<p><strong>ನವದೆಹಲಿ: </strong>ರಾಜಧಾನಿಯ ಆತಂಕ ಹೆಚ್ಚಿಸಿರುವ `ಹೈಕೋರ್ಟ್ ಬಾಂಬ್ ಸ್ಫೋಟ~ಕ್ಕೆ ಸಂಬಂಧಿಸಿದಂತೆ ಯಾವುದೇ ಖಚಿತ ಸುಳಿವು ರಾಷ್ಟ್ರೀಯ ತನಿಖಾ ದಳ (ಎನ್ಐಎ) ಕ್ಕೆ ಸಿಗದಿರುವುದರಿಂದ ತನಿಖೆಯಲ್ಲಿ ಹೇಳಿಕೊಳ್ಳುವಂಥ ಪ್ರಗತಿ ಆಗಿಲ್ಲ. ಕೇವಲ ಸಂಶಯದ ಆಧಾರದ ಮೇಲೆ ಆರೋಪಿಗಳ ಜಾಡು ಹಿಡಿಯಲು ತನಿಖಾ ತಂಡ ತೀವ್ರ ಕಸರತ್ತು ನಡೆಸುತ್ತಿದೆ.<br /> <br /> ಸ್ಫೋಟದ ಹೊಣೆ ಹೊತ್ತಿರುವ ಬಾಂಗ್ಲಾ ಮೂಲದ `ಹರ್ಕತ್-ಉಲ್ ಜಿಹಾದಿ~ (ಹುಜಿ) ಕಳುಹಿಸಿದೆ ಎನ್ನಲಾದ ಇ-ಮೇಲ್ಗೆ ಸಂಬಂಧಿಸಿದಂತೆ ಕಾಶ್ಮೀರದ ಮೂವರನ್ನು ತನಿಖಾ ತಂಡ ವಶಪಡಿಸಿಕೊಂಡಿರುವ ಬೆನ್ನಲ್ಲೇ, ಹೈಕೋರ್ಟ್ ಘಟನೆಗೆ ತಾನು ಹೊಣೆ ಎಂದು `ಇಂಡಿಯನ್ ಮುಜಾಹಿದ್ದೀನ್~ (ಐಎಂ) ಹೆಸರಿನಲ್ಲಿ ಹೊಸ ಇ-ಮೇಲ್ ರವಾನೆ ಆಗಿದೆ.<br /> <br /> ಮುಂದಿನ ಬುಧವಾರ ದೆಹಲಿ `ಮಾಲ್~ ಸ್ಫೋಟಿಸುವುದಾಗಿ ಈ ಇ-ಮೇಲ್ನಲ್ಲಿ ಎಚ್ಚರಿಕೆ ನೀಡಲಾಗಿದೆ. ಹೊಸದಾಗಿ ಬಂದಿರುವ ಇ-ಮೇಲ್ ಅನ್ನು ಪರಿಶೀಲಿಸಲಾಗುತ್ತಿದೆ ಎಂದು ಎನ್ಐಎ ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ. <br /> <br /> ಬಾಂಬ್ ಸ್ಫೋಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಹತ್ವದ ಸುಳಿವು ನೀಡುವವರಿಗೆ ಐದು ಲಕ್ಷ ರೂಪಾಯಿ ನಗದು ಬಹುಮಾನವನ್ನು ಎನ್ಐಎ ಗುರುವಾರ ಘೋಷಿಸಿದೆ.<br /> <br /> `ಹುಜಿ~ ಹೆಸರಿನಲ್ಲಿ ಬಂದಿರುವ ಇ- ಮೇಲ್ ಜಮ್ಮು- ಕಾಶ್ಮೀರದ ಕಿಸ್ತ್ವರ್ ಜಿಲ್ಲೆ `ಸೈಬರ್ ಕೆಫೆ~ ಒಂದರಿಂದ ಕಳುಹಿಸಲಾಗಿದೆ ಎಂದು ಪತ್ತೆ ಹಚ್ಚಿರುವ ತನಿಖಾ ದಳ ಅಂಗಡಿ ಮಾಲೀಕ ಸೇರಿದಂತೆ ಮೂವರನ್ನು ವಶಕ್ಕೆ ತೆಗೆದುಕೊಂಡು ಪ್ರಶ್ನಿಸುತ್ತಿದೆ. <br /> <br /> ಸ್ಫೋಟದ ಶಂಕಿತರು ಬಳಸಿದ್ದಾರೆನ್ನಲಾದ ಪಟ್ನಾ ಮೂಲದ ಕಾರಿನ ಮಾಲೀನಿಗಾಗಿ ಹುಡುಕಾಟ ನಡೆದಿದೆ. ಕಾರು ಮಾಲೀಕನ ಮುಖ ಚಹರೆ ಪೊಲೀಸರು ಬಿಡುಗಡೆ ಮಾಡಿರುವ ರೇಖಾಚಿತ್ರ ಹೋಲುತ್ತಿದೆ. ಈ ಕಾರನ್ನು ಫರೀದಾಬಾದ್ ಬಳಿ ಪತ್ತೆ ಮಾಡಲಾಗಿದೆ.<br /> <br /> ಉತ್ತರ ಪ್ರದೇಶದಲ್ಲೂ ಆರೋಪಿ ರೇಖಾಚಿತ್ರ ಹೋಲುವ ವ್ಯಕ್ತಿಯೊಬ್ಬನನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ. ಅಲ್ಲದೆ, ಕಳುವು ಮಾಡಿದ ಎಟಿಎಂ ಕಾರ್ಡ್ ಬಳಸಲು ಯತ್ನಿಸಿದ ಆರೋಪದ ಮೇಲೆ ಬಂಧಿತನಾದ ಬಿಹಾರ ಮೂಲದ ಮತ್ತೊಬ್ಬ ಆರೋಪಿಯನ್ನು ಎನ್ಐಎ ಪ್ರಶ್ನಿಸುತ್ತಿದೆ. <br /> <br /> ಈ ಮಧ್ಯೆ, ಗಾಯಗೊಂಡವರ ಪೈಕಿ ಮತ್ತಿಬ್ಬರು ಮೃತಪಟ್ಟಿದ್ದಾರೆ. ಇದರೊಂದಿಗೆ ಮೃತರ ಸಂಖ್ಯೆ 13ಕ್ಕೆ ಏರಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ: </strong>ರಾಜಧಾನಿಯ ಆತಂಕ ಹೆಚ್ಚಿಸಿರುವ `ಹೈಕೋರ್ಟ್ ಬಾಂಬ್ ಸ್ಫೋಟ~ಕ್ಕೆ ಸಂಬಂಧಿಸಿದಂತೆ ಯಾವುದೇ ಖಚಿತ ಸುಳಿವು ರಾಷ್ಟ್ರೀಯ ತನಿಖಾ ದಳ (ಎನ್ಐಎ) ಕ್ಕೆ ಸಿಗದಿರುವುದರಿಂದ ತನಿಖೆಯಲ್ಲಿ ಹೇಳಿಕೊಳ್ಳುವಂಥ ಪ್ರಗತಿ ಆಗಿಲ್ಲ. ಕೇವಲ ಸಂಶಯದ ಆಧಾರದ ಮೇಲೆ ಆರೋಪಿಗಳ ಜಾಡು ಹಿಡಿಯಲು ತನಿಖಾ ತಂಡ ತೀವ್ರ ಕಸರತ್ತು ನಡೆಸುತ್ತಿದೆ.<br /> <br /> ಸ್ಫೋಟದ ಹೊಣೆ ಹೊತ್ತಿರುವ ಬಾಂಗ್ಲಾ ಮೂಲದ `ಹರ್ಕತ್-ಉಲ್ ಜಿಹಾದಿ~ (ಹುಜಿ) ಕಳುಹಿಸಿದೆ ಎನ್ನಲಾದ ಇ-ಮೇಲ್ಗೆ ಸಂಬಂಧಿಸಿದಂತೆ ಕಾಶ್ಮೀರದ ಮೂವರನ್ನು ತನಿಖಾ ತಂಡ ವಶಪಡಿಸಿಕೊಂಡಿರುವ ಬೆನ್ನಲ್ಲೇ, ಹೈಕೋರ್ಟ್ ಘಟನೆಗೆ ತಾನು ಹೊಣೆ ಎಂದು `ಇಂಡಿಯನ್ ಮುಜಾಹಿದ್ದೀನ್~ (ಐಎಂ) ಹೆಸರಿನಲ್ಲಿ ಹೊಸ ಇ-ಮೇಲ್ ರವಾನೆ ಆಗಿದೆ.<br /> <br /> ಮುಂದಿನ ಬುಧವಾರ ದೆಹಲಿ `ಮಾಲ್~ ಸ್ಫೋಟಿಸುವುದಾಗಿ ಈ ಇ-ಮೇಲ್ನಲ್ಲಿ ಎಚ್ಚರಿಕೆ ನೀಡಲಾಗಿದೆ. ಹೊಸದಾಗಿ ಬಂದಿರುವ ಇ-ಮೇಲ್ ಅನ್ನು ಪರಿಶೀಲಿಸಲಾಗುತ್ತಿದೆ ಎಂದು ಎನ್ಐಎ ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ. <br /> <br /> ಬಾಂಬ್ ಸ್ಫೋಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಹತ್ವದ ಸುಳಿವು ನೀಡುವವರಿಗೆ ಐದು ಲಕ್ಷ ರೂಪಾಯಿ ನಗದು ಬಹುಮಾನವನ್ನು ಎನ್ಐಎ ಗುರುವಾರ ಘೋಷಿಸಿದೆ.<br /> <br /> `ಹುಜಿ~ ಹೆಸರಿನಲ್ಲಿ ಬಂದಿರುವ ಇ- ಮೇಲ್ ಜಮ್ಮು- ಕಾಶ್ಮೀರದ ಕಿಸ್ತ್ವರ್ ಜಿಲ್ಲೆ `ಸೈಬರ್ ಕೆಫೆ~ ಒಂದರಿಂದ ಕಳುಹಿಸಲಾಗಿದೆ ಎಂದು ಪತ್ತೆ ಹಚ್ಚಿರುವ ತನಿಖಾ ದಳ ಅಂಗಡಿ ಮಾಲೀಕ ಸೇರಿದಂತೆ ಮೂವರನ್ನು ವಶಕ್ಕೆ ತೆಗೆದುಕೊಂಡು ಪ್ರಶ್ನಿಸುತ್ತಿದೆ. <br /> <br /> ಸ್ಫೋಟದ ಶಂಕಿತರು ಬಳಸಿದ್ದಾರೆನ್ನಲಾದ ಪಟ್ನಾ ಮೂಲದ ಕಾರಿನ ಮಾಲೀನಿಗಾಗಿ ಹುಡುಕಾಟ ನಡೆದಿದೆ. ಕಾರು ಮಾಲೀಕನ ಮುಖ ಚಹರೆ ಪೊಲೀಸರು ಬಿಡುಗಡೆ ಮಾಡಿರುವ ರೇಖಾಚಿತ್ರ ಹೋಲುತ್ತಿದೆ. ಈ ಕಾರನ್ನು ಫರೀದಾಬಾದ್ ಬಳಿ ಪತ್ತೆ ಮಾಡಲಾಗಿದೆ.<br /> <br /> ಉತ್ತರ ಪ್ರದೇಶದಲ್ಲೂ ಆರೋಪಿ ರೇಖಾಚಿತ್ರ ಹೋಲುವ ವ್ಯಕ್ತಿಯೊಬ್ಬನನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ. ಅಲ್ಲದೆ, ಕಳುವು ಮಾಡಿದ ಎಟಿಎಂ ಕಾರ್ಡ್ ಬಳಸಲು ಯತ್ನಿಸಿದ ಆರೋಪದ ಮೇಲೆ ಬಂಧಿತನಾದ ಬಿಹಾರ ಮೂಲದ ಮತ್ತೊಬ್ಬ ಆರೋಪಿಯನ್ನು ಎನ್ಐಎ ಪ್ರಶ್ನಿಸುತ್ತಿದೆ. <br /> <br /> ಈ ಮಧ್ಯೆ, ಗಾಯಗೊಂಡವರ ಪೈಕಿ ಮತ್ತಿಬ್ಬರು ಮೃತಪಟ್ಟಿದ್ದಾರೆ. ಇದರೊಂದಿಗೆ ಮೃತರ ಸಂಖ್ಯೆ 13ಕ್ಕೆ ಏರಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
