ಸವಿನೆನಪಿನ ಅಲೆಯಲ್ಲಿ ದೀಪಿಕಾ...

ನವದೆಹಲಿ (ಐಎಎನ್ಎಸ್): ‘ಐದು ವರ್ಷಗಳ ಹಿಂದೆ ಮ್ಯಾರಥಾನ್ ಸ್ಪರ್ಧೆ ಒಂದರ ಸಂದರ್ಭದಲ್ಲಿ ನಾವಿಬ್ಬರು ಭೇಟಿಯಾಗಿದ್ದೆವು. ಅದು ನಮ್ಮ ಮೊದಲ ಭೇಟಿ. ನಂತರ ಜಿಮ್ನಲ್ಲಿ ಮುಖಾಮುಖಿಯಾದೆವು. ನಂತರದ ದಿನಗಳಲ್ಲಿ ನಮ್ಮ ನಡುವಿನ ಸ್ನೇಹದ ಮೊಗ್ಗು ಪ್ರೀತಿಯಾಗಿ ಅರಳಿತು...’

–ಭಾರತ ಕ್ರಿಕೆಟ್ ತಂಡದ ಆಟಗಾರ ದಿನೇಶ್ ಕಾರ್ತಿಕ್ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡು ಮೌನದ ಮೊರೆ ಹೋಗಿದ್ದ ಸ್ಕ್ವಾಷ್ ತಾರೆ ದೀಪಿಕಾ ಪಳ್ಳಿಕಲ್ ಮೊದಲ ಸಲ ಮನಬಿಚ್ಚಿ ಹೇಳಿರುವ ಮಾತುಗಳಿವು.

ಹೋದ ತಿಂಗಳು 15ರಂದು ಚೆನ್ನೈನಲ್ಲಿ ಕಾರ್ತಿಕ್ ಮತ್ತು ದೀಪಿಕಾ ಅವರ ನಿಶ್ಚಿತಾರ್ಥ ನಡೆದಿತ್ತು. ಈ ಸಮಾರಂಭದ ಬಗ್ಗೆ ಸ್ವ್ಕಾಷ್ ತಾರೆ ಮೌನ ತೆಳೆದಿದ್ದರು. ಅದರೆ, ಅವರೀಗ ಮುಕ್ತವಾಗಿ ಮಾತನಾಡಿದ್ದಾರೆ.

ವಿಕೆಟ್ ಕೀಪರ್ ಹಾಗೂ ಬ್ಯಾಟ್ಸ್ ಮನ್ ಕಾರ್ತಿಕ್ ಅವರನ್ನು ಭೇಟಿಯಾ ಗುವ ಮೊದಲು ಕ್ರಿಕೆಟ್ ಆಟಗಾರ ರನ್ನು ತಿರಸ್ಕಾರದಿಂದ ನೋಡುತ್ತಿದ್ದೆ ಎಂದೂ ದೀಪಿಕಾ ನುಡಿದಿದ್ದಾರೆ.

‘ಕಾರ್ತಿಕ್ ಎಲ್ಲರೊಂದಿಗೆ ಹೊಂದಿ ಕೊಂಡು ಹೋಗುವ ಸ್ವಭಾವದವರು. ಆದ್ದರಿಂದ ಅವರೆಂದರೆ ತುಂಬಾ ಇಷ್ಟ. ಮೊದಮೊದಲು ಕ್ರಿಕೆಟಿಗರು ಎಂದರೆ ತಿರಸ್ಕಾರದಿಂದ ನೋಡುತ್ತಿದ್ದೆ. ಆದರೀಗ ಕ್ರಿಕೆಟಿಗನೊಂದಿಗೆ ನಿಶ್ಚಿ ತಾರ್ಥ ಮಾಡಿಕೊಂಡಿದ್ದೇನೆ. ಆದ್ದರಿಂದ ಸ್ನೇಹಿತರು ನನ್ನನ್ನು ಕಿಚಾಯಿಸುತ್ತಾರೆ’ ಎಂದು ದೀಪಿಕಾ ಚೆದುರಿದ ನೆನಪುಗಳನ್ನು ಒಂದುಗೂಡಿಸಿದರು.

ಕಾರ್ತಿಕ್ ಇದೇ ವರ್ಷದ ಜೂನ್ನಲ್ಲಿ ಚಾಂಪಿಯನ್ಸ್ ಟ್ರೋಫಿ ಟೂರ್ನಿಯನ್ನಾಡಲು ಭಾರತ ತಂಡದ ಜೊತೆ ಇಂಗ್ಲೆಂಡ್ಗೆ ಹೋದಾಗ ದೀಪಿಕಾ ಮುಂದೆ ತಮ್ಮ ಪ್ರೀತಿಯ ವಿಷಯ ಹೇಳಿಕೊಂಡಿದ್ದರು.

‘ನಾವಿಬ್ಬರು ಕ್ರೀಡಾಪಟುಗಳು ಆಗಿರುವುದರಿಂದ ನಮ್ಮ ನಡುವೆ ಚೆನ್ನಾಗಿ ಹೊಂದಾಣಿಕೆಯಿದೆ. ನಮ್ಮ ಕುಟುಂಬಗಳ ನಡುವೆಯೂ ಉತ್ತಮ ಬಾಂಧವ್ಯವಿದೆ. ದಿನೇಶ್ ಈಗ ದೇಶಿಯ ಟೂರ್ನಿಗಳಲ್ಲಿ ಆಡುತ್ತಿದ್ದಾರೆ. ತರಬೇತಿ ಪಡೆಯಲು ನಾನು ಒಂದು ವಾರ ಇಂಗ್ಲೆಂಡ್ನ ಲೀಡ್ಸ್ಗೆ ತೆರಳುತ್ತಿದ್ದೇನೆ’ ಎಂದು ವಿಶ್ವ ರ್ಯಾಂಕ್ನಲ್ಲಿ 12ನೇ ಸ್ಥಾನ ಹೊಂದಿರುವ ದೀಪಿಕಾ ಹೇಳಿದರು.

2015ರಲ್ಲಿ ವಿವಾಹ: ಮುಂದಿನ ವರ್ಷ ಸಾಕಷ್ಟು ಅಂತರರಾಷ್ಟ್ರೀಯ ಟೂರ್ನಿಗಳು ಇವೆ. ಆದ ಕಾರಣ 2015ರಲ್ಲಿ ವಿವಾಹ ಮಾಡಿಕೊಳ್ಳುವುದಾಗಿ ದೀಪಿಕಾ ತಿಳಿಸಿದ್ದಾರೆ.

‘ಏಷ್ಯನ್ ಮತ್ತು ಕಾಮನ್ವೆಲ್ತ್ ಕ್ರೀಡಾಕೂಟಗಳು 2014ರಲ್ಲಿ ನಡೆಯಲಿರುವ ಕಾರಣ ಅಲ್ಲಿ ಗಮನ ಹರಿಸಬೇಕಿದೆ. ವೃತ್ತಿ ಮತ್ತು ಗುರಿಗಳಿಗೆ ನಮ್ಮ ಪ್ರೇಮ ಅಡ್ಡಿಯಾಗಬಾರದು ಎನ್ನುವ ಹೆಬ್ಬಯಕೆಯನ್ನು ಇಬ್ಬರೂ ಹೊಂದಿದ್ದೇವೆ. ಜೊತೆಗೆ ಮುಂದಿನ ವರ್ಷದ ಅಂತ್ಯದ ವೇಳೆಗೆ ರ್ಯಾಂಕ್ ಪಟ್ಟಿಯಲ್ಲಿ ಅಗ್ರ 10ರಲ್ಲಿ ಸ್ಥಾನ ಪಡೆಯಬೇಕೆನ್ನುವ ಗುರಿಯಿದೆ’ ಎಂದು ಚೆನ್ನೈನ ದೀಪಿಕಾ ವಿವರಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸವಿನೆನಪಿನ ಅಲೆಯಲ್ಲಿ ದೀಪಿಕಾ...

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಕ್ಕೆ ಸಮನಾದ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ