ಭಾನುವಾರ, ಜನವರಿ 26, 2020
25 °C

ಭಾರತದ ಇಬ್ಬಂದಿತನ: ಪಾಸ್ಕಲ್‌ ಆಕ್ಷೇಪ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಭಾರತದ ಇಬ್ಬಂದಿತನ: ಪಾಸ್ಕಲ್‌ ಆಕ್ಷೇಪ

ಬೆಂಗಳೂರು: ಭಾರತೀಯ ರಾಜ­ತಾಂ­ತ್ರಿಕ ಅಧಿಕಾರಿ ದೇವ­ಯಾನಿ ಖೋಬ್ರಾ­­ಗಡೆ ಅವರ ವಿಚಾರದಲ್ಲಿ ಅಮೆರಿಕ ನಡೆ­ದು­­ಕೊಂಡ ರೀತಿ ಹಾಗೂ ನನ್ನೊಂ­ದಿಗೆ ಸ್ಥಳೀಯ ಪೊಲೀ­ಸರು ನಡೆದು­ಕೊಂಡ ರೀತಿ ಎರಡೂ ಒಂದೇ. ಬೇರೆ ದೇಶ­ಗಳಲ್ಲಿ ತನ್ನ ರಾಜತಾಂತ್ರಿಕ ಅಧಿ­ಕಾರಿ­ಗಳಿಗೆ ಅನ್ಯಾಯ­ವಾದಾಗ ಪ್ರತಿಭ­ಟಿಸುವ ಭಾರತ, ತನ್ನ ನೆಲದಲ್ಲೇ ಆದ ಅನ್ಯಾಯಗಳ ಬಗ್ಗೆ ಮೌನವಹಿಸು­ವುದೇಕೆ’ ಎಂದು ಫ್ರೆಂಚ್  ಕಾನ್ಸುಲ್ ಕಚೇರಿಯ ಮಾಜಿ ಕಿರಿಯ ಅಧಿಕಾರಿ ಪಾಸ್ಕಲ್ ಮಜುರಿಯರ್ ಪ್ರಶ್ನಿಸಿದರು.



ನಗರದಲ್ಲಿ ಶನಿವಾರ ನಡೆದ ಪತ್ರಿಕಾ­ಗೋಷ್ಠಿಯಲ್ಲಿ ಮಾತ­ನಾಡಿದ ಅವರು, ‘ನಾನು ಮಗಳ ಮೇಲೆ ಅತ್ಯಾಚಾರ ಎಸಗಿ­ರುವುದು ಸುಳ್ಳು. ಇದಕ್ಕೆ ಡಿಎನ್‌ಎ ಪರೀಕ್ಷೆಯ ವರ­ದಿಯೇ ಸಾಕ್ಷಿ. ಆದರೂ ನಾನು ನಿರಪರಾಧಿ ಎಂದು ತೀರ್ಪು ನೀಡುವಲ್ಲಿ  ವಿಳಂಬವಾಗುತ್ತಿದೆ’ ಎಂದು ಆರೋಪಿಸಿದರು.



‘ರಾಜತಾಂತ್ರಿಕ ವಿಷಯಗಳಲ್ಲಿ ತ್ವರಿತವಾಗಿ ನ್ಯಾಯದಾನ­ವಾಗಬೇಕು ಎಂದು ಹೇಳುತ್ತಿರುವ ಭಾರತದೊಳಗೇ ನ್ಯಾಯ­­ದಾನ ವಿಳಂಬವಾಗುತ್ತಿದೆ. ತನ­ಗೊಂದು ನ್ಯಾಯ ಇತರ­ರಿಗೆ ಒಂದು ನ್ಯಾಯ ಎಂಬ ಭಾರತದ ಈ ಇಬ್ಬಂದಿ­ತನ ಸರಿಯಲ್ಲ’ ಎಂದು ದೂರಿದರು.



‘ದೇವಯಾನಿ ಖೋಬ್ರಾಗಡೆ ಅವ­ರನ್ನು ಅಮೆರಿಕ ಪೊಲೀ­-ಸರು ನಡೆಸಿ­ಕೊಂಡ ರೀತಿಯಲ್ಲೇ ಸ್ಥಳೀಯ ಪೊಲೀ­ಸರು ನನ್ನನ್ನು ನಡೆಸಿಕೊಂಡಿದ್ದಾರೆ. ನನ್ನನ್ನು ಬಂಧಿಸಿ ಅಮಾನ­ವೀ­ಯ­ವಾಗಿ ಎಳೆದೊಯ್ದು ಮದ್ಯವ್ಯಸನಿಗಳಿದ್ದ ಸೆಲ್‌­ನಲ್ಲಿ ಇಟ್ಟಿದ್ದರು. ಸೆಲ್‌ನಲ್ಲಿ ಬರಿಯ ನೆಲದ ಮೇಲೆ ಮಲಗುವ ಪರಿ­ಸ್ಥಿತಿ ಇತ್ತು. ನಾನೊಬ್ಬ ರಾಜತಾಂತ್ರಿಕ ಅಧಿಕಾರಿ ಎಂಬುದು ತಿಳಿದಿದ್ದೂ ಈ ರೀತಿ ವರ್ತಿಸಿದರು’ ಎಂದರು.



ಒಂದು ಬಾರಿಯೂ..

ಮೊಮ್ಮಕ್ಕಳನ್ನು ನೋಡ­ಬೇಕೆಂದು ಮೂರು ಬಾರಿ ಫ್ರಾನ್ಸ್‌­ನಿಂದ ಬೆಂಗಳೂರಿಗೆ ಬಂದೆ. ಆದರೆ, ಒಂದು ಬಾರಿಯೂ ಮಕ್ಕಳನ್ನು ನೋಡಲು ಸುಜಾ ಜೋನ್ಸ್ ಅವಕಾಶ ನೀಡಲಿಲ್ಲ. ಈ ಬಾರಿ ಕ್ರಿಸ್‌­ಮಸ್‌ ಉಡುಗೊರೆ ನೀಡಲು ನಗ­ರಕ್ಕೆ ಬಂದಿದ್ದೇನೆ. ಆದರೆ, ಆಕೆ ಈ ಬಾರಿಯೂ ಅವಕಾಶ ಕೊಡುತ್ತಿಲ್ಲ.

–ಜಾಕಿ, ಪಾಸ್ಕಲ್‌ ತಾಯಿ

ಪ್ರತಿಕ್ರಿಯಿಸಿ (+)