<p><strong>ನವದೆಹಲಿ (ಪಿಟಿಐ): </strong>ಭಾರತದ ಯುವ ಆಟಗಾರರಾದ ಸುಧಾಂಶು ಗ್ರೋವರ್ ಹಾಗೂ ಸುತೀರ್ಥಾ ಮುಖರ್ಜಿ ಇಲ್ಲಿ ನಡೆದ ದಕ್ಷಿಣ ಏಷ್ಯಾ ಜೂನಿಯರ್ ಟೇಬಲ್ ಟೆನಿಸ್ ಚಾಂಪಿಯನ್ಷಿಪ್ನಲ್ಲಿ ಕ್ರಮವಾಗಿ ಜೂನಿಯರ್ ಬಾಲಕರ ಹಾಗೂ ಜೂನಿಯರ್ ಬಾಲಕಿಯರ ವಿಭಾಗದ ಸಿಂಗಲ್ಸ್ ಕಿರೀಟ ಮುಡಿಗೇರಿಸಿಕೊಂಡರು.<br /> <br /> ಇಲ್ಲಿನ ಇಂದಿರಾ ಗಾಂಧಿ ಒಳಾಂಗಣ ಕ್ರೀಡಾಂಗಣದಲ್ಲಿ ಸೋಮವಾರ ನಡೆದ ಫೈನಲ್ನಲ್ಲಿ ಸುಧಾಂಶು 4-3ರಲ್ಲಿ ಅಭಿಷೇಕ್ ಯಾದವ್ ವಿರುದ್ಧ ಪ್ರಯಾಸದ ಗೆಲುವು ಪಡೆದರು. ಸುತೀರ್ಥಾ 4-2ರಲ್ಲಿ ಮಾಣಿಕಾ ಬಾತ್ರಾ ಅವರನ್ನು ಮಣಿಸಿದರು.<br /> <br /> ಅನಿರ್ಬಾನ್ ಘೋಷ್ ಹಾಗೂ ಸಾಗರಿಕಾ ಮುಖರ್ಜಿ ಕ್ರಮವಾಗಿ ಕೆಡೆಟ್ ಬಾಲಕರ ಹಾಗೂ ಬಾಲಕಿಯರ ವಿಭಾಗದಲ್ಲಿ ಚಾಂಪಿಯನ್ಗಳಾದರು. ಉಭಯ ಆಟಗಾರರಿಗೂ ಇದು ಚೊಚ್ಚಲ ಅಂತರರಾಷ್ಟ್ರೀಯ ಪ್ರಶಸ್ತಿಯಾಗಿದೆ.<br /> <br /> ಇನ್ನು, ಜೂನಿಯರ್ ಡಬಲ್ಸ್ ವಿಭಾಗದ ಬಾಲಕರ ಪ್ರಶಸ್ತಿ ಅಭಿಷೇಕ್ ಹಾಗೂ ಸುಧಾಂಶು ಜಯಿಸಿದರೆ ಬಾಲಕಿಯರ ಪ್ರಶಸ್ತಿಯನ್ನು ಬಾತ್ರಾ ಹಾಗೂ ಸುತೀರ್ಥಾ ತಮ್ಮದಾಗಿಸಿಕೊಂಡರು. ಉಭಯ ಜೋಡಿಗಳು ಕ್ರಮವಾಗಿ ಫೈನಲ್ಗಳಲ್ಲಿ ಶ್ರೀಲಂಕಾದ ಸ್ಪರ್ಧಿಗಳನ್ನು ಮಣಿಸಿದರು.<br /> <br /> ಪದಕಗಳ ಪಟ್ಟಿಯಲ್ಲಿ ಮೊದಲ ಸ್ಥಾನ ಪಡೆದ ಭಾರತ ಹಾಗೂ ಎರಡನೇ ಸ್ಥಾನ ಪಡೆದ ಶ್ರೀಲಂಕಾ, ಕತಾರ್ನ ದೋಹಾದಲ್ಲಿ ನಡೆಯಲಿರುವ ಏಷ್ಯಾ ಜೂನಿಯರ್ ಚಾಂಪಿಯನ್ಷಿಪ್ಗೆ ಅರ್ಹತೆ ಪಡೆದವು.<br /> <br /> `ಫೈನಲ್ ಪಂದ್ಯ ರೋಚಕವಾಗಿತ್ತು. ಅಭಿಷೇಕ್ ಅವರ ಹೊಡೆತಗಳು ಬಿರುಸಾಗಿದ್ದವು. ಆರಂಭದಲ್ಲಿ ಅವುಗಳನ್ನು ಎದುರಿಸುವುದು ಕಷ್ಟವಾಗಿತ್ತು. ಕೊನೆ ಕ್ಷಣಗಳಲ್ಲಿ ಕೆಲ ಪಾಯಿಂಟ್ಗಳಿಂದ ಗೆಲುವು ಸುಲಭವಾಯಿತು' ಎಂದು ಚೊಚ್ಚಲ ಅಂತರರಾಷ್ಟ್ರೀಯ ಪ್ರಶಸ್ತಿ ಜಯಿಸಿದ ಸುಧಾಂಶು ಪ್ರತಿಕ್ರಿಯಿಸಿದರು.<br /> <br /> ಅಲ್ಲದೇ, `ಹೋದ ವರ್ಷ ನಾನು ಅಭಿಷೇಕ್ ಕೈಯಲ್ಲಿ ಸೋತಿದ್ದೆ. ಈ ವರ್ಷ ತಿರುಗೇಟು ನೀಡಿದೆ' ಎಂದೂ ಸುಧಾಂಶು ನುಡಿದರು.<br /> ಫಲಿತಾಂಶ: ಜೂನಿಯರ್ ಬಾಲಕರ ಸಿಂಗಲ್ಸ್: ಸುಧಾಂಶು ಗ್ರೋವರ್ 11-9, 9-11, 10-12, 12-10, 11-9, 7-11, 11-7 ರಲ್ಲಿ ಅಭಿಷೇಕ್ ಯಾದವ್ ವಿರುದ್ಧ ಗೆಲುವು.<br /> <br /> <strong>ಜೂನಿಯರ್ ಬಾಲಕರ ಡಬಲ್ಸ್</strong>: ಅಭಿಷೇಕ್ ಯಾದವ್/ಸುಧಾಂಶು ಗ್ರೋವರ್ 11-6, 11-9, 11-6ರಲ್ಲಿ ಶ್ರೀಲಂಕಾದ ವಿಮುಕ್ತಿ ವಿಜೆಸಿರಿ/ಲಿಯನಾಹೆ ಕಹಾವತತಾ ವಿರುದ್ಧ ಜಯ.<br /> <br /> <strong>ಜೂನಿಯರ್ ಬಾಲಕಿಯರ ಸಿಂಗಲ್ಸ್:</strong> ಸುತೀರ್ಥಾ ಮುಖರ್ಜಿ 11-9, 11-7, 7-11,12-14, 11-9, 11-6ರಲ್ಲಿ ಮಾಣಿಕಾ ಬಾತ್ರಾ ಎದುರು ಗೆಲುವು.<br /> <br /> <strong>ಜೂನಿಯರ್ ಬಾಲಕಿಯರ ಡಬಲ್ಸ್:</strong> ಮಾಣಿಕಾ ಬಾತ್ರಾ/ಸುತೀರ್ಥಾ ಮುಖರ್ಜಿ 11-5, 9-11, 11-3, 13-11ರಲ್ಲಿ ಶ್ರೀಲಂಕಾದ ತಾರಕಿ ಡಿ ಸಿಲ್ವಾ/ ಬಂಡಾರಾ ರಾಜಗುರು ವಿರುದ್ಧ ಜಯ.<br /> <br /> <strong>ಕೆಡೆಟ್ ಬಾಲಕರ ಸಿಂಗಲ್ಸ್</strong>: ಅನಿರ್ಬಾನ್ ಘೋಷ್ 11-7, 12-10, 8-11, 11-8ರಲ್ಲಿ ಬರ್ಡಿ ಬೋರೊ ಎದುರು ಜಯ.<br /> <br /> <strong>ಕೆಡೆಟ್ ಬಾಲಕಿಯರ ಸಿಂಗಲ್ಸ್</strong>: ಸಾಗರಿಕಾ ಮುಖರ್ಜಿ 12-10, 11-6, 11-7ರಲ್ಲಿ ಆರ್.ಹರ್ಷವರ್ಧಿನಿ ವಿರುದ್ಧ ಗೆಲುವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ): </strong>ಭಾರತದ ಯುವ ಆಟಗಾರರಾದ ಸುಧಾಂಶು ಗ್ರೋವರ್ ಹಾಗೂ ಸುತೀರ್ಥಾ ಮುಖರ್ಜಿ ಇಲ್ಲಿ ನಡೆದ ದಕ್ಷಿಣ ಏಷ್ಯಾ ಜೂನಿಯರ್ ಟೇಬಲ್ ಟೆನಿಸ್ ಚಾಂಪಿಯನ್ಷಿಪ್ನಲ್ಲಿ ಕ್ರಮವಾಗಿ ಜೂನಿಯರ್ ಬಾಲಕರ ಹಾಗೂ ಜೂನಿಯರ್ ಬಾಲಕಿಯರ ವಿಭಾಗದ ಸಿಂಗಲ್ಸ್ ಕಿರೀಟ ಮುಡಿಗೇರಿಸಿಕೊಂಡರು.<br /> <br /> ಇಲ್ಲಿನ ಇಂದಿರಾ ಗಾಂಧಿ ಒಳಾಂಗಣ ಕ್ರೀಡಾಂಗಣದಲ್ಲಿ ಸೋಮವಾರ ನಡೆದ ಫೈನಲ್ನಲ್ಲಿ ಸುಧಾಂಶು 4-3ರಲ್ಲಿ ಅಭಿಷೇಕ್ ಯಾದವ್ ವಿರುದ್ಧ ಪ್ರಯಾಸದ ಗೆಲುವು ಪಡೆದರು. ಸುತೀರ್ಥಾ 4-2ರಲ್ಲಿ ಮಾಣಿಕಾ ಬಾತ್ರಾ ಅವರನ್ನು ಮಣಿಸಿದರು.<br /> <br /> ಅನಿರ್ಬಾನ್ ಘೋಷ್ ಹಾಗೂ ಸಾಗರಿಕಾ ಮುಖರ್ಜಿ ಕ್ರಮವಾಗಿ ಕೆಡೆಟ್ ಬಾಲಕರ ಹಾಗೂ ಬಾಲಕಿಯರ ವಿಭಾಗದಲ್ಲಿ ಚಾಂಪಿಯನ್ಗಳಾದರು. ಉಭಯ ಆಟಗಾರರಿಗೂ ಇದು ಚೊಚ್ಚಲ ಅಂತರರಾಷ್ಟ್ರೀಯ ಪ್ರಶಸ್ತಿಯಾಗಿದೆ.<br /> <br /> ಇನ್ನು, ಜೂನಿಯರ್ ಡಬಲ್ಸ್ ವಿಭಾಗದ ಬಾಲಕರ ಪ್ರಶಸ್ತಿ ಅಭಿಷೇಕ್ ಹಾಗೂ ಸುಧಾಂಶು ಜಯಿಸಿದರೆ ಬಾಲಕಿಯರ ಪ್ರಶಸ್ತಿಯನ್ನು ಬಾತ್ರಾ ಹಾಗೂ ಸುತೀರ್ಥಾ ತಮ್ಮದಾಗಿಸಿಕೊಂಡರು. ಉಭಯ ಜೋಡಿಗಳು ಕ್ರಮವಾಗಿ ಫೈನಲ್ಗಳಲ್ಲಿ ಶ್ರೀಲಂಕಾದ ಸ್ಪರ್ಧಿಗಳನ್ನು ಮಣಿಸಿದರು.<br /> <br /> ಪದಕಗಳ ಪಟ್ಟಿಯಲ್ಲಿ ಮೊದಲ ಸ್ಥಾನ ಪಡೆದ ಭಾರತ ಹಾಗೂ ಎರಡನೇ ಸ್ಥಾನ ಪಡೆದ ಶ್ರೀಲಂಕಾ, ಕತಾರ್ನ ದೋಹಾದಲ್ಲಿ ನಡೆಯಲಿರುವ ಏಷ್ಯಾ ಜೂನಿಯರ್ ಚಾಂಪಿಯನ್ಷಿಪ್ಗೆ ಅರ್ಹತೆ ಪಡೆದವು.<br /> <br /> `ಫೈನಲ್ ಪಂದ್ಯ ರೋಚಕವಾಗಿತ್ತು. ಅಭಿಷೇಕ್ ಅವರ ಹೊಡೆತಗಳು ಬಿರುಸಾಗಿದ್ದವು. ಆರಂಭದಲ್ಲಿ ಅವುಗಳನ್ನು ಎದುರಿಸುವುದು ಕಷ್ಟವಾಗಿತ್ತು. ಕೊನೆ ಕ್ಷಣಗಳಲ್ಲಿ ಕೆಲ ಪಾಯಿಂಟ್ಗಳಿಂದ ಗೆಲುವು ಸುಲಭವಾಯಿತು' ಎಂದು ಚೊಚ್ಚಲ ಅಂತರರಾಷ್ಟ್ರೀಯ ಪ್ರಶಸ್ತಿ ಜಯಿಸಿದ ಸುಧಾಂಶು ಪ್ರತಿಕ್ರಿಯಿಸಿದರು.<br /> <br /> ಅಲ್ಲದೇ, `ಹೋದ ವರ್ಷ ನಾನು ಅಭಿಷೇಕ್ ಕೈಯಲ್ಲಿ ಸೋತಿದ್ದೆ. ಈ ವರ್ಷ ತಿರುಗೇಟು ನೀಡಿದೆ' ಎಂದೂ ಸುಧಾಂಶು ನುಡಿದರು.<br /> ಫಲಿತಾಂಶ: ಜೂನಿಯರ್ ಬಾಲಕರ ಸಿಂಗಲ್ಸ್: ಸುಧಾಂಶು ಗ್ರೋವರ್ 11-9, 9-11, 10-12, 12-10, 11-9, 7-11, 11-7 ರಲ್ಲಿ ಅಭಿಷೇಕ್ ಯಾದವ್ ವಿರುದ್ಧ ಗೆಲುವು.<br /> <br /> <strong>ಜೂನಿಯರ್ ಬಾಲಕರ ಡಬಲ್ಸ್</strong>: ಅಭಿಷೇಕ್ ಯಾದವ್/ಸುಧಾಂಶು ಗ್ರೋವರ್ 11-6, 11-9, 11-6ರಲ್ಲಿ ಶ್ರೀಲಂಕಾದ ವಿಮುಕ್ತಿ ವಿಜೆಸಿರಿ/ಲಿಯನಾಹೆ ಕಹಾವತತಾ ವಿರುದ್ಧ ಜಯ.<br /> <br /> <strong>ಜೂನಿಯರ್ ಬಾಲಕಿಯರ ಸಿಂಗಲ್ಸ್:</strong> ಸುತೀರ್ಥಾ ಮುಖರ್ಜಿ 11-9, 11-7, 7-11,12-14, 11-9, 11-6ರಲ್ಲಿ ಮಾಣಿಕಾ ಬಾತ್ರಾ ಎದುರು ಗೆಲುವು.<br /> <br /> <strong>ಜೂನಿಯರ್ ಬಾಲಕಿಯರ ಡಬಲ್ಸ್:</strong> ಮಾಣಿಕಾ ಬಾತ್ರಾ/ಸುತೀರ್ಥಾ ಮುಖರ್ಜಿ 11-5, 9-11, 11-3, 13-11ರಲ್ಲಿ ಶ್ರೀಲಂಕಾದ ತಾರಕಿ ಡಿ ಸಿಲ್ವಾ/ ಬಂಡಾರಾ ರಾಜಗುರು ವಿರುದ್ಧ ಜಯ.<br /> <br /> <strong>ಕೆಡೆಟ್ ಬಾಲಕರ ಸಿಂಗಲ್ಸ್</strong>: ಅನಿರ್ಬಾನ್ ಘೋಷ್ 11-7, 12-10, 8-11, 11-8ರಲ್ಲಿ ಬರ್ಡಿ ಬೋರೊ ಎದುರು ಜಯ.<br /> <br /> <strong>ಕೆಡೆಟ್ ಬಾಲಕಿಯರ ಸಿಂಗಲ್ಸ್</strong>: ಸಾಗರಿಕಾ ಮುಖರ್ಜಿ 12-10, 11-6, 11-7ರಲ್ಲಿ ಆರ್.ಹರ್ಷವರ್ಧಿನಿ ವಿರುದ್ಧ ಗೆಲುವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
