<p>`ಬ್ರೇಕ್ಬೋನ್ ಫೀವರ್~ಎಂದೇ ಕರೆಸಿಕೊಳ್ಳುವ ಡೆಂಗ್ಯೂ ಕಡಿಮೆಯಾಗುವ ಲಕ್ಷಣಗಳು ಕಾಣಿಸುತ್ತಿಲ್ಲ. ಇಷ್ಟೇ ಅಲ್ಲ, ಗಮನಾರ್ಹ ಸಂಖ್ಯೆಯ ಚಿಕೂನ್ಗುನ್ಯಾ ಮರುಕಳಿಕೆ ಪ್ರಕರಣಗಳನ್ನು ಕೂಡಾ ಆಸ್ಪತ್ರೆಗಳು ನೋಡುತ್ತಿವೆ.<br /> <br /> <br /> ಬೆಂಗಳೂರಿನಲ್ಲಿ ಸೊಳ್ಳೆಗಳ ಹಾವಳಿ ಹೆಚ್ಚುವುದರ ಹಿಂದಿರುವ ಕಾರಣ ಏನು?<br /> ನಿಂತ ನೀರು ಮತ್ತು ತೆರೆದ ಕಾಲುವೆಗಳು ಅನೇಕ ಬಗೆಯ ಅಪಾಯಕಾರಿ ಸೊಳ್ಳೆಗಳ ಉತ್ಪತ್ತಿಗೆ ಅತ್ಯಂತ ಪ್ರಶಸ್ತ ತಾಣಗಳು. <br /> <br /> ನಿಂತ ನೀರಿನ ಕಟು ವಾಸನೆ ಸಹಿಸಲು ಅಸಾಧ್ಯ. ಅದಕ್ಕಿಂತ ಹೆಚ್ಚಾಗಿ ಇದು ಸೊಳ್ಳೆಗಳ ಹಾವಳಿಗೆ ಕಾರಣವಾಗುತ್ತದೆ. ಸೊಳ್ಳೆ ಕಡಿತದಿಂದ ಉಂಟಾಗುವ, ಸೊಳ್ಳೆಜನ್ಯ ಕಾಯಿಲೆಯಾದ ಮಾರಕ ಡೆಂಗ್ಯೂ ಬೆಂಗಳೂರಿನಲ್ಲಿ ಹೆಚ್ಚಿಗೆ ಇದೆ. <br /> <br /> ಸ್ವಚ್ಛತೆಯಿಲ್ಲದ ಪ್ರದೇಶಗಳು ಮತ್ತು ನಿಂತ ನೀರಿನಿಂದಾಗಿ ಸೊಳ್ಳೆಗಳ ಉತ್ಪತ್ತಿಗೆ ಉತ್ತೇಜನ ದೊರೆತಿದ್ದು, ಬೆಂಗಳೂರಿನ ಅನೇಕ ಪ್ರದೇಶಗಳಲ್ಲಿ ಡೆಂಗ್ಯೂ ಹಾಗೂ ಚಿಕೂನ್ಗುನ್ಯಾ ಪ್ರಕರಣಗಳು ಹೆಚ್ಚಿವೆ.<br /> <br /> ಡೆಂಗ್ಯೂ ಜ್ವರಕ್ಕೆ ಕಾರಣವಾಗುವುದು ಈಡಿಯಸ್ ಈಜಿಪ್ಟಿ ಎಂಬ ಹೆಣ್ಣು ಸೊಳ್ಳೆ. ಇದು ಸಾಮಾನ್ಯವಾಗಿ ಹಗಲಿನಲ್ಲಿ ಆಹಾರ ತೆಗೆದುಕೊಳ್ಳುತ್ತದೆ ಹಾಗೂ ಕಚ್ಚುವುದರ ಮುಖಾಂತರ ಮನುಷ್ಯರಲ್ಲಿ ತನ್ನ ವೈರಾಣುಗಳನ್ನು ಹರಡುತ್ತದೆ. ಎಲ್ಲ ವಯೋಮಾನದವರಿಗೂ ಡೆಂಗ್ಯೂ ಜ್ವರ ಬರಬಹುದು. <br /> <br /> ಆದರೆ, 15ಕ್ಕಿಂತ ಕಡಿಮೆ ವಯಸ್ಸಿನವರಲ್ಲಿ ಹೆಚ್ಚು. ಹಗಲಿನಲ್ಲಿ ಸೊಳ್ಳೆ ಕಡಿತಕ್ಕೆ ಒಳಗಾಗದಿರುವುದು ಮಹತ್ವದ ಮುನ್ನೆಚ್ಚರಿಕೆ ಕ್ರಮ. ಸೊಳ್ಳೆಗಳ ವೈರಾಣುಗಳು ಒಬ್ಬರಿಂದ ಒಬ್ಬರಿಗೆ ಹರಡುವುದಿಲ್ಲ. ವ್ಯಕ್ತಿಯಿಂದ ವ್ಯಕ್ತಿಗೆ ನೇರವಾಗಿ ಪಸರಿಸುವುದಿಲ್ಲ. ವ್ಯಕ್ತಿಯಿಂದ ಸೊಳ್ಳೆ-ಸೊಳ್ಳೆಯಿಂದ ಮತ್ತೊಬ್ಬ ವ್ಯಕ್ತಿಗೆ ಈ ರೀತಿಯಲ್ಲಿ ಹಬ್ಬುತ್ತದೆ.<br /> <br /> <strong>ಬ್ರೇಕ್ಬೋನ್ ಫಿವರ್</strong><br /> <br /> ನಗರ ಪರಿಸರದಲ್ಲಿ, ಹೆಚ್ಚು ಜನಸಂಖ್ಯೆ ಮತ್ತು ಸೋಂಕುಪೀಡಿತ ಜನರ ಚಲನವಲನವು ಸೋಂಕಿನ ಅಪಾಯವನ್ನು ಹೆಚ್ಚಿಸುವುದು ಅನಿವಾರ್ಯವೆಂಬಂತೆ ಕಾಣುತ್ತದೆ. ಬೃಹತ್ ಅಪಾರ್ಟ್ಮೆಂಟ್ ಸಮುಚ್ಚಯಗಳಲ್ಲಿ ಕೂಡ ಈ ಮಾತು ದಿಟ. <br /> <br /> ಡ್ಯಾಂಡಿ ಫೀವರ್, ಥ್ರೀ ಡೇ ಫೀವರ್, ಬ್ರೇಕ್ಬೋನ್ ಫೀವರ್ ಮುಂತಾದ ಹೆಸರುಗಳಿಂದ ಇದನ್ನು ಕರೆಯಲಾಗುತ್ತದೆ. ಡೆಂಗ್ಯೂ ಜ್ವರ ಪೀಡಿತರಿಗೆ ಸಂದು ಮತ್ತು ಸ್ನಾಯು ನೋವು ತೀವ್ರವಾಗಿರುತ್ತದೆ. ಈ ಕಾರಣದಿಂದ ಇದನ್ನು ಬ್ರೇಕ್ಬೋನ್ ಫೀವರ್ ಎಂಬ ಹೆಸರಿನಿಂದಲೂ ಕರೆಯಲಾಗುತ್ತದೆ.<br /> <br /> <strong>ಲಕ್ಷಣಗಳು</strong><br /> <strong>ಚಿಕೂನ್ಗುನ್ಯಾ:</strong> ತೀವ್ರ ಜ್ವರ, ಸಂದು ನೋವು.<br /> <strong>ಡೆಂಗ್ಯೂ: </strong>ತೀವ್ರ ಜ್ವರ, ಬೆನ್ನುನೋವು, ಸ್ನಾಯು ಮತ್ತು ಸಂದು ನೋವು, ಕಣ್ಣುಗಳ ಹಿಂದೆ ನೋವು, ತೀವ್ರ ತಲೆನೋವು.<br /> <strong>ವೈರಾಣು ಜ್ವರ:</strong> ತೀವ್ರ ಜ್ವರ, ಶೀತ, ಗಂಟಲು ಕೆರಸುವಿಕೆ, ದೇಹದಲ್ಲಿ ನೋವು.<br /> <br /> <strong>ಸೊಳ್ಳೆಗಳ ವಿರುದ್ಧ ಮುಂಜಾಗ್ರತೆ ಹೇಗೆ?</strong><br /> ಸೊಳ್ಳೆ ಕಡಿತಕ್ಕೆ ಅನೇಕ ಮುನ್ನೆಚ್ಚರಿಕೆ ಕ್ರಮಗಳಿವೆ. ಇವುಗಳಲ್ಲಿ ಪ್ರಮುಖವಾದುದು ಎಂದರೆ, ಸುತ್ತಮುತ್ತ ಪರಿಸರವನ್ನು ಸ್ವಚ್ಛವಾಗಿಟ್ಟುಕೊಳ್ಳುವುದು ಹಾಗೂ ಆಸುಪಾಸು ನೀರು ಶೇಖರಣೆಯಾಗದಂತೆ ಖಾತ್ರಿಪಡಿಸಿಕೊಳ್ಳುವುದು.<br /> <br /> ಮನೆಯ ಒಳಗೆ ಸೊಳ್ಳೆ ಕಡಿತಕ್ಕೆ ಮುನ್ನೆಚ್ಚರಿಕೆ ಕ್ರಮ ಎಂದರೆ ಸೊಳ್ಳೆ ಪರದೆ ಬಳಸುವುದು ಹಾಗೂ ಸೊಳ್ಳೆಗಳನ್ನು ನಾಶಪಡಿಸುವ ರಾಸಾಯನಿಕಗಳನ್ನು ಗೋಡೆಗೆ ಸಿಂಪಡಿಸುವುದು. ಕೆಲ ಜನರು ರೋಗಪ್ರತಿಬಂಧಕ ಔಷಧಗಳನ್ನು ಇಟ್ಟುಕೊಂಡಿರುತ್ತಾರೆ. ಹೊರಗಡೆ ಹೋದಾಗ ಸೊಳ್ಳೆ ದೇಹಕ್ಕೆ ಕ್ರೀಮ್ಗಳನ್ನು ಲೇಪಿಸಿಕೊಳ್ಳುತ್ತಾರೆ.<br /> <br /> <strong>ಸೊಳ್ಳೆ ನಿವಾರಕಗಳು ಎಷ್ಟು ಸುರಕ್ಷಿತ?</strong><br /> ಮನೆಯೊಳಗೆ ಮತ್ತು ಹೊರಗಡೆ ಸೊಳ್ಳೆಗಳನ್ನು ನಿವಾರಿಸಲು ಬೆಂಗಳೂರಿನಲ್ಲಿ ತಿಂಗಳಿಗೆ ಸುಮಾರು 25 ಲಕ್ಷ ಯೂನಿಟ್ಗಳಷ್ಟು ಮಾಸ್ಕಿಟೊ ರಿಪೆಲೆಂಟ್ಗಳನ್ನು ಉಪಯೋಗಿಸಲಾಗುತ್ತದೆ.<br /> <br /> ಈ ರಿಪೆಲೆಂಟ್ಗಳಲ್ಲಿ ಹೆಚ್ಚಿನವು ರಾಸಾಯನಿಕ ಆಧಾರಿತವಾದ್ದರಿಂದ ಮಾನವ ದೇಹಕ್ಕೆ ಹೆಚ್ಚು ಹಾನಿಯನ್ನು ಉಂಟುಮಾಡುತ್ತವೆ.ಕೆಲ ಸಂದರ್ಭಗಳಲ್ಲಿ ಸೊಳ್ಳೆಗಳಿಗಿಂತಲೂ ಹೆಚ್ಚು ಹಾನಿ ಇವುಗಳಿಂದ ಆಗುತ್ತದೆ.<br /> <br /> ಅಲೆತ್ರಿನ್ಸ್ ಮತ್ತು ಪ್ಯಾರಲೆತ್ರಿನ್ಗಳಂತಹ ವೆಪೊರೈಸರ್ ಮತ್ತು ಮ್ಯೋಟ್ಗಳಿಂದ ಬರುವ ರಾಸಾಯನಿಕ ಹೊಗೆಯು ಅಪಾಯಕಾರಿ ಮತ್ತು ಉಸಿರಾಟ ತೊಂದರೆ, ಅಲರ್ಜಿ ಹಾಗೂ ದೀರ್ಘಕಾಲೀನ ನೆಲೆಯಲ್ಲಿ ಹಾನಿಯನ್ನುಂಟುಮಾಡುವ ಮತ್ತು ಅಂತಿಮವಾಗಿ ಪ್ರಾಣಕ್ಕೂ ಸಂಚಕಾರ ತರಬಲ್ಲ ಅನೇಕ ಬಗೆಯ ಎದೆಸಂಬಂಧಿ ಕಾಯಿಲೆಗಳನ್ನು ಪ್ರಚೋದಿಸುತ್ತದೆ. <br /> <br /> ಮಲೇಷ್ಯಾದ ಥಾಮ್ಸನ್ ಮೆಡಿಕಲ್ ಸೆಂಟರ್ನ ಮಕ್ಕಳ ವಿಭಾಗದ ಡಾ.ಅಂಗ್ ಐ ತಿನ್ ಅವರು ನಡೆಸಿದ ಅಧ್ಯಯನದ ಪ್ರಕಾರ, ಮಾಸ್ಕಿಟೊ ಕಾಯ್ಲನಿಂದ ಹೊರಬರುವ ಹೊಗೆಯು 75ರಿಂದ 135 ಸಿಗರೇಟ್ಗಳ ಹೊಗೆಗೆ ಸಮ.<br /> <br /> <strong>ನೈಸರ್ಗಿಕ ಸೊಳ್ಳೆ ನಿವಾರಕಗಳು</strong><br /> ರಾಸಾಯನಿಕ ಸೊಳ್ಳೆ ನಿವಾರಕಗಳ ಅಸ್ವಸ್ಥ್ಯತೆಯನ್ನು ತೊಡೆದುಹಾಕುವ ಸಲುವಾಗಿ ಲಕ್ನೋದ ಔಷಧೀಯ ಮತ್ತು ಸುಗಂಧ ಸಸ್ಯಗಳ ಕೇಂದ್ರೀಯ ಸಂಸ್ಥೆಯು ಪ್ರಮುಖ ಸಸ್ಯ ಸಂಶೋಧನಾ ಪ್ರಯೋಗಾಲಯದ ಜೊತೆ ಸೇರಿ `ಜಸ್ಟ್ ಸ್ಪ್ರೇ~ ಎಂಬ ಗಿಡಮೂಲಿಕೆ ಸೊಳ್ಳೆ ನಿವಾರಕವನ್ನು ಅಭಿವೃದ್ಧಿಪಡಿಸಿದೆ. ಅಲ್ಲದೇ, ಉದ್ಯಾನಗಳಲ್ಲಿ ನಿಂಬೆಹುಲ್ಲು ಕೂಡ ಒಳ್ಳೆಯದು. <br /> <br /> ಇವು ನೈಸರ್ಗಿಕ ಸೊಳ್ಳೆ ನಿವಾರಕಗಳು. ನಿಂಬೆಹುಲ್ಲು ಗಾರ್ಡನ್ ಪ್ರದೇಶದಲ್ಲಿ ಸೊಳ್ಳೆಗಳು ಹಾಗೂ ಕೀಟಗಳ ಕಾಟಕ್ಕೆ ಮುಕ್ತಿ ಕೊಡುತ್ತದೆ. <br /> <strong>(ಮೊಬೈಲ್- 9845259150)</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>`ಬ್ರೇಕ್ಬೋನ್ ಫೀವರ್~ಎಂದೇ ಕರೆಸಿಕೊಳ್ಳುವ ಡೆಂಗ್ಯೂ ಕಡಿಮೆಯಾಗುವ ಲಕ್ಷಣಗಳು ಕಾಣಿಸುತ್ತಿಲ್ಲ. ಇಷ್ಟೇ ಅಲ್ಲ, ಗಮನಾರ್ಹ ಸಂಖ್ಯೆಯ ಚಿಕೂನ್ಗುನ್ಯಾ ಮರುಕಳಿಕೆ ಪ್ರಕರಣಗಳನ್ನು ಕೂಡಾ ಆಸ್ಪತ್ರೆಗಳು ನೋಡುತ್ತಿವೆ.<br /> <br /> <br /> ಬೆಂಗಳೂರಿನಲ್ಲಿ ಸೊಳ್ಳೆಗಳ ಹಾವಳಿ ಹೆಚ್ಚುವುದರ ಹಿಂದಿರುವ ಕಾರಣ ಏನು?<br /> ನಿಂತ ನೀರು ಮತ್ತು ತೆರೆದ ಕಾಲುವೆಗಳು ಅನೇಕ ಬಗೆಯ ಅಪಾಯಕಾರಿ ಸೊಳ್ಳೆಗಳ ಉತ್ಪತ್ತಿಗೆ ಅತ್ಯಂತ ಪ್ರಶಸ್ತ ತಾಣಗಳು. <br /> <br /> ನಿಂತ ನೀರಿನ ಕಟು ವಾಸನೆ ಸಹಿಸಲು ಅಸಾಧ್ಯ. ಅದಕ್ಕಿಂತ ಹೆಚ್ಚಾಗಿ ಇದು ಸೊಳ್ಳೆಗಳ ಹಾವಳಿಗೆ ಕಾರಣವಾಗುತ್ತದೆ. ಸೊಳ್ಳೆ ಕಡಿತದಿಂದ ಉಂಟಾಗುವ, ಸೊಳ್ಳೆಜನ್ಯ ಕಾಯಿಲೆಯಾದ ಮಾರಕ ಡೆಂಗ್ಯೂ ಬೆಂಗಳೂರಿನಲ್ಲಿ ಹೆಚ್ಚಿಗೆ ಇದೆ. <br /> <br /> ಸ್ವಚ್ಛತೆಯಿಲ್ಲದ ಪ್ರದೇಶಗಳು ಮತ್ತು ನಿಂತ ನೀರಿನಿಂದಾಗಿ ಸೊಳ್ಳೆಗಳ ಉತ್ಪತ್ತಿಗೆ ಉತ್ತೇಜನ ದೊರೆತಿದ್ದು, ಬೆಂಗಳೂರಿನ ಅನೇಕ ಪ್ರದೇಶಗಳಲ್ಲಿ ಡೆಂಗ್ಯೂ ಹಾಗೂ ಚಿಕೂನ್ಗುನ್ಯಾ ಪ್ರಕರಣಗಳು ಹೆಚ್ಚಿವೆ.<br /> <br /> ಡೆಂಗ್ಯೂ ಜ್ವರಕ್ಕೆ ಕಾರಣವಾಗುವುದು ಈಡಿಯಸ್ ಈಜಿಪ್ಟಿ ಎಂಬ ಹೆಣ್ಣು ಸೊಳ್ಳೆ. ಇದು ಸಾಮಾನ್ಯವಾಗಿ ಹಗಲಿನಲ್ಲಿ ಆಹಾರ ತೆಗೆದುಕೊಳ್ಳುತ್ತದೆ ಹಾಗೂ ಕಚ್ಚುವುದರ ಮುಖಾಂತರ ಮನುಷ್ಯರಲ್ಲಿ ತನ್ನ ವೈರಾಣುಗಳನ್ನು ಹರಡುತ್ತದೆ. ಎಲ್ಲ ವಯೋಮಾನದವರಿಗೂ ಡೆಂಗ್ಯೂ ಜ್ವರ ಬರಬಹುದು. <br /> <br /> ಆದರೆ, 15ಕ್ಕಿಂತ ಕಡಿಮೆ ವಯಸ್ಸಿನವರಲ್ಲಿ ಹೆಚ್ಚು. ಹಗಲಿನಲ್ಲಿ ಸೊಳ್ಳೆ ಕಡಿತಕ್ಕೆ ಒಳಗಾಗದಿರುವುದು ಮಹತ್ವದ ಮುನ್ನೆಚ್ಚರಿಕೆ ಕ್ರಮ. ಸೊಳ್ಳೆಗಳ ವೈರಾಣುಗಳು ಒಬ್ಬರಿಂದ ಒಬ್ಬರಿಗೆ ಹರಡುವುದಿಲ್ಲ. ವ್ಯಕ್ತಿಯಿಂದ ವ್ಯಕ್ತಿಗೆ ನೇರವಾಗಿ ಪಸರಿಸುವುದಿಲ್ಲ. ವ್ಯಕ್ತಿಯಿಂದ ಸೊಳ್ಳೆ-ಸೊಳ್ಳೆಯಿಂದ ಮತ್ತೊಬ್ಬ ವ್ಯಕ್ತಿಗೆ ಈ ರೀತಿಯಲ್ಲಿ ಹಬ್ಬುತ್ತದೆ.<br /> <br /> <strong>ಬ್ರೇಕ್ಬೋನ್ ಫಿವರ್</strong><br /> <br /> ನಗರ ಪರಿಸರದಲ್ಲಿ, ಹೆಚ್ಚು ಜನಸಂಖ್ಯೆ ಮತ್ತು ಸೋಂಕುಪೀಡಿತ ಜನರ ಚಲನವಲನವು ಸೋಂಕಿನ ಅಪಾಯವನ್ನು ಹೆಚ್ಚಿಸುವುದು ಅನಿವಾರ್ಯವೆಂಬಂತೆ ಕಾಣುತ್ತದೆ. ಬೃಹತ್ ಅಪಾರ್ಟ್ಮೆಂಟ್ ಸಮುಚ್ಚಯಗಳಲ್ಲಿ ಕೂಡ ಈ ಮಾತು ದಿಟ. <br /> <br /> ಡ್ಯಾಂಡಿ ಫೀವರ್, ಥ್ರೀ ಡೇ ಫೀವರ್, ಬ್ರೇಕ್ಬೋನ್ ಫೀವರ್ ಮುಂತಾದ ಹೆಸರುಗಳಿಂದ ಇದನ್ನು ಕರೆಯಲಾಗುತ್ತದೆ. ಡೆಂಗ್ಯೂ ಜ್ವರ ಪೀಡಿತರಿಗೆ ಸಂದು ಮತ್ತು ಸ್ನಾಯು ನೋವು ತೀವ್ರವಾಗಿರುತ್ತದೆ. ಈ ಕಾರಣದಿಂದ ಇದನ್ನು ಬ್ರೇಕ್ಬೋನ್ ಫೀವರ್ ಎಂಬ ಹೆಸರಿನಿಂದಲೂ ಕರೆಯಲಾಗುತ್ತದೆ.<br /> <br /> <strong>ಲಕ್ಷಣಗಳು</strong><br /> <strong>ಚಿಕೂನ್ಗುನ್ಯಾ:</strong> ತೀವ್ರ ಜ್ವರ, ಸಂದು ನೋವು.<br /> <strong>ಡೆಂಗ್ಯೂ: </strong>ತೀವ್ರ ಜ್ವರ, ಬೆನ್ನುನೋವು, ಸ್ನಾಯು ಮತ್ತು ಸಂದು ನೋವು, ಕಣ್ಣುಗಳ ಹಿಂದೆ ನೋವು, ತೀವ್ರ ತಲೆನೋವು.<br /> <strong>ವೈರಾಣು ಜ್ವರ:</strong> ತೀವ್ರ ಜ್ವರ, ಶೀತ, ಗಂಟಲು ಕೆರಸುವಿಕೆ, ದೇಹದಲ್ಲಿ ನೋವು.<br /> <br /> <strong>ಸೊಳ್ಳೆಗಳ ವಿರುದ್ಧ ಮುಂಜಾಗ್ರತೆ ಹೇಗೆ?</strong><br /> ಸೊಳ್ಳೆ ಕಡಿತಕ್ಕೆ ಅನೇಕ ಮುನ್ನೆಚ್ಚರಿಕೆ ಕ್ರಮಗಳಿವೆ. ಇವುಗಳಲ್ಲಿ ಪ್ರಮುಖವಾದುದು ಎಂದರೆ, ಸುತ್ತಮುತ್ತ ಪರಿಸರವನ್ನು ಸ್ವಚ್ಛವಾಗಿಟ್ಟುಕೊಳ್ಳುವುದು ಹಾಗೂ ಆಸುಪಾಸು ನೀರು ಶೇಖರಣೆಯಾಗದಂತೆ ಖಾತ್ರಿಪಡಿಸಿಕೊಳ್ಳುವುದು.<br /> <br /> ಮನೆಯ ಒಳಗೆ ಸೊಳ್ಳೆ ಕಡಿತಕ್ಕೆ ಮುನ್ನೆಚ್ಚರಿಕೆ ಕ್ರಮ ಎಂದರೆ ಸೊಳ್ಳೆ ಪರದೆ ಬಳಸುವುದು ಹಾಗೂ ಸೊಳ್ಳೆಗಳನ್ನು ನಾಶಪಡಿಸುವ ರಾಸಾಯನಿಕಗಳನ್ನು ಗೋಡೆಗೆ ಸಿಂಪಡಿಸುವುದು. ಕೆಲ ಜನರು ರೋಗಪ್ರತಿಬಂಧಕ ಔಷಧಗಳನ್ನು ಇಟ್ಟುಕೊಂಡಿರುತ್ತಾರೆ. ಹೊರಗಡೆ ಹೋದಾಗ ಸೊಳ್ಳೆ ದೇಹಕ್ಕೆ ಕ್ರೀಮ್ಗಳನ್ನು ಲೇಪಿಸಿಕೊಳ್ಳುತ್ತಾರೆ.<br /> <br /> <strong>ಸೊಳ್ಳೆ ನಿವಾರಕಗಳು ಎಷ್ಟು ಸುರಕ್ಷಿತ?</strong><br /> ಮನೆಯೊಳಗೆ ಮತ್ತು ಹೊರಗಡೆ ಸೊಳ್ಳೆಗಳನ್ನು ನಿವಾರಿಸಲು ಬೆಂಗಳೂರಿನಲ್ಲಿ ತಿಂಗಳಿಗೆ ಸುಮಾರು 25 ಲಕ್ಷ ಯೂನಿಟ್ಗಳಷ್ಟು ಮಾಸ್ಕಿಟೊ ರಿಪೆಲೆಂಟ್ಗಳನ್ನು ಉಪಯೋಗಿಸಲಾಗುತ್ತದೆ.<br /> <br /> ಈ ರಿಪೆಲೆಂಟ್ಗಳಲ್ಲಿ ಹೆಚ್ಚಿನವು ರಾಸಾಯನಿಕ ಆಧಾರಿತವಾದ್ದರಿಂದ ಮಾನವ ದೇಹಕ್ಕೆ ಹೆಚ್ಚು ಹಾನಿಯನ್ನು ಉಂಟುಮಾಡುತ್ತವೆ.ಕೆಲ ಸಂದರ್ಭಗಳಲ್ಲಿ ಸೊಳ್ಳೆಗಳಿಗಿಂತಲೂ ಹೆಚ್ಚು ಹಾನಿ ಇವುಗಳಿಂದ ಆಗುತ್ತದೆ.<br /> <br /> ಅಲೆತ್ರಿನ್ಸ್ ಮತ್ತು ಪ್ಯಾರಲೆತ್ರಿನ್ಗಳಂತಹ ವೆಪೊರೈಸರ್ ಮತ್ತು ಮ್ಯೋಟ್ಗಳಿಂದ ಬರುವ ರಾಸಾಯನಿಕ ಹೊಗೆಯು ಅಪಾಯಕಾರಿ ಮತ್ತು ಉಸಿರಾಟ ತೊಂದರೆ, ಅಲರ್ಜಿ ಹಾಗೂ ದೀರ್ಘಕಾಲೀನ ನೆಲೆಯಲ್ಲಿ ಹಾನಿಯನ್ನುಂಟುಮಾಡುವ ಮತ್ತು ಅಂತಿಮವಾಗಿ ಪ್ರಾಣಕ್ಕೂ ಸಂಚಕಾರ ತರಬಲ್ಲ ಅನೇಕ ಬಗೆಯ ಎದೆಸಂಬಂಧಿ ಕಾಯಿಲೆಗಳನ್ನು ಪ್ರಚೋದಿಸುತ್ತದೆ. <br /> <br /> ಮಲೇಷ್ಯಾದ ಥಾಮ್ಸನ್ ಮೆಡಿಕಲ್ ಸೆಂಟರ್ನ ಮಕ್ಕಳ ವಿಭಾಗದ ಡಾ.ಅಂಗ್ ಐ ತಿನ್ ಅವರು ನಡೆಸಿದ ಅಧ್ಯಯನದ ಪ್ರಕಾರ, ಮಾಸ್ಕಿಟೊ ಕಾಯ್ಲನಿಂದ ಹೊರಬರುವ ಹೊಗೆಯು 75ರಿಂದ 135 ಸಿಗರೇಟ್ಗಳ ಹೊಗೆಗೆ ಸಮ.<br /> <br /> <strong>ನೈಸರ್ಗಿಕ ಸೊಳ್ಳೆ ನಿವಾರಕಗಳು</strong><br /> ರಾಸಾಯನಿಕ ಸೊಳ್ಳೆ ನಿವಾರಕಗಳ ಅಸ್ವಸ್ಥ್ಯತೆಯನ್ನು ತೊಡೆದುಹಾಕುವ ಸಲುವಾಗಿ ಲಕ್ನೋದ ಔಷಧೀಯ ಮತ್ತು ಸುಗಂಧ ಸಸ್ಯಗಳ ಕೇಂದ್ರೀಯ ಸಂಸ್ಥೆಯು ಪ್ರಮುಖ ಸಸ್ಯ ಸಂಶೋಧನಾ ಪ್ರಯೋಗಾಲಯದ ಜೊತೆ ಸೇರಿ `ಜಸ್ಟ್ ಸ್ಪ್ರೇ~ ಎಂಬ ಗಿಡಮೂಲಿಕೆ ಸೊಳ್ಳೆ ನಿವಾರಕವನ್ನು ಅಭಿವೃದ್ಧಿಪಡಿಸಿದೆ. ಅಲ್ಲದೇ, ಉದ್ಯಾನಗಳಲ್ಲಿ ನಿಂಬೆಹುಲ್ಲು ಕೂಡ ಒಳ್ಳೆಯದು. <br /> <br /> ಇವು ನೈಸರ್ಗಿಕ ಸೊಳ್ಳೆ ನಿವಾರಕಗಳು. ನಿಂಬೆಹುಲ್ಲು ಗಾರ್ಡನ್ ಪ್ರದೇಶದಲ್ಲಿ ಸೊಳ್ಳೆಗಳು ಹಾಗೂ ಕೀಟಗಳ ಕಾಟಕ್ಕೆ ಮುಕ್ತಿ ಕೊಡುತ್ತದೆ. <br /> <strong>(ಮೊಬೈಲ್- 9845259150)</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
