ಕುಸ್ತಿ: ಫೈನಲ್‌ಗೆ ಹನ್ಸಿಕಾ, ಸಾರಿಕಾ

ನೋವಿಸಾಡ್ (ಸರ್ಬಿಯಾ): ಭಾರತದ ಮಹಿಳಾ ಕುಸ್ತಿಪಟುಗಳು 23 ವರ್ಷದೊಳಗಿನವರ ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಅಮೋಘ ಸಾಧನೆ ಮುಂದುವರಿಸಿದರು. ಹನ್ಸಿಕಾ ಲಂಬಾ ಮತ್ತು ಸಾರಿಕಾ ಮಲಿಕ್ ಅವರು ಶುಕ್ರವಾರ ಚಿನ್ನದ ಪದಕ ಸುತ್ತಿಗೆ ಮುನ್ನಡೆದರೆ, ಇತರ ನಾಲ್ವರು ಕಂಚಿನ ಪದಕ ಗೆದ್ದುಕೊಂಡರು.

. 53 ಕೆಜಿ ವಿಭಾಗದ ಸೆಮಿಫೈನಲ್ನಲ್ಲಿ ಹನ್ಸಿಕಾ 11–0ಯಿಂದ ಸ್ಪೇನ್ನ ಕಾರ್ಲಾ ಜೌಮ್ ಸೋಲರ್ ಅವರನ್ನು ಮಣಿಸಿದರು. ಅವರು ಫೈನಲ್ನಲ್ಲಿ ಜಪಾನಿನ ಹರುನಾ ಮೊರಿಕಾವಾ ಅವರನ್ನು ಎದುರಿಸುವರು.

. ಇದಕ್ಕೂ ಮುನ್ನ ಹನ್ಸಿಕಾ 11–0ಯಿಂದ ವಿಕ್ಟೋರಿಯಾ ವೋಲ್ಕ್ ಅವರನ್ನು ಮಣಿಸಿ ಅಭಿಯಾನ ಆರಂಭಿಸಿದ್ದರು. ಎರಡನೇ ಸುತ್ತಿನಲ್ಲಿ 8–2ರಿಂದ ಕಜಾಕಸ್ತಾನದ ಜೈನೆಪ್ ಬಯಾನೋವಾ ಅವರನ್ನು ಸೋಲಿಸಿದ್ದರು. ಕ್ವಾರ್ಟರ್ ಫೈನಲ್ನಲ್ಲಿ 10–0ಯಿಂದ ಉಜ್ಬೇಕಿಸ್ತಾನದ ದಿಲ್ಶೋಡಾ ಮಟ್ನಾಜರೋವಾ ಅವರನ್ನು ಹಿಮ್ಮೆಟ್ಟಿಸಿದರು.

. 59 ಕೆಜಿ ವಿಭಾಗದ ಸೆಮಿಫೈನಲ್ನಲ್ಲಿ 12–6ರಿಂದ ಪೋಲೆಂಡ್ನ ಓಲ್ಹಾ ಪಡೋಶುಕ್ ಅವರನ್ನು ಮಣಿಸಿದರು. ಫೈನಲ್ನಲ್ಲಿ ಅವರಿಗೆ ಜಪಾನ್ನ ರುಕಾ ನಟಾಮಿ ಎದುರಾಳಿ. ಇದಕ್ಕೂ ಮುನ್ನ 4–2ರಿಂದ ಅಮೆರಿಕದ ಅಲೆಕ್ಸಿಸ್ ಜಾನಿಯಾಕ್ ವಿರುದ್ಧ; 5–2ರಿಂದ ನಾರ್ವೆಯ ಒಥೆಲಿ ಹೋಯಿ ವಿರುದ್ಧ ಗೆಲುವು ಸಾಧಿಸಿದ್ದರು.

. 57 ಕೆಜಿ ವಿಭಾಗದಲ್ಲಿ ರಿಪೆಷಾಜ್ ಮೂಲಕ ಕಂಚಿನ ಪ್ಲೇ ಆಫ್ ಸ್ಪರ್ಧೆಗೆ ಅವಕಾಶ ಪಡೆದ ನೇಹಾ ಶರ್ಮಾ 5-0 ಅಂತರದಿಂದ ಹಂಗರಿಯ ರೋಜಾ ಸ್ಜೆಂಟಮಾಸಿ ಅವರನ್ನು ಮಣಿಸಿದರು.

. ಕಂಚಿನ ಪದಕದ ಸ್ಪರ್ಧೆಯಲ್ಲಿ ನಿಶು (55 ಕೆಜಿ) 3–1ರಿಂದ ಉಕ್ರೇನ್ನ ಅಲ್ಬಿನಾ ರಿಲಿಯಾ ವಿರುದ್ಧ; ಪುಲ್ಕಿಟ್ (65 ಕೆಜಿ) 8–4ರಿಂದ ಹಂಗರಿಯ ಎನಿಕೊ ಎಲೆಕ್ಸ್ ವಿರುದ್ಧ ಜಯ ಸಾಧಿಸಿದರು. ಸೃಷ್ಟಿ (68 ಕೆಜಿ) 6–1ರಿಂದ ಹಂಗರಿಯ ಕರೋಲಿನಾ ಪೋಕ್ ಅವರನ್ನು ಮಣಿಸಿದರು.

. ಗುರುವಾರ ರಾತ್ರಿ ಪ್ರಿಯಾ ಮಲಿಕ್ (76 ಕೆ.ಜಿ) 8–1ರಿಂದ ಮೆಕ್ಸಿಕೊದ ಎಡ್ನಾ ಜಿಮೆನೆಜ್ ವಿಲ್ಲಾಲ್ಬಾ ಅವರನ್ನು ಸೋಲಿಸಿ ಕಂಚಿನ ಪದಕ ಗೆದ್ದಿದ್ದರು. ಅದಕ್ಕೂ ಮುನ್ನ ಗ್ರೀಕೊ ರೋಮನ್ (55 ಕೆಜಿ) ಸ್ಪರ್ಧೆಯಲ್ಲಿ ವಿಶ್ವಜಿತ್ ಮೋರೆ ಕಂಚು ಜಯಿಸಿದ್ದರು.

. ಪುರುಷರ ಫ್ರೀಸ್ಟೈಲ್ ಸ್ಪರ್ಧೆ ಶುಕ್ರವಾರ ಆರಂಭವಾಯಿತು. ಪ್ರವೀಂದರ್ (74 ಕೆಜಿ) ಮೊದಲ ಸುತ್ತಿನಲ್ಲಿ ತಾಂತ್ರಿಕ ಶ್ರೇಷ್ಠತೆಯ ಆಧಾರದಲ್ಲಿ ಅಮೆರಿಕದ ಮಿಚೆಲ್ ಓವನ್ ಮೆಸೆನ್ ಬ್ರಿಂಕ್ ಅವರಿಗೆ ಸೋತರು. ಸಚಿನ್ (92 ಕೆಜಿ) ಕ್ವಾರ್ಟರ್ ಫೈನಲ್ ಹಂತದಲ್ಲಿ ಹೊರಬಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕುಸ್ತಿ: ಫೈನಲ್‌ಗೆ ಹನ್ಸಿಕಾ, ಸಾರಿಕಾ

ಚಿನಕುರುಳಿ | ಶುಕ್ರವಾರ, 24 ಅಕ್ಟೋಬರ್‌ ‌2025

ಪೋಷಕರು ಮಾಡಿದ ಆಸ್ತಿ ಪರಭಾರೆಯನ್ನು ವಯಸ್ಕರಾದ ಬಳಿಕ ನಿರಾಕರಿಸಬಹುದು:’ಸುಪ್ರೀಂ’

ನಟ ಮೋಹನ್ ಲಾಲ್ ಬಳಿ ಆನೆ ದಂತ: ಸರ್ಕಾರ ನೀಡಿದ್ದ ಅನುಮತಿ ರದ್ದುಗೊಳಿಸಿದ HC

ತಲೆಗೆ ಬಂದೂಕು ಇಟ್ಟ ಮಾತ್ರಕ್ಕೆ ಭಾರತ ವ್ಯಾಪಾರ ಒಪ್ಪಂದಕ್ಕೆ ಸಹಿ ಹಾಕದು: ಗೋಯಲ್

ರಣಜಿ ಟ್ರೋಫಿ ಕ್ರಿಕೆಟ್‌: ಕರ್ನಾಟಕಕ್ಕೆ ಪುಟಿದೇಳುವ ತವಕ

Ind vs Aus ODI: ಸಿಡ್ನಿಯಲ್ಲಿ ರೋ‍ಹಿತ್–ಕೊಹ್ಲಿ ಅಂತಿಮ ಆಟ?