾಗಿದ್ದರು. ಮಹಿಳೆಯರು, ಯುವತಿಯರು ಸಹ ತಮ್ಮ ಗೆಳೆತಿಯರೊಂದಿಗೆ ಬಣ್ಣ ಆಡಿ ಸಂಭ್ರಮಿಸಿದರು. <br /> <br /> ಸಂಜೆ ಸೋಗಿನಾಟದ ಮೋಡಿ. ಯುವಕರು ಸೀರೆ ತೊಟ್ಟು ಮಹಿಳೆಯ ವೇಷಧಾರಿಗಳಾದ್ದರು. ಹಲಗೆಯ ಹಿಮ್ಮೇಳದಲ್ಲಿ ನರ್ತಿಸುತ್ತಿದ್ದರು. ಅಣುಕು ಶವಯಾತ್ರೆ ನಡೆಸುತ್ತಿದ್ದರು. ವಿವಿಧ ಬಗೆಯ ಸೋಗು ಹಾಕಿ ಎಲ್ಲರನ್ನೂ ರಂಜಿಸಿದರು.<br /> <br /> `ಜಿಲ್ಲೆಯಲ್ಲಿ ಹೋಳಿ ಹಬ್ಬವನ್ನು ಶಾಂತರೀತಿಯಿಂದ ಆಚರಿಸಲಾಯಿತು. ಎಲ್ಲಿಯೂ ಅಹಿತಕರ ಘಟನೆ ನಡೆದಿಲ್ಲ~ ಎಂದು ಪ್ರಭಾರ ಎಸ್ಪಿ ಎಫ್.ಎ. ಟ್ರಾಸ್ಗರ್ ತಿಳಿಸಿದರು. ವಿಜಾಪುರ ನಗರದಲ್ಲಿ ಇದೇ 12ರಂದು ಸೋಮವಾರ ರಂಗಪಂಚಮಿ ಆಚರಿಸಲಾಗುತ್ತಿದ್ದು, ಅಂದೂ ಸಹ ಬಣ್ಣದಾಟ ನಡೆಯಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಿಜಾಪುರ: </strong>ನಗರವೂ ಸೇರಿದಂತೆ ಜಿಲ್ಲೆಯ ವಿವಿಧೆಡೆ ಶುಕ್ರವಾರ ಹೋಳಿಯ ಸಂಭ್ರಮ; ರಂಗಿನಾಟದ ಮೋಡಿ. ಬೆಳಗಾಗುತ್ತಿದ್ದಂತೆ ಚಿಣ್ಣರು ಕೈಯಲ್ಲಿ ಬಣ್ಣದ ಬಾಟಲ್ಗಳನ್ನು ಹಿಡಿದು ಮನೆ ಎದುರಿನ ಹಜಾರದಲ್ಲಿ ನಿಂತು ಬೀದಿಯಲ್ಲಿ ಹೋಗಿ ಬರುವವರಿಗೆ ಬಣ್ಣ ಎರಚುವ ಮೂಲಕ ರಂಗಿನಾಟಕ್ಕೆ ಚಾಲನೆ ನೀಡಿದರು.<br /> <br /> ಯುವಕರು ಗುಂಪು ಗುಂಪಾಗಿ, ಹಲಗೆ ನುಡಿಸುತ್ತ, ಬಾಯಿ ಬಡಿದುಕೊಳ್ಳುತ್ತ ಎಲ್ಲೆಡೆ ಸಂಚರಿಸಿ ತಮ್ಮ ಮಿತ್ರರಿಗೆ, ನೆರೆ-ಹೊರೆಯವರಿಗೆ ಬಣ್ಣ ಹಚ್ಚಿ ಸಂಭ್ರಮಿಸಿದರು. ಬಣ್ಣ ಹಚ್ಚುವಲ್ಲಿ ಯಶಸ್ವಿಯಾದರೆ ಎಲ್ಲರೂ ಸೇರಿ ಜೋರಾಗಿ ಬಾಯಿ ಬಡಿದುಕೊಂಡು ಸಂಭ್ರಮಿಸುತ್ತಿದ್ದರು. ಮನೆ ಮನೆಗೆ ತೆರಳಿ ವಂತಿಗೆ ನೀಡುವಂತೆ ಪೀಡಿಸುತ್ತಿದ್ದರು. ಹಣ ಕೊಡದವರ ಮನೆಯ ಎದರು `ರೊಕ್ಕಾ ಕೊಡವಲ್ರ ಏ ಯವ್ವಾ...~ ಎನ್ನುತ್ತ ಬಾಯಿ ಬಡಿದುಕೊಳ್ಳುತ್ತಿದ್ದರು.<br /> <br /> ರಂಗಿನಾಟದ ಹಿನ್ನೆಲೆಯಲ್ಲಿ ಶುಕ್ರವಾರ ವಿಜಾಪುರದಲ್ಲಿ ಅಘೋಷಿತ ಬಂದ್ ವಾತಾವರಣ ಕಂಡು ಬಂತು. ಬಹುತೇಕ ಅಂಗಡಿ- ಮುಂಗಟ್ಟುಗಳು ಮುಚ್ಚಿದ್ದವು. ಜನಸಂಚಾರ ಕಡಿಮೆ ಇತ್ತು. ಕೆಲ ಶಾಲಾ-ಕಾಲೇಜು ಕಾರ್ಯನಿರ್ವಹಿಸಿದರೂ ಬೆರಳೆಣಿಕೆಯ ವಿದ್ಯಾರ್ಥಿಗಳು ಹಾಜರಾಗಿದ್ದರು. ಮಹಿಳೆಯರು, ಯುವತಿಯರು ಸಹ ತಮ್ಮ ಗೆಳೆತಿಯರೊಂದಿಗೆ ಬಣ್ಣ ಆಡಿ ಸಂಭ್ರಮಿಸಿದರು. <br /> <br /> ಸಂಜೆ ಸೋಗಿನಾಟದ ಮೋಡಿ. ಯುವಕರು ಸೀರೆ ತೊಟ್ಟು ಮಹಿಳೆಯ ವೇಷಧಾರಿಗಳಾದ್ದರು. ಹಲಗೆಯ ಹಿಮ್ಮೇಳದಲ್ಲಿ ನರ್ತಿಸುತ್ತಿದ್ದರು. ಅಣುಕು ಶವಯಾತ್ರೆ ನಡೆಸುತ್ತಿದ್ದರು. ವಿವಿಧ ಬಗೆಯ ಸೋಗು ಹಾಕಿ ಎಲ್ಲರನ್ನೂ ರಂಜಿಸಿದರು.<br /> <br /> `ಜಿಲ್ಲೆಯಲ್ಲಿ ಹೋಳಿ ಹಬ್ಬವನ್ನು ಶಾಂತರೀತಿಯಿಂದ ಆಚರಿಸಲಾಯಿತು. ಎಲ್ಲಿಯೂ ಅಹಿತಕರ ಘಟನೆ ನಡೆದಿಲ್ಲ~ ಎಂದು ಪ್ರಭಾರ ಎಸ್ಪಿ ಎಫ್.ಎ. ಟ್ರಾಸ್ಗರ್ ತಿಳಿಸಿದರು. ವಿಜಾಪುರ ನಗರದಲ್ಲಿ ಇದೇ 12ರಂದು ಸೋಮವಾರ ರಂಗಪಂಚಮಿ ಆಚರಿಸಲಾಗುತ್ತಿದ್ದು, ಅಂದೂ ಸಹ ಬಣ್ಣದಾಟ ನಡೆಯಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
