ಬೆಳ್ಳೂರಿನಲ್ಲಿ ಈಗ ಕೊಕ್ಕರೆಗಳ ಕಲರವ

ಮಂಡ್ಯ: ಜಿಲ್ಲೆಯ ಮದ್ದೂರು ತಾಲ್ಲೂಕಿನ ಕೊಕ್ಕರೆ ಬೆಳ್ಳೂರಿನಲ್ಲಿ ಈಗ ಕೊಕ್ಕರೆಗಳ ಕಲರವ ಜೋರಾಗಿದೆ. ದೇಶ, ವಿದೇಶಗಳಿಂದ ಬಂದ ಅತಿಥಿಗಳು ಸಂತಾನಾಭಿವೃದ್ಧಿಗಾಗಿ ಗೂಡು ಕಟ್ಟಿಕೊಳ್ಳುವ ಕೆಲಸದಲ್ಲಿ ನಿರತವಾಗಿವೆ.

ಕೊಕ್ಕರೆಗಳು ಬಂದಿರುವ ಸುದ್ದಿ ತಿಳಿದಿರುವ ಪ್ರವಾಸಿಗರು ಕೊಕ್ಕರೆ ಬೆಳ್ಳೂರಿಗೆ ಲಗ್ಗೆ ಇಡುತ್ತಿದ್ದಾರೆ. ಶನಿವಾರ ಹಾಗೂ ಭಾನುವಾರ ಪ್ರವಾಸಿಗರ ಸಂಖ್ಯೆ ಹೆಚ್ಚುತ್ತಿದ್ದು, ಅವುಗಳನ್ನು ವೀಕ್ಷಿಸುವುದಲ್ಲದೇ, ಕ್ಯಾಮೆರಾಗಳಲ್ಲಿ ಸೆರೆ ಹಿಡಿದುಕೊಂಡು ಆನಂದಿಸುತ್ತಿದ್ದಾರೆ.

ಹೆಜ್ಜಾರ್ಲೆ (ಪೆಲಿಕಾನ್) ಹಾಗೂ ಬಣ್ಣದ ಕೊಕ್ಕರೆ (ಪೆಂಟೆಡ್ ಸ್ಟಾರ್ಕ್), ಬೂದು ಕೊಕ್ಕರೆ (ಹೆರಾನ್ಸ್) ಸೇರಿದಂತೆ ಹಲವಾರು ಬಗೆಯ ಹಕ್ಕಿಗಳು ಜೈಪುರ, ಜೋಧಪುರ ಅಲ್ಲದೇ ಸೈಬೇರಿಯಾ, ಆಸ್ಟ್ರೇಲಿಯಾದಿಂದಲೂ ಇಲ್ಲಿಗೆ ವಲಸೆ ಬರುತ್ತವೆ.

ಗ್ರಾಮದಲ್ಲಿನ ಮರಗಳಲ್ಲಿ ನೋಡಿದಲ್ಲೆಲ್ಲಾ ಹಕ್ಕಿಗಳೇ ಕಾಣಸಿಗುತ್ತಿವೆ. ಸಾವಿರಕ್ಕೂ ಹೆಚ್ಚು ಹಕ್ಕಿಗಳು ಬೀಡು ಬಿಟ್ಟಿವೆ. ಪ್ರತಿ ವರ್ಷದಂತೆ ಹಕ್ಕಿಗಳು ಬಂದಿರುವುದು ಗ್ರಾಮಸ್ಥರಲ್ಲಿಯೂ ಸಂತಸ ತಂದಿದೆ.

ಪ್ರತಿ ವರ್ಷ ಚಳಿಗಾಲದ ಡಿಸೆಂಬರ್ನಿಂದ ಬರುವ ಕೊಕ್ಕರೆಗಳು ಜೂನ್ವರೆಗೂ ಇರುತ್ತವೆ. ನಂತರವೂ ಕೆಲವು ಬಿಡಯಾಗಿ ಕಾಣಿಸಿಕೊಳ್ಳುವುದುಂಟು. ಗ್ರಾಮದಲ್ಲಿರುವ ಹುಣಸೆ, ಆಲದ ಮರಗಳೇ ಇವುಗಳ ವಾಸಸ್ಥಾನಗಳು.

ಸಂತಾನಾಭಿವೃದ್ಧಿ: ಸಂತಾನ ಅಭಿವೃದ್ಧಿಗಾಗಿಯೇ ದೂರದ ನಾಡಿನಿಂದ ಕೊಕ್ಕರೆಗಳು ಇಲ್ಲಿಗೆ ಬರುತ್ತವೆ. ಡಿಸೆಂಬರ್ನಲ್ಲಿ ಬರಲಾರಂಭಿಸುವ ಅವುಗಳು, ನಂತರ ಮರಗಳಲ್ಲಿ ಗೂಡುಗಳನ್ನು ಕಟ್ಟಿಕೊಳ್ಳುತ್ತವೆ. ಮರಿಗಳಿಗೆ ಜನ್ಮ ನೀಡಿ, ಅವು ಸ್ವಲ್ಪ ದೊಡ್ಡವಾಗುತ್ತಿದ್ದಂತೆಯೇ ಅವುಗಳೊಂದಿಗೆ ಮರಳಿ ಹೊರಡುತ್ತವೆ.

ಗ್ರಾಮದಲ್ಲಿಯೇ ವಾಸ್ತವ್ಯ: ಜನ ವಸತಿ ಇರುವ ಕಡೆ ಹಕ್ಕಿಗಳು ದೂರ ಗೂಡು ಕಟ್ಟುವುದು ಸಾಮಾನ್ಯ. ಆದರೆ, ಇಲ್ಲಿ ಗ್ರಾಮದ ಹೊರಗಡೆ ಪ್ರದೇಶದಲ್ಲಿ ಸಾಕಷ್ಟು ಮರಗಳಿದ್ದರೂ, ಕೊಕ್ಕರೆಗಳು ಅಲ್ಲಿ ಗೂಡು ಕಟ್ಟುವುದಿಲ್ಲ. ಗ್ರಾಮದ ಮಧ್ಯದಲ್ಲಿರುವ ಮರಗಳಲ್ಲಿಯೇ ವಾಸಿಸುತ್ತವೆ. ಗ್ರಾಮದ ಜನರ ನಡುವೆಯೇ ಗೂಡು ಕಟ್ಟಿಕೊಳ್ಳುವುದು ವಿಶೇಷ.

‘ಹಲವಾರು ವರ್ಷಗಳಿಂದ ಬರುತ್ತಿರುವ ಕೊಕ್ಕರೆಗಳು ನಮ್ಮೊಂದಿಗೆ ಒಂದಾಗಿವೆ. ಅವುಗಳಿಗೆ ನಮ್ಮೂರಿನ ಯಾರೂ ತೊಂದರೆ ನೀಡುವುದಿಲ್ಲ. ಅವುಗಳೂ ತಮ್ಮಷ್ಟಕ್ಕೆ ತಾವಿರುತ್ತವೆ. ಪ್ರವಾಸಿಗರೂ ತೊಂದರೆ ನೀಡದಂತೆ ನೋಡಿಕೊಳ್ಳುತ್ತೇವೆ’ ಎನ್ನುತ್ತಾರೆ ಗ್ರಾಮದ ಕುಮಾರ್.

ಎಲ್ಲಿದೆ ಬೆಳ್ಳೂರು: ಬೆಂಗಳೂರು–ಮೈಸೂರಿಗೆ ಹೋಗುವ ಮಾರ್ಗದಲ್ಲಿ ಮದ್ದೂರಿಗಿಂತ ಮುಂಚೆಯೇ ಎಡಗಡೆ ಕೊಕ್ಕರೆ ಬೆಳ್ಳೂರು ಪಕ್ಷಿಧಾಮ ಎಂಬ ಫಲಕ ಕಾಣುತ್ತದೆ. ಅಲ್ಲಿಂದ 12 ಕಿ.ಮೀ. ದೂರ ಸಾಗಿದರೆ, ಕೊಕ್ಕರೆ ಬೆಳ್ಳೂರು ಸಿಗುತ್ತದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬೆಳ್ಳೂರಿನಲ್ಲಿ ಈಗ ಕೊಕ್ಕರೆಗಳ ಕಲರವ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

ಚುರುಮುರಿ: ಪ್ರಾರ್ಥನೆ ಮತ್ತು ಪ್ರಯತ್ನ

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಗಳಿಗೆ ಸಮಾನ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

ಚುರುಮುರಿ: ಪ್ರಾರ್ಥನೆ ಮತ್ತು ಪ್ರಯತ್ನ