<p>ಶರಾವತಿ ನದಿ ದಡದ ಆಚೆ-ಈಚೆ ಹಬ್ಬಿಕೊಂಡಿರುವ ಸೊನಲೆ ಗ್ರಾಮವು ತಾಲ್ಲೂಕಿನ ರಾಜಕೀಯ, ಸಾಮಾಜಿಕ ಹಾಗೂ ಆರ್ಥಿಕ ಕ್ಷೇತ್ರದಲ್ಲಿ ತನ್ನದೇ ಆದ ಹೆಸರನ್ನು ಅಚ್ಚೊತ್ತುವ ಮೂಲಕ ಪ್ರಮುಖ ಪಾತ್ರ ವಹಿಸಿದೆ.<br /> <br /> <strong>ಪುಟ್ಟ ಇತಿಹಾಸ</strong>: ಸೊನಲೆ ಎಂಬ ಹೆಸರು ಹಿಂದಿ `ಸೋನಾ~ ಚಿನ್ನ ದೊರಕುತ್ತಿದ್ದ ಸ್ಥಳ ಎಂಬ ಅರ್ಥದಿಂದ ಬಂತು. ಇದನ್ನು ಸೋಸಲೆ, ಸೊಲ್ಲೆ ಎಂಬ ಹೆಸರಿನಿಂದಲೂ ಸ್ಥಳೀಯರು ಕರೆಯುತ್ತಾರೆ. ಹುಲಿ, ಕಾಡು ಕೋಣ, ಹಂದಿ ವಾಸಿಸುತಿದ್ದ ಈ ಗ್ರಾಮವನ್ನು `ಹಂಡೆಸಂಚಿ ಹಕ್ಕಲು~ ಎಂದು ಕರೆಯುತ್ತಿದ್ದರು. ಇದಕ್ಕೆ ತಾಗಿಕೊಂಡಿರುವ `ಬಿಲ್ಲೋಡಿ~ ಗ್ರಾಮದಲ್ಲಿ ಶ್ರೀರಾಮ, ಸೀತೆಯರು ವನವಾಸ ಕಾಲದಲ್ಲಿ ಸ್ವಲ್ಪ ಕಾಲ ತಂಗಿದ್ದರೆಂದು ಹಿರಿಯರು ನಂಬಿದ್ದಾರೆ.<br /> <br /> ಹೆಚ್ಚುತ್ತಿರುವ ಬಗರ್ಹುಕುಂ ಕುಟುಂಬ: ಗ್ರಾ.ಪಂ. ವ್ಯಾಪ್ತಿಯಲ್ಲಿ ಸರ್ಕಾರಿ ಸೌಲಭ್ಯ ವಂಚಿತವಾಗಿರುವ 250ಕ್ಕೂ ಹೆಚ್ಚು ಬಗರ್ಹುಕುಂ ಕುಟುಂಬ ಇದೆ. ಜಲವಿದ್ಯುತ್ ಯೋಜನೆಯಿಂದ ಬಂದ ವಲಸಿಗರು, ತುಂಡು-ತುಂಡಾಗುತ್ತಿರುವ `ಕೂಡು ಕುಟುಂಬ~ದ ಪರಿಣಾಮ ಅರಣ್ಯದ ಅಂಚು, ಗೋಮಾಳ ಹಾಗೂ ಕಂದಾಯ ಭೂಮಿಯನ್ನು ಅಕ್ರಮವಾಗಿ ಸಾಗುವಳಿ, ಮನೆ ಕಟ್ಟಿಕೊಂಡ ಬಗರ್ಹುಕುಂ ಫಲಾನುಭವಿಗಳು ಒಟ್ಟು ಗ್ರಾ.ಪಂ.ಯ ಕುಟುಂಬಗಳ ಸಂಖ್ಯೆಯ ಶೇ. 30ರಷ್ಟು ಇದೆ ಎನ್ನುತ್ತಾರೆ ಗ್ರಾ.ಪಂ. ಉಪಾಧ್ಯಕ್ಷ ಎಸ್.ಆರ್. ಈಶ್ವರಪ್ಪ<br /> <br /> <strong>ರಸ್ತೆ ಕಾಣದ ಹಳ್ಳಿ!:</strong> ಡಾಂಬರ್ ರಸ್ತೆ ಒತ್ತಟ್ಟಿಗಿರಲಿ. ಸಂಪರ್ಕ ರಸ್ತೆಯನ್ನೇ ಕಾಣದ ಕಲ್ಲುವೀಡು ಅಬ್ಬಿಗಲ್ಲು, ಹೊಳೆಮತ್ತಿ, ಹೆರಗದ್ದೆ, ಬಾವಿಕೈ ಗ್ರಾಮಗಳು ಈಗಲೂ ಇದೆ ಎಂದರೆ ನಂಬಲೇ ಬೇಕು. ಶರಾವತಿಯ ಉಪ ನದಿಗಳು ಈ ಹಳ್ಳಿಯ ಪಕ್ಕದಲ್ಲಿ ಹರಿಯುತ್ತಿರುವ ಕಾರಣ ಸಂಪರ್ಕ ರಸ್ತೆ, ಸೇತುವೆ ಇಲ್ಲದೇ ಜನರು ಈಗಲೂ ತಲೆ ಹೊರೆಯ ಮೇಲೆ ಕಾಡು ಸುತ್ತಿ ಕಾಲುದಾರಿಯಲ್ಲಿ ಸಾಮಾನು, ಸರಂಜಾಮು ಸಾಗಿಸುತ್ತಾರೆ. ಸಂಪರ್ಕ ರಸ್ತೆ-ಸೇತುವೆಗಾಗಿ ಜನಪ್ರತಿನಿಧಿಗಳಿಗೆ ಗ್ರಾಮಸ್ಥರು ಸಲ್ಲಿಸಿದ ಅಹವಾಲು ಕಸದ ಬುಟ್ಟಿ ಸೇರುತ್ತಿದೆ ಎನ್ನುತ್ತಾರೆ ನೊಂದ ಗ್ರಾಮಸ್ಥರು.<br /> <br /> <strong>ಮಾಜಿ ಶಾಸಕರ ಊರು:</strong> ಸುಮಾರು 11 ವರ್ಷಗಳ ಕಾಲ ಶಾಸಕರಾಗಿ ಸೇವೆ ಸಲ್ಲಿಸಿದ ಮಾಜಿ ಶಾಸಕ 81ರ ಹರೆಯದ ಬಿ. ಸ್ವಾಮಿರಾವ್ ಈ ಗ್ರಾಮದವರು. ತಾ.ಪಂ. ಮಾಜಿ ಅಧ್ಯಕ್ಷ ಪಟೇಲ್ ಗರುಡಪ್ಪ ಗೌಡ, ಶಿವಮೊಗ್ಗ ಹಾಲು ಒಕ್ಕೂಟದ ಮಾಜಿ ಅಧ್ಯಕ್ಷ ನಿವಣೆ ಸೀತಾರಾಮ ಭಟ್ ಹಾಗೂ ಸೊನಲೆ ಗ್ರಾ.ಪಂ. ಮೊದಲ ಚೇರ್ಮನ್ ಆಗಿದ್ದ ದಿವಂಗತ ಕೆ.ಬಿ. ಕೃಷ್ಣಮೂರ್ತಿ ಇವರ ಸೇವೆಯನ್ನು ಗ್ರಾಮಸ್ಥರು ಸ್ಮರಿಸುತ್ತಾರೆ.<br /> <br /> <strong>ಅಪರೂಪದ ಅಂಟಿಗೆ-ಪಿಂಟಿಗೆ:</strong> ಮಲೆನಾಡಿನಲ್ಲಿ ಮರೆಯಾಗುತ್ತಿರುವ ದೀಪಾವಳಿ ಹಬ್ಬದ 3 ದಿನ ಆಚರಿಸುತ್ತಿದ್ದ ಅಂಟಿಗೆ-ಪಿಂಟಿಗೆ ಜಾನಪದ ಕಲೆಯನ್ನು ಸೊನಲೆ ಹಾಗೂ ಬಿಳ್ಳೋಡಿಯಲ್ಲಿ ಜೀವಂತವಾಗಿ ಇರಿಸಿಕೊಂಡಿರುವ ಪ್ರಯತ್ನ ಶ್ಲಾಘನೀಯವಾಗಿದೆ. ಗ್ರಾಮದ ಪ್ರತಿ ಮನೆಗೆ ತೆರಳಿ ಅಂಟಿಗೆ-ಪಿಂಟಿಗೆ ಹಾಡಿ ಕುಣಿದು ಬಂದ ಹಣವನ್ನು ಊರಿನ ದೇವಸ್ಥಾನಕ್ಕೆ ಸಮರ್ಪಿಸುವ ಪರಿಪಾಠ ಅನಾದಿ ಕಾಲದಿಂದ ನಡೆದುಕೊಂಡು ಬಂದಿದೆ.<br /> <br /> ಬಿದನೂರು ರಾಜರ ಪ್ರಭಾವದ ಪರಿಣಾಮ ಈ ಭಾಗದಲ್ಲಿ ಶೈವ ದೇಗುಲಗಳು ಹೆಚ್ಚಾಗಿ ಕಂಡು ಬರುತ್ತದೆ. ಸುಮಾರು 8 ಅಡಿ ಎತ್ತರದ ಲಿಂಗ ಇರುವ ಅಪರೂಪದ ಪುರಾಣ ಪ್ರಸಿದ್ಧ ಸೊನಲೆಯ ರಾಮೇಶ್ವರ ದೇವಸ್ಥಾನ, ನಿವಣೆಯ ಕಲಾನಾಥೇಶ್ವರ ದೇವಸ್ಥಾನ, ಕೊಳಗಿಯ ಬಸವಣ್ಣ, ಹೆಗ್ಗರುಸಿನ ಬಸವೇಶ್ವರ, ಕಲ್ಲುವೀಡು ಅಬ್ಬಿಗಲ್ಲು ಗ್ರಾಮದ ರಾಮೇಶ್ವರ ದೇವಸ್ಥಾನ, ಬಿಳ್ಳೋಡಿಯ ಮಾರಿಕಾಂಬ ಗುಡಿ ಇದೆ. ಕೆಳದಿ ಅರಸರು ಸಂಚರಿಸುತ್ತಿದ್ದ ಈ ಭಾಗದಲ್ಲಿ ಆನೆ ಕಟ್ಟುವ ನಿಲ್ಸಕಲ್ ಸಹ ಇದೆ. <br /> <br /> <strong>ರಾಜ್ಯ ಪ್ರಶಸ್ತಿ ಪುರಸ್ಕೃತ ಶಾಲೆ</strong>: ಸತತ 6 ವರ್ಷಗಳ ಕಾಲ ಎಸ್ಸೆಸ್ಸೆಲ್ಸಿಯಲ್ಲಿ ಶೇ. ನೂರಕ್ಕೆ ನೂರು ಫಲಿತಾಂಶ ಸಾಧನೆ ಮಾಡಿದ ರಾಜ್ಯದ ಬೆರಳೆಣಿಕೆಯ ಪ್ರತಿಷ್ಠಿತ ಶಾಲೆಗಳಲ್ಲಿ ಸೊನಲೆಯ ಸರ್ಕಾರಿ ಪ್ರೌಢಶಾಲೆಯೂ ಒಂದು. ಅತ್ಯುತ್ತಮ ಶಿಕ್ಷಣಕ್ಕಾಗಿ ಗಾಂಧಿವಾದಿ ಗೋವಿಂದೇಗೌಡ ರಾಜ್ಯ ಪ್ರಶಸ್ತಿ, `ಹಸಿರು ಶಾಲೆ~ ಪರಿಸರಮಿತ್ರ ಪ್ರಶಸ್ತಿ ಸಹ ಈ ಶಾಲೆಗೆ ಲಭಿಸಿದೆ. ಕೇವಲ ಓದಿನಲ್ಲಿ ಮಾತ್ರ ಅಲ್ಲದೇ, ಕ್ರೀಡೆಯಲ್ಲಿಯೂ ಸಹ ಮುಂಚೂಣಿಯಲ್ಲಿರುವ ಈ ಶಾಲೆಯು ವಾಲಿಬಾಲ್, ಬಾಲ್ಬ್ಯಾಡ್ಮಿಂಟನ್ ಪಂದ್ಯದಲ್ಲಿ ಜಿಲ್ಲಾಮಟ್ಟದಲ್ಲಿ ವಿಜೇತರಾಗಿದ್ದಾರೆ. ಇಲ್ಲಿನ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯೂ ಸಹ ಶತಮಾನದ ಅಂಚಿನಲ್ಲಿದೆ.<br /> <br /> 9 ಗ್ರಾಮಗಳಿಂದ 10 ಸದಸ್ಯರು ಇರುವ ಸೊನಲೆ ಗ್ರಾ.ಪಂ. ವ್ಯಾಪ್ತಿಯಲ್ಲಿ ಸುಮಾರು 826 ಕುಟುಂಬಗಳು ಇದೆ. ರಾಷ್ಟ್ರೀಯ ಉದ್ಯೋಗ ಖಾತ್ರಿ ಯೋಜನೆಯಲ್ಲಿ ಈ ಸಾಲಿಗೆ ಸುಮಾರು ರೂ 27 ಲಕ್ಷ ಕ್ರಿಯಾ ಯೋಜನೆ ಮಾಡಲಾಗಿದ್ದು ರೂ 14 ಲಕ್ಷ ವೆಚ್ಚದ ಕಾಮಗಾರಿಯನ್ನು ಕುಡಿಯುವ ನೀರಿಗೆ, ಕಾಲುಸಂಕ, ರಸ್ತೆ, ಚಾನಲ್ಗಳಿಗೆ ಬಳಸಲಾಗಿದೆ ಎಂದು ಗ್ರಾ.ಪಂ. ಅಧ್ಯಕ್ಷೆ ಯಶೋದಮ್ಮ ತಿಳಿಸಿದರು.<br /> <br /> 100ಕ್ಕೂ ಹೆಚ್ಚು ಕುಟುಂಬಗಳಿರುವ ಸೊನಲೆ ಗ್ರಾಮದಲ್ಲಿ ಬೇಸಿಗೆಯಲ್ಲಿ ಕುಡಿಯುವ ನೀರಿನ ಬರ ಇದೆ. ಇದನ್ನು ನಿವಾರಿಸಲು ವಡಗೆರೆ ಕೆರೆ ಅಭಿವೃದ್ದಿ ಕಾರ್ಯಕ್ಕೆ ಸರ್ಕಾರ ಹಣ ನೀಡಬೇಕಿದೆ ಎನ್ನುತ್ತಾರೆ ಗ್ರಾ.ಪಂ. ಸದಸ್ಯರು.<br /> <br /> ರಾಜಕೀಯ ಮುತ್ಸದ್ದಿಗಳು ಹೆಚ್ಚಾಗಿರುವ ಶರಾವತಿ ನದಿ ದಡದ ಮೇಲೆ ಇರುವ ಸೊನಲೆ ಅಭಿವೃದ್ದಿಯ ಕನಸು ಕಾಣುತ್ತಿದೆ. <br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಶರಾವತಿ ನದಿ ದಡದ ಆಚೆ-ಈಚೆ ಹಬ್ಬಿಕೊಂಡಿರುವ ಸೊನಲೆ ಗ್ರಾಮವು ತಾಲ್ಲೂಕಿನ ರಾಜಕೀಯ, ಸಾಮಾಜಿಕ ಹಾಗೂ ಆರ್ಥಿಕ ಕ್ಷೇತ್ರದಲ್ಲಿ ತನ್ನದೇ ಆದ ಹೆಸರನ್ನು ಅಚ್ಚೊತ್ತುವ ಮೂಲಕ ಪ್ರಮುಖ ಪಾತ್ರ ವಹಿಸಿದೆ.<br /> <br /> <strong>ಪುಟ್ಟ ಇತಿಹಾಸ</strong>: ಸೊನಲೆ ಎಂಬ ಹೆಸರು ಹಿಂದಿ `ಸೋನಾ~ ಚಿನ್ನ ದೊರಕುತ್ತಿದ್ದ ಸ್ಥಳ ಎಂಬ ಅರ್ಥದಿಂದ ಬಂತು. ಇದನ್ನು ಸೋಸಲೆ, ಸೊಲ್ಲೆ ಎಂಬ ಹೆಸರಿನಿಂದಲೂ ಸ್ಥಳೀಯರು ಕರೆಯುತ್ತಾರೆ. ಹುಲಿ, ಕಾಡು ಕೋಣ, ಹಂದಿ ವಾಸಿಸುತಿದ್ದ ಈ ಗ್ರಾಮವನ್ನು `ಹಂಡೆಸಂಚಿ ಹಕ್ಕಲು~ ಎಂದು ಕರೆಯುತ್ತಿದ್ದರು. ಇದಕ್ಕೆ ತಾಗಿಕೊಂಡಿರುವ `ಬಿಲ್ಲೋಡಿ~ ಗ್ರಾಮದಲ್ಲಿ ಶ್ರೀರಾಮ, ಸೀತೆಯರು ವನವಾಸ ಕಾಲದಲ್ಲಿ ಸ್ವಲ್ಪ ಕಾಲ ತಂಗಿದ್ದರೆಂದು ಹಿರಿಯರು ನಂಬಿದ್ದಾರೆ.<br /> <br /> ಹೆಚ್ಚುತ್ತಿರುವ ಬಗರ್ಹುಕುಂ ಕುಟುಂಬ: ಗ್ರಾ.ಪಂ. ವ್ಯಾಪ್ತಿಯಲ್ಲಿ ಸರ್ಕಾರಿ ಸೌಲಭ್ಯ ವಂಚಿತವಾಗಿರುವ 250ಕ್ಕೂ ಹೆಚ್ಚು ಬಗರ್ಹುಕುಂ ಕುಟುಂಬ ಇದೆ. ಜಲವಿದ್ಯುತ್ ಯೋಜನೆಯಿಂದ ಬಂದ ವಲಸಿಗರು, ತುಂಡು-ತುಂಡಾಗುತ್ತಿರುವ `ಕೂಡು ಕುಟುಂಬ~ದ ಪರಿಣಾಮ ಅರಣ್ಯದ ಅಂಚು, ಗೋಮಾಳ ಹಾಗೂ ಕಂದಾಯ ಭೂಮಿಯನ್ನು ಅಕ್ರಮವಾಗಿ ಸಾಗುವಳಿ, ಮನೆ ಕಟ್ಟಿಕೊಂಡ ಬಗರ್ಹುಕುಂ ಫಲಾನುಭವಿಗಳು ಒಟ್ಟು ಗ್ರಾ.ಪಂ.ಯ ಕುಟುಂಬಗಳ ಸಂಖ್ಯೆಯ ಶೇ. 30ರಷ್ಟು ಇದೆ ಎನ್ನುತ್ತಾರೆ ಗ್ರಾ.ಪಂ. ಉಪಾಧ್ಯಕ್ಷ ಎಸ್.ಆರ್. ಈಶ್ವರಪ್ಪ<br /> <br /> <strong>ರಸ್ತೆ ಕಾಣದ ಹಳ್ಳಿ!:</strong> ಡಾಂಬರ್ ರಸ್ತೆ ಒತ್ತಟ್ಟಿಗಿರಲಿ. ಸಂಪರ್ಕ ರಸ್ತೆಯನ್ನೇ ಕಾಣದ ಕಲ್ಲುವೀಡು ಅಬ್ಬಿಗಲ್ಲು, ಹೊಳೆಮತ್ತಿ, ಹೆರಗದ್ದೆ, ಬಾವಿಕೈ ಗ್ರಾಮಗಳು ಈಗಲೂ ಇದೆ ಎಂದರೆ ನಂಬಲೇ ಬೇಕು. ಶರಾವತಿಯ ಉಪ ನದಿಗಳು ಈ ಹಳ್ಳಿಯ ಪಕ್ಕದಲ್ಲಿ ಹರಿಯುತ್ತಿರುವ ಕಾರಣ ಸಂಪರ್ಕ ರಸ್ತೆ, ಸೇತುವೆ ಇಲ್ಲದೇ ಜನರು ಈಗಲೂ ತಲೆ ಹೊರೆಯ ಮೇಲೆ ಕಾಡು ಸುತ್ತಿ ಕಾಲುದಾರಿಯಲ್ಲಿ ಸಾಮಾನು, ಸರಂಜಾಮು ಸಾಗಿಸುತ್ತಾರೆ. ಸಂಪರ್ಕ ರಸ್ತೆ-ಸೇತುವೆಗಾಗಿ ಜನಪ್ರತಿನಿಧಿಗಳಿಗೆ ಗ್ರಾಮಸ್ಥರು ಸಲ್ಲಿಸಿದ ಅಹವಾಲು ಕಸದ ಬುಟ್ಟಿ ಸೇರುತ್ತಿದೆ ಎನ್ನುತ್ತಾರೆ ನೊಂದ ಗ್ರಾಮಸ್ಥರು.<br /> <br /> <strong>ಮಾಜಿ ಶಾಸಕರ ಊರು:</strong> ಸುಮಾರು 11 ವರ್ಷಗಳ ಕಾಲ ಶಾಸಕರಾಗಿ ಸೇವೆ ಸಲ್ಲಿಸಿದ ಮಾಜಿ ಶಾಸಕ 81ರ ಹರೆಯದ ಬಿ. ಸ್ವಾಮಿರಾವ್ ಈ ಗ್ರಾಮದವರು. ತಾ.ಪಂ. ಮಾಜಿ ಅಧ್ಯಕ್ಷ ಪಟೇಲ್ ಗರುಡಪ್ಪ ಗೌಡ, ಶಿವಮೊಗ್ಗ ಹಾಲು ಒಕ್ಕೂಟದ ಮಾಜಿ ಅಧ್ಯಕ್ಷ ನಿವಣೆ ಸೀತಾರಾಮ ಭಟ್ ಹಾಗೂ ಸೊನಲೆ ಗ್ರಾ.ಪಂ. ಮೊದಲ ಚೇರ್ಮನ್ ಆಗಿದ್ದ ದಿವಂಗತ ಕೆ.ಬಿ. ಕೃಷ್ಣಮೂರ್ತಿ ಇವರ ಸೇವೆಯನ್ನು ಗ್ರಾಮಸ್ಥರು ಸ್ಮರಿಸುತ್ತಾರೆ.<br /> <br /> <strong>ಅಪರೂಪದ ಅಂಟಿಗೆ-ಪಿಂಟಿಗೆ:</strong> ಮಲೆನಾಡಿನಲ್ಲಿ ಮರೆಯಾಗುತ್ತಿರುವ ದೀಪಾವಳಿ ಹಬ್ಬದ 3 ದಿನ ಆಚರಿಸುತ್ತಿದ್ದ ಅಂಟಿಗೆ-ಪಿಂಟಿಗೆ ಜಾನಪದ ಕಲೆಯನ್ನು ಸೊನಲೆ ಹಾಗೂ ಬಿಳ್ಳೋಡಿಯಲ್ಲಿ ಜೀವಂತವಾಗಿ ಇರಿಸಿಕೊಂಡಿರುವ ಪ್ರಯತ್ನ ಶ್ಲಾಘನೀಯವಾಗಿದೆ. ಗ್ರಾಮದ ಪ್ರತಿ ಮನೆಗೆ ತೆರಳಿ ಅಂಟಿಗೆ-ಪಿಂಟಿಗೆ ಹಾಡಿ ಕುಣಿದು ಬಂದ ಹಣವನ್ನು ಊರಿನ ದೇವಸ್ಥಾನಕ್ಕೆ ಸಮರ್ಪಿಸುವ ಪರಿಪಾಠ ಅನಾದಿ ಕಾಲದಿಂದ ನಡೆದುಕೊಂಡು ಬಂದಿದೆ.<br /> <br /> ಬಿದನೂರು ರಾಜರ ಪ್ರಭಾವದ ಪರಿಣಾಮ ಈ ಭಾಗದಲ್ಲಿ ಶೈವ ದೇಗುಲಗಳು ಹೆಚ್ಚಾಗಿ ಕಂಡು ಬರುತ್ತದೆ. ಸುಮಾರು 8 ಅಡಿ ಎತ್ತರದ ಲಿಂಗ ಇರುವ ಅಪರೂಪದ ಪುರಾಣ ಪ್ರಸಿದ್ಧ ಸೊನಲೆಯ ರಾಮೇಶ್ವರ ದೇವಸ್ಥಾನ, ನಿವಣೆಯ ಕಲಾನಾಥೇಶ್ವರ ದೇವಸ್ಥಾನ, ಕೊಳಗಿಯ ಬಸವಣ್ಣ, ಹೆಗ್ಗರುಸಿನ ಬಸವೇಶ್ವರ, ಕಲ್ಲುವೀಡು ಅಬ್ಬಿಗಲ್ಲು ಗ್ರಾಮದ ರಾಮೇಶ್ವರ ದೇವಸ್ಥಾನ, ಬಿಳ್ಳೋಡಿಯ ಮಾರಿಕಾಂಬ ಗುಡಿ ಇದೆ. ಕೆಳದಿ ಅರಸರು ಸಂಚರಿಸುತ್ತಿದ್ದ ಈ ಭಾಗದಲ್ಲಿ ಆನೆ ಕಟ್ಟುವ ನಿಲ್ಸಕಲ್ ಸಹ ಇದೆ. <br /> <br /> <strong>ರಾಜ್ಯ ಪ್ರಶಸ್ತಿ ಪುರಸ್ಕೃತ ಶಾಲೆ</strong>: ಸತತ 6 ವರ್ಷಗಳ ಕಾಲ ಎಸ್ಸೆಸ್ಸೆಲ್ಸಿಯಲ್ಲಿ ಶೇ. ನೂರಕ್ಕೆ ನೂರು ಫಲಿತಾಂಶ ಸಾಧನೆ ಮಾಡಿದ ರಾಜ್ಯದ ಬೆರಳೆಣಿಕೆಯ ಪ್ರತಿಷ್ಠಿತ ಶಾಲೆಗಳಲ್ಲಿ ಸೊನಲೆಯ ಸರ್ಕಾರಿ ಪ್ರೌಢಶಾಲೆಯೂ ಒಂದು. ಅತ್ಯುತ್ತಮ ಶಿಕ್ಷಣಕ್ಕಾಗಿ ಗಾಂಧಿವಾದಿ ಗೋವಿಂದೇಗೌಡ ರಾಜ್ಯ ಪ್ರಶಸ್ತಿ, `ಹಸಿರು ಶಾಲೆ~ ಪರಿಸರಮಿತ್ರ ಪ್ರಶಸ್ತಿ ಸಹ ಈ ಶಾಲೆಗೆ ಲಭಿಸಿದೆ. ಕೇವಲ ಓದಿನಲ್ಲಿ ಮಾತ್ರ ಅಲ್ಲದೇ, ಕ್ರೀಡೆಯಲ್ಲಿಯೂ ಸಹ ಮುಂಚೂಣಿಯಲ್ಲಿರುವ ಈ ಶಾಲೆಯು ವಾಲಿಬಾಲ್, ಬಾಲ್ಬ್ಯಾಡ್ಮಿಂಟನ್ ಪಂದ್ಯದಲ್ಲಿ ಜಿಲ್ಲಾಮಟ್ಟದಲ್ಲಿ ವಿಜೇತರಾಗಿದ್ದಾರೆ. ಇಲ್ಲಿನ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯೂ ಸಹ ಶತಮಾನದ ಅಂಚಿನಲ್ಲಿದೆ.<br /> <br /> 9 ಗ್ರಾಮಗಳಿಂದ 10 ಸದಸ್ಯರು ಇರುವ ಸೊನಲೆ ಗ್ರಾ.ಪಂ. ವ್ಯಾಪ್ತಿಯಲ್ಲಿ ಸುಮಾರು 826 ಕುಟುಂಬಗಳು ಇದೆ. ರಾಷ್ಟ್ರೀಯ ಉದ್ಯೋಗ ಖಾತ್ರಿ ಯೋಜನೆಯಲ್ಲಿ ಈ ಸಾಲಿಗೆ ಸುಮಾರು ರೂ 27 ಲಕ್ಷ ಕ್ರಿಯಾ ಯೋಜನೆ ಮಾಡಲಾಗಿದ್ದು ರೂ 14 ಲಕ್ಷ ವೆಚ್ಚದ ಕಾಮಗಾರಿಯನ್ನು ಕುಡಿಯುವ ನೀರಿಗೆ, ಕಾಲುಸಂಕ, ರಸ್ತೆ, ಚಾನಲ್ಗಳಿಗೆ ಬಳಸಲಾಗಿದೆ ಎಂದು ಗ್ರಾ.ಪಂ. ಅಧ್ಯಕ್ಷೆ ಯಶೋದಮ್ಮ ತಿಳಿಸಿದರು.<br /> <br /> 100ಕ್ಕೂ ಹೆಚ್ಚು ಕುಟುಂಬಗಳಿರುವ ಸೊನಲೆ ಗ್ರಾಮದಲ್ಲಿ ಬೇಸಿಗೆಯಲ್ಲಿ ಕುಡಿಯುವ ನೀರಿನ ಬರ ಇದೆ. ಇದನ್ನು ನಿವಾರಿಸಲು ವಡಗೆರೆ ಕೆರೆ ಅಭಿವೃದ್ದಿ ಕಾರ್ಯಕ್ಕೆ ಸರ್ಕಾರ ಹಣ ನೀಡಬೇಕಿದೆ ಎನ್ನುತ್ತಾರೆ ಗ್ರಾ.ಪಂ. ಸದಸ್ಯರು.<br /> <br /> ರಾಜಕೀಯ ಮುತ್ಸದ್ದಿಗಳು ಹೆಚ್ಚಾಗಿರುವ ಶರಾವತಿ ನದಿ ದಡದ ಮೇಲೆ ಇರುವ ಸೊನಲೆ ಅಭಿವೃದ್ದಿಯ ಕನಸು ಕಾಣುತ್ತಿದೆ. <br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
