ಭಾನುವಾರ, ಫೆಬ್ರವರಿ 28, 2021
31 °C

ಜೆಡಿಎಸ್‌ನಿಂದ ಒಗ್ಗಟ್ಟಿನ ಮಂತ್ರ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಜೆಡಿಎಸ್‌ನಿಂದ ಒಗ್ಗಟ್ಟಿನ ಮಂತ್ರ

ತುಮಕೂರು: ಟಿಕೆಟ್‌ ಸಿಗದೇ ನಿರಾಶ­ರಾಗಿದ್ದ ಮಾಜಿ ಸಚಿವ ಸಿ.ಚೆನ್ನಿಗಪ್ಪ, ಬಿ.ಸಿ.ಗೌರಿಶಂಕರ್‌ ಅವರು ಪಕ್ಷದ ಅಭ್ಯರ್ಥಿ, ರಾಜ್ಯ ಘಟಕದ ಅಧ್ಯಕ್ಷ ಎ.ಕೃಷ್ಣಪ್ಪ ಅವರಿಗೆ ಬೆಂಬಲ ಘೋಷಿಸುವ ಮೂಲಕ ಜೆಡಿಎಸ್‌ ಮಂಗಳವಾರ ಒಗ್ಗಟ್ಟಿನ ಮಂತ್ರ ಜಪಿಸಿತು.



ಪಕ್ಷದ ಜಿಲ್ಲಾ ಘಟಕದ ಅಧ್ಯಕ್ಷ ಡಾ.ಎಂ.ಆರ್‌.ಹುಲಿನಾಯ್ಕರ್‌ ನೇತೃತ್ವ­ದಲ್ಲಿ ಸೇರಿದ್ದ ಜೆಡಿಎಸ್‌ ಶಾಸಕರು, ಮುಖಂಡರು ಚುನಾವಣೆ ಕುರಿತು ಚರ್ಚೆ ನಡೆಸಿದರು.



‘ನಾನು ಮತ್ತು ನನ್ನ ಪುತ್ರ ಗೌರಿ­ಶಂಕರ್ ಟಿಕೆಟ್‌ ಆಕಾಂಕ್ಷಿಯಾಗಿದ್ದೆವು. ಆದರೆ ಪಕ್ಷದ ವರಿಷ್ಠ  ಎಚ್.ಡಿ.­ದೇವೇಗೌಡರು ಎ.ಕೃಷ್ಣಪ್ಪ ಅವರನ್ನು ಕಣಕ್ಕೆ ಇಳಿಸಿದ್ದಾರೆ. ಅವರ ಗೆಲುವಿಗೆ ಶ್ರಮಿಸಲಾಗುವುದು’ ಎಂದು ಇದೇ ವೇಳೆ ಸಿ.ಚೆನ್ನಿಗಪ್ಪ ಹೇಳಿದರು.



ಪಕ್ಷದ ತೀರ್ಮಾನಕ್ಕೆ ಎಲ್ಲರೂ ಬದ್ಧರಾಗಬೇಕು ಹಾಗೂ ಒಗ್ಗಟ್ಟಿನಿಂದ ಕೆಲಸ ಮಾಡಲು ಶಾಸಕರು ಒಪ್ಪಿಗೆ ಸೂಚಿಸಿದರು.



ಸಭೆಯಲ್ಲಿ ಅಭ್ಯರ್ಥಿ ಎ.ಕೃಷ್ಣಪ್ಪ, ಶಾಸಕರಾದ ಎಸ್‌.ಆರ್‌.ಶ್ರೀನಿವಾಸ್, ಎಂ.ಟಿ.ಕೃಷ್ಣಪ್ಪ, ಸುರೇಶ್ ಬಾಬು, ಸುಧಾಕರ್‌ಲಾಲ್‌, ಮಾಜಿ ಶಾಸಕ ಗೌರಿಶಂಕರ್‌, ಮುಖಂಡರಾದ ವೀರಭದ್ರಯ್ಯ, ಮೈಲಾರಿ ಇತರರು ಇದ್ದರು.



ಮಾರ್ಚ್ 20ರಂದು ಮಧುಗಿರಿ, ಕೊರಟಗೆರೆಗಳಲ್ಲಿ ಪಕ್ಷದ ಪರವಾಗಿ ಎ.ಕೃಷ್ಣಪ್ಪ ಮತಯಾಚನೆ ನಡೆಸಲು ನಿರ್ಧರಿಸಲಾಯಿತು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.