<p><strong>ವಾಷಿಂಗ್ಟನ್ (ಪಿಟಿಐ): </strong>ಅಖಿಲ ಭಾರತ ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರನ್ನು ಜಗತ್ತಿನ ಅತ್ಯಂತ ಸಿರಿವಂತ ನಾಯಕರ ಪಟ್ಟಿಯಲ್ಲಿ ಪ್ರಕಟಿಸಿದ್ದ ಅಮೆರಿಕದ ಸುದ್ದಿ ವೆಬ್ಸೈಟ್ ಈಗ ಅವರ ಹೆಸರನ್ನು ಪಟ್ಟಿಯಿಂದ ತೆಗೆದುಹಾಕಿದೆ.<br /> <br /> ‘ಇದೊಂದು ಅತ್ಯಂತ ಅಸಂಗತ ಹಾಗೂ ಹಾಸ್ಯಾಸ್ಪದ ಸುದ್ದಿ’ ಎಂದು ಕಾಂಗ್ರೆಸ್ ಪಕ್ಷ ತೀಕ್ಷ್ಣವಾಗಿ ಪ್ರತಿಕ್ರಿಯಿಸಿದ ಬೆನ್ನಲ್ಲೇ ವೆಬ್ಸೈಟ್ ಈ ಕ್ರಮ ಕೈಗೊಂಡಿದೆ.‘ಸೋನಿಯಾ ಮತ್ತು ಕತಾರ್ನ ಮಾಜಿ ದೊರೆ ಹಮೀದ್ ಅವರನ್ನು ಸಿರಿವಂತರ ಪಟ್ಟಿ-ಯಿಂದ ಕೈಬಿಡಲಾಗಿದೆ’ ಎಂದು ಹಫಿಂಗ್ಟನ್ ಪೋಸ್ಟ್ ವೆಬ್ಸೈಟ್ನ ಸಂಪಾದಕರು ಸ್ಪಷ್ಟಪಡಿಸಿದ್ದಾರೆ.<br /> <br /> ಅಲ್ಲದೇ, ತಪ್ಪು ಮಾಹಿತಿಯಿಂದ ಗೊಂದಲವಾಗಿದ್ದಕ್ಕೆ ಸಂಪಾದಕರು ವಿಷಾದ ವ್ಯಕ್ತಪಡಿಸಿದ್ದಾರೆ.‘ಬೇರೊಂದು ವೆಬ್ಸೈಟ್ನಲ್ಲಿದ್ದ ಪಟ್ಟಿಯನ್ನು ಆಧರಿಸಿ ಈ ಪಟ್ಟಿ ಪ್ರಕಟಿಸಲಾಗಿತ್ತು. ಅದರಲ್ಲಿದ್ದ ಆಸ್ತಿ ಮೌಲ್ಯವನ್ನು ನಾವು ಖಚಿತಪಡಿಸಿಕೊಂಡಿರಲಿಲ್ಲ’ ಎಂದು ಸಂಪಾದಕರು ತಿಳಿಸಿದ್ದಾರೆ.<br /> ಆದರೆ ಮೊದಲಿಗೆ ಇದನ್ನು ಪ್ರಕಟಿಸಿದ್ದ ವೆಬ್ಸೈಟ್ ಯಾವುದೆಂಬುದನ್ನು ಅವರು ಬಹಿರಂಗಪಡಿಸಿಲ್ಲ.<br /> <br /> ಸೋನಿಯಾ ಅವರು 200 ಕೋಟಿ ಡಾಲರ್ (ಸುಮಾರು ₨ 12,400 ಕೋಟಿ) ಬೆಲೆಯ ಆಸ್ತಿಪಾಸ್ತಿಗೆ ಒಡತಿಯಾಗಿದ್ದು, ಅವರು ಜಗತ್ತಿನ 12ನೇ ಸಿರಿವಂತ ನಾಯಕಿ ಎಂದು ವೆಬ್ಸೈಟ್ 4 ದಿನದ ಹಿಂದೆ ಪ್ರಕಟಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್ (ಪಿಟಿಐ): </strong>ಅಖಿಲ ಭಾರತ ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರನ್ನು ಜಗತ್ತಿನ ಅತ್ಯಂತ ಸಿರಿವಂತ ನಾಯಕರ ಪಟ್ಟಿಯಲ್ಲಿ ಪ್ರಕಟಿಸಿದ್ದ ಅಮೆರಿಕದ ಸುದ್ದಿ ವೆಬ್ಸೈಟ್ ಈಗ ಅವರ ಹೆಸರನ್ನು ಪಟ್ಟಿಯಿಂದ ತೆಗೆದುಹಾಕಿದೆ.<br /> <br /> ‘ಇದೊಂದು ಅತ್ಯಂತ ಅಸಂಗತ ಹಾಗೂ ಹಾಸ್ಯಾಸ್ಪದ ಸುದ್ದಿ’ ಎಂದು ಕಾಂಗ್ರೆಸ್ ಪಕ್ಷ ತೀಕ್ಷ್ಣವಾಗಿ ಪ್ರತಿಕ್ರಿಯಿಸಿದ ಬೆನ್ನಲ್ಲೇ ವೆಬ್ಸೈಟ್ ಈ ಕ್ರಮ ಕೈಗೊಂಡಿದೆ.‘ಸೋನಿಯಾ ಮತ್ತು ಕತಾರ್ನ ಮಾಜಿ ದೊರೆ ಹಮೀದ್ ಅವರನ್ನು ಸಿರಿವಂತರ ಪಟ್ಟಿ-ಯಿಂದ ಕೈಬಿಡಲಾಗಿದೆ’ ಎಂದು ಹಫಿಂಗ್ಟನ್ ಪೋಸ್ಟ್ ವೆಬ್ಸೈಟ್ನ ಸಂಪಾದಕರು ಸ್ಪಷ್ಟಪಡಿಸಿದ್ದಾರೆ.<br /> <br /> ಅಲ್ಲದೇ, ತಪ್ಪು ಮಾಹಿತಿಯಿಂದ ಗೊಂದಲವಾಗಿದ್ದಕ್ಕೆ ಸಂಪಾದಕರು ವಿಷಾದ ವ್ಯಕ್ತಪಡಿಸಿದ್ದಾರೆ.‘ಬೇರೊಂದು ವೆಬ್ಸೈಟ್ನಲ್ಲಿದ್ದ ಪಟ್ಟಿಯನ್ನು ಆಧರಿಸಿ ಈ ಪಟ್ಟಿ ಪ್ರಕಟಿಸಲಾಗಿತ್ತು. ಅದರಲ್ಲಿದ್ದ ಆಸ್ತಿ ಮೌಲ್ಯವನ್ನು ನಾವು ಖಚಿತಪಡಿಸಿಕೊಂಡಿರಲಿಲ್ಲ’ ಎಂದು ಸಂಪಾದಕರು ತಿಳಿಸಿದ್ದಾರೆ.<br /> ಆದರೆ ಮೊದಲಿಗೆ ಇದನ್ನು ಪ್ರಕಟಿಸಿದ್ದ ವೆಬ್ಸೈಟ್ ಯಾವುದೆಂಬುದನ್ನು ಅವರು ಬಹಿರಂಗಪಡಿಸಿಲ್ಲ.<br /> <br /> ಸೋನಿಯಾ ಅವರು 200 ಕೋಟಿ ಡಾಲರ್ (ಸುಮಾರು ₨ 12,400 ಕೋಟಿ) ಬೆಲೆಯ ಆಸ್ತಿಪಾಸ್ತಿಗೆ ಒಡತಿಯಾಗಿದ್ದು, ಅವರು ಜಗತ್ತಿನ 12ನೇ ಸಿರಿವಂತ ನಾಯಕಿ ಎಂದು ವೆಬ್ಸೈಟ್ 4 ದಿನದ ಹಿಂದೆ ಪ್ರಕಟಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>