<p><strong>ಸ್ಟಾಕ್ಹೋಮ್ (ಪಿಟಿಐ): </strong>ಪುನರ್ರಚನೆಗೊಂಡಿರುವ ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯ ಶಾಶ್ವತ ಸದಸ್ಯತ್ವ ಹೊಂದುವ ಭಾರತದ ಪ್ರಯತ್ನಕ್ಕೆ ಸ್ವೀಡನ್ ಬೆಂಬಲ ವ್ಯಕ್ತಪಡಿಸಿದ್ದು, ಭಾರತವು ತನ್ನ ಸಾಮರ್ಥ್ಯ ಮತ್ತು ಬೆಳವಣಿಗೆಯ ದೃಷ್ಟಿಯಿಂದ ‘ಸಹಜ ಹಕ್ಕುದಾರ’ ರಾಷ್ಟ್ರ ಎಂದು ಅದು ಬಣ್ಣಿಸಿದೆ.<br /> <br /> ಅಲ್ಲದೆ, 34 ರಾಷ್ಟ್ರಗಳನ್ನು ಒಳಗೊಂಡ ಸ್ವತಂತ್ರ ಸಂಘಟನೆಯಾದ ಕ್ಷಿಪಣಿ ತಂತ್ರಜ್ಞಾನ ನಿಯಂತ್ರಣ ವ್ಯವಸ್ಥೆಯೊಳಗೆ (ಎಂಟಿಸಿಆರ್) ಪ್ರವೇಶ ಪಡೆಯುವ ಭಾರತದ ಪ್ರಯತ್ನವನ್ನೂ ಸ್ವೀಡನ್ ಬೆಂಬಲಿಸಿದೆ.<br /> <br /> ಸ್ವೀಡನ್ ಪ್ರವಾಸದಲ್ಲಿರುವ ರಾಷ್ಟ್ರಪತಿ ಪ್ರಣವ್ ಮುಖರ್ಜಿ ಸೋಮವಾರ ಸ್ಟಾಕ್ಹೋಮ್ನಲ್ಲಿ ಭಾಗವಹಿಸಿದ್ದ ಸಭೆಯಲ್ಲಿ ಪ್ರಧಾನಿ ಸ್ಟೀಫನ್ ಲೋಫವೆನ್ ಅವರು ಭಾರತದ ಪ್ರಯತ್ನಗಳನ್ನು ಬೆಂಬಲಿಸುವುದಾಗಿ ಪ್ರಕಟಿಸಿದರು.<br /> <br /> ಪ್ರಣವ್ ಮುಖರ್ಜಿ ಅವರ ಭೇಟಿಯ ವೇಳೆ ಭಾರತ ಮತ್ತು ಸ್ವೀಡನ್ ಹಲವು ಒಪ್ಪಂದಗಳಿಗೆ ಸಹಿ ಹಾಕಿದವು.<br /> <br /> <strong>ಶೀಘ್ರ ಇ ವೀಸಾ:</strong> ಸ್ವೀಡನ್ ಪ್ರಜೆಗಳಿಗೆ ಭಾರತವು ಶೀಘ್ರವೇ ಇ-ವೀಸಾ ಸೌಲಭ್ಯವನ್ನು ಒದಗಿಸಲಿದೆ ಎಂದು ಮಂಗಳವಾರ ಘೋಷಿಸಿದ ರಾಷ್ಟ್ರಪತಿ ಪ್ರಣವ್ ಮುಖರ್ಜಿ ಅವರು, ಭಾರತದ ಮಹತ್ವಾಕಾಂಕ್ಷೆಯ ‘ಭಾರತದಲ್ಲೇ ತಯಾರಿಸಿ’ಯಂತಹ ಕಾರ್ಯಕ್ರಮಗಳಲ್ಲಿ ಕೈಜೋಡಿಸುವಂತೆ ದೇಶಕ್ಕೆ ಕರೆ ನೀಡಿದರು.<br /> <br /> <em>‘ಭಾರತ ಮತ್ತು ಸ್ವೀಡನ್: ಉಜ್ವಲ ಭವಿಷ್ಯದ ಸಹ ನಿರ್ಮಾಣ’ </em>ಎಂಬ ವಿಚಾರ ಸಂಕಿರಣದಲ್ಲಿ ಮಾತನಾಡಿ, ಭಾರತ ಇ-ಟೂರಿಸ್ಟ್ ವೀಸಾ ಒದಗಿಸಲಿರುವ ದೇಶಗಳ ಪಟ್ಟಿಯಲ್ಲಿ ಸ್ವೀಡನ್ ಕೂಡಾ ಸೇರಲಿದೆ ಎಂದು ಪ್ರಕಟಿಸಿದರು.<br /> <br /> <strong>ಭಾರತೀಯ ಭೋಜನ</strong>: ರಾಷ್ಟ್ರಪತಿ ಪ್ರಣವ್ ಮುಖರ್ಜಿ ಅವರು ಮಂಗಳವಾರ ಸ್ವೀಡನ್ನ ರಾಜ ಕಾರ್ಲ್ ಗುಸ್ತಾಫ್ ಮತ್ತು ರಾಣಿ ಸಿಲ್ವಿಯಾ ಅವರಿಗೆ ಭೋಜನ ಕೂಟ ಏರ್ಪಡಿಸಿದ್ದರು. ಭಾರತದಲ್ಲಿ ಜನಸಾಮಾನ್ಯರ ಮನಗೆದ್ದಿರುವ ರಸ್ತೆ ಬದಿಯ ತಿನಿಸುಗಳ ಸವಿಗೆ ಸ್ವೀಡನ್ ರಾಜವಂಶಸ್ಥರು ಮಾರುಹೋದರು.<br /> <br /> ‘ಭಾರತೀಯ ಬೀದಿ ಬದಿ ಆಹಾರ’ದ ಮೂಲಕ ಸ್ವೀಡನ್ನಲ್ಲಿ ಹೆಸರಾಗಿರುವ ಬಾಣಸಿಗ ಧೀರಜ್ ಸಿಂಗ್ ಅವರು ಭೋಜನಕೂಟದ ಪ್ರಮುಖ ಬಾಣಸಿಗರಾಗಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸ್ಟಾಕ್ಹೋಮ್ (ಪಿಟಿಐ): </strong>ಪುನರ್ರಚನೆಗೊಂಡಿರುವ ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯ ಶಾಶ್ವತ ಸದಸ್ಯತ್ವ ಹೊಂದುವ ಭಾರತದ ಪ್ರಯತ್ನಕ್ಕೆ ಸ್ವೀಡನ್ ಬೆಂಬಲ ವ್ಯಕ್ತಪಡಿಸಿದ್ದು, ಭಾರತವು ತನ್ನ ಸಾಮರ್ಥ್ಯ ಮತ್ತು ಬೆಳವಣಿಗೆಯ ದೃಷ್ಟಿಯಿಂದ ‘ಸಹಜ ಹಕ್ಕುದಾರ’ ರಾಷ್ಟ್ರ ಎಂದು ಅದು ಬಣ್ಣಿಸಿದೆ.<br /> <br /> ಅಲ್ಲದೆ, 34 ರಾಷ್ಟ್ರಗಳನ್ನು ಒಳಗೊಂಡ ಸ್ವತಂತ್ರ ಸಂಘಟನೆಯಾದ ಕ್ಷಿಪಣಿ ತಂತ್ರಜ್ಞಾನ ನಿಯಂತ್ರಣ ವ್ಯವಸ್ಥೆಯೊಳಗೆ (ಎಂಟಿಸಿಆರ್) ಪ್ರವೇಶ ಪಡೆಯುವ ಭಾರತದ ಪ್ರಯತ್ನವನ್ನೂ ಸ್ವೀಡನ್ ಬೆಂಬಲಿಸಿದೆ.<br /> <br /> ಸ್ವೀಡನ್ ಪ್ರವಾಸದಲ್ಲಿರುವ ರಾಷ್ಟ್ರಪತಿ ಪ್ರಣವ್ ಮುಖರ್ಜಿ ಸೋಮವಾರ ಸ್ಟಾಕ್ಹೋಮ್ನಲ್ಲಿ ಭಾಗವಹಿಸಿದ್ದ ಸಭೆಯಲ್ಲಿ ಪ್ರಧಾನಿ ಸ್ಟೀಫನ್ ಲೋಫವೆನ್ ಅವರು ಭಾರತದ ಪ್ರಯತ್ನಗಳನ್ನು ಬೆಂಬಲಿಸುವುದಾಗಿ ಪ್ರಕಟಿಸಿದರು.<br /> <br /> ಪ್ರಣವ್ ಮುಖರ್ಜಿ ಅವರ ಭೇಟಿಯ ವೇಳೆ ಭಾರತ ಮತ್ತು ಸ್ವೀಡನ್ ಹಲವು ಒಪ್ಪಂದಗಳಿಗೆ ಸಹಿ ಹಾಕಿದವು.<br /> <br /> <strong>ಶೀಘ್ರ ಇ ವೀಸಾ:</strong> ಸ್ವೀಡನ್ ಪ್ರಜೆಗಳಿಗೆ ಭಾರತವು ಶೀಘ್ರವೇ ಇ-ವೀಸಾ ಸೌಲಭ್ಯವನ್ನು ಒದಗಿಸಲಿದೆ ಎಂದು ಮಂಗಳವಾರ ಘೋಷಿಸಿದ ರಾಷ್ಟ್ರಪತಿ ಪ್ರಣವ್ ಮುಖರ್ಜಿ ಅವರು, ಭಾರತದ ಮಹತ್ವಾಕಾಂಕ್ಷೆಯ ‘ಭಾರತದಲ್ಲೇ ತಯಾರಿಸಿ’ಯಂತಹ ಕಾರ್ಯಕ್ರಮಗಳಲ್ಲಿ ಕೈಜೋಡಿಸುವಂತೆ ದೇಶಕ್ಕೆ ಕರೆ ನೀಡಿದರು.<br /> <br /> <em>‘ಭಾರತ ಮತ್ತು ಸ್ವೀಡನ್: ಉಜ್ವಲ ಭವಿಷ್ಯದ ಸಹ ನಿರ್ಮಾಣ’ </em>ಎಂಬ ವಿಚಾರ ಸಂಕಿರಣದಲ್ಲಿ ಮಾತನಾಡಿ, ಭಾರತ ಇ-ಟೂರಿಸ್ಟ್ ವೀಸಾ ಒದಗಿಸಲಿರುವ ದೇಶಗಳ ಪಟ್ಟಿಯಲ್ಲಿ ಸ್ವೀಡನ್ ಕೂಡಾ ಸೇರಲಿದೆ ಎಂದು ಪ್ರಕಟಿಸಿದರು.<br /> <br /> <strong>ಭಾರತೀಯ ಭೋಜನ</strong>: ರಾಷ್ಟ್ರಪತಿ ಪ್ರಣವ್ ಮುಖರ್ಜಿ ಅವರು ಮಂಗಳವಾರ ಸ್ವೀಡನ್ನ ರಾಜ ಕಾರ್ಲ್ ಗುಸ್ತಾಫ್ ಮತ್ತು ರಾಣಿ ಸಿಲ್ವಿಯಾ ಅವರಿಗೆ ಭೋಜನ ಕೂಟ ಏರ್ಪಡಿಸಿದ್ದರು. ಭಾರತದಲ್ಲಿ ಜನಸಾಮಾನ್ಯರ ಮನಗೆದ್ದಿರುವ ರಸ್ತೆ ಬದಿಯ ತಿನಿಸುಗಳ ಸವಿಗೆ ಸ್ವೀಡನ್ ರಾಜವಂಶಸ್ಥರು ಮಾರುಹೋದರು.<br /> <br /> ‘ಭಾರತೀಯ ಬೀದಿ ಬದಿ ಆಹಾರ’ದ ಮೂಲಕ ಸ್ವೀಡನ್ನಲ್ಲಿ ಹೆಸರಾಗಿರುವ ಬಾಣಸಿಗ ಧೀರಜ್ ಸಿಂಗ್ ಅವರು ಭೋಜನಕೂಟದ ಪ್ರಮುಖ ಬಾಣಸಿಗರಾಗಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
