<p><strong>ರಿಯೊ ಡಿ ಜನೈರೊ: </strong>ಪರಿಸರ ರಕ್ಷಣೆಯ ಸಂದೇಶದ ಜತೆಗೆ ಬ್ರೆಜಿಲ್ನ ಶ್ರೀಮಂತ ಸಂಸ್ಕೃತಿ, ಸಾಂಬಾ ನೃತ್ಯದ ಸೊಬಗು ಅನಾವರಣಗೊಂಡ ಸಮಾರಂಭದಲ್ಲಿ 31ನೇ ಒಲಿಂಪಿಕ್ಸ್ ಕೂಟಕ್ಕೆ ಅಧಿಕೃತ ಚಾಲನೆ ಲಭಿಸಿತು.<br /> <br /> ಮರಕಾನಾ ಕ್ರೀಡಾಂಗಣದಲ್ಲಿ ಶುಕ್ರವಾರ ರಾತ್ರಿ (ಭಾರತೀಯ ಕಾಲಮಾನ ಶನಿವಾರ ಬೆಳಿಗ್ಗೆ) ನಾಲ್ಕು ಗಂಟೆಗಳ ಕಾಲ ನಡೆದ ಉದ್ಘಾಟನಾ ಸಮಾರಂಭ ಬ್ರೆಜಿಲ್ನ ಇತಿಹಾಸವನ್ನು ಜಗತ್ತಿನ ಮುಂದಿಟ್ಟಿತು.<br /> <br /> ಒಲಿಂಪಿಕ್ಸ್ನ ಸಿದ್ಧತೆಯ ಹಾದಿಯಲ್ಲಿ ಆರ್ಥಿಕ ಸಮಸ್ಯೆ ಮತ್ತು ರಾಜಕೀಯ ಬಿಕ್ಕಟ್ಟು ಒಳಗೊಂಡಂತೆ ಬ್ರೆಜಿಲ್ ಸಾಕಷ್ಟು ತೊಂದರೆಗಳನ್ನು ಎದುರಿಸಿದೆ. ಆದರೆ ಎಲ್ಲ ಅಡೆತಡೆಗಳನ್ನು ದಾಟಿ ಈ ‘ಮಹಾ ಕ್ರೀಡಾಮೇಳ’ವನ್ನು ಯಶಸ್ವಿಯಾಗಿ ಸಂಘಟಿಸಲು ಸಜ್ಜಾಗಿದ್ದೇವೆ ಎಂದು ಆತಿಥೇಯರು ಸಾರಿ ಹೇಳಿದರು.<br /> <br /> ಅಥೆನ್ಸ್ ಕೂಟದ ಮ್ಯಾರಥಾನ್ನಲ್ಲಿ ಕಂಚು ಜಯಿಸಿದ್ದ ಬ್ರೆಜಿಲ್ನ ವಾಂಡೆರ್ಲೆಯಿ ಡಿ ಲಿಮಾ ಅವರು ಕ್ರೀಡಾಂಗಣದಲ್ಲಿ ‘ಒಲಿಂಪಿಕ್ ಕಾಲ್ಡ್ರನ್’ ಬೆಳಗಿಸಿದರು.<br /> <br /> ಒಲಿಂಪಿಕ್ಸ್ ಚಿನ್ನದ ಪದಕ ವಿಜೇತ ಶೂಟರ್ ಅಭಿನವ್ ಬಿಂದ್ರಾ ಪಥಸಂಚಲನದಲ್ಲಿ ಭಾರತ ತಂಡವನ್ನು ಮುನ್ನಡೆಸಿದರು. 17 ದಿನ ನಡೆಯುವ ಕೂಟದಲ್ಲಿ 207 ದೇಶಗಳ 11 ಸಾವಿರಕ್ಕೂ ಅಧಿಕ ಕ್ರೀಡಾಪಟುಗಳು ಪದಕಕ್ಕಾಗಿ ಪೈಪೋಟಿ ನಡೆಸಲಿದ್ದಾರೆ.<br /> <br /> <strong>ಹಾಕಿ ತಂಡ ಶುಭಾರಂಭ: </strong>ಭಾರತ ಪುರುಷರ ಹಾಕಿ ತಂಡದವರು ಶುಭಾರಂಭ ಮಾಡಿದರು. ಶನಿವಾರ ನಡೆದ ‘ಬಿ’ ಗುಂಪಿನ ಪಂದ್ಯದಲ್ಲಿ ಭಾರತ 3–2 ಗೋಲುಗಳಿಂದ ಐರ್ಲೆಂಡ್ ತಂಡವನ್ನು ಮಣಿಸಿತು. ರೂಪಿಂದರ್ ಪಾಲ್ ಸಿಂಗ್ ಎರಡು ಗೋಲುಗಳನ್ನು ಹಾಗೂ ವಿ.ಆರ್. ರಘುನಾಥ್ ಒಂದು ಗೋಲು ಗಳಿಸಿದರು.<br /> <br /> <strong>ಪೇಸ್– ಬೋಪಣ್ಣ ಹೊರಕ್ಕೆ: </strong>ಟೆನಿಸ್ನಲ್ಲಿ ಭಾರತದ ಭರವಸೆ ಎನಿಸಿದ್ದ ಲಿಯಾಂಡರ್ ಪೇಸ್ ಮತ್ತು ರೋಹನ್ ಬೋಪಣ್ಣ ಪುರುಷರ ಡಬಲ್ಸ್ ವಿಭಾಗದ ಮೊದಲ ಸುತ್ತಿನಲ್ಲೇ ಸೋತು ಹೊರಬಿದ್ದರು.<br /> <br /> <strong>ಶೂಟಿಂಗ್ನಲ್ಲಿ ನಿರಾಸೆ: </strong>ಭಾರತದ ಮಹಿಳಾ ಶೂಟರ್ಗಳಾದ ಅಪೂರ್ವಿ ಚಾಂಡೇಲಾ ಮತ್ತು ಆಯೋನಿಕಾ ಪಾಲ್ ಅವರು ಶನಿವಾರ ನಡೆದ 10 ಮೀಟರ್ಸ್ ಏರ್ ರೈಫಲ್ ವಿಭಾಗದಲ್ಲಿ ಫೈನಲ್ ತಲುಪಲು ವಿಫಲರಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ರಿಯೊ ಡಿ ಜನೈರೊ: </strong>ಪರಿಸರ ರಕ್ಷಣೆಯ ಸಂದೇಶದ ಜತೆಗೆ ಬ್ರೆಜಿಲ್ನ ಶ್ರೀಮಂತ ಸಂಸ್ಕೃತಿ, ಸಾಂಬಾ ನೃತ್ಯದ ಸೊಬಗು ಅನಾವರಣಗೊಂಡ ಸಮಾರಂಭದಲ್ಲಿ 31ನೇ ಒಲಿಂಪಿಕ್ಸ್ ಕೂಟಕ್ಕೆ ಅಧಿಕೃತ ಚಾಲನೆ ಲಭಿಸಿತು.<br /> <br /> ಮರಕಾನಾ ಕ್ರೀಡಾಂಗಣದಲ್ಲಿ ಶುಕ್ರವಾರ ರಾತ್ರಿ (ಭಾರತೀಯ ಕಾಲಮಾನ ಶನಿವಾರ ಬೆಳಿಗ್ಗೆ) ನಾಲ್ಕು ಗಂಟೆಗಳ ಕಾಲ ನಡೆದ ಉದ್ಘಾಟನಾ ಸಮಾರಂಭ ಬ್ರೆಜಿಲ್ನ ಇತಿಹಾಸವನ್ನು ಜಗತ್ತಿನ ಮುಂದಿಟ್ಟಿತು.<br /> <br /> ಒಲಿಂಪಿಕ್ಸ್ನ ಸಿದ್ಧತೆಯ ಹಾದಿಯಲ್ಲಿ ಆರ್ಥಿಕ ಸಮಸ್ಯೆ ಮತ್ತು ರಾಜಕೀಯ ಬಿಕ್ಕಟ್ಟು ಒಳಗೊಂಡಂತೆ ಬ್ರೆಜಿಲ್ ಸಾಕಷ್ಟು ತೊಂದರೆಗಳನ್ನು ಎದುರಿಸಿದೆ. ಆದರೆ ಎಲ್ಲ ಅಡೆತಡೆಗಳನ್ನು ದಾಟಿ ಈ ‘ಮಹಾ ಕ್ರೀಡಾಮೇಳ’ವನ್ನು ಯಶಸ್ವಿಯಾಗಿ ಸಂಘಟಿಸಲು ಸಜ್ಜಾಗಿದ್ದೇವೆ ಎಂದು ಆತಿಥೇಯರು ಸಾರಿ ಹೇಳಿದರು.<br /> <br /> ಅಥೆನ್ಸ್ ಕೂಟದ ಮ್ಯಾರಥಾನ್ನಲ್ಲಿ ಕಂಚು ಜಯಿಸಿದ್ದ ಬ್ರೆಜಿಲ್ನ ವಾಂಡೆರ್ಲೆಯಿ ಡಿ ಲಿಮಾ ಅವರು ಕ್ರೀಡಾಂಗಣದಲ್ಲಿ ‘ಒಲಿಂಪಿಕ್ ಕಾಲ್ಡ್ರನ್’ ಬೆಳಗಿಸಿದರು.<br /> <br /> ಒಲಿಂಪಿಕ್ಸ್ ಚಿನ್ನದ ಪದಕ ವಿಜೇತ ಶೂಟರ್ ಅಭಿನವ್ ಬಿಂದ್ರಾ ಪಥಸಂಚಲನದಲ್ಲಿ ಭಾರತ ತಂಡವನ್ನು ಮುನ್ನಡೆಸಿದರು. 17 ದಿನ ನಡೆಯುವ ಕೂಟದಲ್ಲಿ 207 ದೇಶಗಳ 11 ಸಾವಿರಕ್ಕೂ ಅಧಿಕ ಕ್ರೀಡಾಪಟುಗಳು ಪದಕಕ್ಕಾಗಿ ಪೈಪೋಟಿ ನಡೆಸಲಿದ್ದಾರೆ.<br /> <br /> <strong>ಹಾಕಿ ತಂಡ ಶುಭಾರಂಭ: </strong>ಭಾರತ ಪುರುಷರ ಹಾಕಿ ತಂಡದವರು ಶುಭಾರಂಭ ಮಾಡಿದರು. ಶನಿವಾರ ನಡೆದ ‘ಬಿ’ ಗುಂಪಿನ ಪಂದ್ಯದಲ್ಲಿ ಭಾರತ 3–2 ಗೋಲುಗಳಿಂದ ಐರ್ಲೆಂಡ್ ತಂಡವನ್ನು ಮಣಿಸಿತು. ರೂಪಿಂದರ್ ಪಾಲ್ ಸಿಂಗ್ ಎರಡು ಗೋಲುಗಳನ್ನು ಹಾಗೂ ವಿ.ಆರ್. ರಘುನಾಥ್ ಒಂದು ಗೋಲು ಗಳಿಸಿದರು.<br /> <br /> <strong>ಪೇಸ್– ಬೋಪಣ್ಣ ಹೊರಕ್ಕೆ: </strong>ಟೆನಿಸ್ನಲ್ಲಿ ಭಾರತದ ಭರವಸೆ ಎನಿಸಿದ್ದ ಲಿಯಾಂಡರ್ ಪೇಸ್ ಮತ್ತು ರೋಹನ್ ಬೋಪಣ್ಣ ಪುರುಷರ ಡಬಲ್ಸ್ ವಿಭಾಗದ ಮೊದಲ ಸುತ್ತಿನಲ್ಲೇ ಸೋತು ಹೊರಬಿದ್ದರು.<br /> <br /> <strong>ಶೂಟಿಂಗ್ನಲ್ಲಿ ನಿರಾಸೆ: </strong>ಭಾರತದ ಮಹಿಳಾ ಶೂಟರ್ಗಳಾದ ಅಪೂರ್ವಿ ಚಾಂಡೇಲಾ ಮತ್ತು ಆಯೋನಿಕಾ ಪಾಲ್ ಅವರು ಶನಿವಾರ ನಡೆದ 10 ಮೀಟರ್ಸ್ ಏರ್ ರೈಫಲ್ ವಿಭಾಗದಲ್ಲಿ ಫೈನಲ್ ತಲುಪಲು ವಿಫಲರಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
