<p><strong>ನವದೆಹಲಿ (ಪಿಟಿಐ): </strong>ದೇಶದ ಶೇ 85ರಷ್ಟು ಮಧ್ಯಮ ವರ್ಗದ ಜನತೆ ಬದಲಾಗುತ್ತಿರುವ ತಮ್ಮ ಜೀವನ ಶೈಲಿಗೆ ತಕ್ಕಂತೆ ಹೆಚ್ಚುವರಿ ವಿಮೆ ಯೋಜನೆಗಳ ಅಗತ್ಯ ಇದೆ ಎಂದು ಹೇಳಿದ್ದಾರೆ. <br /> <br /> ಮಧ್ಯಮ ವರ್ಗದ ಖರ್ಚು ಮಾಡುವ ಸಾಮರ್ಥ್ಯ ಇತ್ತೀಚಿನ ವರ್ಷಗಳಲ್ಲಿ ಗಣನೀಯವಾಗಿ ಹೆಚ್ಚಿದೆ. ಈ ಹಿನ್ನೆಲೆಯಲ್ಲಿ ಉತ್ತಮ ಆರೋಗ್ಯ, ಉತ್ತಮ ಶಿಕ್ಷಣ, ಉತ್ತಮ ವಸತಿಗಾಗಿ ಹೆಚ್ಚುವರಿ ವಿಮೆ ಸೌಲಭ್ಯಗಳ ಅಗತ್ಯ ಇದೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ ಎಂದು `ಐಎನ್ಜಿ~ ವಿಮಾ ಸಂಸ್ಥೆ ನಡೆಸಿದ ಏಷ್ಯಾ-ಪೆಸಿಫಿಕ್ ಸಮೀಕ್ಷೆ ತಿಳಿಸಿದೆ. <br /> <br /> ಸಮೀಕ್ಷಾರ್ಥಿಗಳಲ್ಲಿ ಶೇ 75ರಷ್ಟು ಜನ ತಮಗೆ ಇನ್ನೂ ಹೆಚ್ಚಿನ ವಿಮೆ ಸೌಲಭ್ಯ ಬೇಕು ಹಾಗೂ ಈ ವರ್ಷಾಂತ್ಯದೊಳಗೆ ಹೊಸ ವಿಮೆ ಯೋಜನೆಗಳನ್ನು ಖರೀದಿಸುವುದಾಗಿ ಹೇಳಿದ್ದಾರೆ ಎಂದು `ಐಎನ್ಜಿ~ ವಿಮೆಯ ಏಷ್ಯಾ -ಪೆಸಿಫಿಕ್ ವಲಯದ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಫ್ರಾಂಕ್ಕೋಸ್ಟರ್ ತಿಳಿಸಿದ್ದಾರೆ. <br /> <br /> ಶೇ 45ರಷ್ಟು ಜನರು ಮಕ್ಕಳ ವಿದ್ಯಾಭ್ಯಾಸಕ್ಕೆ ಹೆಚ್ಚುವರಿ ವಿಮಾ ಸೌಲಭ್ಯ ಬೇಕು ಎಂದು ಹೇಳಿದ್ದಾರೆ. ನಿವೃತ್ತಿ ವಿಮೆ ಯೋಜನೆಗಳಿಗೂ ಗರಿಷ್ಠ ಮಟ್ಟದ ಬೇಡಿಕೆ ವ್ಯಕ್ತವಾಗಿದೆ. ಅವಿಭಕ್ತ ಕುಟುಂಬ ವ್ಯವಸ್ಥೆಯಿಂದ ವಿಭಕ್ತ ಕುಟುಂಬಗಳಿಗೆ ಹೆಚ್ಚಿನವರು ಬದಲಾಗುತ್ತಿರುವುದರಿಂದ `ನಿವೃತ್ತಿ~ ವಿಮೆ ಯೋಜನೆಗಳಿಗೆ ಬೇಡಿಕೆ ಹೆಚ್ಚಿದೆ. ಮಕ್ಕಳಿಗೆ ಉತ್ತಮ ವಿದ್ಯಾಭ್ಯಾಸ ಕೊಡಿಸಬೇಕು ಎನ್ನುವ ಮಧ್ಯಮ ವರ್ಗದ ಮನಸ್ಥಿತಿ ಕೂಡ `ಶಿಕ್ಷಣ~ ವಿಮೆ ಬೇಡಿಕೆ ಹೆಚ್ಚುವಂತೆ ಮಾಡಿದೆ ಎಂದು ಸಮೀಕ್ಷೆ ಹೇಳಿದೆ. <br /> <br /> ಭಾರತದ ಮಧ್ಯಮ ವರ್ಗದ ಜನತೆ, ತಮ್ಮ ಮಕ್ಕಳಿಗೆ 3 ವರ್ಷ ತುಂಬುವುದರೊಳಗೇ `ಶಿಕ್ಷಣ~ ವಿಮೆ ಮಾಡಿಸಲು ಇಷ್ಟಪಡುತ್ತಾರೆ. ಈ ಪ್ರವೃತ್ತಿ ಇತ್ತೀಚಿನ ದಿನಗಳಲ್ಲಿ ಗಣನೀಯವಾಗಿ ಹೆಚ್ಚುತ್ತಿದೆ ಎಂದೂ ಸಮೀಕ್ಷೆ ತಿಳಿಸಿದೆ. <br /> <br /> ಭಾರತ, ಚೀನಾ, ಹಾಂಕಾಂಗ್, ಮಲೇಷ್ಯಾ, ಥಾಯ್ಲೆಂಡ್ ಮತ್ತು ಜಪಾನ್ನಲ್ಲಿ ಸುಮಾರು 2,329 ಮಧ್ಯಮ ವರ್ಗದ ಜನರನ್ನು ಸಂದರ್ಶಿಸಿ `ಐಎನ್ಜಿ~ ಈ ಸಮೀಕ್ಷೆ ನಡೆಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ): </strong>ದೇಶದ ಶೇ 85ರಷ್ಟು ಮಧ್ಯಮ ವರ್ಗದ ಜನತೆ ಬದಲಾಗುತ್ತಿರುವ ತಮ್ಮ ಜೀವನ ಶೈಲಿಗೆ ತಕ್ಕಂತೆ ಹೆಚ್ಚುವರಿ ವಿಮೆ ಯೋಜನೆಗಳ ಅಗತ್ಯ ಇದೆ ಎಂದು ಹೇಳಿದ್ದಾರೆ. <br /> <br /> ಮಧ್ಯಮ ವರ್ಗದ ಖರ್ಚು ಮಾಡುವ ಸಾಮರ್ಥ್ಯ ಇತ್ತೀಚಿನ ವರ್ಷಗಳಲ್ಲಿ ಗಣನೀಯವಾಗಿ ಹೆಚ್ಚಿದೆ. ಈ ಹಿನ್ನೆಲೆಯಲ್ಲಿ ಉತ್ತಮ ಆರೋಗ್ಯ, ಉತ್ತಮ ಶಿಕ್ಷಣ, ಉತ್ತಮ ವಸತಿಗಾಗಿ ಹೆಚ್ಚುವರಿ ವಿಮೆ ಸೌಲಭ್ಯಗಳ ಅಗತ್ಯ ಇದೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ ಎಂದು `ಐಎನ್ಜಿ~ ವಿಮಾ ಸಂಸ್ಥೆ ನಡೆಸಿದ ಏಷ್ಯಾ-ಪೆಸಿಫಿಕ್ ಸಮೀಕ್ಷೆ ತಿಳಿಸಿದೆ. <br /> <br /> ಸಮೀಕ್ಷಾರ್ಥಿಗಳಲ್ಲಿ ಶೇ 75ರಷ್ಟು ಜನ ತಮಗೆ ಇನ್ನೂ ಹೆಚ್ಚಿನ ವಿಮೆ ಸೌಲಭ್ಯ ಬೇಕು ಹಾಗೂ ಈ ವರ್ಷಾಂತ್ಯದೊಳಗೆ ಹೊಸ ವಿಮೆ ಯೋಜನೆಗಳನ್ನು ಖರೀದಿಸುವುದಾಗಿ ಹೇಳಿದ್ದಾರೆ ಎಂದು `ಐಎನ್ಜಿ~ ವಿಮೆಯ ಏಷ್ಯಾ -ಪೆಸಿಫಿಕ್ ವಲಯದ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಫ್ರಾಂಕ್ಕೋಸ್ಟರ್ ತಿಳಿಸಿದ್ದಾರೆ. <br /> <br /> ಶೇ 45ರಷ್ಟು ಜನರು ಮಕ್ಕಳ ವಿದ್ಯಾಭ್ಯಾಸಕ್ಕೆ ಹೆಚ್ಚುವರಿ ವಿಮಾ ಸೌಲಭ್ಯ ಬೇಕು ಎಂದು ಹೇಳಿದ್ದಾರೆ. ನಿವೃತ್ತಿ ವಿಮೆ ಯೋಜನೆಗಳಿಗೂ ಗರಿಷ್ಠ ಮಟ್ಟದ ಬೇಡಿಕೆ ವ್ಯಕ್ತವಾಗಿದೆ. ಅವಿಭಕ್ತ ಕುಟುಂಬ ವ್ಯವಸ್ಥೆಯಿಂದ ವಿಭಕ್ತ ಕುಟುಂಬಗಳಿಗೆ ಹೆಚ್ಚಿನವರು ಬದಲಾಗುತ್ತಿರುವುದರಿಂದ `ನಿವೃತ್ತಿ~ ವಿಮೆ ಯೋಜನೆಗಳಿಗೆ ಬೇಡಿಕೆ ಹೆಚ್ಚಿದೆ. ಮಕ್ಕಳಿಗೆ ಉತ್ತಮ ವಿದ್ಯಾಭ್ಯಾಸ ಕೊಡಿಸಬೇಕು ಎನ್ನುವ ಮಧ್ಯಮ ವರ್ಗದ ಮನಸ್ಥಿತಿ ಕೂಡ `ಶಿಕ್ಷಣ~ ವಿಮೆ ಬೇಡಿಕೆ ಹೆಚ್ಚುವಂತೆ ಮಾಡಿದೆ ಎಂದು ಸಮೀಕ್ಷೆ ಹೇಳಿದೆ. <br /> <br /> ಭಾರತದ ಮಧ್ಯಮ ವರ್ಗದ ಜನತೆ, ತಮ್ಮ ಮಕ್ಕಳಿಗೆ 3 ವರ್ಷ ತುಂಬುವುದರೊಳಗೇ `ಶಿಕ್ಷಣ~ ವಿಮೆ ಮಾಡಿಸಲು ಇಷ್ಟಪಡುತ್ತಾರೆ. ಈ ಪ್ರವೃತ್ತಿ ಇತ್ತೀಚಿನ ದಿನಗಳಲ್ಲಿ ಗಣನೀಯವಾಗಿ ಹೆಚ್ಚುತ್ತಿದೆ ಎಂದೂ ಸಮೀಕ್ಷೆ ತಿಳಿಸಿದೆ. <br /> <br /> ಭಾರತ, ಚೀನಾ, ಹಾಂಕಾಂಗ್, ಮಲೇಷ್ಯಾ, ಥಾಯ್ಲೆಂಡ್ ಮತ್ತು ಜಪಾನ್ನಲ್ಲಿ ಸುಮಾರು 2,329 ಮಧ್ಯಮ ವರ್ಗದ ಜನರನ್ನು ಸಂದರ್ಶಿಸಿ `ಐಎನ್ಜಿ~ ಈ ಸಮೀಕ್ಷೆ ನಡೆಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
