<p>ಭಾರತೀಯ ಸಿನಿಮಾ ರಂಗದಲ್ಲಿ ಡಾ.ಬಿ.ಆರ್. ಅಂಬೇಡ್ಕರ್ ಚಿತ್ರಕ್ಕಾಗಿ ಸಂಶೋಧನೆಗೆ ತೆಗೆದುಕೊಂಡಷ್ಟು ಕಾಲ ಬಹುಶಃ ಯಾವ ಚಿತ್ರಗಳೂ ತೆಗೆದುಕೊಂಡಿಲ್ಲ.<br /> <br /> 1990ರಲ್ಲಿ ಸಿನಿಮಾ ಯೋಜನೆಯನ್ನು ಜಬ್ಬಾರ್ ಪಟೇಲ್ ಸಿದ್ಧಪಡಿಸಿದ್ದರು. ಆದರೆ ಸಿನಿಮಾ ಸಿದ್ಧವಾಗಿದ್ದು 1998ರಲ್ಲಿ. ಆಗಲೇ ಸೆನ್ಸಾರ್ ಮಂಡಳಿಯೊಂದಿಗೆ ವಾದ ವಿವಾದಗಳೂ ಆಗಿದ್ದವು. ತೆರೆಗೆ ಬಂದದ್ದು 2000ನೇ ಇಸವಿಯಲ್ಲಿ. <br /> <br /> ಮಮ್ಮುಟ್ಟಿ ಅಂಬೇಡ್ಕರ್ ಪಾತ್ರ ನಿರ್ವಹಿಸಿದ್ದ ಈ ಚಿತ್ರ `ಬೆಸ್ಟ್ ಇಂಗ್ಲಿಷ್ ಸಿನಿಮಾ~ ವಿಭಾಗದಲ್ಲಿ ರಾಷ್ಟ್ರೀಯ ಪ್ರಶಸ್ತಿ ಗಳಿಸಿತ್ತು. ಮಮ್ಮುಟ್ಟಿಗೆ ಉತ್ತಮ ನಟ, ನಿತಿನ್ ಚಂದ್ರಕಾಂತ್ ದೇಸಾಯಿ ಅವರು ಇದೇ ಚಿತ್ರಕ್ಕೆ ಶ್ರೇಷ್ಠ ಕಲಾ ನಿರ್ದೇಶಕ ಪ್ರಶಸ್ತಿಯನ್ನು ಪಡೆದರು. ನಂತರ ಇದೇ ಚಿತ್ರ ತಮಿಳು, ತೆಲಗು ಭಾಷೆಗಳಿಗೂ ಡಬ್ ಆಯಿತು. <br /> <br /> ಕನ್ನಡದಲ್ಲಿಯೂ `ಡಾ.ಬಿ.ಆರ್. ಅಂಬೇಡ್ಕರ್~ ಎಂಬ ಚಿತ್ರವು 2005ರಲ್ಲಿ ತೆರೆ ಕಂಡಿತು. ಶರಣಕುಮಾರ್ ಕಬ್ಬೂರ್ ಇದನ್ನು ನಿರ್ದೇಶಿಸಿದ್ದರು. ವಿಷ್ಣುಕಾಂತ್ ಇದರಲ್ಲಿ ಅಂಬೇಡ್ಕರ್ ಪಾತ್ರ ನಿರ್ವಹಿಸಿದ್ದರು. ತಾರಾ ಮೊದಲ ಹೆಂಡತಿ ರಮಾಬಾಯಿ ಹಾಗೂ ಭವ್ಯಾ ಎರಡನೆಯ ಹೆಂಡತಿ ಸವಿತಾ ಅಂಬೇಡ್ಕರ್ ಪಾತ್ರ ನಿರ್ವಹಿಸಿದ್ದರು. ಈ ಚಿತ್ರ ಗಲ್ಲಾಪೆಟ್ಟಿಗೆಯಲ್ಲಿ ಯಶಸ್ವಿಯಾಗಲಿಲ್ಲ. <br /> <br /> ಮರಾಠಿ ಚಿತ್ರರಂಗದಲ್ಲಿ ಮಾತ್ರ ಸತತವಾಗಿ ಅಂಬೇಡ್ಕರ್ ಚಿತ್ರಗಳು ತೆರೆಕಂಡಿವೆ. <br /> ಕೊಹಿನೂರ್ ಭಾರತ್ಚಾ: ಭೀಮ್ರಾವ್ ಅಂಬೇಡ್ಕರ್, ಯುಗ್ಪುರುಷ್, ಭೀಮ್ಪರ್ವ ಮುಂತಾದ ಚಿತ್ರಗಳಿಲ್ಲಿ ತೆರೆಕಂಡವು. ನಿರ್ದೇಶಕ ಪ್ರಕಾಶ್ ಜಾಧವ್ ಅವರು ರಮಾಬಾಯಿ ಅಂಬೇಡ್ಕರ್ ಚಿತ್ರವನ್ನು ನಿರ್ದೇಶಿಸಿದರು.<br /> <br /> ಮಹಾರಾಷ್ಟ್ರದಲ್ಲಿ ಸಾಹಿತ್ಯ, ಸಿನಿಮಾ ಹಾಗೂ ರಂಗಭೂಮಿಯಲ್ಲಿ ಅಂಬೇಡ್ಕರ್ ಅವರು ಆವರಿಸಿಕೊಂಡಿದ್ದಾರೆ. ಹಮ್ಚಾ ಭೀಮರಾವ್ ಎಂದು ಲಾವಣಿಯಲ್ಲಿಯೂ ಅವರ ಜೀವನಗಾಥೆಯನ್ನು ಹಾಡಲಾಗುತ್ತದೆ. ರಾಜೇಶ್ ಕುಮಾರ್ ರಚಿಸಿದ `ಅಂಬೇಡ್ಕರ್ ಔರ್ ಗಾಂಧಿ~ ನಾಟಕವನ್ನು ಅರವಿಂದ್ ಗೌರ್ ನಿರ್ದೇಶಿಸಿದ್ದಾರೆ. `ಅಂಬೇಡ್ಕರ್ ಅಣಿ ಗಾಂಧೀಜಿ~ ಸಹ ಅಂಬೇಡ್ಕರ್ ಹಾಗೂ ಗಾಂಧಿ ತತ್ವ, ಹರಿಜನ ಕಲ್ಪನೆಯನ್ನು ಒರೆಗೆಹಚ್ಚಿತು. ಪುಣೆಯ ವೇದ ವಿದ್ವಾಂಸ ಪ್ರಭಾಕರ್ ಜೋಷಿ ಎಂಬುವರು ಅಂಬೇಡ್ಕರ್ ಅವರ ಜೀವನ ಚರಿತ್ರೆ ಕುರಿತ `ಭೀಮಯಾನ~ ಎಂಬ ಸಂಸ್ಕೃತ ಮಹಾಕಾವ್ಯವನ್ನು ರಚಿಸಿದ್ದಾರೆ. ಇದರಲ್ಲಿ 1577 ಶ್ಲೋಕಗಳಿವೆ.<br /> <br /> ಅಮರ ಚಿತ್ರಕಥೆ ಮಾಲಿಕೆಯಲ್ಲಿಯೂ ಡಾ.ಬಿ.ಆರ್. ಅಂಬೇಡ್ಕರ್ `ಹಿ ಡೇರ್ಡ್ ಟು ಫೈಟ್~ ಎಂಬ ಕಾಮಿಕ್ಸ್ 611ನೇ ಮಾಲಿಕೆಯಲ್ಲಿ ಪ್ರಕಟವಾಯಿತು.<br /> <br /> ಹಿಂದಿ ಸಿನಿಮಾರಂಗದಲ್ಲಿ ಮಾತ್ರ ಅಂಬೇಡ್ಕರ್ ಕುರಿತು ಚಿತ್ರಗಳೇ ಇಲ್ಲ. ಗಾಂಧೀಜಿಯ ನಂತರ ಬೆಳ್ಳಿ ಪರದೆಗೆ ಹೆಚ್ಚಿನ ಸಂಖ್ಯೆಯಲ್ಲಿ ಸಿನಿಮಾ ಆಗಿರುವುದು ಭಗತ್ ಸಿಂಗ್ ಬಗ್ಗೆ. ಹಿಂದಿ ಸಿನಿಮಾರಂಗದಲ್ಲಿ ಅಂಬೇಡ್ಕರ್ ಜೀವನ ಯಾರನ್ನೂ ಸೆಳೆಯದಿರುವುದೇ ಸೋಜಿಗವಾಗಿದೆ.<br /> <br /> ಜಬ್ಬಾರ್ ಪಟೇಲ್ ನಿರ್ದೇಶನದ ಚಿತ್ರದಲ್ಲಿ ಮಮ್ಮುಟ್ಟಿ ಹಾಗೂ ಸೊನಾಲಿ ಕುಲಕರ್ಣಿ ನಟಿಸಿದ್ದರು. ಚಿತ್ರವನ್ನು ತೀರ ಇತ್ತೀಚೆಗಷ್ಟೆ ಯು ಟ್ಯುಬ್ನಲ್ಲಿ ಅಪ್ಲೋಡ್ ಮಾಡಲಾಗಿದೆ. <br /> <br /> ಇಲ್ಲಿಯೂ ಮುಮ್ಮಟ್ಟಿಯ ನಟನೆ ಹಾಗೂ ಜಬ್ಬಾರ್ ಪಟೇಲ್ ನಿರ್ದೇಶನಕ್ಕೆ ಮೆಚ್ಚುಗೆಗಳು ವ್ಯಕ್ತವಾಗಿವೆ. ಆ ಸಾಮಾಜಿಕ ವ್ಯವಸ್ಥೆ ಹಾಗೂ ಅದರ ವಿರುದ್ಧದ ಹೋರಾಟ, ಚಳವಳಿಗಳು ಯಾರ ಗಮನವನ್ನೂ ಸೆಳೆಯದೇ ಇರುವುದು ಇನ್ನೊಂದು ಅಚ್ಚರಿಯಾಗಿದೆ.<br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಭಾರತೀಯ ಸಿನಿಮಾ ರಂಗದಲ್ಲಿ ಡಾ.ಬಿ.ಆರ್. ಅಂಬೇಡ್ಕರ್ ಚಿತ್ರಕ್ಕಾಗಿ ಸಂಶೋಧನೆಗೆ ತೆಗೆದುಕೊಂಡಷ್ಟು ಕಾಲ ಬಹುಶಃ ಯಾವ ಚಿತ್ರಗಳೂ ತೆಗೆದುಕೊಂಡಿಲ್ಲ.<br /> <br /> 1990ರಲ್ಲಿ ಸಿನಿಮಾ ಯೋಜನೆಯನ್ನು ಜಬ್ಬಾರ್ ಪಟೇಲ್ ಸಿದ್ಧಪಡಿಸಿದ್ದರು. ಆದರೆ ಸಿನಿಮಾ ಸಿದ್ಧವಾಗಿದ್ದು 1998ರಲ್ಲಿ. ಆಗಲೇ ಸೆನ್ಸಾರ್ ಮಂಡಳಿಯೊಂದಿಗೆ ವಾದ ವಿವಾದಗಳೂ ಆಗಿದ್ದವು. ತೆರೆಗೆ ಬಂದದ್ದು 2000ನೇ ಇಸವಿಯಲ್ಲಿ. <br /> <br /> ಮಮ್ಮುಟ್ಟಿ ಅಂಬೇಡ್ಕರ್ ಪಾತ್ರ ನಿರ್ವಹಿಸಿದ್ದ ಈ ಚಿತ್ರ `ಬೆಸ್ಟ್ ಇಂಗ್ಲಿಷ್ ಸಿನಿಮಾ~ ವಿಭಾಗದಲ್ಲಿ ರಾಷ್ಟ್ರೀಯ ಪ್ರಶಸ್ತಿ ಗಳಿಸಿತ್ತು. ಮಮ್ಮುಟ್ಟಿಗೆ ಉತ್ತಮ ನಟ, ನಿತಿನ್ ಚಂದ್ರಕಾಂತ್ ದೇಸಾಯಿ ಅವರು ಇದೇ ಚಿತ್ರಕ್ಕೆ ಶ್ರೇಷ್ಠ ಕಲಾ ನಿರ್ದೇಶಕ ಪ್ರಶಸ್ತಿಯನ್ನು ಪಡೆದರು. ನಂತರ ಇದೇ ಚಿತ್ರ ತಮಿಳು, ತೆಲಗು ಭಾಷೆಗಳಿಗೂ ಡಬ್ ಆಯಿತು. <br /> <br /> ಕನ್ನಡದಲ್ಲಿಯೂ `ಡಾ.ಬಿ.ಆರ್. ಅಂಬೇಡ್ಕರ್~ ಎಂಬ ಚಿತ್ರವು 2005ರಲ್ಲಿ ತೆರೆ ಕಂಡಿತು. ಶರಣಕುಮಾರ್ ಕಬ್ಬೂರ್ ಇದನ್ನು ನಿರ್ದೇಶಿಸಿದ್ದರು. ವಿಷ್ಣುಕಾಂತ್ ಇದರಲ್ಲಿ ಅಂಬೇಡ್ಕರ್ ಪಾತ್ರ ನಿರ್ವಹಿಸಿದ್ದರು. ತಾರಾ ಮೊದಲ ಹೆಂಡತಿ ರಮಾಬಾಯಿ ಹಾಗೂ ಭವ್ಯಾ ಎರಡನೆಯ ಹೆಂಡತಿ ಸವಿತಾ ಅಂಬೇಡ್ಕರ್ ಪಾತ್ರ ನಿರ್ವಹಿಸಿದ್ದರು. ಈ ಚಿತ್ರ ಗಲ್ಲಾಪೆಟ್ಟಿಗೆಯಲ್ಲಿ ಯಶಸ್ವಿಯಾಗಲಿಲ್ಲ. <br /> <br /> ಮರಾಠಿ ಚಿತ್ರರಂಗದಲ್ಲಿ ಮಾತ್ರ ಸತತವಾಗಿ ಅಂಬೇಡ್ಕರ್ ಚಿತ್ರಗಳು ತೆರೆಕಂಡಿವೆ. <br /> ಕೊಹಿನೂರ್ ಭಾರತ್ಚಾ: ಭೀಮ್ರಾವ್ ಅಂಬೇಡ್ಕರ್, ಯುಗ್ಪುರುಷ್, ಭೀಮ್ಪರ್ವ ಮುಂತಾದ ಚಿತ್ರಗಳಿಲ್ಲಿ ತೆರೆಕಂಡವು. ನಿರ್ದೇಶಕ ಪ್ರಕಾಶ್ ಜಾಧವ್ ಅವರು ರಮಾಬಾಯಿ ಅಂಬೇಡ್ಕರ್ ಚಿತ್ರವನ್ನು ನಿರ್ದೇಶಿಸಿದರು.<br /> <br /> ಮಹಾರಾಷ್ಟ್ರದಲ್ಲಿ ಸಾಹಿತ್ಯ, ಸಿನಿಮಾ ಹಾಗೂ ರಂಗಭೂಮಿಯಲ್ಲಿ ಅಂಬೇಡ್ಕರ್ ಅವರು ಆವರಿಸಿಕೊಂಡಿದ್ದಾರೆ. ಹಮ್ಚಾ ಭೀಮರಾವ್ ಎಂದು ಲಾವಣಿಯಲ್ಲಿಯೂ ಅವರ ಜೀವನಗಾಥೆಯನ್ನು ಹಾಡಲಾಗುತ್ತದೆ. ರಾಜೇಶ್ ಕುಮಾರ್ ರಚಿಸಿದ `ಅಂಬೇಡ್ಕರ್ ಔರ್ ಗಾಂಧಿ~ ನಾಟಕವನ್ನು ಅರವಿಂದ್ ಗೌರ್ ನಿರ್ದೇಶಿಸಿದ್ದಾರೆ. `ಅಂಬೇಡ್ಕರ್ ಅಣಿ ಗಾಂಧೀಜಿ~ ಸಹ ಅಂಬೇಡ್ಕರ್ ಹಾಗೂ ಗಾಂಧಿ ತತ್ವ, ಹರಿಜನ ಕಲ್ಪನೆಯನ್ನು ಒರೆಗೆಹಚ್ಚಿತು. ಪುಣೆಯ ವೇದ ವಿದ್ವಾಂಸ ಪ್ರಭಾಕರ್ ಜೋಷಿ ಎಂಬುವರು ಅಂಬೇಡ್ಕರ್ ಅವರ ಜೀವನ ಚರಿತ್ರೆ ಕುರಿತ `ಭೀಮಯಾನ~ ಎಂಬ ಸಂಸ್ಕೃತ ಮಹಾಕಾವ್ಯವನ್ನು ರಚಿಸಿದ್ದಾರೆ. ಇದರಲ್ಲಿ 1577 ಶ್ಲೋಕಗಳಿವೆ.<br /> <br /> ಅಮರ ಚಿತ್ರಕಥೆ ಮಾಲಿಕೆಯಲ್ಲಿಯೂ ಡಾ.ಬಿ.ಆರ್. ಅಂಬೇಡ್ಕರ್ `ಹಿ ಡೇರ್ಡ್ ಟು ಫೈಟ್~ ಎಂಬ ಕಾಮಿಕ್ಸ್ 611ನೇ ಮಾಲಿಕೆಯಲ್ಲಿ ಪ್ರಕಟವಾಯಿತು.<br /> <br /> ಹಿಂದಿ ಸಿನಿಮಾರಂಗದಲ್ಲಿ ಮಾತ್ರ ಅಂಬೇಡ್ಕರ್ ಕುರಿತು ಚಿತ್ರಗಳೇ ಇಲ್ಲ. ಗಾಂಧೀಜಿಯ ನಂತರ ಬೆಳ್ಳಿ ಪರದೆಗೆ ಹೆಚ್ಚಿನ ಸಂಖ್ಯೆಯಲ್ಲಿ ಸಿನಿಮಾ ಆಗಿರುವುದು ಭಗತ್ ಸಿಂಗ್ ಬಗ್ಗೆ. ಹಿಂದಿ ಸಿನಿಮಾರಂಗದಲ್ಲಿ ಅಂಬೇಡ್ಕರ್ ಜೀವನ ಯಾರನ್ನೂ ಸೆಳೆಯದಿರುವುದೇ ಸೋಜಿಗವಾಗಿದೆ.<br /> <br /> ಜಬ್ಬಾರ್ ಪಟೇಲ್ ನಿರ್ದೇಶನದ ಚಿತ್ರದಲ್ಲಿ ಮಮ್ಮುಟ್ಟಿ ಹಾಗೂ ಸೊನಾಲಿ ಕುಲಕರ್ಣಿ ನಟಿಸಿದ್ದರು. ಚಿತ್ರವನ್ನು ತೀರ ಇತ್ತೀಚೆಗಷ್ಟೆ ಯು ಟ್ಯುಬ್ನಲ್ಲಿ ಅಪ್ಲೋಡ್ ಮಾಡಲಾಗಿದೆ. <br /> <br /> ಇಲ್ಲಿಯೂ ಮುಮ್ಮಟ್ಟಿಯ ನಟನೆ ಹಾಗೂ ಜಬ್ಬಾರ್ ಪಟೇಲ್ ನಿರ್ದೇಶನಕ್ಕೆ ಮೆಚ್ಚುಗೆಗಳು ವ್ಯಕ್ತವಾಗಿವೆ. ಆ ಸಾಮಾಜಿಕ ವ್ಯವಸ್ಥೆ ಹಾಗೂ ಅದರ ವಿರುದ್ಧದ ಹೋರಾಟ, ಚಳವಳಿಗಳು ಯಾರ ಗಮನವನ್ನೂ ಸೆಳೆಯದೇ ಇರುವುದು ಇನ್ನೊಂದು ಅಚ್ಚರಿಯಾಗಿದೆ.<br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
