<p><strong>ನವದೆಹಲಿ(ಪಿಟಿಐ</strong>): ಭಾರತದ ವಿಮಾ ವಲಯ ಪ್ರಸಕ್ತ ಹಣಕಾಸು ವರ್ಷದಲ್ಲಿ ಶೇ 5ಕ್ಕಿಂತ ಕಡಿಮೆ ಬೆಳವಣಿಗೆ ಕಾಣಲಿದೆ ಎಂದು `ಭಾರತೀಯ ಕೈಗಾರಿಕಾ ಒಕ್ಕೂಟ'(ಸಿಐಐ) ಅಂದಾಜು ಮಾಡಿದೆ.<br /> <br /> ದೇಶದಲ್ಲಿನ 30 ಪ್ರಮುಖ ವಿಮಾ ಕಂಪೆನಿಗಳಲ್ಲಿ ಸಮೀಕ್ಷೆ ನಡೆಸಿರುವ `ಸಿಐಐ', ಜೀವ ವಿಮಾ ವಲಯಕ್ಕೆ ಹೋಲಿಸಿದರೆ, ವಾಹನ-ಕೈಗಾರಿಕೆ ಮೊದಲಾದ ಸರಕು-ಸಂಸ್ಥೆಗಳಿಗೆ ವಿಮಾ ಸುರಕ್ಷೆ ಒದಗಿಸಲು `ಸಾಮಾನ್ಯ ವಿಮಾ' ಕ್ಷೇತ್ರ ಹೆಚ್ಚಿನ ಬೆಳವಣಿಗೆ ದಾಖಲಿಸುವ ವಿಶ್ವಾಸದಲ್ಲಿದೆ. ಜೀವ ವಿಮೆಗೆ ಹೊರತಾದ ವಿಭಾಗದ ವಿಮಾ ಕಂಪೆನಿಗಳಲ್ಲಿ ಶೇ 60ರಷ್ಟು ಸಂಸ್ಥೆಗಳು ಪ್ರಸಕ್ತ ಹಣಕಾಸು ವರ್ಷದಲ್ಲಿ ಶೇ 10ರಷ್ಟು ಪ್ರಗತಿ ಕಾಣುವ ವಿಶ್ವಾಸದಲ್ಲಿವೆ ಎಂದು ಹೇಳಿದೆ.<br /> <br /> ಸಮೀಕ್ಷೆಗೊಳಗಾದ ಜೀವ ವಿಮಾ ಕಂಪೆನಿಗಳಲ್ಲಿ ಅರ್ಧದಷ್ಟು ಸಂಸ್ಥೆಗಳು `ನಕಾರಾತ್ಮಕ ಬೆಳವಣಿಗೆ'ಯ ಚಿಂತೆಯಲ್ಲಿವೆ. ಹಾಗಾಗಿ ವಿಮಾ ಕ್ಷೇತ್ರ ಬೆಳವಣಿಗೆ ಕಂಡು ಮುಂದಿನ ಹಂತಕ್ಕೆ ಪ್ರವೇಶಿಸಬೇಕಿದ್ದರೆ ನಿಯಂತ್ರಣ ಕಾಯ್ದೆಗಳಿಗೆ ಸೂಕ್ತ ತಿದ್ದುಪಡಿ ಮತ್ತು ಉದ್ಯಮ ಉತ್ತೇಜನ ನೀತಿ ರೂಪಿಸಬೇಕಿದೆ. ಆ ಮೂಲಕ ವಿಮಾ ವಲಯಕ್ಕೆ ಶಕ್ತಿ ತುಂಬಬೇಕಿದೆ ಎಂದು `ಸಿಐಐ' ಮಹಾ ನಿರ್ದೇಶಕ ಚಂದ್ರಜಿತ್ ಬ್ಯಾನರ್ಜಿ ಅಭಿಪ್ರಾಯಪಟ್ಟಿದ್ದಾರೆ.<br /> <br /> ವಿಮಾ ಕ್ಷೇತ್ರಕ್ಕೆ ವಿಧಿಸಲಾಗಿರುವ `ನೇರ ವಿದೇಶಿ ಹೂಡಿಕೆ'(ಎಫ್ಡಿಐ) ಮಿತಿಯನ್ನು ಶೇ 26ರಿಂದ ಶೇ 49ಕ್ಕೆ ಹೆಚ್ಚಿಸಬೇಕಿದೆ ಎಂದೂ ಸಮೀಕ್ಷಾ ವರದಿಯಲ್ಲಿ ಗಮನ ಸೆಳೆಯಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ(ಪಿಟಿಐ</strong>): ಭಾರತದ ವಿಮಾ ವಲಯ ಪ್ರಸಕ್ತ ಹಣಕಾಸು ವರ್ಷದಲ್ಲಿ ಶೇ 5ಕ್ಕಿಂತ ಕಡಿಮೆ ಬೆಳವಣಿಗೆ ಕಾಣಲಿದೆ ಎಂದು `ಭಾರತೀಯ ಕೈಗಾರಿಕಾ ಒಕ್ಕೂಟ'(ಸಿಐಐ) ಅಂದಾಜು ಮಾಡಿದೆ.<br /> <br /> ದೇಶದಲ್ಲಿನ 30 ಪ್ರಮುಖ ವಿಮಾ ಕಂಪೆನಿಗಳಲ್ಲಿ ಸಮೀಕ್ಷೆ ನಡೆಸಿರುವ `ಸಿಐಐ', ಜೀವ ವಿಮಾ ವಲಯಕ್ಕೆ ಹೋಲಿಸಿದರೆ, ವಾಹನ-ಕೈಗಾರಿಕೆ ಮೊದಲಾದ ಸರಕು-ಸಂಸ್ಥೆಗಳಿಗೆ ವಿಮಾ ಸುರಕ್ಷೆ ಒದಗಿಸಲು `ಸಾಮಾನ್ಯ ವಿಮಾ' ಕ್ಷೇತ್ರ ಹೆಚ್ಚಿನ ಬೆಳವಣಿಗೆ ದಾಖಲಿಸುವ ವಿಶ್ವಾಸದಲ್ಲಿದೆ. ಜೀವ ವಿಮೆಗೆ ಹೊರತಾದ ವಿಭಾಗದ ವಿಮಾ ಕಂಪೆನಿಗಳಲ್ಲಿ ಶೇ 60ರಷ್ಟು ಸಂಸ್ಥೆಗಳು ಪ್ರಸಕ್ತ ಹಣಕಾಸು ವರ್ಷದಲ್ಲಿ ಶೇ 10ರಷ್ಟು ಪ್ರಗತಿ ಕಾಣುವ ವಿಶ್ವಾಸದಲ್ಲಿವೆ ಎಂದು ಹೇಳಿದೆ.<br /> <br /> ಸಮೀಕ್ಷೆಗೊಳಗಾದ ಜೀವ ವಿಮಾ ಕಂಪೆನಿಗಳಲ್ಲಿ ಅರ್ಧದಷ್ಟು ಸಂಸ್ಥೆಗಳು `ನಕಾರಾತ್ಮಕ ಬೆಳವಣಿಗೆ'ಯ ಚಿಂತೆಯಲ್ಲಿವೆ. ಹಾಗಾಗಿ ವಿಮಾ ಕ್ಷೇತ್ರ ಬೆಳವಣಿಗೆ ಕಂಡು ಮುಂದಿನ ಹಂತಕ್ಕೆ ಪ್ರವೇಶಿಸಬೇಕಿದ್ದರೆ ನಿಯಂತ್ರಣ ಕಾಯ್ದೆಗಳಿಗೆ ಸೂಕ್ತ ತಿದ್ದುಪಡಿ ಮತ್ತು ಉದ್ಯಮ ಉತ್ತೇಜನ ನೀತಿ ರೂಪಿಸಬೇಕಿದೆ. ಆ ಮೂಲಕ ವಿಮಾ ವಲಯಕ್ಕೆ ಶಕ್ತಿ ತುಂಬಬೇಕಿದೆ ಎಂದು `ಸಿಐಐ' ಮಹಾ ನಿರ್ದೇಶಕ ಚಂದ್ರಜಿತ್ ಬ್ಯಾನರ್ಜಿ ಅಭಿಪ್ರಾಯಪಟ್ಟಿದ್ದಾರೆ.<br /> <br /> ವಿಮಾ ಕ್ಷೇತ್ರಕ್ಕೆ ವಿಧಿಸಲಾಗಿರುವ `ನೇರ ವಿದೇಶಿ ಹೂಡಿಕೆ'(ಎಫ್ಡಿಐ) ಮಿತಿಯನ್ನು ಶೇ 26ರಿಂದ ಶೇ 49ಕ್ಕೆ ಹೆಚ್ಚಿಸಬೇಕಿದೆ ಎಂದೂ ಸಮೀಕ್ಷಾ ವರದಿಯಲ್ಲಿ ಗಮನ ಸೆಳೆಯಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
