<p><strong>ಜೊಹರ್ ಬಾಹ್ರು, ಮಲೇಷ್ಯಾ (ಪಿಟಿಐ):</strong> ಭಾರತದ ಜೂನಿಯರ್ ತಂಡದವರು ಇಲ್ಲಿ ನಡೆದ ಸುಲ್ತಾನ್ ಆಫ್ ಜೊಹರ್ ಕಪ್ ಹಾಕಿ ಟೂರ್ನಿಯಲ್ಲಿ ರನ್ನರ್ಅಪ್ ಸ್ಥಾನಕ್ಕೇ ತೃಪ್ತಿ ಪಡುವಂತಾಯಿತು. ಭಾನುವಾರ ನಡೆದ ಫೈನಲ್ನಲ್ಲಿ ಜರ್ಮನಿ ತಂಡದವರು 3-2 ಗೋಲುಗಳಿಂದ ಭಾರತವನ್ನು ಸೋಲಿಸಿ ಟ್ರೋಫಿಯನ್ನು ಎತ್ತಿಕೊಂಡರು.<br /> <br /> ಲೀಗ್ ಹಂತದಲ್ಲಿ ಅಜೇಯವಾಗುಳಿದು ಪ್ರಶಸ್ತಿಗೆ ನೆಚ್ಚಿನ ತಂಡದಂತೆ ಕಂಡು ಬಂದಿದ್ದ ಭಾರತ ನಿರ್ಣಾಯಕ ಹಂತದಲ್ಲಿ ನಿರೀಕ್ಷಿತ ಸಾಮರ್ಥ್ಯ ತೋರುವಲ್ಲಿ ವೈಫಲ್ಯ ಕಂಡಿತು. ಲೀಗ್ ಹಂತದ ಒಂದು ಪಂದ್ಯದಲ್ಲಿ ಜರ್ಮನಿ ವಿರುದ್ಧವೇ 3-1ರಿಂದ ಗೆದ್ದಿದ್ದ ಭಾರತದ ಆಟಗಾರರು ಫೈನಲ್ನಲ್ಲಿ ಅತ್ಯಂತ ಸುಲಭ ಅವಕಾಶಗಳಲ್ಲೆಲ್ಲಾ ಎಡವಿ ಎದುರಾಳಿಯ ಗೆಲುವಿಗೆ ಹಾದಿ ಮಾಡಿಕೊಟ್ಟರು.<br /> <br /> ಆಟ ಶುರುವಾದ 11ನೇ ನಿಮಿಷದಲ್ಲಿ ಜರ್ಮನಿಗೆ ಸಿಕ್ಕಿದ ಪೆನಾಲ್ಟಿ ಕಾರ್ನರ್ ಅವಕಾಶದಲ್ಲಿ ಜೊನಾಸ್ ಗೊಮೊಲ್ ಗೋಲಿನ ಖಾತೆ ತೆರೆದರು. ಆದರೆ 24ನೇ ನಿಮಿಷದಲ್ಲಿ ಸತ್ಬೀರ್ ಸಿಂಗ್ ಗೋಲುಗಳ ಅಂತರವನ್ನು ಸಮಗೊಳಿಸಿದರು.</p>.<p>ಇದೇ ವೇಳೆ ಜರ್ಮನಿಯ ಗೋಲ್ಕೀಪರ್ ವಿಕ್ಟರ್ ಭಾರತೀಯರ ಗೋಲು ಗಳಿಸುವ ಕೆಲವು ಉತ್ತಮ ಯತ್ನಗಳನ್ನು ವಿಫಲಗೊಳಿಸಿದರು. 30ನೇ ನಿಮಿಷದಲ್ಲಿ ಜರ್ಮನಿಗೆ ಸಿಕ್ಕಿದ ಇನ್ನೊಂದು ಪೆನಾಲ್ಟಿ ಕಾರ್ನರ್ ಅವಕಾಶದಲ್ಲಿ ಜೋಶುವ ಡೆಲರ್ಬರ್ ಗುರಿ ಮುಟ್ಟಿಸಿ ಅಂತರವನ್ನು 2-1ಕ್ಕೆ ಏರಿಸಿದರು. <br /> <br /> ಫ್ಲೋರೇನ್ ಆಡ್ರಿನ್ಸ್ 49ನೇ ನಿಮಿಷದಲ್ಲಿ 3ನೇ ಗೋಲು ತಂದಿತ್ತರು. ನಂತರ ಗೋಲು ಗಳಿಸಲು ಭಾರತ ಸತತ ಯತ್ನಗಳನ್ನು ನಡೆಸಿತಾದರೂ, ಆಟ ಮುಗಿಯಲು 3 ನಿಮಿಷಗಳಿದ್ದಾಗ ಆಕಾಶ್ದೀಪ್ ಒಂದು ಗೋಲು ಗಳಿಸಲಷ್ಟೇ ಶಕ್ತರಾದರು. ಇನ್ನೊಂದು ಪಂದ್ಯದಲ್ಲಿ ಪಾಕಿಸ್ತಾನವನ್ನು 3-2 ಗೋಲುಗಳಿಂದ ಸೋಲಿಸಿದ ಆಸ್ಟ್ರೇಲಿಯ ಮೂರನೇ ಸ್ಥಾನ ಗಳಿಸಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಜೊಹರ್ ಬಾಹ್ರು, ಮಲೇಷ್ಯಾ (ಪಿಟಿಐ):</strong> ಭಾರತದ ಜೂನಿಯರ್ ತಂಡದವರು ಇಲ್ಲಿ ನಡೆದ ಸುಲ್ತಾನ್ ಆಫ್ ಜೊಹರ್ ಕಪ್ ಹಾಕಿ ಟೂರ್ನಿಯಲ್ಲಿ ರನ್ನರ್ಅಪ್ ಸ್ಥಾನಕ್ಕೇ ತೃಪ್ತಿ ಪಡುವಂತಾಯಿತು. ಭಾನುವಾರ ನಡೆದ ಫೈನಲ್ನಲ್ಲಿ ಜರ್ಮನಿ ತಂಡದವರು 3-2 ಗೋಲುಗಳಿಂದ ಭಾರತವನ್ನು ಸೋಲಿಸಿ ಟ್ರೋಫಿಯನ್ನು ಎತ್ತಿಕೊಂಡರು.<br /> <br /> ಲೀಗ್ ಹಂತದಲ್ಲಿ ಅಜೇಯವಾಗುಳಿದು ಪ್ರಶಸ್ತಿಗೆ ನೆಚ್ಚಿನ ತಂಡದಂತೆ ಕಂಡು ಬಂದಿದ್ದ ಭಾರತ ನಿರ್ಣಾಯಕ ಹಂತದಲ್ಲಿ ನಿರೀಕ್ಷಿತ ಸಾಮರ್ಥ್ಯ ತೋರುವಲ್ಲಿ ವೈಫಲ್ಯ ಕಂಡಿತು. ಲೀಗ್ ಹಂತದ ಒಂದು ಪಂದ್ಯದಲ್ಲಿ ಜರ್ಮನಿ ವಿರುದ್ಧವೇ 3-1ರಿಂದ ಗೆದ್ದಿದ್ದ ಭಾರತದ ಆಟಗಾರರು ಫೈನಲ್ನಲ್ಲಿ ಅತ್ಯಂತ ಸುಲಭ ಅವಕಾಶಗಳಲ್ಲೆಲ್ಲಾ ಎಡವಿ ಎದುರಾಳಿಯ ಗೆಲುವಿಗೆ ಹಾದಿ ಮಾಡಿಕೊಟ್ಟರು.<br /> <br /> ಆಟ ಶುರುವಾದ 11ನೇ ನಿಮಿಷದಲ್ಲಿ ಜರ್ಮನಿಗೆ ಸಿಕ್ಕಿದ ಪೆನಾಲ್ಟಿ ಕಾರ್ನರ್ ಅವಕಾಶದಲ್ಲಿ ಜೊನಾಸ್ ಗೊಮೊಲ್ ಗೋಲಿನ ಖಾತೆ ತೆರೆದರು. ಆದರೆ 24ನೇ ನಿಮಿಷದಲ್ಲಿ ಸತ್ಬೀರ್ ಸಿಂಗ್ ಗೋಲುಗಳ ಅಂತರವನ್ನು ಸಮಗೊಳಿಸಿದರು.</p>.<p>ಇದೇ ವೇಳೆ ಜರ್ಮನಿಯ ಗೋಲ್ಕೀಪರ್ ವಿಕ್ಟರ್ ಭಾರತೀಯರ ಗೋಲು ಗಳಿಸುವ ಕೆಲವು ಉತ್ತಮ ಯತ್ನಗಳನ್ನು ವಿಫಲಗೊಳಿಸಿದರು. 30ನೇ ನಿಮಿಷದಲ್ಲಿ ಜರ್ಮನಿಗೆ ಸಿಕ್ಕಿದ ಇನ್ನೊಂದು ಪೆನಾಲ್ಟಿ ಕಾರ್ನರ್ ಅವಕಾಶದಲ್ಲಿ ಜೋಶುವ ಡೆಲರ್ಬರ್ ಗುರಿ ಮುಟ್ಟಿಸಿ ಅಂತರವನ್ನು 2-1ಕ್ಕೆ ಏರಿಸಿದರು. <br /> <br /> ಫ್ಲೋರೇನ್ ಆಡ್ರಿನ್ಸ್ 49ನೇ ನಿಮಿಷದಲ್ಲಿ 3ನೇ ಗೋಲು ತಂದಿತ್ತರು. ನಂತರ ಗೋಲು ಗಳಿಸಲು ಭಾರತ ಸತತ ಯತ್ನಗಳನ್ನು ನಡೆಸಿತಾದರೂ, ಆಟ ಮುಗಿಯಲು 3 ನಿಮಿಷಗಳಿದ್ದಾಗ ಆಕಾಶ್ದೀಪ್ ಒಂದು ಗೋಲು ಗಳಿಸಲಷ್ಟೇ ಶಕ್ತರಾದರು. ಇನ್ನೊಂದು ಪಂದ್ಯದಲ್ಲಿ ಪಾಕಿಸ್ತಾನವನ್ನು 3-2 ಗೋಲುಗಳಿಂದ ಸೋಲಿಸಿದ ಆಸ್ಟ್ರೇಲಿಯ ಮೂರನೇ ಸ್ಥಾನ ಗಳಿಸಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
